بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك كەڭەس تاراۋلارى ۋاكىلدەردىڭ 8108 ۇسىنىسىن، مۇشەلەردىڭ 4115 ۇسىنىس جوباسىن باستاماشىلدىقپەن ءبىر جاقتى ەتتى

12 مىڭنان استام ۇسىنىس، ۇسىنىس جوبا تۇگەلدەي ۋاعىندا ءبىر جاقتى ەتىلدى (بەدەلدى جاريالاۋ)

«حالىق گازەتىنىڭ» ءتىلشىسى ۋەي جىجى

2021.03.03 16:41     كەلۋ قاينارى : حالىق تورابى

  مەملەكەتتىك كەڭەستىڭ اقپارات كەڭسەسى 3 - ايدىڭ 2 - كۇنى ساياساتتىق حابارلاندىرۋ جيىنىن اشتى، قوعام حاۋىپسىزدىگى مينيسترلىگى مينيسترىنىڭ ورىنباسارى ليۋ جاۋ، تۇرعىن ءۇي جانە قالا – اۋىل قۇرىلىسى مينيسترلىگى مينيسترىنىڭ ورىنباسارى جاڭ شياۋحۇڭ، اۋىل شارۋاشىلىعى، اۋىل – قىستاق مينيسترلىگى مينيسترىنىڭ ورىنباسارى ليۋ حۋانشين، مەملەكەتتىك اۋىل – قىستاقتى گۇلدەندىرۋ مەكەمەسى باستىعىنىڭ ورىنباسارى حۇڭ تيانيۇن جانە مەملەكەتتىك كەڭەس اقپارات كەڭسەسىنىڭ اقپارات مالىمدەمەشىسى شوۋ شياۋلي 2020 – جىلعى مەملەكەتتىك كەڭەس تاراۋلارىنىڭ مەملەكەتتىك حالىق قۇرىلتايى ۋاكىلدەرىنىڭ ۇسىنىسى مەن مەملەكەتتىك ساياسي كەڭەس مۇشەلەرىنىڭ ۇسىنىس جوبا قىزمەتىن بىتىرۋىنە قاتىستى جاعدايلاردى تانىستىردى.

  «تاراۋلار جولداعان ءبىر جاقتى ەتۋ جاعدايى جونىندەگى ساناققا نەگىزدەلگەندە، سونداي - اق حالىق قۇرىلتايىنىڭ، ساياسي كەڭەستىڭ قاتىستى جاقتارىمەن سالىستىرعاندا، 2020 - جىلى مەملەكەتتىك كەڭەس تاراۋلارى ۋاكىلدەردىڭ 8108 ۇسىنىسىن، مۇشەلەردىڭ 4115 ۇسىنىس جوباسىن باستاماشىلدىقپەن ءبىر جاقتى ەتكەن، بۇلار ۇسىنىس، ۇسىنىس جوبا جالپى سانىنىڭ جەكە - جەكە %88.3 ىن، %84.9 ىن ۇستاپ، تۇگەلدەي ۋاعىندا ءبىر جاقتى ەتىلگەن. شوۋ شياۋلي بىلاي دەپ تانىستىردى: ۇسىنىس، ۇسىنىس جوبالاردى ءبىر جاقتى ەتۋ ارقىلى تاراۋلار ۋاكىلدەر مەن مۇشەلەردىڭ جالپى 3700 گە جۋىق ۇسىنىس - پىكىرىن قابىلداپ، شامامەن 1500 ءتۇرلى قاتىستى ساياسات - شارانى العا قويىپ، «التىنى ورنىقتىرۋ»، «التىنى قامتاماسىز ەتۋ» قىزمەتىن پارمەندى ىلگەرىلەتىپ، كەدەيلىكتەن ارىلتۋدان قامال الۋ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋدى باسقارۋ جۇيەسىن اقاۋسىزداندىرۋ، حالىق تۇرمىسى سالاسىنداعى قيىن ماسەلەلەردى شەشۋ سياقتى قاتىستى قىزمەتتەردى جەبەپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋدە، تۇتاس جىلدىق نىسانا - مىندەتتەردى ورىنداۋدا بەلسەندى رول اتقاردى.

  ليۋ جاۋ تانىستىرىپ بىلاي دەدى: 2020 - جىلى قوعام حاۋىپسىزدىگى مينيسترلىگى مەملەكەتتىك «ەكى ءماجىلىستىڭ» 683 ۇسىنىسىن، ۇسىنىس جوباسىن ءبىر جاقتى ەتتى ءارى بەلگىلەنگەن شەكتى مەرزىم ىشىندە تۇگەلدەي جوعارى ساپامەن ءبىتىردى.

  جول قاتىناس حاۋىپسىزدىگى ماسەلەسى باستان – اياق ۋاكىلدەر مەن مۇشەلەردىڭ جانە قوعامنىڭ نازارىن اۋدارىپ كەلەدى. «2020 - جىلى قوعام حاۋىپسىزدىگى مينيسترلىگى جول قاتىناس حاۋىپسىزدىگىن باسقارۋعا ساياتىن 153 ۇسىنىس جوبانى ءبىر جاقتى ەتتى، بۇل جالپى ۇسىنىس جوبانىڭ %22.5 ىن ۇستايدى، مۇنىڭ ىشىندە كولىك جانە جۇرگىزۋشىلەردى باسقارۋ، ەلەكترلى ۆەلوسيپەدتى باسقارۋ سياقتى جاقتارداعى ماسەلەلەر ءبىرشاما شوعىرلى بەينەلەنگەن. ليۋ جاۋ تانىستىرىپ بىلاي دەدى: قوعام حاۋىپسىزدىگى مينيسترلىگى ۋاكىلدەردىڭ، مۇشەلەردىڭ ۇسىنىس - پىكىرلەرىن مۇقيات قابىلداپ، قوعام حاۋىپسىزدىگى قاتىناس باسقارۋ قىزمەتىن اقىلداستى جانە جاقسارتتى، ايتالىق، اۆتوكولىك پەن جۇرگىزۋشىلەردى باسقارۋعا باعىتتاي وتىرىپ، قوعام حاۋىپسىزدىگى مينيسترلىگى قاتىناس باسقارۋ بويىنشا ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى ساپالىلاندىرۋ رەفورماسىن ۇزدىكسىز ىلگەرىلەتىپ، وسىنىڭ الدىنداعى 36 ءتۇرلى رەفورما شاراسى نەگىزىندە، 2020 - جىلى 3 توپقا ءبولىپ، تاعى 19 ءتۇرلى رەفورما شاراسىن اتقارىپ، 3 ميلليارد ادام - رەت قىزمەت كورسەتىپ، بۇقارا جانە كاسىپورىندار ءۇشىن 60 ميلليارد يۋاننان استام ءىس ءبىتىرۋ وزىندىك قۇنىن ازايتتى.

  وسى بىرنەشە جىلدا ۋاكىلدەر مەن مۇشەلەر قالا - قالاشىقتارداعى كونە شاعىن رايونداردى وزگەرتۋ قىزمەتىنە ەرەكشە كوڭىل ءبولىپ، ءتۇزىمدى جوبالاۋ، قارجى توپتاۋ، تەحنيكالىق ولشەم، قوعامدىق كۇشتەردىڭ ات سالىسۋى سياقتى جاقتاردا باعىتتامالىلىعى، يكەمدىلىگى كۇشتى كوپتەگەن جاقسى پىكىر، ۇسىنىستى العا قويدى. «2020 - جىلى بۇل جاقتاعى ۇسىنىس - جوبا 25 نۇسقا بولدى، تۇرعىن ءۇي جانە قالا - اۋىل قۇرىلىسى مينيسترلىگى ۇسىنىس - جوبالاردى ءبىر جاقتى ەتۋ قىزمەتىنە ايرىقشا ءمان بەرىپ، ۋاكىلدەرمەن، مۇشەلەرمەن ىرىقتى تۇردە پىكىرلەسىپ، دەر كەزىندە اڭىس قايتارىپ جانە جاۋاپ بەرىپ، كوپتەگەن ساياساتتىق شارا مەن ۇسىنىستى ‹مەملەكەتتىك كەڭەس كەڭسەسىنىڭ قالا - قالاشىقتارداعى كونە شاعىن رايونداردى جاڭالاۋ قىزمەتىن جاپپاي ىلگەرىلەتۋ جونىندەگى جەتەكشى پىكىرىن› ازىرلەۋ بارىسىندا قابىلدادى». جاڭ شياۋحۇڭ تانىستىرىپ بىلاي دەدى: 2020 - جىلى قالا - قالاشىقتاعى 40 مىڭ 300 كونە شاعىن رايون جاڭالانىپ، 7 ميلليون 360 مىڭ تۇرعىنعا يگىلىك جەتكىزىلىپ، «ۇكىمەت قىزمەتىنەن باياندامادا» ايقىن بەلگىلەنگەن نىسانا - مىندەت اسىرا ورىندالدى؛ سونىمەن بىرگە، جەر - جەر وزگەرتىپ سالىناتىن نىسانداردى تەكسەرىپ بەكىتۋدى جەدەلدەتۋ، ىركىندى بايلىقتاردى بىرىكتىرىپ پايدالانۋ، قوعامدىق كۇشتەردى ات سالىسۋعا باۋراۋ سياقتى جاقتاردا بەلسەنە ىزدەنىس جاساپ، كوشىرىپ قولدانۋعا، جالپىلاستىرۋعا بولاتىن ءبىر توپ تاجىريبە، ءادىس جانە ساياسات مەحانيزمىن قالىپتاستىردى.

  اۋىل شارۋاشىلىعى، اۋىل - قىستاق مينيسترلىگى 2020 - جىلى 1545 ۇسىنىس، ۇسىنىس جوبانى ءبىر جاقتى ەتتى، مۇنىڭ ىشىندە 1054 ۇسىنىس، 491 ۇسىنىس جوبا بار، بۇلار سول جىلعى مەملەكەتتىك ەكى ءماجىلىستىڭ ۇسىنىس، ۇسىنىس جوبا جالپى مولشەرىنىڭ 10/1 ىن ۇستايدى. «2020 - جىلى اۋىل شارۋاشىلىعى، اۋىل - قىستاق مينيسترلىگى قىرۋار ۇسىنىس، ۇسىنىس جوبانى تاپسىرىپ الىپ، وسى ۇسىنىس، ۇسىنىس جوبالاردى ءتۇيىندى تۇردە ءبىر جاقتى ەتتى». ليۋ حۋانشين تانىستىرىپ بىلاي دەدى: مىسالى، مەملەكەتتىڭ استىق حاۋىپسىزدىگىن قامتاماسىزداندىرۋ جاعىندا ۋاكىلدەر، مۇشەلەر استىق وندىرەتىن نەگىزگى رايونداردى سۇيەمەلدەۋ، دامىتۋ تەبىنىن ارتتىرۋ ۇسىنىسىن ورتاعا قويدى، سونداي - اق ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا استىق حاۋىپسىزدىگىنە كەپىلدىك ەتۋ سياقتى ءبىرقىدىرۋ پىكىر، ۇسىنىستى ورتاعا قويدى، اۋىل شارۋاشىلىعى، اۋىل - قىستاق مينيسترلىگى بۇل ۇسىنىستاردى مۇقيات زەرتتەپ قابىلدادى، ۇسىنىس، ۇسىنىس جوبالارىنىڭ تالابى بويىنشا، استىق جاعىنان قولداۋ ساياساتىن ونان ارى كەمەلدەندىرىپ، جەرگىلىكتى ۇكىمەتتەردىڭ استىق ءوندىرىسىن دامىتۋ جاۋاپكەرلىگىن كۇشەيتىپ، استىق ەگىلەتىن جەر كولەمىنىڭ ورنىقتىلىعىنا كەپىلدىك ەتتى؛ سونىمەن بىرگە، اۋىل - قىستاقتا ىندەتتەن ساقتانۋ - تىزگىندەۋ جانە ەگىنشىلىك ءوندىرىسىن ءبىر تۇتاس ويداعىداي يگەرۋ، جاسىل، ساپالى، جوعارى ءونىمدى تەحنيكا ۇلگىسىن شوعىرلى جالپىلاستىرىپ، چاڭجياڭ وزەنىندەگى تاسقىن، شىعىس سولتۇستىكتەگى جازعى قۋاڭشىلىق جانە تايفىڭ داۋىلى سياقتى اۋا رايى اپاتتارىنا تىڭعىلىقتى توتەپ بەرىپ، ءبيدايدىڭ جولاقتى تات دەرتى مەن قىزىل زەڭ دەرتىنەن ساقتانىپ، كوپ ساتىلى قورعانىس شەبىن قۇرىپ، جايىلىمنىڭ ءتۇن كوبەلەگى مەن قۇم شەگىرتكەسىنىڭ سۇعاناقتىق جاساۋىنا توسقاۋىل قويدى، اپاتقا قارسى اتتانىپ، مول ءونىم الۋعا بارىنشا كۇش سالدى.

  «2020 - جىلى اۋىل - قىستاقتى گۇلدەندىرۋ مەكەمەسى ۇستىنە العان ۇسىنىس، ۇسىنىس جوبالارىندا كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، قايتا كەدەيلەنۋدەن، كەدەيلەنۋدەن ساقتانۋ جونىندەگى 60 نەشە ۇسىنىس، ۇسىنىس جوبا بار، بۇلار اۋىل - قىستاقتى گۇلدەندىرۋ مەكەمەسى ءبىر جاقتى ەتۋگە ءتيىستى جالپى ساننىڭ %15 ىن ۇستايدى، ۋاكىلدەر مەن مۇشەلەر كەدەيلىكتەن ارىلتۋ تابىستارىن بەكەمدەپ، قايتا كەدەيلەنۋدەن ساقتانۋدا ءدوپ كەلگەن قىسىمعا ىشكەرىلەي تالداۋ جاساپ، كەدەيلىكتەن ارىلتۋدان قامال الۋدىڭ تابىستارىن قالاي بەكەمدەۋ جونىندە ۇسىنىس - پىكىر بەردى». حۇڭ تيانيۇن تانىستىرىپ بىلاي دەدى: كەلەسى قادامدا قايتا كەدەيلەنۋدەن ساقتانۋ اۋقىمدىق باقىلاۋ جانە سۇيەمەلدەۋ مەحانيزمىن جانە دە كەمەلدەندىرەمىز، قايتا كەدەيلەنۋ مۇمكىندىگى بارلاردى دەر كەزىندە بايقاپ، دەر كەزىندە سۇيەمەلدەيمىز، قاتىستى تاراۋلارمەن، قاتىستى ورىندارمەن ساندى مالىمەتتەن ورتاق يگىلىكتەنۋدى جانە ۇشتاستىرۋدى كۇشەيتەمىز، شارۋالار ىرىقتىلىقپەن ءوتىنىش بەرۋ، تاراۋلار ينفورماتسيانى سالىستىرۋ، نەگىزگى ساتى كادرلارى مەرزىم بويىنشا وكشەلەپ جاعداي ۇعىسۋ ۇشتاستىرىلعان قايتا كەدەيلەنگەن حالىقتى بايقاۋ جانە تەكسەرۋ مەحانيزمىن ورناتتى. سۇيەمەلدەۋ وبيەكتىلەرىن يكەمدى باسقاردى؛ سونىمەن بىرگە، كەدەيلىكتەن ارىلعان رايونداردىڭ، كەدەيلىكتەن ارىلعان حالىقتىڭ كىرىس جاعدايى مەن «ەكىدەن تارىقپاۋ، ءۇشتى قامتاماسىز ەتۋ»، سونداي - اق اۋىز سۋ حاۋىپسىزدىگى سياقتىلاردىڭ بەكەمدەلۋ جاعدايىن ۇزدىكسىز قاداعالاپ وتىردى. وقۋ - اعارتۋ، ەمدەۋ، تۇرعىن ءۇي، اۋىز سۋ سياقتى حالىق تۇرمىسىنا قاتىستى قامتاماسىزداندىرۋ ساياساتىن ويداعىداي تياناقتاندىردى. كولەمدىك قايتا كەدەيلەنۋدەن ساقتاندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار