مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى بەيجيڭدە اشىلدى
شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى
ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي ءماجىلىستى باسقاردى، گۋ شىڭزۋ ۇسىنىس جوبا قىزمەتىنىڭ جاعدايىنان بايانداما جاسادى
2021.03.05 16:16 كەلۋ قاينارى : حالىق تورابى
جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 4 - كۇنى حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىندە، ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
سۋرەتتى شينحۋا اگەنتتىگى، ءتىلشىسى جۇي پىڭ تۇسىرگەن
مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
سۋرەتتى ءتىلشىمىز جاڭ ۋ – جۇن تۇسىرگەن
شينحۋا اگەنتتىگى، 3 - ايدىڭ 4 - كۇنى، بەيجيڭ. ارماندى ءبىر نيەتپەن جۇزەگە اسىرىپ، گۇلدەنۋ ۇلى ىسىنە بىرگە ات سالىسىپ، قولايلى ساتتەن پايدالانىپ، شىت جاڭا ساپاردى باستايىق. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2 مىڭ 100 دەن استام مۇشەسى ج ك پ ورتالىق كوميتەتىنىڭ شەشىم، ورنالاستىرۋلارىن تىعىز ارقاۋ ەتىپ، نازاردى «14 - بەسجىلدىق» جوسپار باعدارلاماسىن جاساۋعا جانە اتقارۋعا شوعىرلاندىرىپ، قىزمەت جاۋاپكەرلىگىن تىڭعىلىقتى اتقارىپ، بەلسەنە اقىل كەڭەس بەرىپ، ورتاق تانىمدى كەڭىنەن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋدىڭ اقىل پاراساتى مەن كۇش قۋاتىن توپتايدى.
مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.
پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.
مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسۋعا ءتيىستى مۇشە 2 مىڭ 159 ادام، قاتىناسقانى 2 مىڭ 106 ادام، بۇل بەلگىلەمەدەگى ادام سانىنا ۇيلەسەدى.
تۇستەن كەيىن ساعات 3 تە جاڭ چيڭلي ءماجىلىستىڭ اشىلعانىن جاريالادى، زالداعىلار تۇگەلدەي ورىندارىنان تۇرىپ، مەملەكەت ءانىن ورىندادى.
ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 4 - ءماجىلىسىنىڭ كەڭەستىك ءتارتىبىن قاراپ ماقۇلدادى.
ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
ۋاڭ ياڭ مىنالاردى اتاپ كورسەتتى: 2020 - جىل جاڭا جۇڭگو تاريحىنداعى وزگەشە ءبىر جىل بولدى. ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدى تىعىز ارقاۋ ەتىپ، مۇقيات مىندەت اتقارىپ، جاۋاپكەرلىكتى ادا ەتىپ، قوعامداعى باسا نازار اۋدارىلىپ وتىرعان كەلەلى ىستەرگە قاداعالاي زەر سالىپ، يدەيالىق ساياسي جەتەكشىلىكتى كۇشەيتىپ، ارناۋلى كەڭەس قۇرىلىمى ءتۇزىم قۇرىلىسىن مىقتى يگەرىپ، قىزمەت ونىمدىلىگىن ارتتىرىپ، «13 - بەسجىلدىقتاعى» نىسانانى جۇزەگە اسىرۋعا بەلسەندى ۇلەس قوسىپ، ارناۋلى كەڭەس قۇرىلىمى قۇرىلىسىندا جاڭا بەينە كورسەتىپ، قىزمەت وتەۋ ورتالىعى مىندەتتەرىندە تىڭ ناتيجەلەرگە قول جەتكىزدى، قالىڭ ساياسي كەڭەس مۇشەلەرى ەرەكشە جىلدا «مۇشەلەردىڭ ەرەكشە تاپسىرماسىن» ورىندادى.
ۋاڭ ياڭ مەملەكەتتىك ساياسي كەڭەستىڭ وتكەن ءبىر جىلداعى قىزمەتتەرىن 5 جاقتان قورىتىندىلادى. ءبىرىنشى، نازاريا ۇيرەنۋدى تەرەڭدەتىپ، مۇشەلەردىڭ كىتاپ وقۋ قيمىلىن ىشكەرىلەي ورىستەتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋداعى يدەيالىق نەگىزدى اناعۇرلىم بەكەمدەدى. ەكىنشى، ىشكەرىلەي كەڭەسۋ نەگىزىندە قىزمەت مىندەتىن اتقارىپ، ءتۇرلى كەڭەسۋ فورمالارىنان ۇتىمدى پايدالانىپ، توراپتا ۇكىمەت ءىسىن كەڭەسۋ ابزالدىعىن ساۋلەلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ شارت جاعدايىندا قىزمەت مىندەتىن اتقارۋ قيمىلىنىڭ بوساڭسىماۋىنا، بىلىقپاۋىنا، ۇزىلمەۋىنە كەپىلدىك ەتتى. ءۇشىنشى، مۇشەلەر ساباقحاناسى، كەلەلى ارناۋلى قىزمەت مۇشەلەرىنىڭ ۇگىت لەكسيا ۇيىرمەسى، سىرلاسۋ، اڭگىمەلەسۋ سياقتى دانەكەر تەكشەلەرىن ۇزدىكسىز كەمەلدەندىرىپ، پارتيا ىشىنەن پارتيا سىرتىنا، مۇشەلەردەن ءار سالاداعى بۇقاراعا دەيىنگى ورتاق تانىم قالىپتاستىرۋ قىزمەت جاعدايىن اقاۋسىزداندىرىپ، ىنتىماق پەن سەلبەستىكتىڭ وڭ ەنەرگياسىن توپتادى. ءتورتىنشى، ساياسي كەڭەستىڭ قىزمەت ءتۇزىمى جۇيەسىن كەمەلدەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتتى. بەسىنشى، وزىندىك قۇرىلىستى كۇشەيتىپ، ارناۋلى كوميتەتتەردىڭ سالامەن، مۇشەلەرمەن بايلانىس جاساۋ رولىن ساۋلەلەندىرىپ، ساياسي كەڭەس قىزمەتىنىڭ ساپاسى مەن ورەسىن جوعارىلاتتى.
ۋاڭ ياڭ مىنالاردى دارىپتەدى: 2021 - جىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان ءبىرىنشى جىل. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ج ك پ 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، ج ك پ ورتالىق كوميتەتىنىڭ كەلەلى باعىت ساياساتتارىن جانە شەشىم، ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، ۇكىمەت ىسىنە اقىل كەڭەس بەرۋ جانە ورتاق تانىم ۇيىستىرۋ قىزمەتىن ويداعىداي ىستەپ، جوعارى دەڭگەيدە مىندەت اتقارىپ، ساپالى دامۋعا قىزمەت وتەپ، «14 - بەسجىلدىقتا» جاقسى باستاما باستاپ، جاقسى قادام تاستاۋ ءۇشىن، كوپتىڭ اقىل پاراساتىن شوعىرلاندىرىپ، كۇش - قۋاتىن ۇيىستىرۋى كەرەك.
ۋاڭ ياڭ مىنالاردى دارىپتەدى: ارناۋلى كەڭەس قۇرىلىمى ساياسي كەڭەستىڭ سيپاتىن، ورنىن جان جاقتى ارقالاعان، ول − مەملەكەتتى جونگە سالۋ جۇيەسىنىڭ ورگانيكالىق قۇرامداس بولىگى، جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، سوتسياليستىك دەموكراتيانى دامىتۋداعى، «جۇڭگونى جونگە سالۋداعى» ماڭىزدى تۇزىمدىك جوباسى جانە وزگەشە جونگە سالۋ تۇعىرى. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن جاپپاي تياناقتاندىرىپ، ارناۋلى كەڭەس قۇرىلىمى قۇرىلىسىن كۇشەيتىپ، حالىق ساياسي كەڭەسى ءتۇزىمىنىڭ ابزالدىعىن مەملەكەتتى جونگە سالۋ ونىمدىلىگىنە اناعۇرلىم اينالدىرۋ كەرەك. ارناۋلى كەڭەس قۇرىلىمىنىڭ تۇزىمدىك ابزالدىعىن تەرەڭ يگەرىپ، ءىس بولسا وڭاي اقىلداساتىن، كوپتىڭ ءىسىن كوپشىلىك اقىلداساتىن تۇزىمدەندىرۋ امالياتىن ۇزدىكسىز بايىتۋ كەرەك. ارناۋلى كەڭەس قۇرىلىمدارىنىڭ قىزمەت ءتۇزىمىن ۇزدىكسىز كەمەلدەندىرىپ، اماليات بەتالىسىندا تاباندى بولىپ، كەڭەس مادەنيەتىن جەتىلدىرىپ، ساياسي كەڭەستىڭ كەڭەسۋى مەن باسقا دا كەڭەس فورمالارىنىڭ بايلانىسىن، سايكەسۋىن جەبەۋ كەرەك. ارناۋلى كەڭەس قۇرىلىمدارىنىڭ مىندەت اتقارۋ قابىلەتىن كۇش سالا جوعارىلاتىپ، مۇشەلەردىڭ كەڭەسۋ قاعيداسىنان اناعۇرلىم ويداعىداي پايدالانىپ، بايلانىس جاساۋ ءادىسىن يگەرۋىن جەبەپ، جاۋاپكەرلىكتى كوكەيگە ۇيالاتىپ، جاۋاپكەرلىكتى ءوز ۇستىنە الىپ، جاۋاپكەرلىكتى ادا ەتىپ، وتان ءۇمىتىن اقتاۋ مۇراتىن، حالىق ءۇشىن قىزمەت ىستەۋ سەزىمىن مىندەت وتەۋمەن اناعۇرلىم ويداعىداي ۇشتاستىرىپ، جاڭا ساپاردا ساياسي كەڭەس مۇشەلەرىنىڭ جاڭا جاۋاپكەرلىگىن ايگىلەۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى گۋ شىڭزۋ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى كوميتەتى 3 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. مەملەكەتتىك ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ارناۋلى كوميتەتتەر 5 مىڭ 974 ۇسىنىس جوبا ۇسىندى، 5 مىڭ 44 ۇسىنىس جوبا ەستەلىككە الىندى. ۇسىنىس جوبالار ءداۋىردىڭ تامىرىن مىقتاپ ارقاۋ ەتىپ، نازاردى وزەكتى قىزمەتكە شوعىرلاندىرىپ، حالىق ءۇشىن قىزمەت ىستەۋ سۇيىسپەنشىلىگىن قامتىدى، وعان مۇشەلەردىڭ جۇرەك قانى مەن اقىل پاراساتى سىڭگەن، قالىڭ بۇقارانىڭ تىلەگى مەن ارمانى جۇكتەلگەن. ۇسىنىس جوبالاردى ءبىر جاقتى ەتۋگە جاۋاپتى ورىندار ىندەتتىڭ ىقپالىن جەڭىپ، جاۋاپكەرلىكتى ساتىلار بويىنشا ناقتىلاندىرىپ، ءبىر جاقتى ەتۋ، جاۋاپ قايتارۋ شاماسىن %99.64 كە جەتكىزدى. ساياسي كەڭەستىڭ ۇسىنىس جوبا قىزمەتى پارتيا مەن مەملەكەت ىستەرىنىڭ دامۋىنا قىزمەت وتەۋگە بەلسەندى ۇلەس قوستى.
ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا ءتوراعالار مىنبەسىنەن ورىن الدى.
ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ جينالىسىنا سىرتتاي قاتىناستى. ءار ەلدىڭ جۇڭگوداعى ەلشىلەرى قاتارلىلار ۇسىنىس بويىنشا اشىلۋ جينالىسىنا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
