بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك 13 – كەزەكتى حالىق قۇرىلتايىنىڭ 4 – ءماجىلىسى دايىندىق جيىنىن وتكىزدى

ءماجىلىستىڭ ءتوراعالار القاسىن جانە باس حاتشىسىن سايلاپ شىقتى، ءماجىلىستىڭ كەڭەستىك ءتارتىبىن داۋىسقا سالىپ ماقۇلدادى

لي جانشۋ جيىندى باسقاردى

2021.03.05 16:25     كەلۋ قاينارى : حالىق تورابى

  شينحۋا اگەنتتىگى، 3 - ايدىڭ 4 - كۇنى، بەيجيڭ. مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى 3 - ايدىڭ 4 - كۇنى كەشتە حالىق سارايىندا دايىندىق جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ جيىندى باسقاردى. جيىن مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى مەن باس حاتشىسىن سايلاپ شىقتى، مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.

  مەملەكەتتىك 13 - كەزەكتى حالىق قۇرىلتايىنىڭ قازىرگى ۋاكىلى 2 مىڭ 953 ادام. 3 - ايدىڭ 3 - كۇنىنە دەيىن ءماجىلىستىڭ حاتشىلار باسقارماسىنا 2 مىڭ 907 ۋاكىل تىزىمدەلدى. 3 - ايدىڭ 4 - كۇنىندەگى دايىندىق جيىنىنا 2 مىڭ 895 ۋاكىل قاتىناستى، 58 ۋاكىل قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  لي جانشۋ بىلاي دەپ جاريالادى: مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى 2021 – جىلى 3 - ايدىڭ 5 - كۇنى اشىلدى، ءماجىلىستىڭ ءتۇرلى دايىندىق قىزمەتى تولىق اياقتالدى.

  لي جانشۋ بىلاي دەپ اتاپ كورسەتتى: مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ جەتەكشى يدەياسى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، نەگىزگى زاڭ مەن زاڭداردا جۇكتەلگەن مىندەتتى مۇقيات اتقارىپ، قۇرىلتايدىڭ ءتۇرلى مىندەتتەرىن تولىق ورىنداپ، ءماجىلىستى دەموكراتيالى، ىنتىماقتى، شىندىققا ۇمتىلعان، قاجىرلىلىقپەن العا باسقان ءماجىلىس ەتىپ اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جۇمىلدىرىپ، جۇدىرىقتاي جۇمىلىپ، ءورىس اشا ىلگەرىلەپ، قىزمەتتى تىڭعىلىقتى ىستەپ، «14 - بەسجىلدىق» مەزگىلىندەگى ەكونوميكالىق، قوعامدىق دامۋدىڭ تاماشا باستاماسىن جۇزەگە اسىرۋ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋ جولىندا كۇرەس جۇرگىزۋ.

  دايىندىق جيىنى داۋىسقا سالۋ ارقىلى مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ ءتوراعالار القاسى مەن باس حاتشىسىن سايلاپ شىقتى. ءماجىلىستىڭ ءتوراعالار القاسى 174 ادامنان قۇرالدى، ۋاڭ چىن ءماجىلىستىڭ باس حاتشىسى بولدى.

  داۋىسقا سالىپ ماقۇلدانعان ءماجىلىستىڭ كەڭەستىك ءتارتىبى بويىنشا، مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى ۇكىمەت قىزمەتىنەن باياندامانى قارايدى، حالىق شارۋاشىلىعى مەن الەۋمەتتىك دامۋدىڭ 14 - بەسجىلدىق جوسپارى مەن 2035 – جىلعا دەيىنگى بولاشاقتىق نىسانا باعدارلاماسىنىڭ جوباسىن تەكسەرەدى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن تەكسەرەدى، 2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى، 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرەدى، مەملەكەتتىك حالىق قۇرىلتايى تۇراقتى كوميتەتى قاراۋعا ۇسىنعان «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ۇيىمدىق زاڭى (وزگەرىس ەنگىزىلگەن جوبا)» جونىندەگى كەڭەس جوباسىن قارايدى، مەملەكەتتىك حالىق قۇرىلتايى تۇراقتى كوميتەتى قاراۋعا ۇسىنعان «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ءىس قاراۋ ەرەجەسى (وزگەرىس ەنگىزىلگەن جوبا)» جونىندەگى كەڭەس جوباسىن قارايدى، مەملەكەتتىك حالىق قۇرىلتايى تۇراقتى كوميتەتى قاراۋعا ۇسىنعان «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ قاۋلىسى (جوبا)» جونىندەگى كەڭەس جوباسىن قارايدى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارايدى، ەڭ جوعارى حالىق سوتى مەكەمەسىنىڭ قىزمەت بايانداماسىن قارايدى، ەڭ جوعارى حالىق پروكۋراتۋراسىنىڭ قىزمەت بايانداماسىن قارايدى.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ جيىنعا قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار