بۇراتالا وبلىستىق حالىق ۇكىمەتى پارتگرۋپپاسىنىڭ بۇرىنعى مۇشەسى، وبلىس باستىعىنىڭ بۇرىنعى ورىنباسارى لي شينگۋاڭ تارتىپكە، زاڭعا اۋىر دارەجەدە قايشىلىق جاساعاندىقتان پارتيادان ايدالىپ، ۇكىمەت قىزمەتىنەن قالدىرىلدى
2021.02.26 16:23 كەلۋ قاينارى : حالىق تورابى
جۋىردا، شينجياڭ ۇيعۇر اۆتونوميالى رايوندىق پارتكومنىڭ بەكىتۋىمەن، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇراتالا وبلىستىق حالىق ۇكىمەتى پارتگرۋپپاسىنىڭ بۇرىنعى مۇشەسى، وبلىس باستىعىنىڭ بۇرىنعى ورىنباسارى لي شينگۋاڭنىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى لي شينگۋاڭ مۇرات - سەنىمىنەن ايرىلىپ، اۋەلگى ماقساتتان، بورىشتان بەزىپ، ارام اقشانى، ارام زاتتاردى جوتكەگەن، جاسىرعان، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ٵدىل اتقارۋعا ىقپال جەتكىزەتىن تارتۋ - تارالعىنى، سيعا بەرىلگەن اقشانى، تۇتىنۋ كارتوچكاسىن العان، تۇرمىستىق قامتاماسىزداندىرۋ تۇزىمىنە، بەلگىلەمەگە قايشىلىق جاساپ كادرلاردىڭ تۇرعىن ۇيىنەن يگىلىكتەنگەن، ۇكىمەت قىزمەتىن ٵدىل اتقارۋعا ىقپال جەتكىزەتىن ساياحات، كوڭىل اشۋ قيمىلدارىن قابىلداعان، ولشەمنەن اسىرىپ قاتىناس قۇرالىنا وتىرعان، بەلگىلەمەگە قايشىلىق جاساپ بينا سالدىرعان، قالا - اۋىل قۇرىلىسىندا فورماشىلدىققا، تورەشىلدىككە سالىنعان؛ ۇيىم سويلەسكەندە، حات ارقىلى سۇراستىرعاندا ماسەلەسىن شىنايى ايتپاعان؛ ٶزى تولەۋگە ءتيىستى اقشاسىن باسقالارعا تولەتكەن، قىزمەت ىقپالىنان پايدالانىپ تۋىس - تۋعاندارىنا پايدا جەتكىزگەن، ەشقانداي ءمورالدىق شەك قالماعان، ۇقىعىنان پايدالانىپ ۇقىق – زينا ايىرباسىن ىستەگەن؛ شەكتەن اسىپ، قولىنداعى ۇقىعىن ساۋدالاسۋ قۇرالى ەتىپ، ينجەنەريانى كوتەرەگە بەرۋ، كاسىپورىنداردىڭ تيجاراتى سياقتى جاقتاردا باسقالارعا پايدا جەتكىزىپ، ەرەكشە مول مال - مۇلىكتى جيناعان، زاڭسىز العان.
لي شينگۋاڭ ساياسي تارتىپكە، ۇيىمدىق پارتىپكە، پاكتىك تارتىبىنە، قىزمەت تارتىبىنە، تۇرمىستىق تارتىپكە اۋىر دارەجەدە قايشىلىق جاساعان، قىزمەتتە زاڭعا اۋىر دارەجەدە قايشىلىق جاساۋ ٵرى پارا الۋ قىلمىسىن قالىپتاستىرعان، ونىڭ ۇستىنە پارتيانىڭ 19 - قۇرىلتايىنان كەيىن دە تىزگىنىن تارتپاعان، قولىن تيماعان، سيپاتى اۋىر، ىقپالى ناشار بولىپ، قاتاڭ ءبىر جاقتىلى ەتىلۋى كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك جازا زاڭى» قاتارلى قاتىستى بەلگىلەمەلەرگە نەگىزدەلىپ، شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىسىنىڭ زەرتتەۋى ٵرى شينجياڭ ۇيعۇر اۆتونوميالى رايوندىق پارتكومگە جولداپ بەكىتتىرۋ ارقىلى وعان پارتيادان ايداۋ جازاسىن بەرۋدى ۇيعاردى، شينجياڭ ۇيعۇر اۆتونوميالى رايوندىق باقىلاۋ - تەكسەرۋ كوميتەتى وعان ۇكىمەت قىزمەتىنەن ايداۋ جازاسىن بەردى؛ شينجياڭ ۇيعۇر اۆتونوميالى رايوندىق 9 - كەزەكتى پارتيا قۇرىلتايىنىڭ ۋاكىلدىگى تولىمدىلىعىن كۇشىنەن قالدىردى؛ تارتىپكە، زاڭعا قايشى تابىسى تاركىلەندى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ، وعان ساياتىن مال - مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
