ۇلى قۇرلىقتىڭ تايۋانعا باعىتتاي وتىرىپ، «بىرلىككە كەلۋدى قارۋ ارقىلى ىلگەرىلەتۋى» مۇمكىن بە؟
2021.03.09 15:27 كەلۋ قاينارى : حالىق تورابى
3 – ايدىڭ 7 – كۇنى 13 – كەزەكتى مەملەكەتتىك حالىق قۇرىلتايى 4 – ءماجىلىسى ازاتتىق ارميا جانە قارۋلى ساقشى قوسىنى ۋاكىلدەر ۇيىرمەسىنىڭ اقپار مالىمدەمەشىسى ۋ چيان اقپارات قۇرالدارىنىڭ سۇحباتىن قابىلدادى.
2021 – جىلى جۇڭگونىڭ مەملەكەت قورعانىسى قاراجاتى ورنىقتى ارتادى، بىلتىرعىدان %6.8 ارتادى
ءتىلشى: بىلتىر جۇڭگو ەكونوميكاسى جاڭا تيپتى ايدارشا ۆيرۋس وكپە قابىنۋى ىندەتىنىڭ كەسىرىنەن ەرتە ايىعىپ، وڭ ارتۋدى ورىندادى، بيىل مەملەكەت قورعانىسى قاراجاتىنىڭ مەجە ەسەبى قالاي ورنالاستىرىلادى؟ — دەپ سۇرادى.
ۋ چيان بىلاي دەپ جاۋاپ قايتاردى: جۋىرداعى جىلداردان بەرى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ، جۇڭگوشا اسكەري وزگەرىستەردىڭ قاجەتىنە سايكەسۋ، حالىقاراداعى ءىرى ەلدىك جاۋاپكەرشىلىگى مەن مىندەتىن اناعۇرلىم ويداعىداي اتقارۋ ءۇشىن جۇڭگو ۇكىمەتى ەكونوميكا مەن قوعامدى ۇزدىكسىز اقاۋسىز دامىتۋمەن بىرگە، مەملەكەت قورعانىسى جۇمسالىمىن ورنىقتى ارتتىرۋدى جالپى جاقتان ساقتاپ، مەملەكەت قورعانىسى قۋاتى مەن ەكونوميكا قۋاتىنىڭ قادامداس جوعارىلاۋىن ىلگەرىلەتەدى.
2021 – جىلى تۇتاس جىل بويىنشا قازىنادان مەملەكەت قورعانىسى شىعىمىنىڭ مەجە ەسەبىنە ءبىر تريلليون 379 ميلليارد 544 ميلليون يۋان ورنالاستىرىلادى (مۇندا: ورتالىق قازىنادان ءبىر تريلليون 355 ميلليارد 343 ميلليون يۋان ورنالاستىرىلادى)، بۇل ءبىر جىل بۇرىنعى مەجە ەسەپتىڭ اتقارىلعان سانىنان %6.8 جوعارىلايدى.
ارتتىرىلعان مەملەكەت قورعانىسى قاراجاتى نەگىزىنەن تومەندەگى بىرنەشە جاقتارعا جۇمسالادى:
بىرىنشىدەن، اسكەري قوسىن قۇرىلىسىنىڭ «14 – بەسجىلدىق» جوسپار مەزگىلىندەگى ورنالاستىرۋ بويىنشا، ءىرى ينجەنەريالار مەن ءتۇيىندى نىسانداردىڭ باستالۋى، اتقارىلۋى قامتاماسىزداندىرىلادى؛
ەكىنشىدەن، قارۋ – جاراقتاردىڭ دارەجەسىن جوعارىلاتىپ، جاڭاسىن الماستىرۋ جەدەلدەتىلىپ، قارۋ – جاراقتاردى وسىزامانداندىرۋ قۇرىلىسى ىلگەرىلەتىلەدى؛
ۇشىنشىدەن، اسكەري قوسىندى جاتتىقتىرۋ، تيپىندە بۇرىلىس جاساۋ جەدەل ىلگەرىلەتىلىپ، جاڭا تيپتى اسكەري قوسىننىڭ دارىندىلاردى جەتىلدىرۋ جۇيەسى قۇرىلىپ، جاتتىقتىرۋ، قامتاماسىزداندىرۋ شارت – جاعدايى جاقسارتىلادى جانە كەمەلدەندىرىلەدى.
تورتىنشىدەن، مەملەكەتتىڭ ەكونوميكالىق، قوعامدىق دامۋىنىڭ ورەسىمەن سايكەستى تۇردە كوماندير – جاۋىنگەرلەردىڭ تۇرمىستىق يگىلىك مامىلەلەرى جاقسارتىلادى، اسكەري قوسىننىڭ نەگىزگى ساتى قۇرىلىسىنا قىزمەت وتەلەدى.
ۋ چيان مىنانى باسا دارىپتەدى: قۋاتتى مەملەكەت بولۋ ءۇشىن قۋاتتى ارميا بولۋى كەرەك، قۋاتتى ارميا بولعاندا عانا، مەملەكەت تىنىش بولا الادى. مەملەكەت قورعانىسى كۇن نۇرى مەن اۋاداي ماڭىزدى، يگىلىكتەنگەنىڭمەن ءسات سايىن سەزىنە بەرمەيسىڭ، قولدان كەتىرىپ الساڭ، ءومىر ءسۇرۋىڭ مۇڭ بولادى. قازىرگىدەي كۇردەلى جاعدايعا ءدوپ كەلىپ وتىرعاندا، الەم اسا تىنىش ەمەس، مەملەكەت قورعانىسى، ءسوزسىز، قۋاتتى بولۋى كەرەك دەۋگە بولادى.
ۇلى قۇرلىقتىڭ «قارۋ قولدانۋ ارقىلى بىرلىككە كەلۋدى ىلگەرىلەتۋى» مۇمكىن بە؟
مەملەكەت قورعانىسى مينيسترلىگى: وتاندى بولشەكتەۋگە ۇرىنعان بۇزاقى ەلەمەنتتەردىڭ قاراڭ قالاتىنى داۋسىز
ءتىلشى بىلاي دەپ سۇراۋ تاستادى: تايۋان اقپارات قۇرالدارىنىڭ حابارلاۋىنشا، جىل باسىنان بەرى، ازاتتىق ارميانىڭ اسكەري ۇشاقتارى كوپ رەت تايۋاننىڭ باتىس وڭتۇستىگىندەگى كەڭىستىككە بارىپ، ناقتى شايقاسقا ەلىكتەمەلى جاتتىعۋ جاساعان. ءىشىنارا ساراپتاۋشىلار ۇلى قۇرلىق «بىرلىككە كەلتىرۋدى قارۋمەن ىلگەرىلەتۋى» مۇمكىن دەپ قاراعان. جۋىردا ا ق ش مەملەكەت ىستەرى مەكەمەسى مالىمدەمە جاريالاپ، ۇلى قۇرلىقتى تايۋانعا اسكەري قىسىم جاساۋدى توقتاتۋعا قۋزاعان. بۇل جونىندە قانداي پىكىر بىلدىرەسىز؟
ۋ چيان بىلاي دەدى: تايۋان — جۇڭگونىڭ ايرىلماس ءبىر بولەگى. تايۋان ماسەلەسى بۇكىلدەي جۇڭگونىڭ ىشكى ءىسى، ءارقانداي سىرتتىڭ كيلىگۋىنە جول بەرىلمەيدى. ءبىز ەكى جاعالاۋدىڭ بەيبىت بىرلىككە كەلۋى سىندى بولاشاقتى قولعا كەلتىرۋگە بار شىن نيەتىمىزبەن، مۇمكىندىگىمىزشە كۇش سالۋدى قالايمىز، الايدا، «تايۋان تاۋەلسىزدىگى» بولشەكتەۋشى كۇشتەرىنىڭ وتاندى بولشەكتەۋىنە استە جول بەرمەيمىز. ءبىز قارۋ قولدانۋدان باز كەشۋگە ۋادە بەرمەيمىز، بارلىق قاجەتتى شارالاردى قولدانۋ سىندى تالعامىمىزدى ساقتايمىز، بۇل، استە، تايۋانداعى باۋىرلاستارىمىزعا باعىتتالماستان، سىرتقى كۇشتەردىڭ كيلىگۋى مەن وتە از ساندى «تايۋان تاۋەلسىزدىگى» بولشەكتەۋشى ەلەمەنتتەرىنە جانە ولاردىڭ بولشەكتەۋشىلىك ارەكەتتەرىنە باعىتتالادى.
قازىرگى تاڭدا، ەكى جاعالاۋدىڭ قارىم – قاتىناسى كۇردەلى دە اۋىر كەزەڭدە تۇر، دەموكراتيانى ىلگەرىلەتۋ پارتياسىنىڭ بيلىك باسىنداعىلار سىرتقى كۇشتەردەن پايدالانىپ، ءوزىنىڭ ۇپايىن ارتتىرىپ، «قارۋلى جولمەن تاۋەلسىزدىككە جەتۋگە» ۇرىنۋدا. مۇنداي ارەكەت ۇلتتىق ادىلەتتىلىككە قايشى كەلەدى، ەكى جاعالاۋداعى باۋىرلاستاردىڭ ورتاق مۇددەسىنە اۋىر زيان جەتكىزەدى، تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزەدى، بۇل توتەنشە حاۋىپتى ءارى بۇعان جول بەرىلمەيدى. وتاندى بولشەكتەۋگە ۇرىنعان بۇزاقى ەلەمەنتتەردىڭ قاراڭ قالاتىنىن تاريح دالەلدەگەن.
جۇڭگونىڭ بۇكىلدەي بىرلىككە كەلۋدى ورىندايتىنى داۋسىز، جۇڭحۋا ۇلتىنىڭ ۇلى گۇلدەنۋدى ورىندايتىنى داۋسىز. وسى ءبىر تاريحي ۇلى بەتالىستى ءارقانداي ادام، ءارقانداي كۇش بوگەي المايدى! ءبىز بەيبىت جولمەن بىرلىككە كەلۋگە كەڭ ءورىس ازىرلەۋدى قالايمىز، الايدا، ءتۇرلى فورماداعى «تايۋان تاۋەلسىزدىگى» بولشەكتەۋشى قيمىلدارىنا، استە، ءارقانداي ءورىس قالدىرمايمىز. مەملەكەتتىڭ يەلىك ۇقىعى مەن تەرريتورياسىنىڭ تۇتاستىعىن قورعاۋ — جۇڭگو حالىق ازاتتىق ارمياسىنىڭ قاسيەتتى بورىشى، ءبىز باستان – اياق قۋاتتىمىز، ەرىك - جىگەرىمىز قۇرىشتاي بەرىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
