بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تىلشىلەر ماجىلىستەن بۇرىن ۋاكىلدەر تۇرعان ورىندارعا باردى −

حالىق ءۇشىن مىندەت اتقارۋ تەك قانا جالعاسا بەرەدى

□ انار بۇلت/شينجياڭ گازەتىنىڭ ءتىلشىسى لي ياڭ

2021.03.06 16:04     كەلۋ قاينارى : شينجياڭ گازەتى

  رايونىمىزدىڭ مەملەكەتتىك حالىق قۇرىلتايى ۋاكىلدەرى بەيجيڭگە جەتكەننەن كەيىن، ۇسىنىستارعا ۋاقىتتى زايا جىبەرمەي وزگەرىس ەنگىزىپ، كەمەلدەندىرىپ، مىندەت جاۋاپكەرشىلىكتەرىن اتقارۋعا، حالىق تىلەگىن اڭىس ەتۋگە تولىق دايىندالدى.

  بىرنەشە كۇننەن بەرى مەيلى ماتەريال قاراۋدا بولسىن، الدە پىكىر اۋىستىرىپ، تالقى جۇرگىزۋدە بولسىن، ۋاكىلدەر تۇرعان ورىندارىندا قاي - قاشان دا ۋاقىت ۇتىپ قيمىلدايتىن كوكەي تەستى سەزىمدە بولدى.

  3 - ايدىڭ 4 - كۇنى تۇستە ۋاكىل ۇرنيسا قادىر بولمەسىندەگى كومپيۋتەردىڭ الدىندا وتىرىپ، ماجىلىسكە تاپسىراتىن ۇسىنىستارىن قايتا - قايتا وي ەلەگىنەن وتكىزدى. ”قازىر ابىرجىپ تا، تەبىرەنىپ تە وتىرمىن، ۋاقىت باردا دەرەۋ وزگەرىس ەنگىزە قويايىن“. بىلتىر ۋاكىل ۇرنيسا قادىر تۇرپان قالاسىنىڭ ءارقايسى كورىنىس اۋماقتارىنا، حالىقتىق تۇسەلحانالارعا، شارۋالار شاتتىعى ساياجايلارىنا جانە قاتىستى تاراۋلارعا تالاي رەت بارىپ تەكسەرۋ - زەرتتەۋ جۇرگىزىپ، كورىنىس اۋماعىنىڭ نەگىزدىك قۇرىلعى قۇرىلىس جاعدايى، حالىقتىق تۇسەلحانالاردىڭ تيجارات احۋالى سياقتىلاردى ۇعىسىپ، تۇرپان قالاسىنىڭ تاريحي مادەنيەت كورىنىس اۋماقتارىن قورعاۋدى كۇشەيتۋ جونىندە ۇسىنىس قويدى، ”كەيبىر ۇسىنىستارىم قابىلداندى، مەملەكەتتىك حالىق قۇرىلتايىنىڭ ۋاكىلى رەتىندە، ءتيىستى رولىمدى اتقارعانىم ءۇشىن ارىنىم ءتىپتى دە ارتا ءتۇستى“.

  بيىلعى ۇسىنىستارىن تىلگە العاندا، ۋاكىل ۇرنيسا قادىر جەلپىنە سويلەدى. ”تۇرپان سىندى ’الىپ جەمىس تاباعى‘ حوش ءيىسىن الىستارعا تاراتۋ ءۇشىن، تەك قانا ’جاقسى ەگۋ‘ جەتكىلىكتى ەمەس، تاعى ’جاقسى ساتۋى‘ كەرەك“. ۋاكىل ۇرنيسا قادىر تۇرپاندا مەملەكەتتىك قۇرعاق جەمىس زات اينالىمى ورتالىعىن قۇرىپ، تۇرپاننىڭ جەمىس ونىمدەرىن ءوندىرۋ - ساتۋ جاعىنداعى ىقپال كۇشىن ىشكەرىلەي كەڭەيتىپ، ءوڭىر ورنى ارتىقشىلىعىن ساۋلەلەندىرىپ، شينجياڭنىڭ جەمىس ورمانى ونىمدەرىنىڭ زات اينالىمى تاسىمال ونىمدىلىگىن جوعارىلاتۋدى ۇسىنىس ەتتى.

  ۋاكىل شۇي تاۋدىڭ دا قولى بوسامادى، ول قۇتىبي اۋدانى لەي فىڭ تاكسي اترەتىندەگى تاكسيشى ۇستازدارمەن بەينە ەكران ارقىلى سويلەسۋدە. ەرىكتىلەر زاڭىن زاڭ شىعارۋ جوسپارىنا كىرگىزۋ كەڭەس جوباسىن تاپسىرۋعا دايىندالىپ وتىرعان ۋاكىل شۇي تاۋ بىلاي دەدى: ”ەرىكتىلەردىڭ قىزمەت وتەۋى نەگىزدەلەتىن زاڭ بولۋدى قاجەت ەتەدى، وسىلاي ەتكەندە عانا اناعۇرلىم جۇيەلى، جوعارى ءونىمدى بولىپ، ءتىپتى دە كوپ ادامدى ەرىكتى قىزمەت وتەۋگە ات سالىسۋعا باۋراۋعا بولادى“.

  ۋاكىل يوۋ لياڭيىڭنىڭ ۇسىنىستارىنىڭ كوبى ”اۋىل شارۋاشىلىعىمەن“ قاتىستى، بۇل ونىڭ باسقا ۋاكىلدەرمەن كەزدەسكەندە دە ءجيى ايتاتىن قانىق سالاسى. بيىل ونىڭ كوز اياسى ءتىپتى دە كەڭەيدى. ۋاكىل يوۋ لياڭيىڭ تەكسەرۋ - زەرتتەۋ جۇرگىزۋدەن كەيىن بىلاي دەپ قارادى: بيڭتۋان 1 - شىسى ارال قالاسى تارىم ويپاتىنىڭ وزەگىندە، جاراتىلىستىق قاسيەتى، ءوڭىر ورنى ارتىقشىلىعى كورنەكتى. جۋىرداعى جىلداردان بەرى ارال كومىر، مۇناي، تابيعي گاز سياقتى بايلىقتاردى اشۋ مەن پايدالانۋعا بەلسەندىلىكپەن قاتىناستى، الايدا، مۇناي حيميا ونەركاسىپ باقشا رايونى قۇرىلىسىن جوبالاۋ جاعىنداعى دەڭگەيى دەرلىكتەي جوعارى ەمەس، كاسىپ سالاسى ورنالاستىرۋىنىڭ قامتۋ اۋماعى دا دەرلىكتەي كەڭ ەمەس.

  ”«جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جاڭا داۋىردە باتىس بولىكتى قاۋىرت اشۋدى ىلگەرىلەتىپ، جاڭا ارنا قالىپتاستىرۋ جونىندەگى جەتەكشى پىكىرىندەگى» وسىزاماندانعان كاسىپ سالاسى جۇيەسىن قالىپتاستىرۋ، ەنەرگيا قامداۋ - قاجەتسىنۋ قۇرىلىمىن جاقسارتۋ، مۇناي - تابيعي گاز ءوندىرىس بازاسىن قۇرۋ سياقتى جوبالارعا ساي، وڭتۇستىك شينجياڭداعى مۇناي - تابيعي گاز حيميا ونەركاسىپ كاسىپ سالاسى ورنالاستىرۋىن ۇزدىكسىز جاقسارتىپ، بيڭتۋانداعى كاسىپ سالالارى دامۋىنىڭ كولەمدەنۋىن، تىڭ ساتىعا كوتەرىلۋىن ىلگەرىلەتۋدى ۇسىنىس ەتەمىن“، - دەدى ۋاكىل يوۋ لياڭيىڭ.

  ۋاكىل ءمامتىمىن ابدۇعاني حوتان شۋەيۋانىن قۇرۋ جونىندەگى ۇسىنىسىن جەدەل كەمەلدەندىرۋدە. اتا مەكەنىنىڭ وقۋ - اعارتۋ ىستەرىن وركەندەتۋ جاعىندا ول ءوزىنىڭ جاۋاپكەرشىلىگىنىڭ زور ەكەندىگىن سەزىندى. ”حالىق ءۇشىن مىندەت اتقارۋ تەك قانا جالعاسا بەرەدى، اياقتالمايدى. حالىق قۇرىلتايى ۋاكىلى رەتىندە، قاي - قاشان دا حالىقتى كوڭىلىمنىڭ تورىنە قويامىن“، - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار