شي جينپيڭ پولشانىڭ زۇڭتۇڭى دۋدامەن تەلەفوندا سويلەستى
2021.03.02 15:56 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 1 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 1 - كۇنى كەشتە پولشانىڭ زۇڭتۇڭى دۋدامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: پولشا − ورتا، شىعىس ەۆروپا وڭىرىندەگى ءىرى ەل جانە ەۆروپا وداعىنداعى ماڭىزدى مۇشە ەل، سونداي - اق جۇڭگونىڭ ەۆروپاداعى جان - جاقتى ستراتەگيالىق سەرىگى. جۇڭگو ەجەلدەن جۇڭگو - پولشا قاتىناسىنىڭ دامۋىنا ايرىقشا ءمان بەرىپ كەلەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن پولشا ءبىر - بىرىنە قارايلاسىپ، ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ سياقتى جاقتاردا تاماشا سەلبەستىك ورىستەتىپ، ەكى ەل دوستىعىنىڭ تىڭ داستانىن جازدى. قازىرگى جاعدايدا جۇڭگو مەن پولشانىڭ ستراتەگيالىق تىلدەسۋدى كۇشەيتىپ، ناقتى سەلبەستىكتى تەرەڭدەتىپ، ءتۇرلى حاۋىپ - قاتەر مەن سىن - سايىسقا بىرگە توتەپ بەرۋى ءتىپتى دە قاجەت. جۇڭگو پولشامەن بىرگە جۇڭگو - پولشا قاتىناسىنىڭ جاڭا جىلدا ورنىقتى، باياندى دامۋىن ىلگەرىلەتۋگە پەيىل.
شي جينپيڭ مىنالاردى دارىپتەدى: جۇڭگو پولشا جاقپەن بىرلەسىپ ساقتانۋ، بىرلەسىپ تىزگىندەۋ جانە ىندەتتەن ساقتانۋ - تىزگىندەۋ تاجىريبەلەرىن ۇزدىكسىز ىشكەرىلەي اۋىستىرۋدى، سونىمەن بىرگە، ادامداردىڭ بارىس - كەلىسىن ورنىقتى، ءتارتىپتى تۇردە قالپىنا كەلتىرۋدى قالايدى. جۇڭگو پولشانىڭ قاجەتىنە ساي پولشانى ۆاكسينامەن شاماسىنىڭ كەلىسىنشە قامداۋعا پەيىل. ىندەت كەزىندە جۇڭگو مەن پولشا اراسىندا قاتىناعان جۇڭگو - ەۆروپا كەزەكشى پويەزىنىڭ مولشەرى مەن جۇك تاسىمال مولشەرى تاريحتاعى ەڭ جوعارى دەڭگەيگە جەتىپ، جۇڭگو - پولشا، جۇڭگو - ەۆروپا قامداۋ تىزبەگىنىڭ، كاسىپ تىزبەگىنىڭ جوعارى دارەجەدە ءبىر - بىرىنە سۇيەنەتىنىن، سونداي - اق ەكى جاقتىڭ ەكونوميكا - ساۋدا سەلبەستىگىنىڭ كومەسكى كۇشىنىڭ وراسان زور ەكەنىن ايگىلەدى. جۇڭگو جاق جۇڭگو - ورتا، شىعىس ەۆروپا ەلدەرى سەلبەستىگى جۇلگەسىندەگى قاتىستى مەحانيزمدەردى ورناتۋ ارقىلى پولشانىڭ اناعۇرلىم كوپ ساپالى اۋىل شارۋاشىلىق ونىمدەرىن يمپورت ەتۋدى ىلگەرىلەتەدى. جۇڭگو مەن ەۆروپا قارجى قوسۋ كەلىسىمى كەلىسسوزىن ورىنداپ، جۇڭگو مەن پولشانىڭ سەلبەستىگىنە اناعۇرلىم كەڭ ءورىس اشادى.
شي جينپيڭ بىلاي دەپ اتاپ كورسەتتى: تاياۋدا جۇڭگو - ورتا، شىعىس ەۆروپا ەلدەرى باسشىلارىنىڭ بەينە ەكران باسشىلار ءماجىلىسى ءساتتى وتكىزىلدى، مەن سىزبەن جانە باسقا ەلدەردىڭ باسشىلارىمەن جۇڭگو - ورتا، شىعىس ەۆروپا ەلدەرىنىڭ سەلبەستىك، دامۋ بارىسىن جان - جاقتى ەسكە الىپ، دامۋ تاجىريبەلەرىن ىشكەرىلەي قورىتىندىلاپ، دامۋ بولاشاعىنا بىرگە نازار اۋدارىپ، كەڭ كولەمدى ورتاق تانىمعا كەلىپ، سەلبەستىك مەحانيزمى ءۇشىن ماڭىزدى جوبا ازىرلەدىك جانە جەتەكشىلىك ەتتىك. جۇڭگو پولشامەن بىرگە قۇلشىنىپ، وسى رەتكى باسشىلار باس قوسۋىن جاڭا باستاما ەتىپ، جۇڭگو - ورتا، شىعىس ەۆروپا ەلدەرى سەلبەستىگىن جانە جۇڭگو - ەۆروپا قاتىناسىن ىلگەرىلەتۋدە اناعۇرلىم كوپ تابىسقا قول جەتكىزۋگە پەيىل
دۋدا مىنانى ءبىلدىردى: ءتوراعا شي جينپيڭنىڭ 2016 - جىلعى پولشاداعى مەملەكەتتىك ساپارى پولشا - جۇڭگو قاتىناسىنىڭ دامۋىن پارمەندى جەبەدى. تاياۋدا ءتوراعا شي جينپيڭ ورتا، شىعىس ەۆروپا ەلدەرى - جۇڭگو باسشىلارىنىڭ بەينە ەكران باسشىلار ءماجىلىسىن ءساتتى باسقارىپ اشتى، بۇل ورتا، شىعىس ەۆروپا ەلدەرىنىڭ جۇڭگومەن سەلبەستىگىن جەبەپ، ورتا، شىعىس ەۆروپا ەلدەرىنىڭ ىندەتتەن كەيىنگى ەكونوميكانىڭ قالپىنا كەلۋىن جۇزەگە اسىرۋىنا دەم بەرۋدە توتەنشە ماڭىزدى. پولشا ءتوراعا شي جينپيڭنىڭ جۇڭگونىڭ جاڭا تيپتى ايدارشا ۆيرۋس ۆاكسيناسىن دۇنيە جۇزىلىك الەۋمەتتىك ءونىم ەتۋگە كۇش سالۋىنا بايلانىستى ۋادە بەرگەنىن ءارى ورتا، شىعىس ەۆروپا ەلدەرىمەن ۆاكسينا سەلبەستىگىن ورىستەتۋگە پەيىل بولىپ وتىرعانىن ايرىقشا القايدى. بۇل جۇڭگونىڭ ءتوراعا شي جينپيڭنىڭ باسشىلىعىندا جاۋاپكەرلىك ارقالايتىن ءىرى ەلدىك رولىن ساۋلەلەندىرگەنىن دالەلدەدى. پولشا جۇڭگومەن ىندەتكە قارسى اتتانۋ سەلبەستىگىن كۇشەيتۋگە پەيىل. جۇڭگو - ەۆروپا كەزەكشى پويەزدەرى ىندەتكە قارسى اتتانۋدا ماڭىزدى رول اتقاردى. ەكى جاقتىڭ ءار سالادا ادامداردىڭ بارىس - كەلىسى مەن سەلبەستىگىن ۇزدىكسىز ساقتاپ، ەكى جاقتى ساۋدانىڭ بىركەلكى ارتۋىن جەبەۋىن ءۇمىت ەتەمىن. پولشا ورتا، شىعىس ەۆروپا ەلدەرىنىڭ جۇڭگومەن سەلبەستىگىنە ۇزدىكسىز ۇلەس قوسۋعا پەيىل. مەن ىندەت اياقتالعاننان كەيىن جۇڭگوعا تاعى دا ساپارلاي بارۋدى ءۇمىت ەتەمىن، ءتوراعا شي جينپيڭمەن قويۋ دوستىق بارىس - كەلىستى ساقتاپ، پولشا - جۇڭگو قاتىناسىنىڭ تىڭ ساتىعا كوتەرىلۋىن بىرگە ىلگەرىلەتۋگە پەيىلمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
