بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

فوتوۆولت كەدەيلىكتەن ارىلتۋ جولىن نۇرلاندىردى

□ انار بۇلت/شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى جۇڭ شين

2021.03.01 15:50     كەلۋ قاينارى : شينجياڭ گازەتى

  شىڭگىل اۋدانى اقدالا قالاشىعىنىڭ باتىس سولتۇستىگىندەگى قۇبا دالانى اپپاق قار قىمتاپ تاستاعان، قاتار - قاتار قويىلعان قاراكوك ءتۇستى فوتوۆولت تاقتالارى كۇن ەنەرگياسىن بويىنا ءسىمىرىپ، تۋىنداعان جاسىل، تازا ەنەرگيانى كىدىرتپەستەن سان مىڭداعان وتباسىلارعا جەتكىزىپ جاتىر. كەدەيلەردى فوتوۆولتپەن سۇيەمەلدەيتىن ءاربىر ەلەكتر پۋنكتتەرى قىستاق تۇرعىندارىنىڭ كىرىستەرىن ارتتىرىپ بايۋىنداعى ”كۇن نۇرى بانكەسىنە“ اينالدى.

  2017 - جىلى مەملەكەتتىڭ قاتىستى ساياساتتارىنىڭ قولداۋىندا، شىڭگىل اۋدانى ىلگەرىندى - كەيىندى 38 ميلليون 650 مىڭ يۋان قارجى قوسىپ كەدەيلەردى فوتوۆولتپەن سۇيەمەلدەۋ ەلەكتر پۋنكتىنەن ەكەۋىن سالدى. وعان ورتالىق قازىنادان بەرىلەتىن قوسىمشا قاراجاتتى قوسقاندا جىلىنا 8 ميلليون 500 مىڭ يۋان كىرىس كىرەدى. كەدەيلەردى فوتوۆولتپەن سۇيەمەلدەۋ نىسانىنىڭ جەتەكشىلىگىندە، شىڭگىل اۋدانىنداعى كەدەيلىك قالپاعى الىپ تاستالعان 22 كەدەي قىستاق قىستاقتىڭ كوللەكتيۆ ەكونوميكالىق كىرىستىڭ ورنىقتى ارتۋىن جۇزەگە اسىرىپ، كەدەيلىكتەن ارىلتۋ جەتىستىكتەرىن بەكەمدەپ، دامۋ سەرپىنىن كۇشەيتتى.

  ”كۇن نۇرى ينجەنەرياسى“ كەدەيلىكتەن ارىلتۋدى جەبەدى

  2 - ايدىڭ 19 - كۇنى كۇندەگىسىندەي شىڭگىل اۋدانى سارتوعاي اۋىلىنىڭ ورتا تازالىعى جۇمىسشىسى قارقىن اسكەرباي قاراستىلىعىنداعى اۋماقتى ەرتە تازالاپ بولدى.

  ”2019 - جىلى كەدەيلەردى فوتوۆولتپەن سۇيەمەلدەۋ نىسانى اتقارىلىپ، مەن تۇرعان سارتوعاي قىستاعىندا الەۋمەتتىك يگىلىك ورنى بار بولدى. قىستاق كادرلارى مەن قىستاقتا تۇراتىن قىزمەت اترەتى وتباسى تۇرمىسىمىزدىڭ ايتارلىقتاي ەمەس ەكەنىن بىلگەننەن كەيىن، مەنى اۋىل - قالاشىق ورتا تازالىعى جۇمىسشىلىعىنا تىزىمدەتىپ قويدى“. قارقىن: ”قازىر ىستەيتىن جۇمىسىم، تۇراقتى كىرىسىم بار، وعان اۋلا شارۋاشىلىعى مەن باعىمشىلىق كىرىسىن قوسقاندا قولىمىزدا ارتىق اقشا قالاتىن بولىپ، تۇرمىسىمىزدا كەپىلدىك بولدى“ دەدى.

  شىڭگىل اۋدانىندا قارقىن سياقتى كەدەيلەردى فوتوۆولتپەن سۇيەمەلدەۋ نىسانىنىڭ يگىلىگىن تىكە كورىپ وتىرعان قىستاق تۇرعىندارى از ەمەس. 2020 - جىلى 12 - ايدىڭ 31 - كۇنىنە دەيىن شىڭگىل اۋدانى فوتوۆولتپەن ەلەكتر تاراتۋ نىسانى ارقىلى جيىنى 551 الەۋمەتتىك يگىلىك ورنىن قۇرىپ، تاراتقان الەۋمەتتىك يگىلىك ورنى ەڭبەكاقىسى مەن ۋاقىتشا ىستەتكەن جۇمىسشىلاردىڭ ەڭبەكاقىسى 5 ميلليون 844 مىڭ 400 يۋانعا جەتتى. وتكەن كۇندەردەگى ءشول دالاعا توگىلگەن كۇننىڭ نۇرى ادامداردىڭ تۇرمىسىنا نۇر بولىپ توگىلىپ، باي - باقۋاتتى بولۋ ارمانىن اسقاقتاتتى.

  ”كۇن نۇرى يگىلىگى“ قالىڭ وتباسىنا پايدا جەتكىزدى

  ”وسى رەتكى ياچەيكا القاسى جيىنى بيىلعى كەدەيلەردى فوتوۆولتپەن سۇيەمەلدەۋ قارجىسىن پايدالانۋ جۇمىسىن اقىلداسىپ، پارتيا مۇشەلەرى جيىنىنىڭ، قىستاق تۇرعىندارى جيىنىنىڭ قاراۋىنا تاپسىرادى“. جاڭا جىلدى قۇتتىقتاۋ ەندى عانا سوڭىنا شىققان وسى ساتتە ارالتوبە قالاشىعى كومىر كەن قىستاعىنىڭ جيىن زالى قاربالاستىققا تولى ەكەن، قىستاق پارتيا ياچەيكاسىنىڭ شۋجيى ايشا ادۋباي: ”قىستاقتا كەدەيلەردى فوتوۆولتپەن سۇيەمەلدەۋ قارجىسى بار بولعاننان باستاپ شاعىن، ۇساق الەۋمەتتىك يگىلىك نىساندارى اتقارىلىپ، ءبىز جايلاۋعا كوشكەندە ەندىگارى اسقار تاۋداعى قۇلاما جولدارمەن جۇرمەيتىن، اعىنى قاتتى اساۋ وزەندەردەن وتپەيتىن بولىپ، تالاي اۋرەدەن قۇتىلدىق“ دەدى.

  كەدەيلەردى فوتوۆولتپەن سۇيەمەلدەۋ نىسانىنىڭ ىشكەرىلەي اتقارىلۋىنا ىلەسە، بۇل قىستاقتاعى 400دەن استام قىستاق تۇرعىنى ”كۇن نۇرىنان“ كەلگەن يگىلىككە كەنەلدى. قىستاق جولدارىن جوندەۋ، اۋىز سۋ قۇبىرى تورابىن وتباستارعا جەتكىزۋ سياقتى بۇقارانىڭ اڭىسى كۇشتى، يگىلىكتەنۋ اياسى كەڭ، بۇقارانىڭ ات سالىسۋ بەلسەندىلىگى جوعارى بولعان قىستاق دارەجەلى شاعىن تيپتى الەۋمەتتىك يگىلىك ىستەرى ارت - ارتىنان قولعا الىنىپ، بۇقارانىڭ ءوندىرىس - تۇرمىس شارت - جاعدايى جالپى بەتتىك جاقساردى.

  ”كەزەكتە كەدەيلەردى فوتوۆولتپەن سۇيەمەلدەۋ نىسانى كىرىسىنەن قىستاق دارەجەلى شاعىن تيپتى الەۋمەتتىك يگىلىك ىستەرى ارقىلى كەدەيلەردى سۇيەمەلدەۋگە ءبىر ميلليون 620 مىڭ 800 يۋان جۇمسالدى. بيىل ءبىز تۇتاس جىلدا كەدەيلەردى فوتوۆولتپەن سۇيەمەلدەۋ ەلەكتر تاراتۋىنان تۇسكەن پايدانىڭ %60ىن الەۋمەتتىك يگىلىك ورىندارىنىڭ ەڭبەكاقىسىن تاراتۋعا، قىستاق دارەجەلى الەۋمەتتىك يگىلىك ىستەرى قۇرىلىسىنىڭ قارجىسىن شىعارۋعا جۇمساپ، نەگىزگى ساتىنىڭ ءوندىرىس نەگىزىن ۇزدىكسىز تولىقتىرۋدى جوسپارلاپ وتىرمىز“، - دەدى شىڭگىل اۋداندىق كەدەيلەردى سۇيەمەلدەۋ كەڭسەسىنىڭ ورىنباسار مەڭگەرۋشىسى تۋ گاڭ.

  ”كۇن نۇرى كاسىبى“ گۇلدەنۋدى جەبەدى

  ”بۇرىن ءبىز تۇندەردە سىرتقا شىقساق قول شىراق الىپ ءجۇرۋىمىز كەرەك بولاتىن، قازىر كوشە شىراعى بار، بۇقارانىڭ سىرتتا جۇرۋىنە قولايلى بولدى. ءبىز تاعى قىستاقتا اۋىل - قىستاق كەشكى بازارىن اشىپ، اۋىل - قىستاقتىڭ كەشكى شارۋاشىلىعىن دامىتۋعا دايىندالىپ جاتىرمىز“، - دەدى شىڭگىل اۋدانى ارال قالاشىعى لاستى قىستاعى پارتيا ياچەيكاسىنىڭ شۋجيى ادىلبەك قاپسامەت.

  تاۋلى وڭىردەگى بۇقارا بىتىراڭقى قونىستانعاندىقتان، لاستى قىستاعىنىڭ سارتاقتاي، كوك ءۇي شاعىن اۋماعىنا كوشە شىراعى ورناتىلماي كەلگەن ەدى. 2020 - جىلى 9 - ايدا اۋداننان قىستاققا فوتوۆولت ەلەكتر پۋنكتى قۇرىلىسىنان تۇسكەن پايدا سوماسى ءبولىنىپ، قىستاق ”ەكى كوميتەتى“ ”ءار جۇمىستى ءوز الدىنا اقىلداسۋ“ ءتاسىلى ارقىلى وسى ەكى شاعىن اۋماققا 30 كوشە شىراعىن ورناتىپ، 150 وتباسىنداعى قىستاق تۇرعىنىنىڭ تۇندەردە سىرتقا شىعۋى قولايسىز بولۋ ماسەلەسىن تۇبەگەيلى شەشتى.

  ۇعىسۋعا قاراعاندا، تەك كەدەيلەردى فوتوۆولتپەن سۇيەمەلدەۋ ارقىلى 2020 - جىلى شىڭگىل اۋدانىنداعى كەدەيلىك قالپاعىن الىپ تاستاعان 22 كەدەي قىستاق ىلگەرىندى - كەيىندى شاعىن تيپتى الەۋمەتتىك يگىلىك نىسانىنان 51ىن اتقارىپ، اۋىل - قىستاقتاردىڭ قاتىناس، سۋدان پايدالانۋ سياقتى ءوندىرىس - تۇرمىس شارت - جاعدايى اناعۇرلىم جاقسارعان.

  2019 - جىلى 6 - ايدان 2020 - جىلى 12 - ايعا دەيىن شىڭگىل اۋدانىنداعى كەدەيلەردى فوتوۆولتپەن سۇيەمەلدەۋ ەلەكتر پۋنكتتەرى جيىنى 19 ميلليون 472 مىڭ 800 كيلوۆات - ساعات توك تاراتىپ، توك باعاسىنان تۇسكەن پايدا جيىنى 12 ميلليون 637 مىڭ 400 يۋانعا جەتتى. شىڭگىل اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى دوۋ حۋا: ”فوتوۆولتپەن توك تاراتۋدان تۇسكەن پايدانى باجى مەن كۇندەلىكتى تاسىمالداۋ، جوندەۋ اقىسىن شىعارىپ تاستاعاننان كەيىن نەگىزدىك قۇرىلعىلاردى جوندەۋ - قورعاۋ، ەگىنشى - مالشىلاردى تاربيەلەۋ، باۋلۋ سياقتىلارعا پايدالانىپ، ءبىر ءبولىم قىستاقتاردىڭ ’ءىس تىندىرۋ نيەتى بولعانىمەن، جۇمىس جۇرگىزەتىن قارجىسى بولماۋداي‘ قيىن ماسەلەلەرىن ءونىمدى شەشىپ، شىڭگىل اۋدانىنىڭ كەدەيلىكتەن ارىلتۋدان قامال الۋ تابىستارىن بەكەمدەۋىن، زورايتۋىن اۋىل - قىستاقتاردى گۇلدەندىرۋمەن ءونىمدى ۇشتاستىرۋدا ماڭىزدى رول اتقاردىق“ دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار