شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى
ساپالى دامۋ جولىمەن بۇلجىماستان ءجۇرىپ، حالىقتىڭ ىرىس - قۇتىن بۇلجىماستان مولايتۋ كەرەك
2021.03.08 17:00 كەلۋ قاينارى : حالىق تورابى
«حالىق گازەتى»، 3 - ايدىڭ 7 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن مەملەكەتتىك 13 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى: ساپالى دامۋ − «14 - بەسجىلدىقتاعى»، ءتىپتى ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ نەگىزگى تاقىرىبى، ول ەلىمىزدىڭ سوتسياليستىك وسىزامانداندىرۋ قۇرىلىسىنىڭ جالپى جاعدايىنا سايادى. ساپالى دامۋ ەكونوميكالىق تالاپ قانا ەمەس، قايتا ەكونوميكالىق، قوعامدىق دامۋدىڭ ءارقايسى جاعىنا قويىلاتىن جالپى تالاپ؛ ەكونوميكاسى دامىعان رايوندارعا عانا قويىلاتىن تالاپ ەمەس، قايتا بارلىق رايوننىڭ دامۋىندا، ءسوز جوق، دايەكتىلەندىرۋگە ءتيىستى تالاپ؛ ءبىر مەزەتتىك تالاپ ەمەس، قايتا، ءسوز جوق، ۇزاق ۋاقىت تاباندى بولۋعا ءتيىستى تالاپ. جەر - جەر ءىس جۇزىندىك جاعدايمەن ۇشتاستىرىپ، جەرگىلىكتى جاعدايعا قاراي ىستەپ، ارتىقشىلىقتى ساۋلەلەندىرىپ، ولقىلىقتى تولىقتاپ، ءوز ءوڭىرىنىڭ ءىس جۇزىندىك جاعدايىنا ۇيلەسەتىن ساپالى دامۋ جولىمەن ءجۇرۋى كەرەك. ەڭ قالىڭ حالىقتىڭ ءتۇبىرلى مۇددەسىن باستان - اياق كوكەيدە ساقتاپ، حالىقتىڭ ىرىس – قۇتىن مولايتۋدان جازباي، ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، ەكولوگيانى الدىمەن ەسكەرۋدە تاباندى بولۋدىڭ، ساپالى دامۋدى ىلگەرىلەتۋدىڭ، ساپالى تۇرمىس جاراتۋدىڭ ورگانيكالى ۇشتاسۋىن، ءبىر - بىرىنە ساي كەلۋىن ىلگەرىلەتۋ كەرەك.
ماجىلىستە ۋاڭ جيانجۇن، ا شىڭچيڭ، كۇڭ چيڭجۇي، زاشيدوجە، مىڭ حاي، شا فىڭ قاتارلى 6 ۋاكىل كەدەيلىكتەن ارىلتۋدان قامال الۋدىڭ تابىسى، چيليان تاۋىنىڭ ەكولوگيالىق وركەنيەت قۇرىلىسى، يۇيشۋداعى اپاتتان كەيىنگى قايتا قۇرۋداعى تىڭ وزگەرىستەر، مۋلي كومىر كەنىن جان - جاقتى جونگە سالۋدى ويداعىداي ىستەۋ، نەگىزگى ساتىنىڭ قوعامدىق جونگە سالۋىن ىلگەرىلەتۋ سياقتى ماسەلەلەر جونىندە پىكىرلەرىن ورتاعا سالدى. شي جينپيڭ تىڭداي وتىرىپ ەستەلىك الىپ، ءالسىن - ءالى سۇراۋ سۇراپ، ۋاكىلدەرمەن پىكىر الماستىردى.
ۋاكىلدەردىڭ ءسوزىن مۇقيات تىڭداعاننان كەيىن شي جينپيڭ ءسوز سويلەدى. شي جينپيڭ چيڭحايدىڭ ءبىر جىلدان بەرگى قىزمەتى مەن «13 - بەسجىلدىق» جوسپار مەزگىلىندەگى دامۋىن تولىق تۇراقتاندىرىپ، چيڭحايداعى جولداستاردىڭ پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، حالىقتى وزەك ەتۋدە تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، رەفورما جاساپ، ەسىك اشۋدى ۇزدىكسىز تەرەڭدەتىپ، دامۋ مەن حاۋىپسىزدىكتى ءبىر تۇتاس جوسپارلاپ، داڭقتى ءداستۇر مەن كۇرەس رۋحىن ساۋلەلەندىرىپ، ەكولوگيانى الدىمەن ويلاستىرۋ، ساپالى دامۋدى ىلگەرىلەتۋ، ساپالى تۇرمىس جاراتۋ ورنالاستىرۋىن ناقتاپ تياناقتاندىرىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ مەن باياندى دامۋىن ىلگەرىلەتۋدە ۇزدىكسىز تىڭ تابىستارعا قول جەتكىزىپ، جاڭا داۋىردەگى چيڭحايدىڭ تىڭ داستانىن جازۋىن ءۇمىت ەتتى.
شي جينپيڭ مىنالاردى دارىپتەدى: جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋ − قازىرگى جانە بۇدان بىلايعى ءبىر مەزگىلدەگى بۇكىل پارتيا، بۇكىل ەل، ءسوز جوق، مىقتى يگەرۋگە ءتيىستى قىزمەت. ساپالى دامۋ جولىمەن ءجۇرۋ ءۇشىن، حالىقتى وزەك ەتكەن دامۋ يدەياسىنان جازباي، جاڭاشىل، سايكەستى، جاسىل، اشىق، ورتاق يگىلىكتەنىپ دامۋ تانىمىندا تاباندى بولۋ كەرەك. چيڭحايدىڭ ابزالدىعىمەن جانە بايلىعىمەن ۇشتاستىرىپ، جاڭالىق اشۋ ارقىلى دامۋعا دەم بەرۋ ستراتەگياسىن دايەكتىلەندىرىپ، دۇنيە جۇزىلىك دەڭگەيدەگى تۇزدى كول كاسىپ بازاسىن جەدەل قۇرىپ، مەملەكەتتىڭ تازا ەنەرگيا كاسىپ سالاسى بەلەسىن، حالىقارالىق ەكولوگيالىق ساياحات نىسانالى جەرىن، جاسىل، ورگانيكالى اۋىل شارۋاشىلىعى، مال شارۋاشىلىعى ونىمدەرىن شىعاراتىن جەردى قالىپتاستىرىپ، جاسىل، تومەن كومىرتەكتى، اينالمالى ەكونوميكانى دامىتۋ جۇيەسىن ورناتىپ، ءوز جەرىنىڭ ەرەكشەلىگىن ايگىلەيتىن وسىزاماندانعان ەكونوميكالىق جۇيە قۇرۋ كەرەك.
شي جينپيڭ مىنالاردى اتاپ كورسەتتى: چيڭحاي مەملەكەتتىڭ ەكولوگيالىق حاۋىپسىزدىگى، ۇلتتىڭ باياندى دامۋى جونىنەن كەلەلى جاۋاپكەرلىك ارقالايدى، ءسوز جوق، ەكولوگيالىق حاۋىپسىزدىكتى قورعاۋ، ءۇش وزەن قاينارىن قورعاۋ، «جۇڭحۋا سۋ مۇناراسىن» قورعاۋ سىندى كەلەلى بورىشتى ويداعىداي ارقالاپ، مەملەكەتكە، ۇلتقا، ۇرپاقتارعا جاۋاپتى بولۋى كەرەك. سوڭعى جىلدارى چيڭحاي ەكولوگيالىق وركەنيەت قۇرىلىسى جاعىندا اسا زور قۇلشىنىستار جاسادى، الايدا ەكولوگيالىق ورتانى قورعاۋدىڭ مىندەتى اۋىر، جولى ۇزاق. ەكولوگيانى قورعاۋدى ماڭداي الدى ورىنعا قويۋ ەكولوگيانى قورعاۋدىڭ ساياسي سانالىلىعىن ايگىلەدى. مەملەكەت جەرى كەڭىستىگىن اشۋ، قورعاۋ جۇيەسىن ساپالىلاندىرىپ، نەگىزگى فۋنكتسيالىق وڭىرلەردىڭ ورنالاسۋىن قاتاڭ تياناقتاندىرىپ، ەكولوگيالىق وركەنيەت ءتۇزىمى جۇيەسىن جەدەل كەمەلدەندىرىپ، ەكولوگيالىق ساياحاتتى دامىتۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جاقتى ەتىپ، ەكولوگيا سالاسىنداعى كورنەكتى ماسەلەلەردى باتىل رەتتەپ، جونگە سالىپ، مەملەكەتتىك باقشانى نەگىزگى تۇلعا ەتكەن جاراتىلىستىق قورىق جۇيەسىن ورناتۋ جاعىندا الدا ءجۇرىپ، تۇنىق سۋ مەن جاسىل تاۋدى ماڭگى چيڭحايدىڭ ابزالدىعىنا جانە ماقتانىشىنا اينالدىرىپ، حالىققا باقىت جاراتىپ، ۇرپاقتارعا يگىلىك قالدىرۋ كەرەك.
شي جينپيڭ مىنالاردى دارىپتەدى: حالىق تۇرمىسىنداعى ولقىلىقتاردى كۇش سالا تولىقتاپ، حالىق تۇرمىسىنداعى قيىن ماسەلەلەردى شەشىپ، حالىق تۇرمىسىنىڭ تومەنگى شەگىن مىقتاپ يگەرىپ، جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، زەينەتكەرلىك، بالاباقشا، تۇرعىن ءۇي سياقتى حالىق تۇرمىسىنا قاتىستى ناقتى ىستەردى ويداعىداي ىستەپ، الەۋمەتتىك قىزمەت وتەۋدىڭ قامتىمى مەن بىركەلكىلەنۋ دەڭگەيىن جوعارىلاتۋ كەرەك. قالا مەن اۋىلدىڭ، وڭىرلەردىڭ سايكەستى دامۋىن ىلگەرىلەتىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، كەدەيلىكتەن ارىلتۋدان قامال الۋدىڭ تابىسىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، قالا، اۋىل تۇرعىندارىنىڭ ءوندىرىس، تۇرمىس شارت - جاعدايىن جاقسارتىپ، اۋىل - قىستاقتىڭ قونىس ورتاسىن جونگە سالۋدى كۇشەيتىپ، وركەنيەتتى اۋىل سالتىن جەتىلدىرىپ، كورىكتى دە جانعا جايلى، شارۋاشىلىعى گۇلدەنگەن، ادامدارى جاراسىمدى سوتسياليستىك جاڭا اۋىل - قىستاق قۇرۋ كەرەك. پارتيانىڭ ۇلت ساياساتى مەن ءدىن ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن كۇشەيتىپ، ۇلتتىق رايونداردىڭ دامۋىن جەدەلدەتىپ، ءار ۇلت بۇقاراسى ءۇشىن كوبىرەك جاقسى ىستەر ىستەپ، ناقتى ىستەر ىستەپ، قيىن ماسەلەلەردى شەشىپ، ءار ۇلت بۇقاراسىنىڭ بىرگە اۋقاتتانۋىن، ءار ۇلت حالقىنىڭ ۇلى ىنتىماعىن جەبەپ، كورىكتى مەكەندى قول ۇستاسا بىرگە قۇرۋ كەرەك. قوعامدىق جونگە سالۋدى كۇشەيتىپ جانە وندا جاڭالىق اشىپ، الەۋمەتتىك حاۋىپسىزدىككە شۇعىل توتەپ بەرۋگە ءۇن قوسۋ جۇيەسىن كەمەلدەندىرىپ، ءتۇرلى حاۋىپ - قاتەر مەن كومەسكى قاتەرلەردى دەر كەزىندە الاستاپ، مەملەكەتتىڭ حاۋىپسىزدىگى مەن حالىقتىڭ الاڭسىز تىرشىلىك ەتۋىنە كەپىلدىك ەتۋ كەرەك.
شي جينپيڭ مىنالاردى اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىنىڭ تابىسىن بەكەمدەۋدەگى، دامىتۋداعى ماڭىزدى شارا. پارتيا تاريحىن ۇيرەنۋ تاربيەسىندەگى ماڭىزدى مىندەتتەردىڭ ءبىرى − بۇكىل پارتياداعى جولداستاردى مۇرات - سەنىمدى بەكەمدەۋگە، اۋەلگى ماقساتتى، بورىشتى بەكەمدەۋگە تاربيەلەۋ، جەتەكتەۋ. پارتيا ورتالىق كوميتەتى ورنالاستىرۋ جاسادى، ءار دارەجەلى پارتيا ۇيىمدارى مۇقيات دايەكتىلەندىرىپ، تياناقتاندىرىپ، شىنايى يگەرىپ، ناتيجە شىعارۋى كەرەك. پارتيا تاريحىن ۇيرەنۋ تاربيەسىندە توڭكەرىستىك بايلىقتان تولىق پايدالانىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە، اۋەلگى ماقساتتى، بورىشتى بەكەمدەۋگە تاربيەلەپ جانە جەتەكتەپ، كۇرەس رۋحىن ۇزدىكسىز كۇشەيتىپ، كۇرەس قابىلەتىن جوعارىلاتىپ، كۇردەلى جاعداي الدىندا اداسپاۋعا، جاپالى كۇرەس الدىندا شەگىنبەۋگە كەپىلدىك ەتۋ كەرەك. بۇكىل قوعامدا پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن ورىستەتۋ ارقىلى قالىڭ حالىق بۇقاراسىن، اسىرەسە، جاستار مەن ورەندەردى جۇڭگو كوممۋنيستىك پارتياسىنىڭ نە ءۇشىن ىسكەر بولا بولا الۋى، ماركسيزمنىڭ نە ءۇشىن جارامدى بولۋى، جۇڭگوشا سوتسياليزمنىڭ نە ءۇشىن ابزال بولۋى سياقتى نەگىزگى قاعيدالاردى ايقىنداپ، پارتيانىڭ سوزىنە بۇلجىماي قۇلاق اسىپ، پارتياعا ىلەسىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى امالياتىندا ۇلەس قوسۋعا باستاۋ كەرەك.
ديڭ شۋەشياڭ، چىن شي، يوۋ چۋان قاتارلىلار باياندامانى قاراۋعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
