بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كەشە كەشتە ماڭىزدى اقپار جاريالاۋ ءماجىلىسى وتكىزىلدى

2021.03.05 13:59     كەلۋ قاينارى : حالىق تورابى


  تىلشىلەر بولىمشە ءماجىلىس ورنىندا اقپار جاريالاۋ ماجىلىسىنە قاتىناستى. حالىق تورابىنىڭ ءتىلشىسى چىن بين فوتوسى

  3 – ايدىڭ 4 – كۇنى 13 – كەزەكتى مەملەكەتتىك حالىق قۇرىلتايى 4 – ءماجىلىسىنىڭ اقپار جاريالاۋ ءماجىلىسى بەيجيڭ حالىق قۇرىلتايى سارايىنىڭ اقپار جاريالاۋ زالىندا وتكىزىلدى، ءماجىلىستىڭ مالىمدەمەشىسى جاڭ يەسۇي ءماجىلىستىڭ كۇن ءتارتىبى جانە حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق – شەتەلدىك تىلشىلەردىڭ سۇراۋىنا جاۋاپ بەردى.

  13 – كەزەكتى مەملەكەتتىك حالىق قۇرىلتايى 3 - ماجىلىسىنەن بەرى جاڭادان جاسالعان، وزگەرىس ەنگىزىلگەن زاڭ سانى 23 زاڭ

  13 – كەزەكتى مەملەكەتتىك حالىق قۇرىلتايى 3 – ماجىلىسىنەن بەرى، مەملەكەتتىك حالىق قۇرىلتايى مەن ونىڭ تۇراقتى كوميتەتى جيىنى جاڭادان جاساعان، وزگەرىس ەنگىزگەن زاڭ سانى 23 زاڭ، قاتىستى زاڭعا ساياتىن ماسەلەلەر مەن كەلەلى ماسەلەلەر جونىندە 9 قاۋلى قابىلداعان، باستىلارى تومەندەگى بىرنەشە جاققا شوعىرلانعان:

  ءبىرىنشى، الەۋمەتتىك دەنساۋلىق ساقتاۋ سالاسىنداعى زاڭداردى كەمەلدەندىرىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋگە دەم بەردى، حالىقتىڭ ءومىرى مەن دەنساۋلىعىنىڭ حاۋىپسىزدىگىن قورعادى، مۇندا الەۋمەتتىك دەنساۋلىق ساقتاۋ سالاسىنداعى زاڭمەن جونگە سالۋعا كەپىلدىك ەتۋ جاعىنداعى زاڭ جاساۋ، زاڭعا وزگەرىس ەنگىزۋ قىزمەت جوسپارىن جاساۋ، حايۋاناتتار ىندەتىنەن ساقتانۋ زاڭىنا وزگەرىس ەنگىزۋ قاتارلىلار قامتىلعان.

  ەكىنشى، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، ءتۇيىندى سالالارداعى مەملەكەت حاۋىپسىزدىگى جاعىندا زاڭ جاساۋدى جاپپاي ىلگەرىلەتتى، مۇندا بيولوگيالىق حاۋىپسىزدىك زاڭىن، ەكسپورتتى باسقارۋ زاڭىن، اسكەري قوسىننان شەگىنگەندەردى قامتاماسىزداندىرۋ زاڭىن، تەڭىز ساقشىلارى زاڭىن جاساۋ، مەملەكەت قورعانىسى زاڭىنا وزگەرىس ەنگىزۋ، دەرەك حاۋىپسىزدىگى زاڭ جوباسىن قاراۋ قاتارلىلار قامتىلعان.

  ءۇشىنشى، شياڭگاڭ ەرەكشە اكىمشىلىك رايونىنىڭ نەگىزگى زاڭدىق ءتارتىبىن قورعاۋ، شياڭگاڭنىڭ باياندى گۇلدەنۋى مەن ورنىقتىلىعىن ساقتاۋ، «ءبىر ەل، ەكى ءتۇزىمنىڭ» ورنىقتى دا باياندى بولۋىنا كەپىلدىك ەتۋدى زاڭ جاعىنان قامتاماسىزداندىردى. «بەكىم جاساۋ + زاڭ جاساۋ» فورماسىن قولدانىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن ورتاعا قويدى.

  ءتورتىنشى، مەملەكەتتىڭ ءىرى ستراتەگيالارىنا قاتىستى زاڭمەن جونگە سالۋعا كەپىلدىك بەرۋدى كۇشەيتىپ، جوعارى ساپالى دامۋدى ىلگەرىلەتتى، مۇندا چاڭجياڭدى قورعاۋ زاڭىن جاساۋ، مەنشىك ۇقىعى زاڭىنا وزگەرىس ەنگىزۋ، اۆتورلىق ۇقىق زاڭىنا وزگەرىس ەنگىزۋ، اۋىل – قىستاقتى گۇلدەندىرۋدى ىلگەرىلەتۋ زاڭ جوباسىن قاراۋ، حاينان ەركىن ساۋدا كەمەجايى زاڭ جوباسىن قاراۋ قامتىلعان.

  بەسىنشى، حالىق تۇرمىسى مەن قوعامدى جونگە سالۋ جاعىنداعى زاڭداردى جاساۋدى جەدەلدەتىپ، حالىق جۇرتشىلىعى بارىنشا ءمان بەرىپ وتىرعان قوعامداعى قولامتالى تۇيىندەرگە تىكەلەي جاۋاپ قايتاردى. مۇندا ازاماتتىق زاڭنامانى قۇراستىرۋ، قىلمىستىق ىستەر زاڭ جوباسىنا وزگەرىس ەنگىزۋ جوباسىن (11) ماقۇلداۋ، ازامات جاسىنا تولماعانداردى قورعاۋ زاڭىنا جانە ازامات جاسىنا تولماعانداردىڭ قىلمىس وتكىزۋىنەن ساقتانۋ زاڭىنا وزگەرىس ەنگىزۋ، جەكەلەردىڭ ينفورماتسياسىن قورعاۋ زاڭ جوباسىن، ازىق – تۇلىكتى ىسىراپ ەتۋگە قارسى تۇرۋ زاڭ جوباسىن قاراۋ قامتىلعان.

  جۇڭگو ىندەتكە قارسى حالىقارالىق سەلبەستىكتى ورىستەتۋدە ەشقاشان، ءارقانداي ساياسي شارت قوسپايدى

  قازىرگە دەيىن، جۇڭگودا جاڭا تيپتى ايدارشا ۆيرۋس ۆاكسيناسىنان جيىنى 17 ۆاكسينا كلينيكالىق تاجىريبە كەزەڭىنە ءوتتى، مۇندا 4 ۆاكسينا مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ ماقۇلداۋىمەن، قوسىمشا شارت بويىنشا بازارعا شىعارىلدى، بىرنەشە ۆاكسينا شەتەلدە Ⅲ مەرزىمدىك كلينيكالىق سىناق جاساۋعا بەكىتۋ الدى. جۇڭگونىڭ 4 ۆاكسيناسى ءبىر توپ مەملەكەتتە شۇعىل قولدانۋ ۇقىعىنا يە بولدى ءارى قوسىمشا شارت بويىنشا بازارعا شىعارۋعا بەكىتۋ الدى.

  جۇڭگو ۇكىمەتى قازىرگە دەيىن ۆاكسينانى قاجەت ەتىپ وتىرعان 60 نەشە مەملەكەتكە ۆاكسينانى كومەك رەتىندە تەگىن بەردى. جۇڭگو ۇكىمەتى دۇنيە جۇزىلىك دەنساۋلىق ساقتاۋ ۇيىمىنىڭ «جاڭا تيپتى ايدارشا ۆيرۋس ۆاكسيناسى جونىندەگى اتقارىلاتىن جوسپارىنا» 10 ميلليون دانا ۆاكسينانى بەرەتىنىن جاريالادى، وسى ارقىلى دامۋ ۇستىندەگى مەملەكەتتەردىڭ شۇعىل قاجەتىن قاناعاتتاندىرادى.

  جۇڭگو ۇكىمەتى ۆاكسينا وندىرەتىن كاسىپورىنداردى جۇڭگونىڭ ۆاكسيناسىن ساتىپ الۋدى قالايتىن مەملەكەتتەرگە ۆاكسينانى ەكسپورت ەتۋگە شابىتتاندىرادى ءارى قولداۋ كورسەتەدى. قازىر جۇڭگونىڭ ۆاكسيناسىن يمپورت ەتكەن نەمەسە قازىر يمپورت ەتۋگە كەلىسسوز وتكىزىپ جاتقان مەملەكەتتەردىڭ سانى 40 نەشە مەملەكەت، ولاردىڭ باسىم كوپ ساندىسى دامۋ ۇستىندەگى مەملەكەتتەر.

  جۇڭگو ىندەتكە قارسى اتتانۋ جاعىندا حالىقارالىق سەلبەستىك ورىستەتۋدە گەوساياسي ماقساتتى كوزدەمەيدى، سونىمەن بىرگە، ەشقاشان، ەشقانداي ساياسي شارت قوسپايدى، ماقساتى — اناعۇرلىم كوپ ادامنىڭ ءومىرىنىڭ حاۋىپسىزدىگى مەن دەنساۋلىعىن قورعاۋ.

  جۇڭگونىڭ كەدەيلەردى سۇيەمەلدەپ، كەدەيلىكتەن ارىلتۋ ولشەمى بىرلەسكەن مەملەكەتتەر ۇيىمىنىڭ مۇلدە كەدەيلىك سىزىعىنان جوعارى

  جۇڭگونىڭ قازىر اتقارىپ وتىرعان كەدەيلەردى سۇيەمەلدەپ، كەدەيلىكتەن ارىلتۋ ولشەمى جالپىلىق، كوپ ولشەمدى كورسەتكىش، ول كىسى باسىنا تيەتىن ورتاشا كىرىس كورسەتكىشىن قامتۋمەن بىرگە، «ەكىدەن تارىقتىرماۋ، ۇشتە قامتاماسىزداندىرۋ» ولشەمىن دە كەدەي جان سانىن كەدەيلىكتەن ارىلتۋدىڭ نەگىزدىك تالابى جانە وزەكتى كورسەتكىشى ەتەدى.

  جالپى جاقتان ايتقاندا، جۇڭگونىڭ كەدەيلىكتەن ارىلتۋ ولشەمى ءوزىنىڭ ەكونوميكالىق، قوعامدىق دامۋ ورەسىنە ۇيلەسەدى، دۇنيە جۇزىلىك بانكە 2015 – جىلى بەكىتكەن ءار ادامعا ءار كۇنى 1.9 ا ق ش دوللارىنان تۋرا كەلۋ سىندى كەدەيلىك ولشەمىنەن جوعارى، جالپى تۇلعالىق جاقتان بىرلەسكەن مەملەكەتتەر ۇيىمىنىڭ 2030 – جىلعا دەيىنگى باياندى دامۋ كۇن تارتىبىندەگى مۇلدە كەدەيلىك سىزىعىنان دا جوعارى.

  جۇڭگونىڭ مەملەكەت قورعانىسى جۇمسالىمى مەن ەكونوميكاسىنىڭ دامۋ ورەسى ءوزارا سايكەسىمدى

  جۇڭگونىڭ مەملەكەت قورعانىسى جۇمسالىمى جالپى جاقتان ايتقاندا مەملەكەتتىڭ ەكونوميكاسى مەن قوعامىنىڭ دامۋ ورەسىمەن سايكەس كەلەدى. مەملەكەت قورعانىسى جۇمسالىمىنىڭ ۇيلەسىمدى، ورنىقتى ارتۋىن ساقتاۋدىڭ ءوزى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ، حالىقارالىق جاۋاپكەرشىلىكتەرى مەن بورىشتارىن اتقارۋ ءۇشىن بولىپ، جۇڭگوشا ارميا وزگەرىسىنىڭ قاجەتى.

  جۇڭگونىڭ مەملەكەت قورعانىسى جۇمسالىمى جۇرتقا جاريا، اشىق. ءار جىلى مەملەكەت قورعانىسى جۇمسالىمىنىڭ مەجە ەسەبى مەملەكەتتىك مەجە ەسەپ جوباسىنىڭ كولەمىنە قامتىلادى، حالىق قۇرىلتايى تەكسەرىپ بەكىتەدى. جۇڭگو 2007 – جىلى «بىرلەسكەن مەملەكەتتەر ۇيىمىنىڭ اسكەري قاراجاتتاردى جارياۋ ۇستاۋ تۇزىمىنە» قاتىناسقان، ءار جىلى بىرلەسكەن مەملەكەتتەر ۇيىمىنا قازىنالىق جاقتا الدىڭعى جىلداعى مەملەكەت قورعانىسى جۇمسالىمىنىڭ نەگىزگى دەرەكتەرىن جولداپ وتىرادى.

  ءبىر مەملەكەتتىڭ باسقا مەملەكەتتەرگە اسكەري حاۋىپ توندىرەتىن – توندىرمەيتىنىن تارازىلاۋ ءۇشىن، باستىسى سول مەملەكەتتىڭ قانداي مەملەكەت قورعانىسى ساياساتىن ۇستاناتىنىنا قاراۋ كەرەك. جۇڭگو بەيبىت دامۋ جولىندا تاباندى بولىپ، قورعانىس سيپاتىندىق مەملەكەت قورعانىسى ساياساتىن ۇستانادى، مەملەكەت قورعانىسى قۇرىلىسى ەشقانداي مەملەكەتكە باعىتتالمايدى، ەشقانداي مەملەكەتكە قاتەر توندىرمەيدى.

   جۇڭگونىڭ ا ق ش – نا قاراتقان ساياساتى باستان – اياق جوعارى دارەجەدە ورنىقتى جانە ۇلاسپالى بولۋدى ساقتاپ كەلەدى

  جۇڭگونىڭ ا ق ش – نا قاراتقان ساياساتى باستان – اياق ورنىقتى ءارى ۇلاسپالى بولۋدى ساقتاپ كەلەدى. جۇڭگو جاق ءارقاشان قاقتىعىسپايتىن، قارسىلاسپايتىن، ءوزارا قۇرمەتتەيتىن، سەلبەسە وتىرىپ، بىرگە يگىلىككە كەنەلەتىن جۇڭگو – ا ق ش قارىم – قاتىناسىن قالىپتاستىرۋدى دارىپتەيدى، سونىمەن بىرگە، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعايدى.

  ءار ەلدىڭ تاريحى، مادەنيەتى جانە قوعامدىق ءتۇزىمىنىڭ وزىندىك ارتىقشىلىعى بار، جوعارى – تومەن، جاقسى – جامان دەپ بولۋگە كەلمەيدى. تاريحى، مادەنيەتى جانە قوعامدىق ءتۇزىمى تۇرلىشە مەملەكەتتەر بەيبىت قاتار ءومىر ءسۇرۋى قاجەت، ونىڭ ۇستىنە، بۇعان ابدەن مۇمكىندىك بار. بەيبىت قاتار ءومىر ءسۇرۋدىڭ تەتىگى بىرىنە – ءبىرى قۇرمەت ەتۋ، ءبىر – ءبىرىنىڭ تاريحىن، مادەنيەتىن، ءداستۇرىن قۇرمەتتەۋ، ءبىر – ءبىرىنىڭ وزەكتى مۇددەسى مەن ءمان بەرىپ وتىرعان ماڭىزدى ماسەلەلەرىنە قۇرمەت ەتۋ، ءوزدى – ءوزى تاڭداعان ساياسي ءتۇزىم مەن دامۋ جولىنا قۇرمەت ەتۋ، ىشكى ىستەرگە كيلىكپەۋ، الاۋىزدىقتاردى بەيبىت جولمەن شەشىم ەتۋ قاتارلى حالىقارالىق قارىم – قاتىناس نەگىزدىك ولشەمىنە قۇرمەت ەتۋ بولىپ تابىلادى.

  جۇڭگو – ا ق ش ەكى مەملەكەت اراسىندا ءىشىنارا ماسەلەلەردە الاۋىزدىق تۋىلۋى قالىپتى جاعداي، قامداۋدى ءۇزۋ، الشاقتاۋ شارالارى وزگەگە دە، وزىنە دە زياندى، قاقتىعىس، قارسىلاسۋ ءارقانداي ءبىر جاقتىڭ مۇددەسىنە ساي كەلمەيدى.

  ەكى ەلدىڭ كليمات وزگەرىسى، ىندەتكە قارسى اتتانۋ، دۇنيە ءجۇزى ەكونوميكاسىنىڭ جاندانۋىن ىلگەرىلەتۋ جانە وڭىرلىك حاۋىپسىزدىكتى، ورنىقتىلىقتى قورعاۋ سىندى كەڭ سالالاردا ماڭىزدى ورتاق مۇددەلەرى بار. ەكى جاق بىرگە قۇلشىنىپ، ەكى مەملەكەت باسشىلارىنىڭ العاش رەت تەلەفوندا سويلەسۋىن وراي ەتىپ، كەڭەسۋدى، نازاردى سەلبەستىككە شوعىرلاندىرۋدى، الاۋىزدىقتاردى تەجەۋدى كۇشەيتىپ، جۇڭگو – ا ق ش قارىم – قاتىناسىنىڭ ورنىقتى دامۋىن ىلگەرىلەتۋى كەرەك، بۇل ەكى ەل مەن ەكى ەل حالقىنىڭ ءتۇبىرلى مۇددەسىنە ۇيلەسەدى، حالىقارالىق قوعام دا جاپپاي وسىنى ءۇمىت ەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار