بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى بەيجيڭدە سالتاناتپەن وتكىزىلدى

شي جينپيڭ كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىنىڭ يەگەرلەرىنە سيلىق تاراتتى ءارى ماڭىزدى ءسوز سويلەدى

لي كىچياڭ جينالىستى باسقاردى، ۋاڭ ياڭ ماداقتاۋ - سيلاۋ ۇيعارىمىن وقىدى، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى

2021.02.26 17:38     كەلۋ قاينارى : حالىق تورابى


  «حالىق گازەتى»، 2 - ايدىڭ 25 - كۇنى، بەيجيڭ. كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى 2 - ايدىڭ 25 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىنىڭ يەگەرلەرىنە سيلىق تاراتتى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى الاتىن ماڭىزدى ساتتە ەلىمىزدىڭ كەدەيلىكتەن ارىلتۋدان قامال الۋ شايقاسى جاپپاي جەڭىسكە جەتتى، قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي حالىق سانى تۇگەلدەي كەدەيلىكتەن ارىلدى، 832 كەدەي اۋداننىڭ كەدەيلىك قالپاعى تۇگەلدەي الىپ تاستالدى، 128 مىڭ كەدەي قىستاق تۇگەلدەي كەدەيلىك قاتارىنان شىعارىلدى، وڭىرلىك تۇلعالىق كەدەيلىك شەشىلدى، مۇلدەم كەدەيلىكتى جويۋ سىندى جاپالى مىندەت ورىندالىپ، تاريحقا ماڭگى وشپەستەي بولىپ جازىلاتىن تاعى ءبىر كەرەمەت جاراتىلدى! بۇل − جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى.

  شي جينپيڭ بىلاي دەپ دارىپتەدى: ۇلى ءىس ۇلى رۋحتى سومدايدى، ۇلى رۋح ۇلى ىسكە جەتەكشىلىك ەتەدى. كەدەيلىكتەن ارىلتۋدان قامال الۋ ۇلى كۇرەسى «جوعارىدان تومەنگە دەيىن ءبىر نيەت، ءبىر تىلەكتە بولۋ، بار كۇشپەن شايقاسقا شىعۋ، دالمە - ءدال ناقتى ءىس ىستەۋ، ءورىس اشا جاڭالىق اشۋ، قامال الىپ، قيىنشىلىقتاردى جەڭۋ، حالىقتىڭ ءۇمىتىن اقتاۋ» سىندى كەدەيلىكتەن ارىلتۋدان قامال الۋ رۋحىن سومدادى جانە قالىپتاستىردى. كەدەيلىكتەن ارىلتۋدان قامال الۋ رۋحى − جۇڭگو كوممۋنيستىك پارتياسىنىڭ سيپاتى مەن تۇپكى ماقساتىنىڭ، جۇڭگو حالقىنىڭ ەرىك - جىگەرىنىڭ، جۇڭحۋا ۇلتى رۋحىنىڭ جاندى بەينەسى، وتانشىلدىق، كوللەكتيۆشىلدىك، سوتسياليزم يدەياسىنىڭ شوعىرلى بەينەسى، جۇڭگو رۋحىنىڭ، جۇڭگو قۇنىنىڭ، جۇڭگو كۇشىنىڭ تولىق ايگىلەنۋى، ۇلى ۇلتتىق رۋح پەن ءداۋىر رۋحىنىڭ ۇزدىكسىز جالعاستىرىلۋى. بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن بارىنشا ساۋلەلەندىرىپ، ءبىر نيەتپەن ىنتىماقتاسىپ، ەرلىكپەن كۇرەس جۇرگىزىپ، العا باسۋ جولىنداعى بارلىق قيىنشىلىق پەن حاۋىپ - قاتەردى باتىل جەڭىپ، جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋى كەرەك.

  لي كىچياڭ جينالىستى باسقاردى، ۋاڭ ياڭ ماداقتاۋ - سيلاۋ ۇيعارىمىن وقىدى، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.

  حالىق سارايىنىڭ ۇلكەن زالى ايبىندى دا دۋماندى بەينەگە شومدى. ءتوراعالار مىنبەسىنىڭ جوعارعى جاعىنا «كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسى» دەگەن جينالىس بەلگىسى ىلىنگەن، ارتقى پەردەنىڭ ءدال ورتاسىنا جۇڭحۋا حالىق رەسپۋبليكاسىنىڭ جارقىراعان مەملەكەت گەربى ءىلىنىپ، ەكى جاعىنا بەستەن نارت قىزىل تۋ قويىلعان. 2 - قاباتتاعى تەكشەگە: «شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەسەيىك!» دەگەن ۇران ءسوزى جازىلعان.

  ساعات 10 نان 30 مينۋت وتكەندە جينالىس باستالدى. ازاتتىق ارميانىڭ اسكەري وركەسترى «ەرىكتىلەر مارىشىن» ورىندادى، بۇكىل زالداعىلار ورىندارىنان تۇرىپ، مەملەكەت گيمىنىن اسقاقتاتا شىرقادى.

  ۋاڭ ياڭ «ج ك پ ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىن بەرۋ جونىندەگى ۇيعارىمىن» وقىدى. ۇيعارىمدا مىنالار اتاپ كورسەتىلدى: وزاتتاردى سالتاناتپەن ماداقتاۋ - سيلاۋ، شابىتتاندىرۋ، ۇلتتىق رۋحتى، ءداۋىر رۋحىن جانە كەدەيلىكتەن ارىلتۋدان قامال الۋ رۋحىن بارىنشا ساۋلەلەندىرۋ، بۇكىل پارتيانىڭ، بۇكىل ەلدەگى ءار ۇلت حالقىنىڭ ءىس تىندىرىپ، يگىلىك جاراتۋ جاۋاپكەرلىك سەزىمىن، بورىشتىلىق سەزىمىن، داڭق سەزىمىن تولىق تاسقىنداتۋ، اناعۇرلىم قۇدىرەتتى كۇش توپتاپ، جاپپاي سوتسياليستىك وسىزاماندانعان مەملەكەت قۇرۋدى ىلگەرىلەتۋ ءۇشىن، پارتيا ورتالىق كوميتەتى، مەملەكەتتىك كەڭەس ماۋ شياڭلين قاتارلى 10 جولداسقا، حىبەي ولكەسى سايحانبا ماشينا ورمان الاڭى سياقتى 10 كوللەكتيۆكە «كەدەيلىكتەن ارىلتۋدان قامال الۋداعى مەملەكەتتىك ۇلگىلەر» داڭق اتاعىن بەرۋدى ۇيعاردى.

  «وتانىمىزدىڭ قاھارماندارىنا قۇرمەت بىلدىرەيىك» اتتى ايبىندى مۋزىكا ءۇنى ىشىندە شي جينپيڭ كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىن العاندارعا ءبىر - بىرلەپ مەدال، كۋالىك جانە سيلىق تاقتاسىن بەردى ءارى ولاردى قۇتتىقتادى. زالدان دۇركىن - دۇركىن دۋ قول شاپالاق ءۇنى كوتەرىلدى.

  ۋاڭ ياڭ «ج ك پ ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىن بەرۋ جونىندەگى ۇيعارىمىن» وقىدى.

  شي جينپيڭ قاتارلىلار ماداقتالىپ - سيلانعان جەكەلەر مەن كوللەكتيۆتەردىڭ ۋاكىلدەرىنە سيلىق تاراتتى.

  بۇكىل زالدى دۋ قول شاپالاق ءۇنى كەرنەگەن ساتتە شي جينپيڭ ماڭىزدى ءسوز سويلەدى.

  شي جينپيڭ الدىمەن پارتيا ورتالىق كوميتەتى اتىنان ماداقتالىپ - سيلانعان وزات جەكەلەر مەن وزات كوللەكتيۆتەردى قىزۋ قۇتتىقتادى. كەدەيلىكتەن ارىلتۋدان قامال الۋعا ۇلەس قوسقان ءار دارەجەلى پارتيا، ۇكىمەت، ارميا ورگاندارى مەن كاسىپورىن، ءىسورىندارعا، اۋىل - قىستاقتاعى قالىڭ نەگىزگى ساتى ۇيىمدارىنا جانە پارتيا مۇشەلەرىنە، كادرلارعا، بۇقاراعا، قىستاقتا تۇراتىن ءبىرىنشى شۋجيلەر مەن قىزمەت اترەتتەرىنە، ەرىكتىلەرگە، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، حالىقتىق ۇيىمدارعا، سونداي - اق قوعامنىڭ ءار سالاسىنا وسكەلەڭ قۇرمەت ءبىلدىردى. كەدەيلىكتەن ارىلتۋدان قامال الۋعا بەلسەنە ات سالىسقان جانە قولداۋ كورسەتكەن شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا، سونداي - اق شەتەلدەگى مۇھاجىر باۋىرلاستارعا، جۇڭگونىڭ كەدەيلەردى ازايتۋ ىستەرىنە كوڭىل بولگەن جانە كومەكتەسكەن ءار ەل ۇكىمەتىنە، حالىقارالىق ۇيىمدارعا، شەتەلدىك دوستارعا شىن جۇرەكتەن العىس ايتتى.

  شي جينپيڭ بىلاي دەپ اتاپ كورسەتتى: كەدەيلىك − ادامزات قوعامىنداعى اسقىنعان دەرت. كەدەيلىككە قارسى اتتانۋ باستان - اياق ەرتە زاماننان قازىرگى زامانعا دەيىنگى جۇڭگو مەن شەت ەلدەردىڭ مەملەكەتتى باسقارىپ، ەلدى الاڭسىز ەتۋىندەگى ءىرى ءىس بولىپ كەلەدى. جۇڭگو تاريحى − جۇڭحۋا ۇلتىنىڭ كەدەيلىكپەن كۇرەس جۇرگىزۋ تاريحى. جۇڭگو كوممۋنيستىك پارتياسى قۇرىلعان كۇننەن باستاپ جۇڭگو حالقىنىڭ باقىتىن كوزدەۋدە، جۇڭحۋا ۇلتىنىڭ گۇلدەنۋىن كوزدەۋدە تاباندى بولۋدى اۋەلگى ماقسات، بورىش ەتىپ، جۇڭگو حالقىن ىنتىماقتاستىرىپ جانە باستاپ، جۇڭگو حالقىنا تاماشا تۇرمىس جاراتۋ جولىندا ۇزاق ۋاقىت جاپالى كۇرەس جۇرگىزدى. جاڭا جۇڭگو قۇرىلعاننان كەيىن پارتيا حالىقتى ىنتىماقتاستىرىپ جانە باستاپ، سوتسياليستىك توڭكەرىستى ورىنداپ، سوتسياليستىك نەگىزگى ءتۇزىمدى ورناتىپ، سوتسياليستىك قۇرىلىستى ىلگەرىلەتىپ، حالىقتى ءوز كۇشىنە سۇيەنىپ ءومىر سۇرۋگە، قايراتتانا العا ۇمتىلۋعا، تاۋ - وزەندەردى قايتا رەتكە سالۋعا ۇيىمداستىرىپ، كەدەيلىكتەن ارىلۋعا، حالىق تۇرمىسىن جاقسارتۋعا بەرىك نەگىز قالادى. رەفورما جاساپ، ەسىك اشقاننان بەرى پارتيا حالىقتى ىنتىماقتاستىرىپ جانە باستاپ، كەدەيلەردى سۇيەمەلدەۋ، وركەندەتۋ ءىسىن كەڭ كولەمدى، جوسپارلى، ۇيىمدى تۇردە جۇرگىزىپ، قوعامدىق وندىرگىش كۇشتەردى كۇش سالا ازات ەتىپ جانە دامىتىپ، حالىق تۇرمىسىن كۇش سالا قامتاماسىزداندىرىپ جانە جاقسارتىپ، بۇرىن بولىپ كورىلمەگەن ۇلى تابىستارعا قول جەتكىزدى. پارتيانىڭ 18 - قۇرىلتايىنان بەرى پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام قۇرۋدىڭ تومەنگى شەك مىندەتى ەتىپ، كەدەيلىكتەن ارىلتۋدان قامال الۋدىڭ ايبىندى حالىقتىق شايقاسىن ۇيىمداستىرىپ ورىستەتتى. 8 جىلدان بەرى پارتيا مەن حالىق تار جول، تايعاق كەشۋلەردەن ءوتىپ، بوران - شاشىندى باستان كەشىرىپ، شەگە قاعۋ رۋحىن ساۋلەلەندىرىپ، قيىن تۇيىندەردى شەشۋگە باتىل بولىپ، كەدەيلىكتىڭ ىشىندەگى كەدەيلىكتى، قامالدىڭ ىشىندەگى قامالدى تالقانداپ، كەدەيلىكتەن ارىلتۋدان قامال الۋدا كەلەلى تاريحي جەتىستىكتەرگە قول جەتكىزدى. اۋىل - قىستاقتاعى كەدەيلەر تۇگەلدەي كەدەيلىكتەن ارىلىپ، جاپپاي دوڭگەلەك داۋلەتتى قوعام قۇرۋ نىسانالىق مىندەتىن جۇزەگە اسىرۋعا شەشۋشى ۇلەس قوستى؛ كەدەيلىكتەن ارىلعان وڭىرلەردىڭ ەكونوميكالىق، قوعامدىق دامۋىندا ارشىندى قاداممەن العا باسۋ جاعدايى جارىققا شىعىپ، جالپى تۇلعالىق بەت - بەينەسىندە تاريحي زور وزگەرىس تۋىلدى؛ كەدەيلىكتەن ارىلعان بۇقارانىڭ رۋحاني بەت - بەينەسى شىت جاڭا تۇسكە ەنىپ، ءوز كۇشىنە سۇيەنىپ ءوزىن الۋەتتەندىرۋ سەنىمى مەن باتىلدىعى نىعايدى؛ پارتيا مەن بۇقارانىڭ، كادرلار مەن بۇقارانىڭ قاتىناسى كورنەكتى جاقسارىپ، پارتيانىڭ اۋىل - قىستاقتاعى بيلىك جۇرگىزۋ نەگىزى اناعۇرلىم بەكەمدەلدى؛ كەدەيلىكتى ازايتۋ بويىنشا جونگە سالۋدىڭ جۇڭگو ۇلگىسى جاراتىلىپ، دۇنيە ءجۇزىنىڭ كەدەيلەردى ازايتۋ ىستەرىنە كەلەلى ۇلەس قوسىلدى.

  شي جينپيڭ مىنانى ءبىلدىردى: ءداۋىر قاھارمانداردى سومدايدى، ۇلىلىق قاراپايىمدىلىقتان كەلەدى. كەدەيلىكتەن ارىلتۋدان قامال الۋ قىزمەتىندە نەشە ميلليون كەدەيلەردى سۇيەمەلدەۋ كادرى بار كۇشپەن ۇلەس قوسىپ، قاجىرلىلىقپەن ناقتى ىستەپ، كەدەي بۇقارامەن بىرگە ويلاپ، بىرگە تۇرمىس كەشىرىپ، بىرگە ىستەپ، وزدەرىنىڭ تولىسقان ءداۋىرىن كەدەيلىكتەن ارىلتۋ ىسىنە ارناپ، جان تەبىرەنتەرلىك كوپتەگەن ىزگى ءىس جارىققا شىقتى. كەدەيلىكتەن ارىلتۋدان قامال الۋ كۇرەسى بارىسىندا ءبىر مىڭ 800 دەن استام جولداس كەدەيلىكتەن ارىلتۋدان قامال الۋ ساپارىندا بىزگە ماڭگىلىك قوش ايتىپ، كوممۋنيستەردىڭ اۋەلگى ماقساتى مەن بورىشىن اسەرلى بەينەمەن ءتۇسىندىردى. كەدەيلىكتەن ارىلتۋدان قامال الۋدا قازا بولعانداردىڭ بەرگەن بوداۋى مەن قوسقان ۇلەسى تاريحقا ماڭگى وشپەستەي بولىپ جازىلادى، پارتيا مەن حالىق ولاردى ۇمىتپايدى. رەسپۋبليكامىز ولاردى ۇمىتپايدى. ءار دارەجەلى پارتكومدار مەن ۇكىمەتتەر ءاربىر قۇرباننىڭ تۋىس - تۋعانىنا كوڭىل ءبولىپ، قامقورلىق جاساپ، كەدەيلىكتەن ارىلتۋدان قامال الۋداعى قاھارمان ۇلگىلەردىڭ اسەرلى ىزگى ىستەرى مەن وسكەلەڭ رۋحىن بار كۇشپەن ۇگىتتەپ، قالىڭ كادرلار مەن بۇقارانى جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا قايسارلىقپەن كۇرەس جۇرگىزىپ، باتىلدىقپەن تىڭ ۇلەس قوسۋعا شابىتتاندىرادى.

  شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋدا دۇنيە ءجۇزىن جالت قاراتقان تابىستارعا قول جەتكىزۋدە پارتيانىڭ پارمەندى باسشىلىعىنا، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ سىندى رۋحاني قاسيەتىنە، جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقاننان بەرى توپتاعان بەرىك زاتتىق نەگىزگە، ءبىر بۋىن ءبىر بۋىنمەن جالعاسىپ تاباندىلىقپەن ىستەۋگە، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنا سۇيەندىك. ءبىز ەلىمىزدىڭ مەملەكەت جاعدايىن تياناق ەتىپ، كەدەيلەردى ازايتۋ زاڭدىلىعىن يگەرىپ، ءبىرقىدىرۋ ەرەكشە ساياسات - شارا شىعارىپ، ءونىمدى ساياسات جۇيەسىن، قىزمەت جۇيەسىن، ءتۇزىم جۇيەسىن ورناتىپ، كەدەيلىكتى ازايتۋدىڭ جۇڭگوشا جولىمەن ءجۇرىپ، كەدەيلىككە قارسى اتتانۋدىڭ جۇڭگوشا نازارياسىن قالىپتاستىردىق. باستىسى: پارتيانىڭ باسشىلىعىندا تاباندى بولىپ، كەدەيلىكتەن ارىلتۋدان قامال الۋدى پارمەندى ساياسي جانە ۇيىمدىق كەپىلمەن قامدادىق؛ حالىقتى وزەك ەتكەن دامۋ يدەياسىندا تاباندى بولىپ، بىرگە اۋقاتتانۋ جولىمەن بۇلجىماي جۇردىك؛ ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرا وتىرىپ ءىرى ىستەردى تىندىرا الاتىن ساياسي ابزالدىعىن ساۋلەلەندىرۋدە تاباندى بولىپ، كەدەيلىكتەن ارىلتۋدان قامال الۋدىڭ ورتاق جىگەرىن، ورتاق ارەكەتىن قالىپتاستىردىق؛ كەدەيلەردى دالمە - ءدال سۇيەمەلدەۋ جالپى جوباسىندا تاباندى بولىپ، كەدەيلىكتىڭ قاينارىن دامۋ ادىسىمەن الاستادىق؛ كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدا تاباندى بولىپ، كەدەيلىكتەن ارىلتۋدىڭ ىشكى قوزعاۋشى كۇشىن تاسقىنداتتىق؛ ءبىر جاعادان باس، ءبىر جەڭنەن قول شىعاراتىن، ىنتىماقتى، قارايلاسىمدى بولاتىن تاماشا ءمورالدى ساۋلەلەندىرۋدە تاباندى بولىپ، بۇكىل قوعامدا قيىنشىلىق قىسپاعىندا قالعاندارعا كومەكتەسۋدىڭ قويۋ رايىن قالىپتاستىردىق؛ شىندىققا جۇگىنىپ، ناقتى ءىس ىستەۋدە، شىنايىلىقتا، قيىندىقتارعا توتەپ بەرۋدە تاباندى بولىپ، كەدەيلەردى شىنايى سۇيەمەلدەۋ، ناعىز كەدەيلەردى سۇيەمەلدەۋ، كەدەيلىكتەن شىنايى ارىلتۋ نىساناسىن ورىندادىق. وسى ماڭىزدى تاجىريبەلەر مەن تانىمدار − ەلىمىزدىڭ كەدەيلىكتەن ارىلتۋدان قامال الۋىنىڭ نازاريالىق جاۋھارى، ماركسيزمنىڭ كەدەيلىككە قارسى اتتانۋ نازارياسىنىڭ جۇڭگوشالانۋىنىڭ ەڭ جاڭا جەتىستىگى، مۇندا، ءسوز جوق، ۇزاق ۋاقىت تاباندى بولۋ جانە ونى ۇزدىكسىز دامىتۋ كەرەك.

  شي جينپيڭ مىنالاردى دارىپتەدى: كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسى پارتيامىزدىڭ حالىقتى ىنتىماقتاستىرىپ جانە باستاپ، تاماشا تۇرمىس جاراتۋ، بىرگە اۋقاتتانۋدى جۇزەگە اسىرۋ جولىندا نىق قادام تاستاعانىنان دەرەك بەرەدى. سونىمەن بىرگە، كەدەيلىكتەن ارىلتىپ، كەدەيلىك قالپاعىن الىپ تاستاۋ كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. دامۋدىڭ بىركەلكى، تولىق بولماۋى ماسەلەسىن شەشۋ، قالا مەن اۋىلدىڭ وڭىرلىك دامۋ پارقىن ازايتۋ، ادامنىڭ جان - جاقتى دامۋى مەن جالپى حالىقتىڭ ورتاق اۋقاتتانۋىن جۇزەگە اسىرۋدىڭ مىندەتى ءالى دە اۋىر، جولى ۇزاق. ءبىزدىڭ داندايسىپ، توقمەيىلسۋىمىزدىڭ، بوساڭسىپ تىنىعۋىمىزدىڭ ەشقانداي ءجونى جوق، ءسوز جوق، اۋقىمعا قاراي ورگە ۇمتىلىپ، كۇش ۇستىنە كۇش قوسىپ، ۇزدىكسىز كۇرەس جۇرگىزۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋ قىزمەتىن شىن مانىندە ويداعىداي ىستەۋ، كەدەيلەنۋ جانە قايتا كەدەيلەنۋ مۇمكىندىگى كۇشتى حالىق سانىن باقىلاۋدى كۇشەيتۋ، كەدەيلىكتەن ارىلعان وڭىرلەردىڭ كاسىپ سالاسىن ۇزاق ۋاقىت جەتىلدىرۋ جانە وعان قولداۋ كورسەتۋ، قونىس اۋدارىپ سۇيەمەلدەنگەن كەدەي بۇقاراعا قاراتىلعان كەيىنگى سۇيەمەلدەۋ قىزمەتىن جاقسى ىستەۋ، كەدەيلىكتەن ارىلعان اۋدانداردى ءبىر جولدا تىڭعىلىقتى سۇيەمەلدەپ، نەگىزگى سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاۋ كەرەك. قىستاقتا تۇراتىن ءبىرىنشى شۋجيلەر مەن قىزمەت اترەتى، شىعىس، باتىس بولەكتەردىڭ سەلبەستىگى، باعىتتامالى كومەكتەسۋ، قوعامدىق سۇيەمەلدەۋ سياقتى تۇزىمدەردە تاباندى بولۋ جانە ونى كەمەلدەندىرۋ ءارى جاعداي مەن مىندەتتىڭ وزگەرىسىنە ساي كەمەلدەندىرىپ وتىرۋ كەرەك. ءار دارەجەلى پارتكومدار مەن ۇكىمەتتەردىڭ كەدەيلىكتەن ارىلتۋدان قامال الۋداعى جەتىستىكتەردى بەكەمدەۋ جاۋاپكەرلىگىن قاتايتىپ، ناقتىلاندىرىپ، زور مولشەردە قايتا كەدەيلەنۋ ءجايتن تۋدىرماۋ سىندى تومەنگى شەكتى باتىل ساقتاۋ كەرەك.

  شي جينپيڭ بىلاي دەپ اتاپ كورسەتتى: اۋىل - قىستاقتى گۇلدەندىرۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى كەلەلى مىندەت. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن ورناتۋ الا كەلگەن جاڭا جاعدايدى، العا قويىلعان جاڭا تالاپتاردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرىپ، قالا مەن اۋىلدىڭ وڭىرلىك دامۋ پارقىن ۇزدىكسىز ازايتىپ، تومەن كىرىستى حالىق پەن دامىماعان وڭىرلەردى دامۋ جەتىستىكتەرىنەن ورتاق يگىلىكتەندىرۋ، ولاردىڭ وسىزاماندانۋ بارىسىندا قاتاردان قالماۋىنا، قۋىپ جەتۋىنە مۇمكىندىك جاراتۋ كەرەك. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ساياسات جۇيەسىن، قىزمەت جۇيەسىن، ءتۇزىم جۇيەسىن كەمەلدەندىرىپ، اناعۇرلىم پارمەندى شارالار ارقىلى اناعۇرلىم قۇدىرەتتى كۇش توپتاپ، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىستانۋعا، كاسىپپەن شۇعىلدانۋعا قولايلى بولۋىن، شارۋالاردىڭ باياشات تۇرمىس كەشىرۋىن جەبەۋ كەرەك.

  شي جينپيڭ مىنالاردى دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ءبىز، ءسوز جوق، جالپى حالىقتىڭ بىرگە اۋقاتتانۋىن جەبەۋدى اناعۇرلىم ماڭىزدى ورىنعا قويىپ، تىڭعىلىقتى، ۇزاق ۋاقىت ۇلەس قوسىپ، وسى نىساناعا قاراي اناعۇرلىم بەلسەندى، ناتيجەلى قۇلشىنىس جاساپ، ادامنىڭ جان - جاقتى دامۋى مەن قوعامنىڭ جاپپاي العا باسۋىن جەبەپ، قالىڭ حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم مىعىم بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋىمىز كەرەك.

  شي جينپيڭ بىلاي دەپ اتاپ كورسەتتى: وتكەندى ەسكە الساق، ءبىز جۇڭحۋا ۇلتىن نەشە مىڭ جىل مازالاعان مۇلدەم كەدەيلىك ماسەلەسىن شەشۋدە ۇلى تاريحي تابىستارعا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتەردى جاراتتىق. بولاشاققا كوز جىبەرسەك، ءبىز جاپپاي سوتسياليستىك وسىزاماندانعان مەملەكەت قۇرۋ تاريحي ۇلى ارمانى ءۇشىن كۇرەسۋدەمىز. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى، بەكىمدى بەكەمدەپ، ماڭگى بويكۇيەزدىككە سالىنبايتىن رۋحاني كۇيمەن، العان بەتىنەن قايتپايتىن كۇرەسكەرلىك بەينەمەن شىنايى يگەرىپ، ناقتى ىستەپ، قاجىرلىلىقپەن ىستەپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسۋى كەرەك!

  لي كىچياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسكە جەتكەنىن سالتاناتپەن جاريالادى، جاپپاي دوڭگەلەك داۋلەتتى قوعام قۇرىپ شىعۋ، ءبىرىنشى 100 جىلدىق كۇرەس نىساناسىن جۇزەگە اسىرۋ ستراتەگيالىق تۇرعىسىنان كەدەيلىكتەن ارىلتۋدان قامال الۋدا قول جەتكەن ۇلى ناتيجەلەردى تولىق تۇراقتاندىردى، كەدەيلىكتەن ارىلتۋدان قامال الۋدىڭ شۇعىلالى بارىسى مەن قۇندى تاجىريبەلەرىن تەرەڭ قورىتىندىلادى، كەدەيلىكتەن ارىلتۋدان قامال الۋ ۇلى رۋحىن تەرەڭ پايىمدادى، اۋىل - قىستاقتى كوركەيتۋدى جاپپاي ىلگەرىلەتۋ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ جونىندە ايقىن تالاپتار قويدى، ماڭىزدى ءسوز وتە كۇشتى ساياسي، يدەيالىق، جەتەكشىلىك، باعىتتامالىلىق سيپاتقا يە، ونى مۇقيات ۇيرەنۋ، ءتۇسىنۋ، دايەكتى تياناقتاندىرۋدى مىقتى يگەرۋ كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ءبىر جاعادان باس، ءبىر جەڭنەن قول شىعارىپ، قايسارلىقپەن شايقاس جاساپ، اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، پارتيا قۇرىلعانىنىڭ 100 جىلدىعىن ەرەن ناتيجەلەرمەن قارسى الۋ كەرەك.

  جينالىستىڭ الدىندا شي جينپيڭ قاتارلى باسشى جولداستار كەدەيلىكتەن ارىلتۋدان قامال الۋداعى مەملەكەتتىك ۇلگىلەر داڭق اتاعىنىڭ يەگەرلەرىمەن، كەدەيلىكتەن ارىلتۋدان قامال الۋداعى مەملەكەتتىك وزات جەكەلەرمەن، وزات كوللەكتيۆتەردىڭ ۋاكىلدەرىمەن، كەدەيلىكتەن ارىلتۋدان قامال الۋداعى مەملەكەتتىك جەكە ۇلگىلەر داڭق اتاعىنىڭ يەگەرلەرىمەن جانە ۇكىمەت قىزمەتى سەبەبىنەن قۇربان بولعان كەدەيلىكتەن ارىلتۋدان قامال الۋداعى مەملەكەتتىك وزات جەكەلەردىڭ تۋىستارىنىڭ ۋاكىلدەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

  ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ءتوراعاسىنىڭ ورىنباسارلارى، سونداي - اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

  ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى نەگىزگى جاۋاپتى جولداستار، ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ورىنداردىڭ تاراۋلارىنداعى نەگىزگى جاۋاپتى جولداستار، پارتيا مەن مەملەكەتتىڭ ەڭبەك ءسىڭىرىپ، داڭققا يە بولعانداردى ماداقتاۋ - سيلاۋ قىزمەت كوميتەتىنىڭ مۇشەلەرى، كەدەيلىكتەن ارىلتۋدان قامال الۋدى قورىتىندىلاۋ، ماداقتاۋ - سيلاۋ قىزمەتىنە باسشىلىق ەتۋ گرۋپپاسىنىڭ مۇشەلەرى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى قاتارلىلار بولىپ 3 مىڭداي ادام جينالىسقا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار