بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

گۇلدەنۋدىڭ ۇلى كۇشىن ۇيىستىرىپ، ۇلى جورىقتا قۇلشىنا العا باسايىق (باسماقالا)

− مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ اشىلعانىن قىزۋ قۇتتىقتايمىز

2021.03.05 16:30     كەلۋ قاينارى : حالىق تورابى

  بايتاق الاپتا كوكتەم لەبى ەسىپ، بارشا تىرشىلىك جانداندى. بۇگىن مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى كۇللى جۇرتتىڭ نازارىن اۋدارا وتىرىپ شىمىلدىعىن اشتى. مەملەكەتتىك حالىق قۇرىلتايىنىڭ 3 مىڭعا جۋىق ۋاكىلى بەيجيڭدە باس قوسىپ، «14 - بەسجىلدىق» دامۋ ۇلى جوسپارىن بىرگە اقىلداسىپ، رەفورما مەن دامۋدىڭ تىڭ داستانىن بىرگە كەڭەسەدى. ءماجىلىستىڭ اشىلعانىن قىزۋ قۇتتىقتايمىز!

  قيىندىق بولسا، قايسارلىق ايگىلەنەدى؛ شىڭدالۋ بولسا، بارلىعى ورىندالادى. 2020 - جىل جاڭا جۇڭگو تاريحىنداعى وزگەشە ءبىر جىل بولدى، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇدىرىقتاي جۇمىلىپ، قيىندىقتاردان تايسالماي، ىندەتكە توتەپ بەرىپ، تاسقىنعا قارسى اتتانىپ، رەفورمانى جەبەپ، ەسىك اشۋدى ىلگەرىلەتىپ، كەدەيلىكتەن ارىلتۋدى يگەرىپ، حالىق تۇرمىسىنا تيىمدىلىك جاساپ، ارتۋعا كەپىلدىك ەتىپ، جالپى جاعدايدى ورنىقتىرىپ، دۇنيە ءجۇزى بويىنشا ىندەتتىڭ ءورشۋىن الدىمەن تىزگىندەپ، دۇنيە جۇزىندەگى نەگىزگى ەكونوميكالىق تۇلعالار اراسىندا ەكونوميكانىڭ وڭ ءمان بويىنشا ارتۋىن الدىمەن جۇزەگە اسىرىپ، ءتۇرلى ىستەردە تىڭ دا كەلەلى تابىستارعا قول جەتكىزىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ قايتاردى. وتكەن 5 جىلعا قايىرىلا قاراساق، ۇزدىكسىز كۇرەس جۇرگىزۋ ارقىلى «13 – بەسجىلدىق» جوسپارداعى باستى نىسانا - مىندەت تابىسپەن ورىندالدى، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتتى، كەدەيلىكتەن ارىلتۋدان قامال الۋدىڭ شەشۋشى شايقاسىندا جالپى بەتتىك جەڭىسكە قول جەتتى، جۇڭحۋا ۇلتىنىڭ ۇلى گۇلدەنۋى العا قاراي تىڭ قادام تاستادى. بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىمنىڭ ابزالدىعىن تولىق ايگىلەپ، بۇكىل پارتيانى، بۇكىل ەلدەگى ءار ۇلت حالقىن كۇش ۇستىنە كۇش قوسىپ، ەكىنشى 100 جىلدىق كۇرەس نىساناسىن جۇزەگە اسىرۋ جولىندا ۇزدىكسىز ەرلىكپەن العا باسۋعا شابىتتاندىرادى.

  قىم - قۋىت كۇردەلى حالىقارالىق جاعداي، جاپالى دا اۋىر رەفورما، دامۋ، ورنىقتىلىق مىندەتى الدىندا مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، مىندەتىن زاڭ بويىنشا اتقارىپ، بەلسەندىلىكپەن ءىس تىندىرىپ، نەگىزگى زاڭدى اتقارۋ مەن زاڭنىڭ اتقارىلۋىن باقىلاۋدى كۇشەيتىپ، ازاماتتىق ىستەر زاڭناماسىنىڭ اتقارىلۋىن ىلگەرىلەتۋ قىزمەتىن جاقسى ىستەپ، ىندەتتەن ساقتانۋ - تىزگىندەۋ كۇرەسىنە بەلسەنە ات سالىسىپ، الەۋمەتتىك دەنساۋلىق ساقتاۋدى زاڭمەن جونگە سالۋ قورعانىس شەبىن بەكەمدەپ، شياڭگاڭ ەرەكشە اكىمشىلىك رايونىنىڭ نەگىزگى زاڭدىق ءتۇزىم ءتارتىبىن، زاڭمەن جونگە سالۋ ءتارتىبىن قورعاپ، زاڭمەن جونگە سالۋ فورماسىمەن لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋگە دەم بەرىپ، ءتۇيىندى سالالاردا زاڭ شىعارۋدى جەدەل ىلگەرىلەتىپ، قىزمەتتى باقىلاۋدى جانە زاڭدىق باقىلاۋدى زاڭ بويىنشا ورىستەتىپ، كەلەلى قىزمەت ورنالاستىرۋلارىن ىلگەرىلەتۋگە، اۋىر حاۋىپ - قاتەر مەن سىن - سايىسقا توتەپ بەرۋگە، مەملەكەت حاۋىپسىزدىگىن قورعاۋعا زاڭدىق كەپىلدىك ازىرلەپ، پارتيا ورتالىق كوميتەتىنىڭ حالىق قۇرىلتايى قىزمەتىنە قويعان جاڭا تالاپتارىن تياناقتاندىردى، حالىق بۇقاراسىنىڭ جاڭا تىلەگىنە جاۋاپ قايتاردى، مەملەكەتتىڭ بيلىك ورگانى بولۋ فۋنكتسيالىق رولىن ءونىمدى ساۋلەلەندىردى.

  مەملەكەتتىڭ گۇلدەنۋى مەن قۇلدىراۋى تۇزىمگە بايلانىستى، حالىقتىڭ تىنىش تىرشىلىگى جونگە سالۋعا سۇيەنەدى. بيىل − «14 – بەسجىلدىقتىڭ» باستاما جىلى، سونداي - اق جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ءبىرىنشى جىل. پارتيا 19 – كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ الداعى 5 جىلداعى جانە 15 جىلداعى دامۋىنا ايقىن باعدار كورسەتىپ، جاپپاي سوتسياليستىك وسىزاماندانعان مەملەكەت قۇرۋعا ايبىندى جوبا جاسادى. پارتيا مەن مەملەكەت ىستەرىنىڭ جەدەل دامۋى حالىق قۇرىلتايى ءتۇزىمىنىڭ امالياتتىق ءمانىن بايىتتى. حالىق قۇرىلتايى قىزمەتىنىڭ جاندى امالياتى جۇڭگوشا سوتسياليستىك دەموكراتيالىق ساياسيدىڭ، حالىق قۇرىلتايى ءتۇزىمىنىڭ كورنەكتى ابزالدىعى مەن ومىرشەڭدىك كۇشىن ونان ارى ايگىلەدى. «14 – بەسجىلدىقتا» كۇرەس جاساپ، جاڭا ساپارعا قادام تاستاعاندا، ءبىز حالىق قۇرىلتايى ءتۇزىمىنىڭ ءتۇبىرلى ساياسي تۇزىمدىك رولىن تولىق ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا حالىق قۇرىلتايىنىڭ فۋنكتسيالىق رولىن اناعۇرلىم ويداعىداي ساۋلەلەندىرىپ، حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىققا مىقتاپ اماناتتاۋىمىز كەرەك.

  «بيلىك دەگەنىمىز حالىق، حالىق دەگەنىمىز بيلىك». «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، ءسوز جوق، حالىق مايدانىندا بەرىك تۇرىپ، حالىقتىڭ نەگىزگى تۇلعالىق ورنىندا تاباندى بولىپ، ءبىر ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن قۇدىرەتتى كۇشكە اينالدىرۋىمىز كەرەك. حالىق دەموكراتياسى − سوتسياليزمنىڭ جانى، ەلىمىزدىڭ سوتسياليستىك دەموكراتياسى − حالىقتىڭ ءتۇبىرلى مۇددەسىن قورعايتىن ەڭ كەڭ، ەڭ شىنايى، ەڭ جارامدى دەموكراتيا. حالىقتىڭ ءوز ىسىنە ءوزى قوجا بولۋىنا كەپىلدىك ەتۋدە جانە ونى دامىتۋدا حالىقتىڭ ۇنىنە قۇلاق اسىپ، حالىقتىڭ اقىل - پاراساتىن شوعىرلاندىرىپ، حالىقتىڭ تىلەگىنە جاۋاپ قايتارىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ۇزدىكسىز ويداعىداي شەشىپ، قالىڭ حالىقتىڭ اقىل - پاراساتى مەن كۇش - قۋاتىن ۇيىستىرۋ كەرەك. حالىق دەموكراتياسىن كەڭەيتىپ، دەموكراتيالىق ءتۇزىمدى كەمەلدەندىرىپ، دەموكراتيالىق فورمانى بايىتىپ، دەموكراتيا ارناسىن كەڭەيتىپ، ازاماتتاردىڭ ساياسيعا تارتىپپەن ارالاسۋىن ءار جىكتەن، ءار سالادان كەڭەيتىپ، اناعۇرلىم كەڭ، اناعۇرلىم تولىق، اناعۇرلىم كەمەلدى حالىق دەموكراتياسىن دامىتقاندا عانا ءبىزدىڭ ءتۇبىرلى ساياسي ءتۇزىمىمىز باستان - اياق بەرىك نەگىزگە يە بولادى، ءبىزدىڭ ىستەرىمىز ۇزدىكسىز جەڭىستەن جەڭىسكە جەتەتىن بولادى.

  «جالپى اۋقىمنان يكەمدى پايدالانۋ، ورايلى ءساتتى وتكىزىپ الماۋ كەرەك» دەگەن ءسوز بار. «ەكى 100 جىلدىق» تاريحي توعىسۋ تۇيىنىندە مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى ماڭىزدى بورىش جانە جاۋاپكەرلىك ارقالاپ وتىر. قالىڭ ۋاكىلدەردىڭ باستاما جىلدى تياناق ەتىپ، ءبىر نيەت، ءبىر تىلەكپەن كۇش قوسىپ، مىندەتىن مۇقيات اتقارىپ، جاۋاپكەرلىكتى ادا ەتىپ، حالىقتىڭ ماڭىزدى تاپسىرىعىن ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋىن ءۇمىت ەتەمىز!

  ءماجىلىستىڭ تولىق تابىستى اشىلۋىن تىلەيمىز!

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار