شي جينپيڭ تاجىكستاننىڭ زۇڭتۇڭى راحمونمەن تەلەفوندا سويلەستى
2021.03.02 15:58 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 1 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 1 - كۇنى كەشتە تاجىكستاننىڭ زۇڭتۇڭى راحمونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بىلتىردان بەرى جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ تارالۋى مەن دۇنيە جۇزىندە ءجۇز جىلدان بەرى بولماعان زور وزگەرىس الدىندا جۇڭگو مەن تاجىكستان حالىقتارى ءبىر جاعادان باس، ءبىر جەڭنەن قول شىعارىپ، ىنتىماقتاسا سەلبەسىپ، ءار سالاداعى سەلبەستىكتە سۇبەلى تابىستارعا قول جەتكىزدى، اسىرەسە، ىندەتكە قارسى اتتانۋ سەلبەستىگى كورىنەۋ تۇيىنگە اينالدى. ەكى جاقتىڭ ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداۋى جۇڭگو مەن تاجىكستاننىڭ جان - جاقتى ستراتەگيالىق سەرىكتەستىك قاتىناسىنىڭ جوعارى دەڭگەيىن تولىق ايگىلەدى. جۇڭگو تاجىكستان جاقتىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، تاجىكستان جاقپەن «ءبىر بەلدەۋ، ءبىر جولدى» بىرگە قۇرۋ باستاماسىن تاجىكستاننىڭ «2030 – جىلعا دەيىنگى مەملەكەتتىڭ دامۋ ستراتەگياسىمەن» ۇشتاستىرۋدى كۇشەيتىپ، جۇڭگو - تاجىكستان قاتىناسىنىڭ ۇزدىكسىز العا دامۋىن ىلگەرىلەتۋگە پەيىل.
شي جينپيڭ بىلاي دەپ دارىپتەدى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. جۇڭگو رەفورما جاساۋدى، ەسىك اشۋدى اناعۇرلىم بيىك باستامادا ىلگەرىلەتىپ، جۇڭگو مەن تاجىكستاننىڭ جان - جاقتى سەلبەستىگىنە جاڭا وراي اكەلەدى. ەكى جاق ەكونوميكا - ساۋدا، قارجى قوسۋ، اۋىل شارۋاشىلىعى، ءوزارا بايلانىس، سيفرلى ەكونوميكا سياقتى سالالارداعى سەلبەستىكتى ءبىر تۇتاس ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋداعى ءتۇيىندى نىسان قۇرىلىستارىن الدىمەن ىلگەرىلەتۋى كەرەك. جۇڭگو جاق بازار قاجەتىنە ۇيلەسەتىن تاجىكستان جاقتىڭ اناعۇرلىم كوپ ساپالى اۋىل شارۋاشىلىق ونىمدەرىن يمپورت ەتۋگە پەيىل. جۇڭگو تاجىكستانعا ۆاكسينا جاعىنان كومەك بەرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە پەيىل.
شي جينپيڭ بىلاي دەپ اتاپ كورسەتتى: بيىل − شاڭحاي ىنتىماقتاستىق ۇيىمى قۇرىلعانىنىڭ 20 جىلدىعى. جۇڭگو تاجىكستاننىڭ كەزەكتى ءتوراعا ەل قىزمەتىن بار كۇشپەن قولداپ، تاجىكستانمەن سەلبەستىكتى كۇشەيتىپ، شاڭحاي ىنتىماقتاستىق ۇيىمىنىڭ جاڭا باستامادا اناعۇرلىم زور دامۋدى جۇزەگە اسىرۋىن ىلگەرىلەتەدى.
راحمون ءتوراعا شي جينپيڭ مەن جۇڭگو حالقىنا مەرەكەلىك سالەم جولداپ، جۇڭگو حالقىنىڭ كوكتەم مەرەكەسىن قۇتتىقتادى، جۇڭگونىڭ جاڭا ءبىر جىلدا تىڭ تابىستارعا قول جەتكىزۋىن تىلەدى. راحمون مىنانى ءبىلدىردى: ءتوراعا شي جينپيڭنىڭ پارمەندى باسشىلىعىندا جانە جۇڭگو حالقىنىڭ قاجىرلىلىقپەن قۇلشىنۋىندا جۇڭگو كەدەيلەردى ازايتۋ سالاسىندا تاريحقا ماڭگى جازىلاتىن شۇعىلالى تابىستارعا قول جەتكىزدى، تاجىكستان جاق مۇنى قىزۋ قۇتتىقتايدى. تاجىكستان جاق جۇڭگو جاقتىڭ حالىقارالىق قوعامنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ءۇشىن قوسقان ماڭىزدى ۇلەسىن ايرىقشا القايدى، جۇڭگونىڭ تاجىكستاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا جانە ەكونوميكالىق، قوعامدىق دامۋىنا كورسەتكەن قاستەرلى قولداۋىنا العىس ايتادى. تاجىكستان جۇڭگومەن بىرگە قۇلشىنىپ، تاتۋ كورشىلىك، دوستىق رۋحىن ۇزدىكسىز ارقاۋ ەتىپ، ەكى ەلدىڭ ساياسي، ەكونوميكا - ساۋدا، حاۋىپسىزدىك، گۋمانيتارلىق سياقتى سالالارداعى سەلبەستىگىن كەڭەيتىپ، ىندەتكە قارسى اتتانۋ سەلبەستىگىن كۇشەيتىپ، تاجىكستان مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنا تىڭ مازمۇن قوسىپ، ەكى ەل قاتىناسىنىڭ تىڭ دامۋشىلىقتارعا قول جەتكىزۋىن ىلگەرىلەتۋگە پەيىل. تاجىكستان جاق جۇڭگو جاقپەن تىعىز قاتىناس جاساپ، شاڭحاي سەلبەستىك ۇيىمىنىڭ كەزەكتى ءتوراعا ەلى قىزمەتىن ءساتتى ورىنداپ، شاڭحاي سەلبەستىك ۇيىمىنىڭ باس قوسۋىن تابىستى وتكىزۋدى ءۇمىت ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
