چىن چۋانگو، شوكىرات زاكىر لاچين بايەكەنىڭ تۋىس - تۋعاندارىنىڭ جانە قىزمەتتەستەرىنىڭ ۋاكىلدەرىمەن كەزدەستى
ۋاڭ جۇنجىڭ بىرگە كەزدەستى
2021.03.05 15:22 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 3 - ايدىڭ 3 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايون باسشىلارى ۇرىمجىدە سۋعا ءتۇسىپ كەتكەن بالانى قۇتقارۋ جولىندا ەرلىكپەن قۇربان بولعان ”ءداۋىر ونەگەسى“، اۆتونوميالى رايوندىق تاڭداۋلى كومپارتيا مۇشەسى لاچين بايەكەنىڭ تۋىس - تۋعاندارىمەن جانە ادام قۇتقارۋعا بىرگە ات سالىسقان مۇساجان نۇردونمەن كەزدەستى.
ۋاڭ جۇنجىڭ، تيان ۋىن، سارقىت اقان، لي شۋەجۇن، ءجۇرات يمىن بىرگە كەزدەستى.
لاچين بايەكە جولداس كوزى تىرىسىندە مەملەكەتتىك 13 - كەزەكتى حالىق قۇرىلتايىنىڭ ۋاكىلى، تاشقورعان تاجىك اۆتونوميالى اۋدانى تىزناپ اۋىلىنىڭ شەكارا كۇزەتشىسى، مەملەكەتتىك وتاندى ءسۇيۋ، ارميانى قولداۋ ۇلگىسى، مەملەكەتتىك ەڭبەك ەرى بولعان. ول نەشە 10 جىلدى ءبىر كۇندەي وتكىزىپ، قارلى القاپقا، بيىك ۇستىرتكە تامىر تارتىپ، وتانشىلدىق ءداستۇردى اسقاقتاتىپ، شەكارا شارلاۋعا، شەكارا كۇزەتۋگە تاباندى بولىپ، شەكارا ءوڭىردىڭ حاۋىپسىزدىگىن قورعادى. بيىل 1 - ايدىڭ 4 - كۇنى سۋعا ءتۇسىپ كەتكەن بالانى قۇتقارۋ جولىندا نەبارى 41 جاسىندا ەرلىكپەن قۇربان بولدى.
چىن چۋانگو اۆتونوميالى رايوندىق پارتكوم مەن ۇكىمەت اتىنان لاچين بايەكەگە اسقاق قۇرمەت ءبىلدىرىپ، ونىڭ تۋىس - تۋعاندارىنان شىن ىقىلاسپەن حال سۇرادى. چىن چۋانگو بىلاي دەدى: لاچين بايەكە پارتياعا شارتسىز ادال بولدى، ۇلى وتاندى شەكسىز قىزۋ ءسۇيدى، باستان - اياق بورىشىن ەستە بەرىك ساقتاپ شەكارانى قورعاپ، شەكارانى كۇزەتىپ، ءومىر بويى ۇلەس قوسىپ، باستان - اياق اۋەلگى ماقساتتان اينىمادى، ءوز ومىرىمەن وزگەلەر ءۇشىن ءوزىن قۇربان ەتكەن قاھارماندىق ماداق جىرىن جازىپ، كوممۋنيستىك پارتيا مۇشەلەرىنىڭ اۋەلگى ماقساتى مەن بورىشىن ءتۇسىندىرىپ، وشپەس رۋحاني ەسكەرتكىش تۇرعىزدى.
چىن چۋانگو بىلاي دەپ اتاپ كورسەتتى: لاچين بايەكە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرۋدىڭ، تياناقتاندىرۋدىڭ اۆانگارد ۇلگىسى، شەكارا ءوڭىردىڭ حاۋىپسىزدىگىن باتىل كۇزەتكەن ادال قورعاۋشى، تاباندىلىقپەن حالىقتى بارىنەن جوعارى قويعان ءداۋىر ونەگەسى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار لاچين بايەكەنى ۇلگى ەتىپ، ونىڭ ىزگى ىستەرىنەن ىشكەرىلەي ۇيرەنىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلگىنىڭ كۇشىن ۇزدىكسىز كۇرەس جۇرگىزۋدىڭ قۋاتتى قوزعاۋشى كۇشىنە شىن مانىندە اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك. ونىڭ سەنىمى بەرىك، پارتياعا ادال ساياسي قاسيەتىنەن ۇيرەنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە قاشاندا وسكەلەڭ ءبىر اۋىزدىلىقتى ساقتاپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال اتقارۋشىلارى بولۋ كەرەك. ونىڭ وتاندى قىزۋ سۇيگەن، قىزمەتتىڭ تالابىنان شىققان ۇلەس قوسۋ رۋحىنان ۇيرەنىپ، قىزمەت ورنىن شەپ رەتىندە تاباندىلىقپەن ساقتاپ، قىزمەتتى كاسىپ رەتىندە ىستەپ، ۇلەس قوسۋدى بورىش ساناپ، مىندەتتىڭ اۋىر ەكەنىن بىلە تۇرا اۋىر مىندەت ارقالاپ، قامال الىپ قيىندىقتاردى جەڭىپ، اۋەلگى ماقسات پەن بورىشتى مىزعىماستان امالياتتا ايگىلەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك. ونىڭ حالىقتىڭ قامىن ويلاعان، بۇقاراعا قىزمەت وتەگەن حالىقشىل سۇيىسپەنشىلىگىنەن ۇيرەنىپ، باس ماقسات تانىمىن مىقتاپ ورناتىپ، بۇقارالىق لۋشياندى امالياتتا ايگىلەپ، حالىق بۇقاراسىن قاشاندا كوڭىل تورىنە قويىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، ءىس جۇزىندىك ارەكەت ارقىلى بۇقارانىڭ مۇددەسىن قورعاۋ، بۇقارانىڭ ىرىس - قۇتىن مولايتۋ كەرەك. ونىڭ ءوزى باس بولىپ اتقارعان، ىنتىماقتى قورعاعان ۇلگىلىك قاسيەتىنەن ۇيرەنىپ، ۇلتتار ىنتىماعى، العاباسارلىعىنداعى وزات ورىن قۇرۋدى جانە ۇگىت - تاربيەنى كەڭىنەن ورىستەتىپ، جۇڭحۋا ۇلتى ورتاق تۇلعا تانىمىنىڭ ءار ۇلت بۇقاراسىنىڭ جۇرەگىنە تەرەڭ ۇيالاۋىنا مۇمكىندىك جاساپ، ءار ۇلتتىڭ كەڭىنەن ارالاسۋىن، جاپپاي ىشتەسۋىن، تەرەڭ توعىسۋىن ۇزدىكسىز جەبەۋ كەرەك. ونىڭ ادىلەت جولىندا ايانباعان، وزگەلەر ءۇشىن ءوزىن ارناعان اسقاق ىزگى ءمورالىنان ۇيرەنىپ، جۇڭحۋا ۇلتىنىڭ ءداستۇرلى ىزگى ءمورالىن زور كۇشپەن اسقاقتاتىپ، سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، بۇكىل قوعامدا ۇلگىنىڭ كۇشىن جەتكىزەتىن، ونەگەنىڭ رۋحىن امالياتتا ايگىلەيتىن، قوعامدىق وڭ ەنەرگيانى اسقاقتاتاتىن قويۋ راي قالىپتاستىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
