نازار اۋدارىڭىز! الداعى بىرنەشە كۇندە سۋىق اعىس كىرەدى
2021.02.24 13:03 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گاۋ جيڭ 2 – ايدىڭ 23 – كۇنى بەيجيڭنەن حابارلايدى. جۋىردان بەرى اۋا رايى قۇبىلمالى بولدى، بىرنەشە كۇننىڭ الدىندا قىسقا جەڭدى كيىم كيۋدى ويلاپ جۇرگەن جۇرت، سۋىق اعىس كەلگەن سوڭ قالىڭ شاپاندارىن قايتا كيدى. ورتالىق اۋا رايى ستانسياسىنىڭ بولجامىنا قاراعاندا، الداعى بىرنەشە كۇندە سۋىق اعىس ۇزدىكسىز كۇشەيىپ، ەلىمىزدىڭ باسىم كوپ ءبولىم وڭىرلەرىنە ىقپال جاسايدى.
2 – ايدىڭ 23 – كۇنى حەيلۇڭجياڭنىڭ شىعىس سولتۇستىگى، بەيجيڭ، تيانجين، حىبەيدىڭ ورتا بولىگى، سانشيدىڭ ورتا بولىگى، حۋاڭحى – حۋايحى ءوڭىرىنىڭ ورتا – باتىس بولىگى، چاڭجياڭ – حۋايحى ءوڭىرى، چاڭجياڭ – حانجياڭ ءوڭىرى، چاڭجياڭنىڭ وڭتۇستىگىنىڭ سولتۇستىك بولىگى قاتارلى جەرلەردە تەمپەراتۋرا 4 گرادۋستان 8 گرادۋسقا دەيىن تومەندەگەن، حۋبەيدىڭ ورتا بولىگى، شاڭحاي، جىجياڭنىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە تەمپەراتۋرانىڭ تومەندەۋ مولشەرى 12 گرادۋستان 15 گرادۋسقا جەتكەن.
سول كۇنى بەيجيڭنىڭ سولتۇستىك بولىگى، تيانجيننىڭ سولتۇستىك بولىگى، شينجياڭنىڭ باتىس سولتۇستىگى قاتارلى جەرلەردىڭ ءىشىنارا ورىندارىندا قىرباق قار نەمەسە ورتاشا دارەجەدە قار جاۋدى؛ سىچۋاننىڭ شىعىس سولتۇستىگى، چۇڭچيڭنىڭ سولتۇستىگى، حۋبەيدىڭ باتىس وڭتۇستىگى قاتارلى جەرلەردىڭ ءىشىنارا ورىندارىندا از مولشەردەن ورتاشا مولشەرگە دەيىن جاڭبىر جاۋدى، ءىشىنارا جەرلەردە قالىڭ جاڭبىر جاۋدى.
ورتالىق اۋا رايى ستانسياسىنىڭ بولجامىنا قاراعاندا، 2 – ايدىڭ 24 – كۇنىنەن 26 – كۇنىنە دەيىن، باتىس سولتۇستىكتەگى وڭىرلەردىڭ شىعىس بولىگىندە، سولتۇستىك جۇڭگونىڭ وڭتۇستىك بولىگىندە قىرباق قار دارەجەسىنەن ورتاشا دارەجەگە دەيىن قار جاۋادى نەمەسە قار ارالاس جاڭبىر جاۋادى، تەڭىز دەڭگەيىنەن بيىكتىگى جوعارى وڭىرلەردە قالىڭ قار جاۋادى، ءىشىنارا جەرلەردە ەرەكشە قالىڭ قار جاۋادى؛ حۋاڭحى – حۋايحى ءوڭىرى مەن وسى ءوڭىردىڭ وڭتۇستىگىندەگى باسىم كوپ جەرلەردە از مولشەردەن ورتاشا مولشەرگە دەيىن جاڭبىر جاۋادى، ءىشىنارا جەرلەردە قالىڭ جاڭبىر جاۋادى.
نازار اۋدارۋعا تاتيتىنى، وسى رەتكى سۋىق اعىس وتكەن سوڭ، 2 – ايدىڭ 25 – كۇنىنەن باستاپ، جاڭا كەزەكتى سۋىق اعىس بەلگى بەرەدى.
بولجامعا قاراعاندا، 2 – ايدىڭ 25 – كۇنىنەن باستاپ، كۇشتى سۋىق اعىس شينجياڭنان باستالىپ، باتىستان شىعىسقا قاراي ەلىمىزدىڭ باسىم كوپ ءبولىم وڭىرىنە ىقپال جاسايدى. 2 – ايدىڭ 25 – كۇنىنەن 26 – كۇنىنە دەيىن، شينجياڭنىڭ باتىسى مەن سولتۇستىگىندە از مولشەردەن ورتاشا مولشەرگە دەيىن قار جاۋادى، تاۋلى وڭىرلەردى بويلاي ءىشىنارا جەرلەردە قالىڭ قار نەمەسە ەرەكشە قالىڭ قار جاۋادى، تاۋ كەزەڭدەرىندە جەل كۇشى 9 بالدان 11 بالعا جەتەدى، اۋا تەمپەراتۋراسى 8 گرادۋستان 12 گرادۋسقا دەيىن تومەندەيدى، ءىشىنارا جەرلەردە 14 گرادۋستان اسا تومەندەيدى.
وسى رەتكى سۋىق اعىستىڭ شىعىسقا قاراي ويىسۋىنىڭ ىقپالىنا ۇشىرايتىندىقتان، 2 – ايدىڭ 27 – كۇنىنەن باستاپ، ورتا، شىعىس بولىك وڭىرلەردە تەمپەراتۋرا كەڭ كولەمدە تومەندەيدى.
اۋا رايى ماماندارى مىنانى ەسكەرتەدى: وسى مەزگىلدە، وتە – موتە، تاڭەرتەڭ جانە كەشتە اۋا تەمپەراتۋراسىنىڭ پارقى وتە زور بولادى، ونىڭ ۇستىنە جەل كوپ سوعىپ، دەنەدەگى ەنەرگيانىڭ سارىپ بولۋى تەزدەيتىندىكتەن، تىپتەن سۋىق سەزىلۋى مۇمكىن. وسى مەزگىلدە اۋا رايىنىڭ جاعدايىنا قاراي كيىنبەسە، ءتۇرلى اۋرۋلارعا شالدىعۋ مۇمكىندىگى ارتادى، جۇرتشىلىقتىڭ اۋا رايى وزگەرىسىنە نازار اۋدارىپ، دەر كەزىندە قالىڭ كيىنگەنى ابزال.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
