تۇراقتاندى! 3 – ايدىڭ 4 – كۇنىنەن 3 – ايدىڭ 10 – كۇنىنە دەيىن
2021.03.04 12:26 كەلۋ قاينارى : حالىق تورابى
3 – ايدىڭ 3 – كۇنى ساعات 15 تە، مەملەكەتتىك ساياسي كەڭەس 13 – كەزەكتى كوميتەتى 4 – ءماجىلىسىنىڭ اقپار جاريالاۋ ءماجىلىسى وتكىزىلدى. ءماجىلىستىڭ مالىمدەمەشىسى گو ۋەيمين جۇڭگولىق – شەتەلدىك اقپارات قۇرالدارىنا بۇل رەتكى ماجىلىسكە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
مەملەكەتتىك ساياسي كەڭەس 13 – كەزەكتى كوميتەتىنىڭ 4 – ءماجىلىسى 3 – ايدىڭ 4 – كۇنى تۇستەن كەيىن ساعات 3 تە اشىلادى
مەملەكەتتىك ساياسي كەڭەس 13 – كەزەكتى كوميتەتى 4 – ءماجىلىسى 3 – ايدىڭ 4 – كۇنى تۇستەن كەيىن ساعات 3 تە حالىق قۇرىلتايى سارايىندا اشىلادى، 3 – ايدىڭ 10 – كۇنى تۇستەن كەيىن جابىلادى.
ءماجىلىستىڭ ماڭىزدى كۇن تارتىپتەرى
مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس بەرۋ قىزمەتىنىڭ جاعدايى جونىندەگى باياندامانى تىڭدايدى جانە قارايدى؛
13 – كەزەكتى مەملەكەتتىك حالىق قۇرىلتايى 4 – ماجىلىسىنە سىرتتاي قاتىناسادى، ۇكىمەت قىزمەتىنەن باياندامانى، سونداي – اق، باسقا قاتىستى باياندامالاردى تىڭدايدى جانە تالقىلايدى، حالىق شارۋاشىلىعى مەن قوعام دامۋىنىڭ 14 – بەسجىلدىق جوسپارىن جانە 2035 – جىلعا دەيىنگى بولاشاقتىق نىسانا جوسپار جوباسىن تالقىلايدى.
مەملەكەتتىك ساياسي كەڭەس 13 – كەزەكتى كوميتەتى 4 – ءماجىلىسىنىڭ ساياسي قاۋلىلارى قاتارلى قاۋلىلار مەن باياندامالاردى قاراپ ماقۇلدايدى.
بۇل رەتكى ءماجىلىس مەزگىلىندە، اشىلۋ ءماجىلىسى، جابىلۋ ءماجىلىسى جانە ەكى رەت سوزگە شىعۋ ءماجىلىسى ورنالاستىرىلادى، مۇندا ءبىرىنشى رەتكى سوزگە شىعۋ ءماجىلىسى كەسكىندى ءماجىلىس فورماسىندا وتكىزىلەدى؛ 6 رەت گرۋپپالىق ءماجىلىس ورنالاستىرىلادى. اشىلۋ ماجىلىسىنە، جابىلۋ ماجىلىسىنە شەتەلدەردىڭ جۇڭگودا تۇراتىن ەلشىلەرى سىرتتاي تىڭداۋعا ۇسىنىس ەتىلەدى.
اقپارات قۇرالدارىنىڭ تىلشىلىگى بىلتىرعى ءادىس بويىنشا ورنالاستىرىلادى
ىندەتتەن ساقتانۋ – تىزگىندەۋدىڭ قاجەتىنە جانە ءماجىلىستىڭ ورنالاستىرۋىنا ساي، بيىل ماجىلىستەگى اقپارات قۇرالدارىنىڭ تىلشىلىك ىستەۋى بىلتىرعى ءادىس بويىنشا ورنالاستىرىلادى، بەيجيڭدە تۇراتىن جۇڭگولىق – شەتەلدىك تىلشىلەردەن ساناۋلى ءتىلشىنى حالىق قۇرىلتايى سارايىنداعى ناق مايداندا تىلشىلىك ىستەۋگە ۇسىنىس ەتەدى؛ ينتەرنەتتە كەسكىندى تاسىلمەن 3 رەت «مۇشەلەر ءدالىزى» تىلشىلىك قيمىلى ورنالاستىرىلادى.
تىلشىلەردىڭ سۇراۋىنا جاۋاپ
ءماجىلىس ۋاقىتى 6 كۇنگە قىسقارتىلدى
ءبىر جاعىنان، بىلتىرعى ماجىلىستەگى تاجىريبەلەر قورىتىندىلانعان، ەندى ءبىر جاعىنان، ىندەتتەن ساقتانۋ – تىزگىندەۋ تالابىن ويلاستىرىلعان. بىلتىرعى ماجىلىستە ىندەتتەن ساقتانۋ – تىزگىندەۋ جانە ءماجىلىستىڭ ءىس جۇزىندىك جاعدايىن ويلاستىرا وتىرىپ، ءماجىلىس ۋاقىتى قىسقارتىلعان، ماجىلىسكە قاتىناسۋشىلاردىڭ سانى ازايتىلعان، قۇجاتتار ىقشامدالعان، ينتەرنەت پەن ينتەرنەتتەن تىس تاسىلدەر ۇشتاستىرىلىپ، ءماجىلىس ءساتتى اشىلعان ءارى قوعامداعى ءار سالاداعىلاردىڭ كەڭ كولەمدە جاقسى باعاسىنا يە بولعان. بيىلعى ماجىلىستە قاتىستى ادىستەر ونان ارى كەمەلدەندىرىلەدى.
جۇڭگو باستان – اياق ۆاكسينانىڭ حاۋىپسىزدىگىن، ونىمدىلىگىن ءبىرىنشى ورىنعا قويىپ كەلەدى
قاتىستى تاراۋلار جاڭا تيپتى ايدارشا ۆيرۋس ۆاكسيناسىن زەرتتەۋ تەحنيكاسىنا جەتەكشىلىك ەتۋ پرينسيپىن، بازارعا شىعارۋعا ءوتىنىش بەرۋ جانە قوسىمشا شارتتار بويىنشا بەكىتۋ قاتارلى تەحنيكالىق ولشەمدەردى بەكىتتى، بۇل ولشەمدەر دۇنيە جۇزىلىك دەنساۋلىق ساقتاۋ ۇيىمى مەن ءىشىنارا دامىعان ەلدەردىڭ ولشەمىمەن نەگىزىنەن بىردەي.
ۆاكسينانى ەكسپورت ەتۋدەگى ماقساتقا كەلسەك، جۇڭگو ۆاكسينانى دۇنيە جۇزىلىك الەۋمەتتىك ءونىم رەتىندە قارايتىنىن، جۇڭگو كاسىپورىندارىن قاتىستى ەلدەرمەن ۆاكسينانى زەرتتەۋ جانە ءوندىرۋ جاعىندا سەلبەستىك جاساۋعا شابىتتاندىراتىنىن، دۇنيە جۇزىلىك دەنساۋلىق ساقتاۋ ۇيىمىنىڭ «جاڭا تيپتى ايدارشا ۆيرۋس ۆاكسيناسى اتقارىلاتىن جوسپارىنا» قاتىناساتىنىن، ۆاكسينانىڭ دۇنيە ءجۇزى بويىنشا ءادىل ءبولىنۋىن بەلسەندى ىلگەرىلەتەتىنىن جاريالاعان.
«جەكەلەردىڭ ينفورماتسياسىن قورعاۋ زاڭىنىڭ» جوباسى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلدى
قازىر، «جەكەلەردىڭ ينفورماتسياسىن قورعاۋ زاڭىنىڭ» جوباسى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا ۇسىنىلدى، بۇل زاڭنىڭ تاراتىلۋى مەن اتقارىلۋى جەكەلىك ينفورماتسيالاردىڭ حاۋىپسىزدىگىن قورعاۋدا ماڭىزدى رول اتقارادى.
كىرىس جاعىنان ايتقاندا، ەلىمىزدىڭ كەدەيلىكتەن ارىلتۋ ولشەمى دۇنيە جۇزىلىك بانكە بەلگىلەگەن توتەنشە كەدەيلىك ولشەمىنەن جوعارى
ەلىمىزدىڭ كەدەيلىكتەن ارىلتۋ ولشەمى جالپىلىق ولشەم، كىرىس جاعىنان الىپ ايتقاندا، دۇنيە جۇزىلىك بانكە بەكىتكەن توتەنشە كەدەيلىك ولشەمىنەن جوعارى؛ ەلىمىز كەدەيلىكتەن ارىلتۋدان قامال الۋدا «ەكىدەن تارىقتىرماۋ، ۇشتە قامتاماسىزداندىرۋ» جاعىن دا باسا دارىپتەيدى، قازىرگى كەدەي جان سانى تۇگەل ىشەر استان، كيەر كيىمنەن تارىقپايتىن بولدى، مىندەتتى وقۋ – اعارتۋ، نەگىزدىك ەمدەۋ، تۇرعىن ءۇي حاۋىپسىزدىگى جانە اۋىز سۋ حاۋىپسىزدىگىنە كەپىلدىك ەتۋ جالپى بەتتىك ورىندالدى.
بەيجيڭ قىسقى وليمپياداسىن وتكىزۋدە ىندەتتىڭ حاۋىپ – قاتەر دەڭگەيى زور مولشەردە تومەندەتىلەدى
جاڭا تيپتى ايدارشا ۆيرۋس وكپە قابىنۋ ىندەتى قىسقى وليمپياداعا دايىندىق جاساۋ قىزمەتىنە بەلگىلى دەڭگەيدە ىقپال جاسادى، قاتىستى تاراۋلار بەلسەندى تۇردە توتەپ بەرىپ، وتكىزۋگە دايىندىق جاساۋ مىندەتىن ورىنداۋمەن بىرگە، ىندەتتىڭ حاۋىپ – قاتەرىن ەڭ جوعارى دەڭگەيدە تومەندەتۋگە كۇش سالۋدا. قازىر قىسقى وليمپيادانى وتكىزۋگە دايىندالۋ قىزمەتى كۇش سالا ۇمتىلۋ سىندى شەشۋشى كەزەڭگە قادام تاستادى، قاتىستى تاراۋلار ىندەتتەن ساقتانۋ – تىزگىندەۋ مەن قىسقى وليمپيادانى وتكىزۋگە دايىندىق جاساۋ قىزمەتىن ءبىرتۇتاس جوسپارلاپ، مىقتى ۇستاپ، جارىس باستالاردان بۇرىنعى ءتۇرلى دايىندىق قىزمەتتەرىنىڭ جان – جاقتىلى ورىندالۋىنا كەپىلدىك ەتۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
