شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى
جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتايىق
2021.03.06 14:13 كەلۋ قاينارى : حالىق تورابى
«حالىق گازەتى»، 3 - ايدىڭ 5 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى تۇرعان مەملەكەتتىك 13 - كەزەكتى حالىق قۇرىلتايىنىڭ 4 - ماجىلىسىنە قاتىناسقان ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى: جاڭا دامۋ ۇستانىمى − تۇتاس تۇلعا، ءسوز جوق، كەمەلدى، دۇرىس، جان - جاقتى ءتۇسىنىپ جانە دايەكتىلەندىرىپ، جاڭا دامۋ جاعدايىنا قىزمەت ەتۋگە جانە ونىمەن توعىستىرۋعا كۇش سالۋ كەرەك. ۇلتتار ىنتىماعىنىڭ داڭقتى ءداستۇرى مەن «ۇلگىلى اۆتونوميالى رايون» وسكەلەڭ داڭقىن بارىنشا قاستەرلەپ، وندا ۇزدىكسىز تاباندى بولىپ، ۇلتتار ىنتىماعىنىڭ جالپى جاعدايىن بەكەمدەۋ، دامىتۋ كەرەك. پارتيا تاريحىن ۇيرەنۋ تاربيەسىن ويداعىداي يگەرىپ، بارلىق پارتيا مۇشەلەرىن اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن تاباندىلىقپەن كوزدەۋگە تاربيەلەۋ، جەتەكتەۋ كەرەك.
ىشكى موڭعۇل ۋاكىلدەر ۇيىرمەسى دەموكراتيالى، جالىندى بەينەگە شومدى. جاڭ شياۋبيڭ، نارىنتۇيا، گى ميڭ، جوۋ ي - جى، لي گوچين قاتارلى 5 ۋاكىل حىتاۋ وڭىرىندەگى وسى زامانعى اۋىل شارۋاشىلىعىن دامىتۋ، مەملەكەتتىڭ ءبىر تۇتاس قۇراستىرعان وقۋلىقتارىن پايدالانۋدى تاباندىلىقپەن اتقارۋ، شەكارا وڭىرلەردىڭ شوعىرلى، ساپالى دامۋىن ىلگەرىلەتۋ، ۇلكەن ھينگان تاۋىنىڭ ورمان الابىن ويداعىداي قورعاۋ، اۋىل - قىستاقتىڭ گۇلدەنۋىن ىلگەرىلەتۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى كوپشىلىكپەن پىكىر اۋىستىردى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ءسوز سويلەدى. ول الدىمەن ۇكىمەت قىزمەتىنەن باياندامانى بۇكىلدەي قۇپتايتىنىن ءبىلدىرىپ، ىشكى موڭعۇلدىڭ ءبىر جىلدان بەرگى قىزمەتىن تولىق تۇراقتاندىردى، ىشكى موڭعۇلداعى جولداستاردىڭ ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، حالىقتى وزەك ەتكەن دامۋ يدەياسىندا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ىشكى موڭعۇلدى ەلىمىزدىڭ سولتۇستىگىندەگى ماڭىزدى ەكولوگيالىق حاۋىپسىزدىك قالتقىسى، وتانىمىزدىڭ سولتۇستىك شەكاراسىنىڭ حاۋىپسىزدىك، ورنىقتىلىق قورعانى، مەملەكەتتىڭ ماڭىزدى ەنەرگيا جانە ستراتەگيالىق بايلىق بازاسى، اۋىل شارۋاشىلىق، مال شارۋاشىلىق ونىمدەرىن ءوندىرۋ بازاسى، ەلىمىزدىڭ سولتۇستىككە ەسىك اشۋداعى ماڭىزدى قامالى ەتىپ قۇرىپ شىعۋ سىندى ستراتەگيالىق ورنى بويىنشا، سىرتتان كىرۋدەن ساقتانۋ، ىشكى جاقتا قايتادان بەلەڭ الۋدان ساقتانۋ قىزمەتىن تيتتەي دە بوساڭسىماي جاقسى ىستەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ىشكى موڭعۇلدىڭ دامۋداعى تىڭ داستانىن جازىپ، پارتيا قۇرىلعانىنىڭ 100 جىلدىعىن ەرەن ناتيجەلەرمەن قۇتتىقتاۋىن ءۇمىت ەتتى.
شي جينپيڭ مىنالاردى دارىپتەدى: ىشكى موڭعۇلدىڭ بۇكىل ەل بويىنشا جاڭا دامۋ جاعدايىن قالىپتاستىرۋداعى ورنىن ءدال تاۋىپ، ءوزىنىڭ ابزالدىققا يە سالاسى مەن ولقىلىقتارىنا ىشكەرىلەي تالداۋ جاساپ، ەكونوميكالىق دامۋداعى ءتۇيىندى كاسىپتەر مەن نەگىزگى قامال الۋ بەتالىسىن اناعۇرلىم ايقىنداپ، قاتىستى كاسىپتەردىڭ جوعارى دەڭگەيگە، زەردەلىلەنۋگە، جاسىلدانۋعا قادام تاستاۋىن ىلگەرىلەتىپ، ستراتەگيالىق جاڭادان گۇلدەنگەن كاسىپتەر مەن وزىق جاساۋ كاسىبىن جەرگىلىكتى جاعدايعا قاراي دامىتىپ، نەگىزدىك قۇرىلعى قۇرىلىسىن ءبىر تۇتاس ىلگەرىلەتۋ كەرەك. ارتىقشىلىقتى ساۋلەلەندىرىپ، جەتەرسىزدىكتى تولىقتپا، ۇزدىكتەردى جەتىلدىرىپ، ونىمدىلىكتى ارتتىرۋعا نازار اۋدارىپ، قۇرىلىمدى رەتتەۋگە، فۋنكتسيانى وزگەرتۋگە، ساپانى جوعارىلاتۋعا كۇش سالۋ كەرەك. كاسىپ تىزبەگىن، قامداۋ تىزبەگىن مىقتاپ ارقاۋ ەتىپ، جاڭالىق اشۋ تىزبەگىن ورنالاستىرىپ، عىلىم - تەحنيكانىڭ تىرەكتىك قابىلەتىن ۇزدىكسىز جوعارىلاتۋ كەرەك. رەفورما جاساۋدى، ەسىك اشۋدى تەرەڭدەتىپ، ساۋدا ورتاسىن ساپالىلاندىرىپ، «ءبىر بەلدەۋ، ءبىر جولدى» بىرگە قۇرۋعا بەلسەنە ات سالىسىپ، جوعارى دەڭگەيلى ەسىك اشۋ ارقىلى ساپالى دامۋدى جەبەۋ كەرەك.
شي جينپيڭ مىنالاردى اتاپ كورسەتتى: ىشكى موڭعۇل كەدەيلىكتەن ارىلتۋدان قامال الۋ نىسانالىق مىندەتىن ۋاعىندا ورىندادى، بۇل جاقتاعى تابىس قۋانۋعا، قۇتتىقتاۋعا تاتيدى. كەدەيلىك قالپاعىن الىپ تاستاۋ سوڭعى نىسانا ەمەس، قايتا جاڭا تۇرمىستىڭ، جاڭا كۇرەستىڭ باستاماسى. دامۋدىڭ بىركەلكى، تولىق بولماۋى ماسەلەسىن شەشىپ، قالا مەن اۋىلدىڭ وڭىرلىك دامۋ پارقىن ازايتىپ، ادامنىڭ جان - جاقتى دامۋىن جانە جالپى حالىقتىڭ بىرگە اۋقاتتانۋىن جۇزەگە اسىرۋدىڭ مىندەتى ءالى دە اۋىر، جولى ۇزاق. ىشكى موڭعۇلدىڭ جەرى كەڭ، ادامى سيرەك، ەگىنشى - مالشىلاردىڭ تۇرمىسى ءبىرشاما بىتىراڭقى، ەكولوگيالىق ورتاسى ءالسىز، كەدەيلىكتەن ارىلتۋدان قامال الۋدىڭ تابىستارىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى ىلگەرىلەتۋ جاعىندا قيىندىق زور، سىن - سايىس كوپ، كەڭ كولەمدەگى قايتالاي كەدەيلەنۋدەن ساقتانۋدىڭ تومەنگى شەگىن باتىل ساقتاۋ كەرەك. ابزالدىققا يە ەرەكشە كاسىپتەردى دامىتىپ، لايىقتى كولەمدەگى شارۋاشىلىقتى دامىتىپ، ەگىن، مال شارۋاشىلىعىنىڭ كاسىپ سالالانۋىن، ماركالانۋىن جەبەۋ ءارى مادەنيەت ساياحاتىن، اۋىل - قىستاق ساياحاتىن دامىتۋمەن ۇشتاستىرىپ، ەگىنشى، مالشىلاردىڭ كىرىسىن ارتتىرۋ كەرەك.
شي جينپيڭ مىنالاردى دارىپتەدى: ىشكى موڭعۇلدىڭ ەكولوگيالىق ورتاسىن ويداعىداي قورعاپ، وتانىمىزدىڭ سولتۇستىگىندەگى ەكولوگيالىق حاۋىپسىزدىك قالتقىسىن بەكەمدەۋ كەرەك. تۇنىق سۋ، جاسىل تاۋ − باعالى بايلىق ۇستانىمىندا تاباندى بولىپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ءجۇرۋ كەرەك. لاستانۋدان ساقتانۋ - جونگە سالۋدان قامال الۋ شايقاسىن ۇزدىكسىز ويداعىداي جۇرگىزىپ، اتموسفەرانىڭ، سۋدىڭ، توپىراقتىڭ لاستانۋىن جان - جاقتى جونگە سالۋدى كۇشەيتىپ، قالا، اۋىل ورتاسىن ۇزدىكسىز جاقسارتۋ كەرەك. تۋ باستان جونگە سالۋدى كۇشەيتىپ، بايلىقتان ۇتىمدى پايدالانۋدى ىلگەرىلەتىپ، ءتۇيىندى سالالاردى، ماڭىزدى سالالاردى جاسىلدانۋعا وزگەرتۋ تەبىنىن ارتتىرىپ، تازا ءوندىرىستى دامىتىپ، جاسىل، تومەن كومىرتەكتى دامۋدى جەدەل جۇزەگە اسىرۋ كەرەك. تاۋ، سۋ، ورمان، اتىز، كول، جايىلىم، ءشول جۇيەسىن جونگە سالۋدى ءبىر تۇتاس جوسپارلاپ، ەكولوگيانى قورعاۋ، قالپىنا كەلتىرۋ ينجەنەرياسىن ويداعىداي اتقارىپ، ەكولوگيالىق جۇيەنى قورعاۋ سەرپىنىن ارتتىرىپ، ەكولوگيالىق جۇيەنىڭ ورنىقتىلىعى مەن باياندىلىعىن جوعارىلاتۋ كەرەك.
شي جينپيڭ مىنالاردى اتاپ كورسەتتى: ەلىمىز ەڭ ەرتە قۇرعان ۇلتتىق اۆتونوميالى رايون رەتىندە ىشكى موڭعۇل ۇلتتار ىنتىماعىن جەبەۋ جاعىندا داڭقتى داستۇرگە يە، ۇزاق ۋاقىتتان بەرى «ۇلگىلى اۆتونوميالى رايون» دەگەن وسكەلەڭ داڭىققا يە، ونى بارىنشا قاستەرلەپ، ۇزدىكسىز ساقتاۋ كەرەك. ىنتىماقتاسا كۇرەس جۇرگىزۋدى، بىرگە دامىپ، گۇلدەنۋدى ارقاۋ ەتىپ، حانزۋلاردىڭ از ۇلتتاردان ايرىلا المايتىنىن، از ۇلتتاردىڭ حانزۋلاردان ايرىلا المايتىنىن، از ۇلتتاردىڭ دا ءبىر - بىرىنەن ايرىلا المايتىنىن ەستە بەرىك ساقتاپ، ۇلتتار ىنتىماعىن جەبەۋ جاعىندا قىزمەتتى ەگجەي - تەگجەيلى، ناقتى ىستەپ، ءار ۇلت بۇقاراسىنىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمىن كۇشەيتۋ كەرەك.
شي جينپيڭ مىنالاردى دارىپتەدى: مادەنيەتتەگى ورتاق تانىم − ەڭ تەرەڭ قاتپارلى ورتاق تانىم، ۇلتتار ىنتىماعىنىڭ تامىرى، ۇلتتاردىڭ تاتۋ بولۋىنىڭ جانى. مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋ قىزمەتىن مۇقيات جاقسى ىستەپ، مەملەكەت ءبىر تۇتاس قۇراستىرعان وقۋلىقتاردى قولدانۋدى جاپپاي ىلگەرىلەتۋ كەرەك. ءار ۇلت كادرلارى مەن بۇقاراسى اراسىندا جۇڭحۋا ۇلتى ورتاق تۇلعا تانىمى تاربيەسىن ىشكەرىلەي ورىستەتۋ، اسىرەسە، جاستار مەن ورەندەر تاربيەسىنەن باستاپ مىقتى يگەرىپ، قالىڭ كادرلار مەن بۇقارانى پارتيانىڭ ۇلت ساياساتىن جاپپاي تۇسىنۋگە جەتەكتەپ، دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتىپ، ءتۇرلى قاتە يدەيالىق كوزقاراستارعا تۋدى ايقىن ۇستاي وترىپ قارسى تۇرىپ، «كورىكتى ىشكى موڭعۇل قۇرىپ، ۇلى جۇڭگو ارمانىن بىرگە جۇزەگە اسىرۋدىڭ » بىرىككەن كۇشىن ۇيىستىرۋ كەرەك.
شي جينپيڭ مىنالاردى اتاپ كورسەتتى: پارتيا ورتالىق كوميتەتى پارتيا تاريحىن ۇيرەنۋ تاربيەسى جونىندە جاپپاي ورنالاستىرۋ جاسادى، تياناقتاندىرۋدى بۇلجىتپاي مىقتى يگەرۋ كەرەك. بارلىق ىستە ىلگەرى باسقاندا باسىپ وتكەن جولدى ۇمىتۋعا بولمايدى، قانشا الىس جۇرسەك تە، قانشا شۇعىلالى بولاشاققا جەتسەك تە، وتكەن كۇندى ۇمىتۋعا، جولعا شىعۋ اۋەلگى ماقساتىن ەستەن شىعارۋعا بولمايدى. پارتيا قۇرىلعان العاشقى مەزگىلدە پارتيامىز ۇلت ماسەلەسىنە ەرەكشە نازار اۋداردى. لي داجاۋ جولداس موڭعۇل بۇقاراسى اراسىندا ماركسيزمدى تاراتۋ، كوممۋنيزمنىڭ العاباسار كۇشتەرىن جەتىلدىرۋ قىزمەتىنە تىكەلەي باسشىلىق ەتتى جانە وعان قاتىناستى. 1923 - جىلى ىشكى موڭعۇلدا ۇلانفۋدى قامتىعان تۇڭعىش توپتاعى كوممۋنيستەر جارىققا شىقتى. 1947 – جىلى 5 - ايدا پارتيا باسشىلىق ەتكەن ىشكى موڭعۇل اۆتونوميالى رايونىنىڭ قۇرىلعانى جاريالانىپ، بۇل پارتيامىزدىڭ ماركسيزم ارقىلى ەل ىشىندەگى ۇلت ماسەلەسىن شەشۋدەگى تابىستى امالياتىنا اينالدى. جاڭا جۇڭگو قۇرىلعاننان كەيىن ىشكى موڭعۇل «ءبىر نيەت، ءبىر تىلەكپەن بولات قورىتۋ ءىسىن كوتەرمەگە الۋ»، «3 مىڭ جەتىم بالانىڭ ىشكى موڭعۇلعا كىرۋى» سياقتى تاريحي تاماشا اڭگىمەلەردى جاراتتى. پارتيا تاريحىن ۇيرەنۋ تاربيەسىندە وسى توڭكەرىستىك بايلىقتان ويداعىداي پايدالانىپ، قالىڭ پارتيا مۇشەلەرىن، كادرلاردى پارتيا تاريحىن ءتۇيىندى ۇيرەنۋگە ۇيىمداستىرۋ، سونىمەن بىرگە، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنىپ، تاريحتى ۇيرەنىپ قاعيدانى ءتۇسىنۋدى، تاريحتى ۇيرەنىپ سەنىمدى بەكەمدەۋدى، تاريحتى ۇيرەنىپ ءمورالدى قاستەرلەۋدى، تاريحتى ۇيرەنىپ قابىلەتتى جەتىلدىرۋدى ورىنداۋ، پارتيا تاريحىن ۇيرەنىپ، يدەيانى ءتۇسىنىپ، ناقتى ىستەر ىستەپ، جاڭا جاعداي اشۋ، اسىرەسە، ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋدە تاباندى بولۋ، ۇلتتاردىڭ ۇلى ىنتىماعىن قورعاۋ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى كەلەلى ماسەلەلەردە يدەيالىق تانىم مەن قىزمەت دەڭگەيىن ۇزدىكسىز جوعارىلاتۋ كەرەك.
ديڭ شۋەشياڭ، حى ليفىڭ قاتارلىلار باياندامانى قاراۋعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
