بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ج ك پ ورتالىق كوميتەتى ساياسي بيۋروسىنىڭ 28 - رەتكى توپتىق ۇيرەنۋىندە بىلاي دەپ دارىپتەدى

جالپى حالىقتى قامتىعان قوعامدىق قامتاماسىزداندىرۋ جۇيەسىن كەمەلدەندىرىپ، قوعامدىق قامتاماسىزداندىرۋ ىستەرىنىڭ ساپالى دامۋىن، باياندى دامۋىن ىلگەرىلەتۋ كەرەك

2021.03.01 16:26     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 27 - كۇنى، بەيجيڭ. ج ك پ ورتالىق كوميتەتى ساياسي بيۋروسى 2 - ايدىڭ 26 - كۇنى تۇستەن كەيىن جالپى حالىقتى قامتىعان قوعامدىق قامتاماسىزداندىرۋ جۇيەسىن كەمەلدەندىرۋ جونىندە 28 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعان كەزدە بىلاي دەپ دارىپتەدى: قوعامدىق قامتاماسىزداندىرۋ − حالىق تۇرمىسىن قامتاماسىز ەتەتىن جانە جاقسارتاتىن، قوعامدىق ادىلدىكتى قورعايتىن، حالىقتىڭ ىرىس - قۇتىن ارتتىراتىن نەگىزگى تۇزىمدىك قامتاماسىزدىق، ەكونوميكالىق، قوعامدىق دامۋدى جەبەۋدەگى، قالىڭ حالىق بۇقاراسىنىڭ رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىن جۇزەگە اسىرۋداعى ماڭىزدى تۇزىمدىك ورنالاستىرۋ، مەملەكەتتى جونگە سالىپ، ەلدى ورنىقتىرۋداعى كەلەلى ماسەلە. قايتالاي ءبولىس تەبىنىن ارتتىرىپ، ءوزارا جاردەمدەسىپ، بىرلەسىپ كومەك كورسەتۋ يقۋاتىن كۇشەيتىپ، ءتىپتى دە كوپ ادامدى قوعامدىق قامتاماسىزداندىرۋ جۇيەسىنە كىرگىزىپ، قالىڭ حالىق بۇقاراسىنا اناعۇرلىم سەنىمدى، اناعۇرلىم تولىق قامتاماسىزدىق ازىرلەپ، حالىق بۇقاراسىنىڭ كوپ ساتىلانعان، كوپ تۇرلىلەنگەن قاجەتىن ۇزدىكسىز قاناعاتتاندىرىپ، جالپى حالىقتى قامتىعان، قالا مەن اۋىل ءبىر تۇتاس جوسپارلانعان، ءادىل دە ءبىر تۇتاس، باياندى كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرىپ، قوعامدىق قامتاماسىزداندىرۋ حاۋىپسىزدىك تورىن ونان ارى ءجيى توقىپ، ەلىمىزدىڭ قوعامدىق قامتاماسىزداندىرۋ ىستەرىنىڭ ساپالى دامۋىن، باياندى دامۋىن جەبەۋ كەرەك.

  جۇڭگو قوعامدىق قامسىزداندىرۋ عىلمي قوعامىنىڭ باستىعى حۋ شياۋ - ي وسى ماسەلە جونىندە تۇسىنىك جاساپ، قىزمەت جونىندەگى ۇسىنىستارىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىنىگىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعان كەزدە ءسوز سويلەدى. ول بىلاي دەپ اتاپ كورسەتتى: پارتيامىز ەجەلدەن حالىق تۇرمىسىن جاقسارتۋ مەن قوعامدىق قامتاماسىزداندىرۋعا ايرىقشا ءمان بەرىپ كەلەدى. پارتيانىڭ 18 - قۇرىلتايىنان بەرى پارتيا ورتالىق كوميتەتى قوعامدىق قامتاماسىزداندىرۋ جۇيەسى قۇرىلىسىن اناعۇرلىم كورنەكتى ورىنعا قويىپ، ەلىمىزدىڭ قوعامدىق قامتاماسىزداندىرۋ جۇيەسى قۇرىلىسىن جوعارى دەڭگەيدە جوبالاپ، ەلىمىزدىڭ قوعامدىق قامتاماسىزداندىرۋ جۇيەسى قۇرىلىسىنىڭ قارقىندى ارناعا ءتۇسۋىن ىلگەرىلەتتى. قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋ ءتۇزىمىن بىرلىككە كەلتىرىپ، ورگان، ءىسورىندار مەن كاسىپورىنداردىڭ زەينەتكەرلىك قامسىزداندىرۋ ءتۇزىمىن بىرىكتىرۋدى جۇزەگە اسىرىپ، كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋ قورىن ورتالىق سايكەستىرۋ ءتۇزىمىن ورناتتى. قالا، اۋىل تۇرعىندارىنىڭ نەگىزگى ەمدەۋ قامسىزداندىرۋ ءتۇزىمىن بىرىكتىرىپ، قالا، اۋىل تۇرعىندارىنىڭ سالماقتى اۋرۋلار قامسىزداندىرۋىن جالپى بەتتىك اتقارىپ، مەملەكەتتىك ەمدەۋ قامتاماسىزداندىرۋ مەكەمەسىن قۇردى. جالپى حالىقتى قامسىزداندىرۋعا قاتىناستىرۋ جوسپارىن ىلگەرىلەتىپ، قوعامدىق قامسىزداندىرۋدىڭ اقى مولشەرىن تومەندەتىپ، ءىشىنارا مەملەكەت مەنشىگىندەگى كاپيتالدى قوعامدىق قامسىزداندىرۋ قورىن تولىقتىرۋعا اينالدىردى. زەينەتكەرلىك، بالانى اماناتتاپ باقتىرۋ، مۇگەدەكتەرگە كومەكتەسۋ سياقتى يگىلىك ىستەرىن بەلسەندىلىكپەن دامىتتى، حالىق بۇقاراسى قالا، اۋىل، ءوڭىر، جىنىس، كاسىپ دەپ بولىنبەي، قارتتىق، اۋرۋ، جۇمىسسىزدىق، جۇمىس ۇستىندە جارالانۋ، مۇگەدەك بولۋ، كەدەيلىك سياقتى حاۋىپ - قاتەر الدىندا تۇگەلدەي سايكەستى تۇزىمدىك قامتاماسىزداندىرۋعا يە بولدى. قازىر ەلىمىزدە قوعامدىق قامسىزداندىرۋدى نەگىزگى تۇلعا ەتكەن، قوعامدىق جاردەم، قوعامدىق يگىلىك، قوعامدىق قامقورلىق سياقتى تۇزىمدەردى قامتىعان، يقۋاتى كەمەلدى قوعامدىق قامتاماسىزداندىرۋ جۇيەسى نەگىزىنەن ورناتىلدى، نەگىزگى ەمدەۋ قامسىزداندىرۋى ءبىر ميلليارد 360 ميلليون ادامدى، نەگىزگى زەينەتكەرلىك قامسىزداندىرۋى ءبىر ميللياردقا جۋىق ادامدى قامتىدى، بۇل − دۇنيە جۇزىندەگى كولەمى ەڭ زور قوعامدىق قامتاماسىزداندىرۋ جۇيەسى. بۇل حالىق ءۇشىن تاماشا تۇرمىس جاراتۋعا بەرىك نەگىز قالاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدى مىقتى تىرەكپەن قامداپ، جاپپاي دوڭگەلەك داۋلەتتى قوعام ورناتۋدى، ءبىرىنشى 100 جىلدىق كۇرەس نىساناسىن جۇزەگە اسىرۋدى ۋاعىندا ورىنداۋعا ءتيىمدى شارت - جاعداي ازىرلەدى. سونىمەن بىرگە، ەلىمىز قوعامىنداعى باستى قايشىلىقتا وزگەرىس تۋىلۋىنا جانە قالا - قالاشىقتانۋ، حالق سانىندا قارتتار سالىستىرماسىنىڭ مولايۋى، جۇمىستانۋ ءتاسىلىنىڭ كوپ تۇرلىلەنۋى سياقتىلاردىڭ جەدەل دامۋىنا ىلەسە ەلىمىزدىڭ قوعامدىق قامتاماسىزداندىرۋ جۇيەسىندە ءالى دە ولقىلىقتار ءومىر سۇرۋدە، ءسوز جوق، ايرىقشا ءمان بەرۋ ءارى شىن مانىندە شەشۋ كەرەك.

  شي جينپيڭ بىلاي دەپ دارىپتەدى: ءبىز مەملەكەت جاعدايىن تياناق ەتىپ، بەلسەندىلىكپەن ىزدەنىس جاساپ، جۇرەكتىلىكپەن جاڭالىق اشىپ، شەتەلدىڭ قوعامدىق قامتاماسىزداندىرۋداعى ءتيىمدى تاجىريبەلەرىن ۇيرەنۋگە، ودان ۇلگى الۋعا باسا ءمان بەرىپ، ايقىن جۇڭگوشا ەرەكشەلىككە يە قوعامدىق قامتاماسىزداندىرۋ جۇيەسىن ءساتتى قۇردىق. ءبىز جۇڭگو كوممۋنيستىك پارتياسى باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ ساياسي ابزالدىعىن ساۋلەلەندىرۋدە تاباندى بولىپ، كۇشتى شوعىرلاندىرىپ ءىرى ىستەر ىستەپ، قوعامدىق قامتاماسىزداندىرۋ ىستەرىنىڭ ورنىقتى قاداممەن باياندى جۇرگىزىلۋىن ىلگەرىلەتتىك؛ حالىقتى بارىنەن جوعارى قويۋدا تاباندى بولىپ، بىرگە بايۋدا تاباندى بولىپ، حالىق تۇرمىسىنىڭ ىرىس - قۇتىن ارتتىرۋدى، قوعامدىق ادىلدىكتى جەبەۋدى قوعامدىق قامتاماسىزداندىرۋ ىستەرىن دامىتۋدىڭ ءتۇبىرلى شىعار ءتۇيىنى جانە تابان تىرەر تياناعى ەتىپ، رەفورمانىڭ، دامۋدىڭ جەتىستىكتەرىمەن جالپى حالىقتى ءتىپتى دە كوپ، ءتىپتى دە ءادىل يگىلىككە كەنەلتتىك؛ تۇزىممەن جەتەكشىلىك ەتۋدە تاباندى بولىپ، جاپپاي قامتۋ، نەگىزدى قامتاماسىز ەتۋ، كوپ ساتىلى، باياندى بولۋ سياقتى نىسانالاردى توڭىرەكتەي وتىرىپ قوعامدىق قامتاماسىزداندىرۋ جۇيەسى قۇرىلىسىن كۇشەيتتىك؛ داۋىرمەن بىرگە ىلگەرىلەۋدە تاباندى بولىپ، دامۋ بارىسىنداعى ماسەلەلەردى رەفورما ءادىس - امالىنان جانە جاڭالىق اشۋ وي جۇيەسىنەن پايدالانىپ شەشىپ، تۇزىمدىك، مەحانيزمدىك كەدەرگىلەردى باتىل جويىپ، قوعامدىق قامتاماسىزداندىرۋ ىستەرىن ۇزدىكسىز ىلگەرىلەتتىك؛ شىندىقتى ءىس جۇزىنەن ىزدەۋدە تاباندى بولىپ، بار كۇشپەن ىستەۋمەن بىرگە، شاماعا قاراي ىستەپ، قوعامدىق قامتاماسىزداندىرۋ دەڭگەيىن جوعارىلاتۋدى ەكونوميكا مەن قازىنا كۇشىنىڭ باياندى ارتۋى نەگىزىندە قۇرىپ، ءىس جۇزىندىكتەن الشاقتامادىق، كەزەڭىنەن اتتاپ كەتپەدىك. وسى ءساتتى تاجىريبەلەردە تاباندى بولىپ جانە ونى دامىتىپ، ۇزدىكسىز قورىتىندىلاۋ، ۇزدىكسىز ىلگەرىلەۋ كەرەك.

  شي جينپيڭ بىلاي دەپ اتاپ كورسەتتى: قوعامدىق قامتاماسىزداندىرۋ حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەسىنە سايادى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى «14 – بەسجىلدىق» مەزگىلىندەگى ەلىمىزدىڭ قوعامدىق قامتاماسىزداندىرۋ ىستەرىن دامىتۋدىڭ جوباسىن ايقىندادى. جۇيە كوزقاراسىندا تاباندى بولىپ، جاڭا دامۋ كەزەڭى، جاڭا دامۋ ۇستانىمى، جاڭا دامۋ ارناسى العا قويعان جاڭا تالاپتاردى ويداعىداي يگەرىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ بارىسىندا قوعامدىق قامتاماسىزداندىرۋ ىستەرىن دامىتۋ جونىندە وي جۇگىرتۋ جانە جوسپارلاۋ كەرەك. ستراتەگيالىق كوز ايا ورناتىپ، حالىقتىڭ ساپالى تۇرمىسقا دەگەن ءۇمىت - تىلەگىنە ۇيلەسىپ، ادامنىڭ جان - جاقتى دامۋى مەن جالپى حالىقتىڭ بىرگە بايۋ اياق الىسىنا سايكەسىپ، بالاباقشاسى بولۋ، وقيتىن مەكتەبى بولۋ، ەڭبەگىنىڭ جەمىسىن كورۋ، ەمدەلەتىن شيپاحاناسى بولۋ، قارتايعاندا كۇتىمدەلەتىن ورىن بولۋ، تۇراتىن باسپاناسى بولۋ، كومەككە ءزارۋ جاندار كومەكتەن يگىلىكتەنە الۋدى ۇزدىكسىز جەبەۋدە جاڭا ىلگەرىلەۋشىلىككە قول جەتكىزۋ كەرەك. حاۋىپ - قاتەر تانىمىن كۇشەيتىپ، كەلەشەكتەگى ەلىمىزدىڭ حالىق سانىندا قارتتار سالىستىرماسىنىڭ مولايۋى، ادامداردىڭ ورتاشا مەجەلىك عۇمىر جاسىنىڭ جوعارىلاۋى، تاربيە الۋ جىل شەگىنىڭ ارتۋى، ەڭبەككۇش قۇرىلىمىنىڭ وزگەرۋى سياقتى دامۋ بەتالىستارىنا تۇجىرىم جاساپ، قىزمەتتەگى بولجامپازدىق پەن ىرىقتىلىقتى جوعارىلاتۋ كەرەك.

  شي جينپيڭ بىلاي دەپ دارىپتەدى: ەلىمىزدىڭ قوعامدىق قامتاماسىزداندىرۋ ءتۇزىمى رەفورماسى جۇيەلى شوعىرلانعان، سايكەستىلىگى جوعارى ونىمگە يە بولعان كەزەڭگە ءوتتى. قوعامدىق قامتاماسىزداندىرۋدىڭ ءار جاقتارى اراسىنداعى، قوعامدىق قامتاماسىزداندىرۋ سالاسى مەن باسقا قاتىستى سالالار اراسىنداعى رەفورمالاردىڭ قاتىناسىن دالمە - ءدال يگەرىپ، ءبىر تۇتاس جوسپارلاۋ جانە سايكەستى ىلگەرىلەتۋ قابىلەتىن جوعارىلاتىپ، ءارقايسى رەفورمادا بىرىككەن كۇش قالىپتاستىرۋعا شىنايى كەپىلدىك ەتۋ كەرەك. ماسەلەنى باعدار ەتۋدى كۇشەيتىپ، بۇقارانىڭ قوعامدىق قامتاماسىزداندىرۋ جاعىندا اڭىسى كۇشتى بولىپ وتىرعان مازالاعان ىستەردەن، قامىن جەپ وتىرعان ىستەردەن، ۋايىمداپ وتىرعان ىستەردەن كوز جازباي، رەفورمانى ۇزدىكسىز ىلگەرىلەتۋ كەرەك. كوپ ساتىلى، كوپ تىرەكتى زەينەتكەرلىك قامسىزداندىرۋى جۇيەسىن جەدەل دامىتىپ، حالىق بۇقاراسىنىڭ كوپ تۇرلىلەنگەن قاجەتىن اناعۇرلىم ويداعىداي قاناعاتتاندىرۋ كەرەك. نەگىزگى ەمدەۋ قامسىزداندىرۋىن، جۇمىسسىزدىق قامسىزداندىرۋىن، جۇمىس ۇستىندە جارالانۋ قامسىزداندىرۋىن ولكە دارەجەسىندە ءبىر تۇتاس جوسپارلاۋدى ىلگەرىلەتىپ، ورتالىق پەن جەرگىلىكتى ورىننىڭ ءىس ۇقىعىن جانە شىعىس جاۋاپكەرلىگىن ىشكەرىلەي ايقىنداۋ كەرەك. اۋىل - قىستاقتاعى قوعامدىق جاردەمدى اۋىل - قىستاقتى گۇلدەندىرۋ ستراتەگياسىن ءبىر تۇتاس جوسپارلاۋعا كىرگىزىپ، اۋىل - قىستاقتاعى قوعامدىق جاردەم ءتۇزىمىن اقاۋسىزداندىرىپ، داعدىلى كومەكتەسۋ - سۇيەمەلدەۋ شارالارىن كەمەلدەندىرۋ كەرەك. جۇمىسشى شارۋالاردى، يكەمدى جۇمىستانعانداردى، جاڭا كاسىپ كۇيىندە جۇمىستانعانداردى قوعامدىق قامسىزداندىرۋعا قاتىناستىرۋ ءتۇزىمىن اقاۋسىزداندىرىپ، قوسىننان بوساعان اسكەريلەردى قامتاماسىزداندىرۋ ءتۇزىمىن اقاۋسىزداندىرىپ، قارتتارعا قامقورلىق جاساۋ، قىزمەت وتەۋ جۇيەسىن اقاۋسىزداندىرىپ، مۇگەدەكتەرگە، جەتىمدەرگە كومەكتەسۋ سياقتى قوعامدىق يگىلىك تۇزىمدەرىن كەمەلدەندىرۋ كەرەك. «ەمدەۋ، ەمدەۋ قامسىزداندىرۋى، ءدارى - دارمەك ىستەرىن بىرلەسىپ ىلگەرىلەتۋ رەفورماسىن» قاجىماي - تالماي، سايكەسە ىلگەرىلەتۋدە تاباندى بولىپ، ءدارى - دارمەك پەن جۇمسالاتىن ماتەريالدى شوعىرلى، مولداپ ساتىپ الۋدى مەملەكەت ۇيىمداستىرۋ رەفورماسىن ىلگەرىلەتىپ، ەمدەۋ قامسىزداندىرۋىنىڭ تولەۋ ءتاسىلى رەفورماسىن تەرەڭدەتىپ، ەمدەۋ قامسىزداندىرۋى قورىنىڭ ىستەتىلۋ ونىمدىلىگىن جوعارىلاتۋ كەرەك.

  شي جينپيڭ بىلاي دەپ اتاپ كورسەتتى: زاڭ شىعارۋدىڭ، زاڭ اتقارۋدىڭ، ءادىليانىڭ، زاڭعا بويسۇنۋدىڭ ءار بۋىنىندا قوعامدىق قامتاماسىزداندىرۋ قىزمەتىن كۇشەيتىپ، قوعامدىق قامتاماسىزداندىرۋ ىستەرىنىڭ اقاۋسىز دامۋىن زاڭمەن جونگە سالۋ ارناسىندا ىلگەرىلەتۋ كەرەك. قوعامدىق قامتاماسىزداندىرۋ جاعىنداعى زاڭ شىعارۋ قىزمەتىن كۇشەيتىپ، ءار دارەجەلى ۇكىمەتتەردىڭ جانە ادام ىستەتەتىن ورىنداردىڭ، جەكەلەردىڭ، قوعامنىڭ قوعامدىق قامتاماسىزداندىرۋ ۇقىعىن، بورىشىن، جاۋاپكەرلىگىن زاڭ بويىنشا تياناقتاندىرۋ كەرەك. قوعامدىق قامتاماسىزداندىرۋ قورىن باقىلاۋ - باسقارۋ جۇيەسىن زاڭ بويىنشا اقاۋسىزداندىرۋ كەرەك. قامسىزداندىرۋدا الدامشىلىق ىستەۋ، قامسىزداندىرۋ اقىسىن زاڭسىز جولمەن شىعارىپ الۋ نەمەسە ءتۇرلى قوعامدىق قامتاماسىزداندىرۋ قارجىلارىن وزگەگە جۇمساۋ، قىمقىرىپ الۋ، يەمدەنىپ الۋ سىندى زاڭعا قايشى ارەكەتتەرگە ەشقانداي كەڭشىلىك ەتپەستەن قاتاڭ سوققى بەرىپ، حالىق بۇقاراسىنىڭ ءاربىر «زەينەتكەرلىك اقشاسىن»، «جان ساقتاۋ اقشاسىن» جانە ءاربىر «جاردەم اقشاسىن»، «قايىرىمدىلىق اقشاسىن» ويداعىداي قورعاۋ كەرەك.

  شي جينپيڭ بىلاي دەپ دارىپتەدى: قوعامدىق قامتاماسىزداندىرۋدى باسقارۋ جۇيەسىن جانە قىزمەت وتەۋ تورىن كەمەلدەندىرىپ، باسقارۋدىڭ ەگجەي - تەگجەيلىلەنۋ دارەجەسى مەن قىزمەت وتەۋ دەڭگەيىن جوعارىلاتۋ جاعىنا اناعۇرلىم زور كۇش سالىپ، قوعامدىق قامتاماسىزداندىرۋدى جونگە سالۋ ونىمدىلىگىن جوعارىلاتۋ كەرەك. قوعامدىق قامسىزداندىرۋ بايلانىسىن تىركەۋگە الۋ جانە اۋىستىرۋ، جالعاستىرۋ شارالارىن كەمەلدەندىرىپ، قوعامدىق جاردەم، قوعامدىق يگىلىك وبيەكتىلەرىن دالمە - ءدال تۇراقتاندىرۋ مەحانيزمىن اقاۋسىزداندىرىپ، قامسىزداندىرۋعا تيىستىلەردى تۇگەل قامسىزداندىرۋدى، جاردەمدەسۋگە تيىستىلەرگە تۇگەل جارمدەسۋدى، يگىلىكتەنۋگە تيىستىلەردى تۇگەل يگىلىكتەندىرۋدى جۇزەگە اسىرۋ كەرەك. بۇكىل ەلدەگى ءبىر تۇتاس قوعامدىق قامسىزداندىرۋدان الەۋمەتتىك قىزمەت وتەۋ تۇعىرىن كەمەلدەندىرىپ، قوعامدىق قامتاماسىزداندىرۋدى ءبىتىرۋدى سيفرلاندىرىپ، تيبىن جاڭالاۋدى ىشكەرىلەي ىلگەرىلەتۋ كەرەك. ءداستۇرلى قىزمەت وتەۋ ءتاسىلى مەن زەردەلىلەنگەن قىزمەت وتەۋدە جاڭالىق اشۋدى قاتار ىلگەرىلەتۋدە تاباندى بولىپ، قارتتار، مۇگەدەكتەر سياقتى توپتاردىڭ ەرەكشەلىگىنە باعىتتاي وتىرىپ، اناعۇرلىم ەتەنە، مەيىرلى قوعامدىق قامتاماسىزداندىرۋ قىزمەت وتەۋىمەن قامداۋ كەرەك. وسى رەتكى ىندەتتەن ساقتانۋ - تىزگىندەۋدەگى تابىستى ادىستەردى قورىتىندىلاپ، ەلىمىزدىڭ قوعامدىق قامتاماسىزداندىرۋىنىڭ توسىن تۋىلعان ەلەۋلى حاۋىپ - قاتەرگە باعىتتالعان شۇعىل جاعدايعا سايكەسۋ مەحانيزمىن كەمەلدەندىرۋ كەرەك.شي جينپيڭ بىلاي دەپ اتاپ كورسەتتى: ءتۇزىمنىڭ ءبىر تۇتاستىعى مەن جۇيەلىلىگىندە تاباندى بولىپ، مەملەكەت جوعارى دەڭگەيدە جوبالاۋدا تاباندى بولىپ، ءتۇزىمنىڭ قاتاڭ تەجەمىن كۇشەيتىپ، ءتۇزىمنىڭ اينالىمىن باسقارۋدى، باقىلاۋدى كۇشەيتۋ كەرەك. وڭىرلەر، ءسوز جوق، كەلەلى جاعداي تانىمىن ورناتىپ، ءتۇزىم رەفورماسى تالاپتارىن قاتاڭ تياناقتاندىرۋى كەرەك. ءار دارەجەلى پارتكومدار مەن ۇكىمەتتەر قوعامدىق قامتاماسىزداندىرۋ قىزمەتىنىڭ ماڭىزدىلىعى جونىندەگى تانىمدى تەرەڭدەتىپ، زاڭدىلىقتى يگەرىپ، ءبىر تۇتاس جوسپارلاپ سايكەستىرىپ، پارتيا ورتالىق كوميتەتىنىڭ شەشىم، ورنالاستىرۋلارىن جانە ءارقايسى رەفورما جوباسىن دايەكتىلەندىرۋدى، تياناقتاندىرۋدى ويداعىداي يگەرىپ، جالپى حالىقتى قامتىعان قوعامدىق قامتاماسىزداندىرۋ جۇيەسىن اقاۋسىزداندىرۋدا ۇزدىكسىز تىڭ ونىمدىلىكتەرگە قول جەتكىزۋى كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار