بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتالىق كوميتەت كەڭسەسى ”1 - شىلدە وردەنىنە“ كورسەتۋ جانە مەملەكەتتىك ”ەكى تاڭداۋلى، ءبىر وزاتقا“ تانىستىرۋ قىزمەتىن جاقسى ىستەۋ جونىندە حابارلاندىرۋ باسىپ تاراتتى

2021.03.01 15:47     كەلۋ قاينارى : شينجياڭ گازەتى

  شينحۋا اگەنتتىگىنىڭ 2 - ايدىڭ 27 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «”1 - شىلدە وردەنىنە“ كورسەتۋ جانە مەملەكەتتىك ”ەكى تاڭداۋلى، ءبىر وزاتقا“ تانىستىرۋ قىزمەتىن جاقسى ىستەۋ جونىندە حابارلاندىرۋ» (تومەندە قىسقارتىلىپ «حابارلاندىرۋ» دەلىنەدى) باسىپ تاراتتى. «حابارلاندىرۋدا» بىلاي دەپ اتاپ كورسەتىلدى: پارتيا ورتالىق كوميتەتى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى قارساڭىندا، جۇڭگو كوممۋنيستىك پارتياسى ورتالىق كوميتەتى اتىنان تۇڭعىش رەت ”1 - شىلدە وردەنىن“ ۇسىنىپ، مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاپ سيلاۋدى ۇيعاردى.

  «حابارلاندىرۋدا» مىنالار تالاپ ەتىلدى: ۇسىنۋ جانە ماداقتاۋ - سيلاۋ ارقىلى ەلەۋلى ەڭبەك سىڭىرگەن ۇلگىلەردىڭ جانە وزات تيپتەردىڭ رۋحاني ونەگەسىن تولىق كورسەتىپ، قالىڭ پارتيا ۇيىمى مەن پارتيا مۇشەلەرىنىڭ ءار شەپتە، ءار سالادا ءارءتۇرلى قىزمەتتە قول جەتكىزگەن سۇبەلى جەتىستىگىن تولىق ايگىلەۋ؛ سەنىمى بەرىك، پارتياعا ادال، باتىلدىقپەن جاۋاپكەرشىلىك ارقالايتىن، قالتقىسىز ۇلەس قوساتىن وسكەلەڭ ءمورالدى بارىنشا اسقاقتاتىپ، بۇكىل پارتيادا جاقسىدان ونەگە الۋعا ۇمتىلاتىن، اۆانگارد بولۋعا تالپىناتىن تاماشا راي قالىپتاستىرۋدى ىلگەرىلەتىپ، يدەيانى ونان ارى بىرلىككە كەلتىرىپ، جۇرت كوڭىلىن سەرپىلتىپ، جاۋىنگەرلىك جىگەردى تاسقىنداتۋ؛ ءار دارەجەلى پارتيا ۇيىمدارىن جانە قالىڭ پارتيا مۇشەلەرىن ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا شابىتتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي سوتسياليستىك وسىزاماندانعان مەملەكەت قۇرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تالىقپاي كۇرەس جۇرگىزۋ كەرەك.

  «حابارلاندىرۋدا» ”1 - شىلدە وردەنىنە“ كورسەتىلگەن كانديداتتاردىڭ جانە مەملەكەتتىك ”ەكى تاڭداۋلى، ءبىر وزاتقا“ تانىستىرىلعان كانديداتتاردىڭ سانى، نەگىزگى شارتى جانە كورسەتۋ (تانىستىرۋ) ءادىسى ايقىن كورسەتىلدى. كورسەتكەن (تانىستىرعان) مەكەمە - ورىنداردان مىنالاردى تالاپ ەتتى: ۇيىمدىق باسشىلىقتى شىن مانىندە كۇشەيتىپ، نەگىزگى جاۋاپتى جولداستار تىكە ورنالاستىرىپ، ناقتى قىزمەت جوباسىن زەرتتەپ جاساپ، ىجداعاتتىلىقپەن ۇيىمداستىرىپ اتقارۋ كەرەك. پارتيا ىشىندەگى قاتىستى زاڭ ەرەجەدە بەلگىلەنگەن ولشەم، شارت جانە ءتارتىپ بويىنشا قاتاڭ اتقارىپ، كورسەتىلگەن كانديداتتاردىڭ جانە تانىستىرىلعان وبيەكتىلەردىڭ ۇدايىلىق بەينەسىن جان - جاقتى تەكسەرىپ، ءىس جۇزىندىك ەڭبەگىن باعالاۋ ولشەمى ەتۋ كەرەك. دەموكراتيانى تولىق ساۋلەلەندىرىپ، ءار جاقتىڭ پىكىرىن كەڭىنەن قابىلداپ، العاباسارلىق، ۋاكىلدىك جانە داۋىرلىك سيپاتتى تولىق ايگىلەۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار