شينجياڭ ۇيعۇر اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ارناۋلى ۇيرەندى
2021.03.03 15:11 كەلۋ قاينارى : شينجياڭ گازەتى
باس شۋجي شي جينپيڭنىڭ ماڭىزدى ءسوزىنىڭ رۋحىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، پارتيا قۇرىلعاندىعىنىڭ 100 جىلدىعىن ورنىقتىلىق پەن دامۋداعى ۇزدىك ناتيجەلەرمەن قۇتتىقتاۋ كەرەك
چىن چۋانگو باسقاردى
شوكىرات زاكىر، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 1 - كۇنى ۇرىمجىدەن حابارلايدى. 2 - ايدىڭ 28 - كۇنىنەن 3 - ايدىڭ 1 - كۇنىنە دەيىن اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ارناۋلى ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.
شوكىرات زاكىر، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان ماجىلىسكە قاتىناستى.
ماجىلىسكە قاتىناسقان جولداستار شوعىرلى تۇردە وزدىگىنەن ۇيرەنۋ مەن تالقىلاۋدى، پىكىر اۋىستىرۋدى ءوزارا ۇشتاستىرۋ ءتاسىلىن قولدانىپ مۇقيات ۇيرەندى. ماجىلىستە چىن چۋانگو، شوكىرات زاكىر، ۋاڭ جۇنجىڭ، شۇي حايرۇڭ ۇيرەنۋ اسەرلەرىن سويلەدى، اۆتونوميالى رايوندىق پارتكومداعى باسقا دا تۇراقتى مۇشە جولداستار جانە اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىردى. كوپشىلىك ءبىر اۋىزدان مىنالاردى ءبىلدىردى: ۇيرەنۋ ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ باي مازمۇنى جونىندەگى تۇسىنىگىمىز جانە ونى يگەرۋىمىز اناعۇرلىم تەرەڭدەدى، شينجياڭ قىزمەتىن ويداعىداي ىستەۋدەگى جاۋاپكەرشىلىك سەزىمىمىز، بورىشتىلىق سەزىمىمىز، كوكەي تەستىلىك سەزىمىمىز اناعۇرلىم كۇشەيدى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن اناعۇرلىم سانالى تۇردە بىرلىككە كەلتىرىپ، سەنىمدى، بەكىمدى نىعايتىپ، تومەنگى شەكتە ويلاۋعا تاباندى بولىپ، كۇرەس رۋحىن ساۋلەلەندىرىپ، شينجياڭ قىزمەتىنىڭ تاعى دا تىڭ ساتىعا كوتەرىلۋىن، جاڭا جاعداي اشۋىن قۇلشىنا ىلگەرىلەتەمىز.
چىن چۋانگو بىلاي دەپ اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن ۇشتاستىرۋعا، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ جانە ورتالىقتىڭ مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ رۋحى سياقتىلاردى ۇيرەنۋمەن، دايەكتىلەندىرۋمەن ۇشتاستىرۋعا، پارتيا تاريحىن ۇيرەنۋ تاربيەسىن ورىستەتۋمەن ۇشتاستىرۋعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، دامۋدىڭ، ورنىقتىلىقتىڭ ءتۇرلى قىزمەتتەرىن تىڭعىلىقتى، ويداعىداي ىستەپ، ”14 - بەسجىلدىقتىڭ“ باستاماسىن جاقسى باستاۋعا، قادامدى جاقسى تاستاۋعا شىنايى كەپىلدىك ەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
ءبىرىنشى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ، دۇرىس ساياسي بەتالىستى باتىل ساقتاۋ جاعىنا نازاردى شوعىرلاندىرۋ، كۇش سالۋ كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋگە، دايەكتىلەندىرۋگە، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە تاباندى بولۋدى ماڭىزدى ساياسي مىندەت ەتىپ، ۇيرەنۋ، ۇگىتتەۋ، لەكسيا جاساۋ، باۋلۋ، جالپىلاستىرۋ، زەرتتەۋ - تالقى سياقتى قيمىلداردى ۇدايىلاندىرا ويداعىداي ورىستەتىپ، جەتە ۇيرەنۋدى، جەتە ۇعىنۋدى، جەتە ءتۇسىنۋدى، شىنايى تياناقتاندىرۋدى شىن مانىندە ورىنداپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك.
ەكىنشى، لاڭكەستىككە قارسى تۇرۋ، ورنىقتىلىقتى قورعاۋ قىزمەتىن تىڭعىلىقتى، ويداعىداي ىستەۋ، قوعامدىق كەلەلى جاعدايدىڭ باياندى ورنىقتىلىعىن، ۇزاق ۋاقىت ورنىقتىلىعىن ساقتاۋ جاعىنا نازاردى شوعىرلاندىرۋ، كۇش سالۋ كەرەك. زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جاپپاي زاڭمەن جونگە سالۋ تالابىن شينجياڭ قىزمەتىنىڭ ءتۇرلى سالاسىندا تياناقتاندىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن قالىپتاستىرۋ كەرەك.
ءۇشىنشى، جۇڭحۋا ۇلتى ورتاق تۇلعا تانىمىن سومداۋ، ۇلتتار ىنتىماعىن ۇزدىكسىز بەكەمدەۋ، كۇشەيتۋ جاعىنا نازاردى شوعىرلاندىرۋ، كۇش سالۋ كەرەك. جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى، ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن شينجياڭ كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، جۇڭحۋا ۇلتى ورتاق تۇلعا تانىمىن جۇرەككە تەرەڭ ۇيالاتۋ؛ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن ىشكەرىلەي ورىستەتىپ، ءار ۇلتتىڭ كەڭ كولەمدە ارالاسۋىن، جان - جاقتى ىشتەسۋىن، تەرەڭ توعىسۋىن جەبەۋ كەرەك.
ءتورتىنشى، شينجياڭدا ءىسلام ءدىنىن جۇڭگوشالاندىرۋدى بەلسەنە ىلگەرىلەتۋ، دىندەردىڭ تاتۋلىعىن، جاراسىمدىلىعىن جەبەۋ جاعىنا نازاردى شوعىرلاندىرۋ، كۇش سالۋ كەرەك. پارتيانىڭ ءدىن قىزمەتى نەگىزگى باعىتىن جالپى بەتتىك دايەكتىلەندىرىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى شاۋجايلاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
بەسىنشى، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارۋ، يدەولوگيا سالاسىنىڭ حاۋىپسىزدىگىن باتىل قورعاۋ جاعىنا نازاردى شوعىرلاندىرۋ، كۇش سالۋ كەرەك. بۇلجىماستان تۋ ۇستاپ، حالىق تىلەگىن ۇيىستىرىپ، جاڭا ادام تاربيەلەپ، مادەنيەتتى وركەندەتىپ، وبرازدى ايگىلەپ، يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ءار ۇلتقا ورتاق رۋحاني مەكەن قۇرۋ كەرەك.
التىنشى، جاڭا دامۋ ۇستانىمىن دايەكتىلەندىرۋ، ەكونوميكانىڭ جوعارى ساپالى دامۋىن ىلگەرىلەتۋ جاعىنا نازاردى شوعىرلاندىرۋ، كۇش سالۋ كەرەك. جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جاڭالىق اشۋ ارقىلى دامۋعا دەم بەرۋدى، ەرەكشە، باسىمدىققا يە كاسىپ سالالارىن زورايتۋدى، ىشكى سۇرانىستى كەڭەيتۋدى، رەفورمانى جاپپاي تەرەڭدەتۋدى، ىشكە، سىرتقا ەسىك اشۋدى كەڭەيتۋدى، اۋىل - قىستاقتى گۇلدەندىرۋ ستراتەگياسىن اتقارۋدى، ادامدى وزەك ەتكەن جاڭاشا قالا - قالاشىقتاندىرۋدى، ەكولوگيالىق ورتانى قورعاۋدى جانە قۇرۋدى، حالىق تۇرمىسىن قامتاماسىز ەتۋدى، جاقسارتۋدى، بيڭتۋان مەن جەرگىلىكتى ورىننىڭ توعىسا دامۋىن كورنەكتى تۇردە ويداعىداي يگەرىپ، حالىق تۇرمىسىنا جاناسىپ، جوعارى ساپالى دامۋدى ىلگەرىلەتۋ كەرەك.
جەتىنشى، سىرتقا ۇگىتتەۋ تەبىنىن ارتتىرۋ، ۇزدىكسىز تاماشا ورتا جاراتۋ جاعىنا نازاردى شوعىرلاندىرۋ، كۇش سالۋ كەرەك. ءتاسىلدى، دانەكەردى جاڭالاپ، شينجياڭ حيكايالارىن كوپ ساتىلى، جان - جاقتىلى، ستەرەولدى تۇردە ويداعىداي بايانداپ، شينجياڭنىڭ قوعام ورنىقتىلىعىنىڭ اسا تاماشا جاعدايىن، حالىقتىڭ شات - شادىمان تۇرمىس، الاڭسىز تىرشىلىك كەشىرگەن باقىتتى تۇرمىسىن نىق سەنىممەن ۇگىتتەۋ كەرەك.
سەگىزىنشى، بيڭتۋاننىڭ رەفورمانى تەرەڭدەتۋى مەن وڭتۇستىككە قاراي دامۋىن بار كۇشپەن قولداۋ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتۋ جاعىنا نازاردى شوعىرلاندىرۋ، كۇش سالۋ كەرەك. بيڭتۋان مەن جەرگىلىكتى ورىن ءبىر تۇتاس جۇيە، بيڭتۋان مەن جەرگىلىكتى ورىن ءبىر شاڭىراق دەيتىن يدەيانى بەرىك ورناتىپ، بيڭتۋان مەن جەرگىلىكتى ورىننىڭ توعىسا دامۋىن جاپپاي ىلگەرىلەتىپ، بيڭتۋاننىڭ رەفورمانى تەرەڭدەتۋىن، وڭتۇستىككە قاراي دامۋىن جانە ورنىقتىلىقتى قورعاۋ، شەكارا ءوڭىردى قورعاۋ قۋاتى قۇرىلىسىن قولداپ، ەرەكشە رولىن اناعۇرلىم ويداعىداي ساۋلەلەندىرۋ كەرەك.
توعىزىنشى، پارتيانىڭ جالپى بەتتىك باسشىلىعىن كۇشەيتۋ، پارتيانىڭ بيلىك جۇرگىزۋ نەگىزىن بەكەمدەۋ جاعىنا نازاردى شوعىرلاندىرۋ، كۇش سالۋ كەرەك. پارتيانىڭ شينجياڭ قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، باسشىلىق القانى، كادرلار قوسىنىن جانە پارتيانىڭ نەگىزگى ساتى ۇيىمدىق قۇرىلىسىن كۇشەيتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
