جاڭا تيپتى ايدارشا ۆيرۋس وكپە قابىنۋىنان قايتىس بولعاندار 500 مىڭعا جەتتى!

ا ق ش تۋدى جارتىلاي ءتۇسىرىپ ازا ءبىلدىردى

2021.02.24 16:03   كەلۋ قاينارى : حالىق تورابى

　　شينحۋا اگەنتتىگىنىڭ 2 - ايدىڭ 23 - كۇنى ۆاشينگتوننان بەرگەن حابارى. ا ق ش دجون حوپكينس داشۋەسىنىڭ 2 - ايدىڭ 22 - كۇنى جيناقتاعان ساندى مالىمەتىندە كورسەتىلۋىنشە، ا ق ش - نىڭ شىعىس بولىك ۋاقىتى بويىنشا 2 - ايدىڭ 22 - كۇنى ساعات 16دان 24 مينۋت وتكەنگە دەيىن (بەيجيڭ ۋاقىتى 2 - ايدىڭ 23 - كۇنى ساعات 5تەن 24 مينۋت)، ا ق ش - ىندا جاڭا تيپتى ايدارشا ۆيرۋس وكپە قابىنۋ ىندەتىنەن قايتىس بولعاندار سانى 500 مىڭنان اسىپ، 500071 ادام بولدى، بۇل دۇنيە جۇزىلىك ءبىرىنشى سوعىس، ەكىنشى سوعىس جانە ۆيەتنام سوعىسى مايدانىندا قازا بولعان ا ق ش - تىقتاردىڭ جالپى سانىنان اسىپ كەتتى.

　　ا ق ش اقسارايى سول كۇنى بالاۋىز شام رەسمىن وتكىزىپ، جاڭا تيپتى ايدارشا ۆيرۋس وكپە قابىنۋىنان قايتىس بولعاندارعا ازا ءبىلدىردى، ا ق ش - نىڭ زۇڭتۇڭى بايدەن جۇبايىمەن جانە ورىنباسار زۇڭتۇڭ حاليەسپەن بىرگە سۋىقتا ءۇنسىز ازا ءبىلدىردى.
2 - ايدىڭ 22 - كۇنى ءتۇن شىمىلدىعىن جاۋىپ، اقسارايدىڭ وڭتۇستىك ەسىگىنىڭ كىرەبەرىسى مەن ەكى جاعىنداعى باسپالداقتا 500دەن استام اق ءتۇستى بالاۋىز شام جاعىلدى، قاقاعان ايازدا جالتىلداعان بالاۋىز شام كوزدىڭ جاسىنداي كورىندى.

　　ازا ءبىلدىرۋدىڭ الدىندا، بايدەن ءسوز سويلەپ ا ق ش بۇقاراسىن وسى ءبىر «جاپادان - جالعىز اقتىق دەمى ۇزىلگەن» جاندارعا ازا بىلدىرۋگە شاقىردى. ول بىلاي دەدى: ولاردىڭ ءولىمى جاقىندارىنىڭ «جۇرگىندەگى قارا ۇڭگىرگە اينالدى». ىندەتتىڭ جالعاسقانىنا ۇزاق ۋاقىت بولعانىمەن، « تراگەدياعا بوي الدىرماۋىمىز كەرەك..... ٵربىر جان يەسىنە ساندى مالىمەت رەتىندە قاراۋعا، ءبىر ءتۇرلى كومەس ۇعىم رەتىندە قارۋعا، نەمەسە جاڭالىق رەتىندە قاراۋعا ءسوزسىز تيىم سالۋىمىز كەرەك.»

　　سول كۇنى تۇستەن كەيىن بايدەن زۇڭتۇڭ حابارلاندىرۋىن جاريالاپ، ا ق ش تەرريتورياسىنىڭ ءىشى – سىرتىنداعى بارلىق فەدەرالدىق قۇرىلىستار مەن اسكەري قۇرىلعىلار 5 كۇن جارتىلاي تۋ ءتۇسىرىپ، جاڭا تيپتى ايدارشا ۆيرۋس وكپە قابىنۋىنان قازا بولعاندارعا ازا بىلدىرۋگە جارلىق ءتۇسىردى.

　　ا ق ش ۇكىمەتى 2020 - جىلى 1 - ايدىڭ 21 - كۇن تۇڭعىش رەت جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستى جاريالاعان، 2 - ايدىڭ 29 - كۇنى تۇڭعىش رەت جاڭا تيپتى ايدارشا ۆيرۋس وكپە قابىنۋ ىندەتىنەن قايتىس بولعان ناۋقاستى جاريالاعان. ءبىر جىلدان بەرى، ا ق ش - نىڭ ىندەت جاعدايى جاز ماۋسىمىنداعى، كۇز - قىس ماۋسىمىنداعى، دەمالىس ماۋسىمىنداعى سياقتى كوپتەگەن «شۇعىل ورلەۋدى» باستان وتكىزىپ، ىندەت جاعدايىنىڭ وزەكتى كورسەتكىشى كوپ رەت الەمدىك رەكوردتاردى جاراتتى.

　　جۋىردا عانا ىندەت جاعدايىندا باسەڭدەۋ بەلگىسى بايقالدى، دياگنوز قويىلعان ، قايتىس بولعان، شيپاحانادا جاتقان ناۋقاس سانى كورنەكتى تومەندەدى.

　　كەلۋ قاينارى: حالىق تورابى