شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2021.02.26 17:40 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 25 - كۇنى كەشتە فرانسيانىڭ زۇڭتۇڭى ماكرونمەن تەلەفوندا سويلەستى.
ەكى ەل باسشىلارى ءبىر - بىرىنە مەرەكەلىك سالەم جولداپ، فرانسيا مەن جۇڭگو حالىقتارىنا جەكە - جەكە ىزگى تىلەك ءبىلدىردى.
شي جينپيڭ بىلاي دەپ اتاپ كورسەتتى: 2020 - جىلى ءبىز 5 رەت سويلەسىپ، جۇڭگو - فرانسيا قاتىناسىنىڭ تاماشا دامۋىن جەبەدىك. ءبىز كەلىسكەن ورتاق تانىم وتە جاقسى تياناقتاندىرىلدى. جاڭا ءبىر جىلدا ەكى جاق كۇش ۇستىنە كۇش قوسىپ، تىڭ يگەرۋ رۋحىن ساۋلەلەندىرىپ، جۇڭگو - فرانسيا قاتىناسىنىڭ اناعۇرلىم زور دامۋىن قول ۇستاسا ىلگەرىلەتۋى كەرەك. ەكى جاق ءوزارا سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە شىنايى قۇرمەت ەتىپ جانە كوڭىل ءبولىپ، ماڭىزدى سەلبەستىك كەلىسىمىن ويداعىداي تياناقتاندىرىپ، ەنەرگيا، اۆياتسيا، اۋىل شارۋاشىلىعى، ازىق - تۇلىك ونىمدەرى سياقتى سالالارداعى ناقتى سەلبەستىكتە ۇزدىكسىز تىڭ ىلگەرىلەۋشىلىككە قول جەتكىزۋدى بەلسەنە ىلگەرىلەتىپ، جۇڭگو - فرانسيا سەلبەستىگىنىڭ جاڭا قوزعاۋشى كۇشىن قالىپتاستىرۋى كەرەك. جۇڭگو پاريج حالىقارالىق فينانس ورتالىعى قۇرىلىسىن قولدايدى.
شي جينپيڭ مىنانى دارىپتەدى: زۇڭتۇڭ مىرزا ەۆروپا وداعىنىڭ ءوز ىستەرىن ستراتەگيالىق جاقتان وزدەرى مەڭگەرۋىن دارىپتەۋدە. جۇڭگو مىناعان سەنەدى: ەۆروپانىڭ دامىپ زورايۋى كوپ ۇيەكتەنگەن دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا ءتيىمدى، جۇڭگو مەن ەۆروپا ەلدەرى سىندى ەكى ۇلكەن كۇشتىڭ سەلبەستىكتى نىعايتىپ، كوپ ءتۇرلى دۇنيە جۇزىلىك سايىسقا بىرگە توتەپ بەرۋىنە ءتيىمدى. ەكى جاق كەلەسى ساتىداعى جۇڭگو مەن ەۆروپانىڭ ءبىرقىدىرۋ ماڭىزدى ساياسي كۇن ءتارتىبىن بىرگە ويداعىداي ازىرلەۋى كەرەك. وتكەن جىلدىڭ سوڭىندا جۇڭگو مەن ەۆروپا جۇڭگو - ەۆروپا قارجى قوسۋ كەلىسىمى كەلىسسوزىن اياقتاتاتىندارىن بىرگە جاريالادى. ءبىز بىرگە قۇلشىنىپ، جۇڭگو - ەۆروپا قارجى قوسۋ كەلىسىمىنىڭ ەرتەرەك كۇشكە يە بولۋىن ىلگەرىلەتۋىمىز كەرەك. جۇڭگو − ورتا، شىعىس ەۆروپا ەلدەرى سەلبەستىگى − جۇڭگو - ەۆروپا جالپى تۇلعالىق سەلبەستىگىنىڭ ءبىر بولەگى، جۇڭگو فرانسيامەن بىرگە جۇڭگو - شىعىس ەۆروپا وڭىرىندە ءۇش جاق سەلبەستىگىن ورىستەتۋ جونىندە بەلسەنە ىزدەنىس جاساپ، جۇڭگو - ەۆروپا سەلبەستىگىنە تىڭ ءورىس اشۋدى قالايدى.
شي جينپيڭ مىنالاردى اتاپ كورسەتتى: جۇڭگو مەن فرانسيا − ب م ۇ حاۋىپسىزدىك القالار كەڭەسىنىڭ تۇراقتى القا ەلدەرى جانە جاۋاپكەرلىك ارقالايتىن ءىرى ەلدەر، ەكى ەل كوپ جاقتىلىق تۋىن ۇزدىكسىز بيىك ۇستاپ، حالىقارالىق قوعامنىڭ ادىلدىكتە، ادىلەتتىلىكتە، كەڭەسۋدە، سەلبەسۋدە، اشىق، سيىسىمدى بولۋدا تاباندى بولۋىن ىلگەرىلەتىپ، ادامزاتتىڭ جاڭا تيپتى ايدارشا ۆيرۋس وكپە قابىنۋ ىندەتىن ەرتەرەك جەڭۋىنە، دۇنيە ءجۇزىنىڭ بەيبىتشىلىگى مەن دامۋىن جەبەۋگە ءتيىستى ۇلەس قوسۋى كەرەك. جۇڭگو 50 نەشە دامۋ ۇستىندەگى ەلگە جاڭا تيپتى ايدارشا ۆيرۋس وكپە قابىن ۆاكسيناسىن كومەككە بەردى. جۇڭگو فرانسيامەن بىرگە قۇلشىنىپ، دۇنيە جۇزىلىك دەنساۋلىق ساقتاۋ ۇيىمىنىڭ حالىقارالىق ىندەتكە قارسى اتتانۋ سەلبەستىگىندە رولىن ساۋلەلەندىرۋىن قولداپ، «دۇنيە ءجۇزى بويىنشا سەلبەسە وتىرىپ جاڭا تيپتى ايدارشا ۆيرۋس وكپە قابىنۋىنان ساقتانۋ – تىزگىندەۋ جاڭا قۇرالىن جەدەل اشۋ، ءوندىرۋ، وعان ادىلدىكپەن قول جەتكىزۋ» دارىپتەمەسى مەن «جاڭا تيپتى ايدارشا ۆيرۋس وكپە قابىنۋ ۆاكسيناسىنا بايلانىستى اتقارۋ جوسپارىنا» بەلسەندىلىكپەن قاتىناسۋعا پەيىل. جۇڭگو 20 ەل توبىنىڭ قارىزدى كەشەۋىلدەتۋ دارىپتەمەسىن جاپپاي تياناقتاندىرىپ، ءار جاقتىڭ قارىزدى كەشەۋىلدەتۋ جونىندە ءبىر اۋىزدىلىققا كەلۋىن جەبەيدى، سونىمەن بىرگە كوپ جاقتى فينانس قۇرىلىمدارى مەن ساۋدا الاشاق ادامدارىن بىرگە ات سالىسۋعا قۋزايدى. جۇڭگو فرانسيانى قامتىعان حالىقارالىق قوعامداعى ءار جاقتىڭ افريكاعا ۇسىنىلىمدى ارتتىرعانىن كورىپ قۋانۋدا، جۇڭگو بۇل جاعىندا فرانسيامەن بايلانىستى ساقتاۋعا پەيىل. ءبىز ءتىپتى دە كوپ مەملەكەتتى كليمات وزگەرىسىنە توتەپ بەرۋ جونىندەگى «پاريج كەلىسىمىن» تياناقتاندىرۋعا قاتىناسۋعا جۇمىلدىرىپ، «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن جانە 7 - كەزەكتى دۇنيە جۇزىلىك تابيعاتتى قورعاۋ جينالىسىن ويداعىداي وتكىزۋگە ءوزارا قولداۋ كورسەتۋىمىز كەرەك.
ماكرون مىنانى ءبىلدىردى: مەن فرانسيا - جۇڭگو قاتىناسىنىڭ دامۋىنا بەلسەندى باعا بەرەمىن، جۇڭگومەن ەسىك اشۋ جانە سەلبەسۋ پوزيتسياسىندا بولا وتىرىپ، ماڭىزدى سالالارداعى سەلبەستىكتە اناعۇرلىم كوپ ىلگەرىلەۋشىلىككە قول جەتكىزۋدى ىلگەرىلەتۋدى ءارى ەۆروپا - جۇڭگو قاتىناسى مەن سەلبەستىگىن بەلسەنە جەبەۋدى قالايمىن. ەۆروپا مەن جۇڭگونىڭ بىرگە قۇلشىنىپ، ەۆروپا - جۇڭگو قارجى قوسۋ كەلىسىمىنىڭ ەرتەرەك كۇشكە يە بولۋىن ىلگەرىلەتۋىن ءۇمىت ەتەمىن. فرانسيا جۇڭگونىڭ حالىقارالىق ىندەتكە قارسى اتتانۋ سەلبەستىگى، اسىرەسە، باسقا ەلدەردىڭ ۆاكسيناعا جەدەل قول جەتكىزۋى ءۇشىن قوسقان بەلسەندى ۇلەسىن القايدى، جۇڭگومەن وسى جاقتاعى سەلبەستىكتى كۇشەيتۋدى ءۇمىت ەتەدى. فرانسيا جۇڭگومەن حالىقارالىق ىستەردەگى تىلدەسۋدى كۇشەيتۋدى قالايدى، جۇڭگومەن بىرگە حالىقارالىق قوعامنىڭ افريكانىڭ قارىزىن ازايتۋىن، افريكا ەكونوميكاسىنىڭ ارتۋىن جۇزەگە اسىرۋىن ىلگەرىلەتىپ، كليمات وزگەرىسى، الەۋمەتتىك دەنساۋلىق ساقتاۋ سياقتى دۇنيە جۇزىلىك سايىستارعا توتەپ بەرۋ جونىندە ۇزدىكسىز تىعىز سەلبەسۋدى ءۇمىت ەتەدى. فرانسيا جۇڭگونىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن ءساتتى وتكىزۋىن قولدايدى.
ەكى ەل باسشىلارى تاعى ورتاق كوڭىل ءبولىپ وتىرعان وڭىرلىك قولامتالى ماسەلەلەر جونىندە پىكىر اۋىستىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
