مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى بەيجيڭدە اشىلدى
2021.03.06 14:09 كەلۋ قاينارى : حالىق تورابى
شي جينپيڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى
لي كىچياڭ ۇكىمەت قىزمەتىنەن بايانداما جاسادى، لي جانشۋ ءماجىلىستى باسقاردى
«14 - بەسجىلدىق» جوسپار مەن 2035 - جىلعا دەيىنگى بولاشاقتىق نىسانا باعدارلاماسىنىڭ جوباسى قارالدى، مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جوباسى مەن ءىس قاراۋ ەرەجەسىنە وزگەرىس ەنگىزۋ جوباسى، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاۋلى جوباسى جونىندەگى تۇسىنىك تىڭدالدى
شينحۋا اگەنتتىگى، 3 - ايدىڭ 5 - كۇنى، بەيجيڭ. كوكتەم كەلگەن ءسات، بەيجيڭنىڭ بارشا الابى جالىندى بەينەگە شومعان. مەملەكەتتىك 13 - كەزەكتى حالىق قۇرىلتايىنىڭ 4 - ءماجىلىسى 3 - ايدىڭ 5 - كۇنى تۇستەن بۇرىن حالىق سارايىندا اشىلدى. مەملەكەتتىك حالىق قۇرىلتايىنىڭ 3 مىڭعا جۋىق ۋاكىلى حالىقتىڭ ماڭىزدى تاپسىرماسىن ارقالاپ ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى بورىشتارىن مۇقيات وتەدى.
حالىق سارايىنىڭ 10 مىڭ ادامدىق ۇلكەن زالى ايبىندى دا دۋماندى بەينەگە شومدى، ءتوراعالار مىنبەسىنىڭ شىمىلدىعىنىڭ ءدال ورتاسىنداعى مەملەكەت گەربى نارت قىزىل تۋلاردىڭ ايشىقتاۋىمەن جارقىراپ تۇر.
ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
مەملەكەتتىك 13 - كەزەكتى حالىق قۇرىلتايىنىڭ 4 - ماجىلىسىنە قاتىناسۋعا ءتيىستى ۋاكىل 2 مىڭ 953 ادام. 3 - ايدىڭ 5 - كۇنى تۇستەن بۇرىنعى ماجىلىسكە 2 مىڭ 900 ادام قاتىناستى، 53 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن بۇرىن ساعات 9 دا لي جانشۋ جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايى 4 - ءماجىلىسىنىڭ اشىلعانىن جاريالادى. زالداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.
ءماجىلىستىڭ كەڭەستىك تارتىبىنە ساي، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. بايانداما مىناداي ءۇش بولىمگە بولىنەدى: ءبىرىنشى، 2020 - جىلعى قىزمەتتەرگە شولۋ؛ ەكىنشى، «13 - بەسجىلدىق» مەزگىلىندەگى دامۋ تابىستارى مەن «14 - بەسجىلدىق» مەزگىلىندەگى باستى نىسانا - مىندەتتەر؛ ءۇشىنشى، 2021 - جىلعى ءتۇيىندى قىزمەتتەر.
لي كىچياڭ بايانداماسىندا بىلاي دەپ اتاپ كورسەتتى: وتكەن ءبىر جىل جاڭا جۇڭگو تاريحىنداعى وزگەشە جىل بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ءار ۇلت حالقى قايسارلىقپەن كۇرەس جاساپ، ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزىپ، دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە ەكونوميكانىڭ وڭ مانمەن ارتۋىن جۇزەگە اسىرعان بىردەن - ءبىر ەل بولىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە شەشۋشى تابىستارعا قول جەتكىزىپ، حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ قايتاردى.
لي كىچياڭ بايانداماسىندا ءبىر جىلدان بەرگى پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىرتۇتاس جوسپارلاپ ىلگەرىلەتۋ احۋالىن 7 جاقتان قورىتىندىلادى: بازار تۇلعالارىنىڭ شۇعىل قاجەتىن توڭىرەكتەي وتىرىپ ماكرولىق ساياسات بەلگىلەپ جانە اتقارىپ، ەكونوميكانىڭ نەگىزگى جاعدايىن ورنىقتىردىق؛ الدىمەن جۇمىستاندىرۋدى ورنىقتىرىپ، حالىق تۇرمىسىن كەپىلدەندىرىپ، حالىق تۇرمىسىن شىنايى قامتاماسىزداندىردىق؛ ءۇش ۇلكەن قامال الۋ شايقاسىن باتىل، ويداعىداي جۇرگىزىپ، باستى نىسانا - مىندەتتەردى ۋاعىندا ورىندادىق؛ رەفورما جاساپ، ەسىك اشۋدى تاباندىلىقپەن ىلگەرىلەتىپ، دامۋ ومىرشەڭدىگى مەن ىشكى قوزعاۋشى كۇشىن ونان ارى كۇشەيتتىك؛ عىلىم - تەحنيكادا جاڭالىق جاراتۋدى زور كۇشپەن جەبەپ، كاسىپتىڭ تيبىن وزگەرتىپ، دارەجەسىن جوعارىلاتۋ قادامىن تەزدەتتىك؛ جاڭاشا قالا - قالاشىقتانۋ مەن اۋىل - قىستاقتى گۇلدەندىرۋدى ىلگەرىلەتىپ، قالا مەن اۋىلدىڭ وڭىرلىك دامۋ جاعدايىن ۇزدىكسىز ساپالىلاندىردىق؛ اكىمشىلىكتى زاڭ بويىنشا جۇرگىزۋ مەن قوعامدىق قۇرىلىستى كۇشەيتىپ، قوعامنىڭ جاراسىمدىلىعى مەن ورنىقتىلىعىن ساقتادىق.
وتكەن 5 جىلدا ەلىمىزدىڭ ەكونوميكالىق، قوعامدىق دامۋىندا تىڭ تاريحي تابىستارعا قول جەتتى. «13 – بەس جىلدىق» كەزىندەگى دامۋ تابىسىن ەسكە العاننان كەيىن لي كىچياڭ بايانداماسىندا بىلاي دەپ اتاپ كورسەتتى: «14 – بەسجىلدىق» مەزگىلى ــ جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنىڭ العاشقى 5 جىلى. «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوسپارى مەن 2035 - جىلعا دەيىنگى بولاشاقتىق نىساناسىن بەلگىلەۋ جونىندەگى ۇسىنىسىنا» ساي، مەملەكەتتىك كەڭەس «حالىق شارۋاشىلىعى مەن قوعامدىق دامۋدىڭ 14 - بەسجىلدىق جوسپارىن جانە 2035 - جىلعا دەيىنگى بولاشاقتىق نىسانا باعدارلاماسىن (جوبا)» جاسادى. باعدارلاما جوباسىندا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىنىپ، «14 - بەسجىلدىق» جوسپار مەزگىلىندەگى ەكونوميكالىق، قوعامدىق دامۋدىڭ باستى نىسانالارى مەن كەلەلى مىندەتتەرى ناقتىلاندىرىلدى، تولىق ءماتىنى ءماجىلىستىڭ قاراۋىنا تاپسىرىلدى.
لي كىچياڭ باياندامادا بىلاي دەپ اتاپ كورسەتتى: باعدارلاما جوباسى دامۋ ساپاسى مەن ونىمدىلىگىن كۇش سالا جوعارىلاتىپ، ەكونوميكانىڭ باياندى، اقاۋسىز دامۋىن ساقتادى. ەكونوميكالىق اينالىم ۇيلەسىمدى ارالىقتى ساقتادى، ءار جىلى جاعدايعا قاراي ەكونوميكالىق ارتۋدىڭ مەجەلى نىساناسىن العا قويدى، جالپى قىزمەتكەرلەردىڭ ەڭبەك ونىمدىلىگىنىڭ ارتۋى ىشكى ءوندىرىستىڭ جالپى ءونىم قۇنىنىڭ ارتۋىنان جوعارى بولدى، قالا - قالاشىقتاردا تەكسەرىلگەن جۇمىسسىزدىق شاماسى %5.5 ىشىندە تەجەلدى، زات باعاسى دەڭگەيى جالپى جاقتان ورنىقتى بولدى. جاڭالىق اشۋ ارقىلى دامۋعا دەم بەرۋدە تاباندى بولىپ، وسى زامانعى كاسىپ جۇيەسىنىڭ دامۋىن جەدەلدەتتى. قۋاتتى ەل ءىشى بازارىن سۇلبالاپ، جاڭا دامۋ جاعدايىن قالىپتاستىردى. اۋىل - قىستاقتى كوركەيتۋ جاپپاي ىلگەرىلەتىلىپ، جاڭاشا قالا - قالاشىقتاندىرۋ ستراتەگياسى كەمەلدەندىرىلدى. وڭىرلىك ەكونوميكانىڭ ورنالاسۋىن ساپالىلاندىرىپ، وڭىرلەردىڭ سايكەستى دامۋىن جەبەدى. رەفورما جاساپ، ەسىك اشۋدى جاپپاي تەرەڭدەتىپ، دامۋدىڭ قوزعاۋشى كۇشى مەن ومىرشەڭدىك كۇشىن ۇزدىكسىز كۇشەيتتى. جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەدى. حالىقتىڭ ىرىس - قۇتىن ۇزدىكسىز مولاتىپ، بىرگە اۋقاتتانۋدى تىڭعىلىقتى ىلگەرىلەتتى. دامۋ مەن حاۋىپسىزدىكتى ءبىر تۇتاس جوسپارلاپ، اناعۇرلىم جوعارى دەڭگەيدەگى تىنىش جۇڭگونى قۇردى.
لي كىچياڭ بايانداماسىندا بىلاي دەپ اتاپ كورسەتتى: 2021 – جىلعى دامۋدىڭ باستى مەجەلى نىسانالارى مىنالار: ىشكى ءوندىرىستىڭ جالپى ءونىم قۇنىن %6 تەن استام ارتتىرۋ؛ قالا – قالاشىقتاردا تىڭنان جۇمىستانعانداردى 11 ميلليوننان اسىرۋ، قالا – قالاشىقتا تەكسەرىلگەن جۇمىسسىزدىق شاماسىن % 5.5 شاماسىندا مەڭگەرۋ؛ تۇرعىنداردىڭ تۇتىنۋ باعاسىنىڭ قىمباتتاۋ مولشەرىن %3 شاماسىندا مەڭگەرۋ؛ يمپورت – ەكسپورت مولشەرىن ورنىقتى ارتتىرىپ، حالىقارالىق كىرىس – شىعىستى نەگىزىنەن تەڭگەرۋ؛ تۇرعىنداردىڭ كىرىسىن ورنىقتى ارتتىرۋ؛ ەكولوگيالىق ورتانىڭ ساپاسى ونان ارى جاقسارىپ، ىشكى ءوندىرىستىڭ جالپى قۇنىنداعى ەنەرگيانىڭ بىرلىك جۇمسالىمىن %3 شاماسىندا تومەندەتىپ، باستى لاس زاتتاردىڭ شىعارىلۋ مولشەرى ۇزدىكسىز تومەندەتۋ؛ استىق ءونىمىن 13 تريلليون جىڭنان اسىرۋ.
لي كىچياڭ بايانداماسىندا مىنارلاردى ورتاعا قويدى: 2021 - جىلى مىناداي 8 جاقتاعى قىزمەتتى ءتۇيىندى تۇردە ويداعىداي ىستەۋ كەرەك: ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، ەكونوميكالىق اينالىمنىڭ ۇيلەسىمدى ارالىقتا بولۋىن جەبەۋ؛ ءتۇيىندى سالالارداعى رەفورمانى ىشكەرىلەي ىلگەرىلەتىپ، بازار تۇلعالارىنىڭ ومىرشەڭدىك كۇشىن اناعۇرلىم تاسقىنداتۋ؛ جاڭالىق اشۋعا سۇيەنىپ، ناقتى ەكونوميكانىڭ ساپالى دامۋىن ىلگەرىلەتىپ، جاڭا قوزعاۋشى كۇشتى جەتىلدىرۋ، زورايتۋ؛ ىشكى سۇرانىمدى ۇلعايتۋ سىندى ستراتەگيالىق نەگىزدە تاباندى بولىپ، ىشكى بازاردىڭ كومەسكى كۇشىن تولىق اشۋ؛ اۋىل - قىستاقتى گۇلدەندىرۋ ستراتەگياسىن جالپى بەتتىك جولعا قويىپ، اۋىل شارۋاشىلىعىنىڭ ورنىقتى دامۋى مەن شارۋالاردىڭ كىرىسىن ارتتىرۋدى جەبەۋ؛ جوعارى دەڭگەيدە سىرتقا ەسىك اشىپ، سىرتقى ساۋدانىڭ، شەتەل قارجىسىنىڭ ساپاسىن ورنىقتى جوعارىلاتۋ؛ لاستانۋدان ساقتانۋ مەن ەكولوگيالىق قۇرىلىستى كۇشەيتىپ، ورتا ساپاسىن ۇزدىكسىز جاقسارتۋ؛ حالىقتىڭ ىرىس - قۇتىن شىنايى مولىقتىرىپ، قوعامدىق قۇرىلىس ورەسىن ۇزدىكسىز جوعارىلاتۋ.
باياندامادا لي كىچياڭ تاعى ۇكىمەتتىڭ وزىندىك قۇرىلىسىن كۇشەيتۋ، ۇلت، ءدىن جانە مۇھاجىرلار قىزمەتى، مەملەكەت قورعانىسى مەن ارميا قۇرىلىسى، شياڭگاڭ مەن اۋمىننىڭ دامۋى جانە ەكى جاعالاۋ قاتىناسى، سونداي - اق ەلىمىزدىڭ ديپلوماتيالىق ساياساتى جونىندە پايىمداۋ جاسادى.
ءماجىلىستىڭ كەڭەستىك تارتىبىنە ساي، ءماجىلىس حالىق شارۋاشىلىعى مەن قوعامدىق دامۋدىڭ 14 - بەسجىلدىق جوسپارى مەن 2035 - جىلعا دەيىنگى بولاشاقتىق نىسانا باعدارلاماسىنىڭ جوباسىن، مەملەكەتتىك كەڭەستىڭ 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن، سونداي - اق 2021 - جىلعى حالىق شارۋاشىلىعى مەن قوعامدىق دامۋ جوسپار جوباسىن، مەملەكەتتىك كەڭەستىڭ 2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسىن، سونداي - اق 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرەدى.
مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جوباسى جونىندە، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جوباسى جونىندە، مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاۋلى جوباسى جونىندە تۇسىنىك جاسادى.
مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جوباسى جونىندەگى تۇسىنىكتە بىلاي دەپ اتاپ كورسەتىلدى: مەملەكەتتىك حالىق قۇرىلتايىنىڭ ۇيىمدىق زاڭى − مەملەكەتتىك حالىق قۇرىلتايى مەن ونىڭ تۇراقتى كوميتەتىنىڭ ۇيىمدىق ءتۇزىمى مەن قىزمەت ءتۇزىمى جونىندەگى نەگىزدىك زاڭ. پارتيانىڭ 18 – قۇرىلتايىنان بەرى باس شۋجي شي جينپيڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ، سوتسياليستىك دەموكراتيالىق ساياسيدى دامىتۋ جونىنەن ءبىرقىدىرۋ ماڭىزدى ءسوز سويلەدى. باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسى مەن شي جينپيڭ زاڭمەن جونگە سالۋ يدەياسىن دايەكتىلەندىرىپ، پارتيا ورتالىق كوميتەتىنىڭ كەلەلى شەشىم، ورنالاستىرۋلارىن تياناقتاندىرۋدا امالياتتىق تاجىريبەلەردى مۇقيات قورىتىندىلاپ، مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزىپ، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ ۇيىمدىق ءتۇزىمى مەن قىزمەت ءتۇزىمىن اناعۇرلىم كەمەلدەندىرۋ قاجەت. جوبا جيىنى 37 تارماقتان تۇرادى، نەگىزگى وزگەرىس ەنگىزۋ مازمۇنى مىنالاردى قامتيدى: «جالپى ەرەجە» دەگەن تاراۋ قوسىلدى؛ مەملەكەتتىك حالىق قۇرىلتايىنىڭ ءتوراعالار القاسى مەن مەملەكەتتىك حالىق قۇرىلتايى تۇراقتى كوميتەتى كوميتەت باستىقتارى ءماجىلىسىنىڭ قىزمەت ۇقىعىنا قاتىستى بەلگىلەمەلەر كەمەلدەندىرىلدى؛ مەملەكەتتىك حالىق قۇرىلتايىنىڭ ارناۋلى كوميسسيالارىنىڭ قاتىستى بەلگىلەمەلەرى كەمەلدەندىرىلدى؛ باقىلاۋ - تەكسەرۋ ءتۇزىلىسى رەفورماسىنىڭ قاجەتىنە سايكەسۋ نەگىزىندە قاتىستى مازمۇندار قوسىلدى؛ مەملەكەتتىك حالىق قۇرىلتايى تۇراقتى كوميتەتىنىڭ كادرلاردى مىندەتكە تاعايىنداۋ، مىندەتىنەن قالدىرۋ ۇقىعى كەمەلدەندىرىلدى؛ ۋاكىلدەر قىزمەتى كۇشەيتىلىپ، ۋاكىلدەرمەن بايلانىس جيىلەتىلدى.
مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جوباسى جونىندەگى تۇسىنىكتە بىلاي دەپ اتاپ كورسەتىلدى: مەملەكەتتىك حالىق قۇرىلتايىنىڭ ءىس قاراۋ ەرەجەسى − مەملەكەتتىك حالىق قۇرىلتايىنىڭ ءماجىلىس ءتۇزىمى مەن قىزمەت ءتارتىبى جونىندەگى نەگىزدىك زاڭ. مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ − پارتيانىڭ جاپپاي باسشىلىق ەتۋىندە تاباندى بولۋدىڭ، مەملەكەتتىك حالىق قۇرىلتايىنىڭ ساياسي قۇرىلىسىن كۇشەيتۋدىڭ ماڭىزدى شاراسى، جالپى بارىستاعى دەموكراتيادا تاباندى بولۋدىڭ، حالىقتىڭ وزىنە - ءوزى قوجا بولۋىنا كەپىلدىك ەتۋدىڭ جانە ونى دامىتۋدىڭ تۇزىمدىك كەپىلى، امالياتتىق تاجىريبەلەردى ىشكەرىلەي قورىتىندىلاۋدىڭ، حالىق قۇرىلتايى تۇزىمىندە تاباندى بولۋدىڭ جانە ونى كەمەلدەندىرۋدىڭ وبيەكتيۆ تالابى، پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ رەال قاجەتى. جوبا جالپى 35 تارماقتان تۇرادى، نەگىزگى وزگەرىس ەنگىزۋ مازمۇنى مىنالاردى قامتيدى: ءماجىلىس اشۋعا قاتىستى دايىندىق قىزمەتتەردى ايقىنداۋ؛ ءماجىلىس ءتارتىبىن قاتايتۋ؛ ءماجىلىس ءتارتىبىن لايىقتى ىقشامداپ، ءىس قاراۋ ساپاسى مەن ونىمدىلىگىن جوعارىلاتۋ؛ ءماجىلىستىڭ جاريالىلىعى مەن ينفورماتسيالاندىرۋ قۇرىلىسىن كۇشەيتۋ؛ زاڭ جوباسى سياقتى كەڭەس جوبالاردى قاراۋ ءتارتىبىن كەمەلدەندىرۋ؛ جوبا باعدارلاماسىن تەكسەرىپ بەكىتۋ جانە رەتتەۋ ءتارتىبىن ارناعا ءتۇسىرۋ؛ ءماجىلىس ماقۇلداعان ىستەردى جاريالاۋ ءتارتىبىن اقاۋسىزداندىرۋ جانە كەمەلدەندىرۋ.
مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قاۋلى جوباسى جونىندەگى تۇسىنىگىندە بىلاي دەپ اتاپ كورسەتىلدى: شياڭگاڭ ەرەكشە اكىمشىلىك رايونى اتقارعان سايلاۋ ءتۇزىمى اكىمدى سايلاۋ ءادىسى مەن زاڭ شىعارۋ كەڭەسىن قالىپتاستىرۋ ءادىسىن قامتيدى، بۇل − شياڭگاڭ ەرەكشە اكىمشىلىك رايونىنىڭ ساياسي ءتۇزىلىسىنىڭ ماڭىزدى قۇرامداس بولەگى. شياڭگاڭ قوعامىندا جارىققا شىققان كەيبىر بىلىققان قۇبىلىستار شياڭگاڭنىڭ قازىرگى سايلاۋ ءتۇزىمى مەحانيزمىندە كورنەكتى ولقىلىقتار مەن جەتەرسىزدىكتەر ءومىر ءسۇرىپ وتىرعانىن، ءسوز جوق، قاجەتتى شارالار قولدانىپ، شياڭگاڭنىڭ سايلاۋ ءتۇزىمىن كەمەلدەندىرىپ، ءتۇزىم مەحانيزمى جاعىندا ورىن تەۋىپ وتىرعان كومەسكى قاتەرلەر مەن حاۋىپ - قاتەردى جويىپ، وتانشىلداردى نەگىزگى تۇلعا ەتكەن «شياڭگاڭدى شياڭگاڭدىقتار باسقارۋعا» شىنايى كەپىلدىك ەتۋ كەرەكتىگىن كورسەتتى. شياڭگاڭنىڭ سايلاۋ ءتۇزىمىن كەمەلدەندىرۋدىڭ جالپى وي جەلىسى مىناداي: شياڭگاڭ ەرەكشە اكىمشىلىك رايونى سايلاۋ كوميتەتىن قايتا قۇرۋدى جانە بەرىلەتىن ۇقىقتى كوبەيتۋدى وزەك ەتىپ، جالپى تۇلعالىق ءتۇزىم جوباسىن جاساۋ، سايلاۋ كوميسسياسىنىڭ كولەمىن، ۇيىمداسۋىن جانە سايلاۋ ءادىسىن رەتكە سالۋ جانە ساپالىلاندىرۋ، ودان كەيىن سايلاۋ كوميسسياسى جاعىنان اكىمدى سايلاپ شىعۋ ءارى سايلاۋ كوميسسياسىنا زاڭ شىعارۋ كەڭەسى مۇشەلەرىن سايلاۋ جانە زاڭ شىعارۋ كەڭەسى مۇشەلەرىنىڭ بارلىق كانديداتىن كورسەتۋگە تىكەلەي قاتىناسۋ سىندى ءبىرشاما زور سالىستىرماداعى جاڭا فۋنكتسيانى بەرۋ، سايلاۋ كوميسسياسى ارقىلى شياڭگاڭ قوعامىنىڭ بىركەلكى، ءتارتىپتى تۇردە ساياسيعا قاتىناسۋىن كەڭەيتۋ جانە اناعۇرلىم كەڭ ۋاكىلدىك سيپاتتى ايگىلەۋ، قاتىستى سايلاۋ فاكتورلارىنا لايىقتى رەتتەۋ جۇرگىزۋ، سونىمەن بىرگە، جالپى بارىستاعى تولىمدىلىعىن تەكسەرۋ مەحانيزمىن ورناتىپ، شياڭگاڭنىڭ ءىس جۇزىندىك جاعدايىنا ۇيلەسەتىن، شياڭگاڭ ەرەكشەلىگىنە يە جاڭا دەموكراتيالىق سايلاۋ ءتۇزىمىن قالىپتاستىرۋ. ورتالىق پەن مەملەكەتتىڭ قاتىستى تاراۋلارى مۇقيات زەرتتەۋ جۇرگىزىپ، قاتىستى جاقتارمەن پىكىرلەسكەننەن كەيىن، «ۇيعارىم + زاڭعا وزگەرىس ەنگىزۋ» ءتاسىلىن قولدانۋدى ورتاعا قويىپ، قادامعا ءبولىپ ىلگەرىلەتەدى جانە ورىندايدى. ءبىرىنشى قادامدا مەملەكەتتىك حالىق قۇرىلتايى نەگىزگى زاڭعا جانە شياڭگاڭنىڭ ءتۇبىرلى زاڭىنا، شياڭگاڭنىڭ مەملەكەت حاۋىپسىزدىگى زاڭىنداعى قاتىستى بەلگىلەمەلەرگە ساي، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندە قاۋلى شىعارىپ، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن وزگەرىس ەنگىزۋ نەگىزىندە كەمەلدەندىرۋدەگى نەگىزگى پرينسيپتەر مەن وزگەرىس ەنگىزۋ نەگىزىندە كەمەلدەندىرىلەتىن وزەكتى فاكتورلاردى، مازمۇنداردى ايقىندايدى ءارى مەملەكەتتىك حالىق قۇرىلتايىنىڭ تۇراقتى كوميتەتىنە وسى قاۋلىعا ساي شياڭگاڭ ءتۇبىرلى زاڭىنىڭ 1 - قوسىمشا قۇجاتى مەن 2 - قوسىمشا قۇجاتىنا وزگەرىس ەنگىزۋگە ۇقىق بەرەدى. ەكىنشى قادامدا مەملەكەتتىك حالىق قۇرىلتايى تۇراقتى كوميتەتى نەگىزگى زاڭعا، شياڭگاڭ ءتۇبىرلى زاڭىنا، شياڭگاڭ مەملەكەت حاۋىپسىزدىگى زاڭىنا جانە مەملەكەتتىك حالىق قۇرىلتايىنىڭ قاتىستى قاۋلىلارىنا ساي، شياڭگاڭ ءتۇبىرلى زاڭىنىڭ 1 - قوسىمشا قۇجاتى − «شياڭگاڭ ەرەكشە اكىمشىلىك رايونىنىڭ اكىمىن سايلاۋ ءادىسى» مەن 2 - قوسىمشا قۇجاتى − «شياڭگاڭ ەرەكشە اكىمشىلىك رايونى زاڭ شىعارۋ كەڭەسىن قالىپتاستىرۋ ءادىسى مەن داۋىسقا سالۋ تارتىبىنە» وزگەرىس ەنگىزەدى، وزگەرىس ەنگىزىلگەننەن كەيىنگى 1 - قوسىمشا قۇجات پەن 2 - قوسىمشا قۇجاتتا شياڭگاڭ ەرەكشە اكىمشىلىك رايونىندا اتقارىلاتىن جاڭا دەموكراتيالىق سايلاۋ ءتۇزىمى جونىندە ناقتى، ايقىن بەلگىلەمەلەر جاسالادى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى ي - چىڭ ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.
مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان ساياسي كەڭەس مۇشەلەرى ماجىلىسكە سىرتتاي قاتىناستى.و
رتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
