ورتالىق كوميتەت ۇگىت ءبولىمى لاچين بايەكەگە ”ءداۋىر ونەگەسى“ اتاعىن تولىقتاپ بەردى
2021.03.05 15:24 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە جەتىپ، بۇكىل ەلدەگى ءار ۇلت حالقى پارتيا قۇرىلعاندىعىنىڭ 100 جىلدىعىن قارسى الۋ، جاڭا ساپارعا اتتانۋ قارساڭىندا، ورتالىق كوميتەت ۇگىت ءبولىمى بۇكىل قوعامعا لاچين بايەكە جولداستىڭ ىزگى ىستەرىنەن ۇيرەنۋدى ۇگىتتەپ، جاريالاپ، وعان ”ءداۋىر ونەگەسى“ اتاعىن تولىقتاپ بەردى.
لاچين بايەكە، ەر، تاجىك، جۇڭگو كوممۋنيستىك پارتياسىنىڭ مۇشەسى، 1979 - جىلى تۋعان، 2001 - جىلى اسكەري قوسىنعا قاتىناسقان، 2003 - جىلى اسكەري قوسىننان بوساعان سوڭ حونچيراپ شەكارا قورعانىس اسكەري ءبولىمىنىڭ مىندەتتى شارلاۋشىسى - جول باستاۋشىسى بولعان، شينجياڭ ۇيعۇر اۆتونوميالى رايونى تاشقورعان تاجىك اۆتونوميالى اۋدانى تىزناپ اۋىلى تىزناپ قىستاعى تۇرعىندار كوميتەتىنىڭ مۇشەسى، شەكارا كۇزەتشىسى بولعان. 2018 - جىلى 13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلانعان. 2021 - جىلى 1 - ايدىڭ 4 - كۇنى قاشقار داشۋەسىندە ۇيرەنۋدە جۇرگەن كەزىندە، مۇز جارىعىنا ءتۇسىپ كەتكەن بالانى قۇتقارۋ جولىندا نەبارى 41 جاسىندا ەرلىكپەن قۇربان بولعان.
لاچين بايەكەنىڭ ۇيىندەگى ءۇش بۋىن تۇگەلدەي كوممۋنيستىك پارتيا مۇشەسى، ول اتاسىنىڭ، اكەسىنىڭ شارلاۋشى - جول باستاۋشى ۇتىلامالى تاياقشاسىن قولىنا الىپ، قاسيەتتى وتان توپىراعىن كۇزەتىپ، وتاننىڭ ار - نامىسىن قورعاپ، كوپ رەت ومىرىنە تونگەن حاۋىپ - قاتەرگە قاراماي شارلاۋشى جاۋىنگەرلەردى قۇتقارىپ، ولارعا كومەكتەسىپ، پامير ۇستىرتىندەگى شەكارا قورعانىس ءبىرىنشى شەبىن باستان - اياق تاپجىلماي كۇزەتتى، ءبىر ۇيدەگى ءۇش بۋىننىڭ 70 جىل بويى شەكارانى كۇزەتكەن، شەكارانى قورعاعان وتانشىلدىق ۇلەس قوسۋ ەرلىك ءىسى شينجياڭنىڭ ءىشى - سىرتىنا تارالىپ، سانسىزداعان ارميا مەن حالىقتى اسەرلەندىردى. 2018 - جىلى مەملەكەتتىك حالىق قۇرىلتايىنىڭ ۋاكىلى بولىپ سايلانعاننان كەيىن، ول مىندەت - جاۋاپكەرشىلىگىن مۇقيات اتقارىپ، بەلسەندىلىكپەن اقىل - كەڭەس بەرىپ، حالىقتىڭ مۇددەسى مەن ەركىنە ادالدىقپەن ۋاكىل بولىپ، ۇلتتىق ءوڭىردىڭ دامۋىن، العا باسۋىن قۇلشىنا ىلگەرىلەتىپ، جەرگىلىكتى ورىننىڭ حالىق تۇرمىسىن جاقسارتۋعا بەلسەندى ۇلەس قوستى. تالاي رەت شينجياڭ ۇيعۇر اۆتونوميالى رايوننىڭ تاڭداۋلى شەكارا كۇزەتشىسى، ءمورال ۇلگىسى، ۇلتتار ىنتىماعى، العاباسارلىعىنداعى داڭقتى جەكە اتاعىنا يە بولدى، 2020 - جىلى ”مەملەكەتتىك ەڭبەك ەرى“ بولدى، سول جىلى 10 - ايدا ”وتاندى ءسۇيۋدىڭ، ارميانى قولداۋدىڭ مەملەكەتتىك ۇلگىسى“ بولىپ سيلانىپ - ماداقتالىپ، باس شۋجي شي جينپيڭنىڭ ىقىلاستى قابىلداۋىندا بولدى.
لاچين بايەكەنىڭ قاھارماندىق ەرلىك ءىسى مەن العاباسار ىزگى ىستەرى كەڭىنەن ۇگىتتەلىپ، حابارلانعاننان كەيىن، بۇكىل قوعامدا قىزۋ اڭىس قوزعادى. قالىڭ كادر - بۇقارا، وتە - موتە، شەكارا وڭىردەگى، ۇلتتىق وڭىرلەردەگى كادر - بۇقارا تەگىس لاچين بايەكەنى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ ۇلت قىزمەتى جونىندەگى ماڭىزدى بايىمداۋلارىنىڭ ادال اتقارۋشىسى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ باتىل ىلگەرىلەتۋشىسى، جاڭا داۋىردەگى كوممۋنيستىك پارتيا مۇشەلەرىنىڭ اۋەلگى ماقساتتان، بورىشتان اينىماۋىنىڭ تاڭداۋلى ۋاكىلى، مەملەكەتتىك حالىق قۇرىلتايى ۋاكىلدەرىنىڭ ادالدىقپەن مىندەتىن وتەۋىندەگى ۇزدىك ۇلگىسى، جاڭا داۋىردەگى قوسىننان قايتقان اسكەريلەردىڭ ادالدىقپەن ۇلەس قوسۋىنداعى اۆانگارد، ونەگەسى، وتاندى ءسۇيىپ، ارميانى قولداعان، شەكارانى شارلاپ، شەكارانى كۇزەتكەن ”پامير قىرانى“ دەپ قارادى. كوپشىلىك تۇس - تۇستان مىنانى ءبىلدىردى: ”ءداۋىر ونەگەسىن“ ۇلگى ەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭحۋا ۇلتى ورتاق تۇلعا تانىمىن ونان ارى بەرىك ورناتىپ، ۇلتتاردىڭ ۇلى ىنتىماعىن ۇزدىكسىز بەكەمدەپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشىپ، جاقسى قادام تاستاۋ جولىندا قۇلشىنا ەرلىكپەن كۇرەس جۇرگىزىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قارسى الامىز.
”ءداۋىر ونەگەسىن“ جاريالاۋ سالتىندا «جۇڭگو كوممۋنيستىك پارتياسى ورتالىق كوميتەتى ۇگىت ءبولىمىنىڭ لاچين بايەكە جولداسقا ”ءداۋىر ونەگەسى“ اتاعىن تولىقتاپ بەرۋ جونىندەگى قارارى» وقىلدى، ونىڭ ىزگى ىستەرى بەينەلەنگەن قىسقا فيلم قويىلدى. ورتالىق كوميتەت ۇگىت بولىمىندەگى جاۋاپتى جولداس لاچين بايەكە جولداستىڭ تۋىس - تۋعاندارىنا ”ءداۋىر ونەگەسى“ مەدالى مەن كۋالىگىن تاراتتى. مەملەكەتتىك حالىق قۇرىلتايى تۇراقتى كوميتەتى ورگانى، قوسىننان بوساعان اسكەريلەر ىستەرى مينيسترلىگى، مەملەكەتتىك قوس قولداۋ كەڭسەسى، شينجياڭ ۇيعۇر اۆتونوميالى رايوندىق پارتكومنىڭ قاتىستى جاۋاپتى جولداستارى جانە شينجياڭنىڭ جەرگىلىكتى كادر - بۇقارا ۋاكىلدەرى تاراتۋ سالتىنا قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
