شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى
جوعارى ساپالى دامۋ جولىمەن مىزعىماس تاباندىلىقپەن ءجۇرىپ، حالىق تۇرمىسىنىڭ ىرىس - قۇتىن مىزعىماس تاباندىلىقپەن مولايتۋ كەرەك
2021.03.09 16:15 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 7 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: جوعارى ساپالى دامۋ − ”14 - بەسجىلدىقتاعى“، ءتىپتى، ونان دا ۇزاق مەزگىلدەگى ەلىمىزدىڭ ەكونوميكالىق، قوعامدىق دامۋىنىڭ باستى تاقىرىبى، ەلىمىزدىڭ سوتسياليستىك وسىزامانداندىرۋ قۇرىلىسىنىڭ جالپى جاعدايىنا سايادى. جوعارى ساپالى دامۋ ەكونوميكالىق تالاپ قانا بولماستان، قايتا ەكونوميكالىق، قوعامدىق دامۋدىڭ ءار سالاسىنا قويىلعان باس تالاپ؛ ەكونوميكاسى دامىعان وڭىرلەرگە قويىلعان تالاپ قانا بولماستان، بارلىق وڭىرلەردىڭ دامۋىندا، ءسوزسىز، دايەكتىلەندىرۋگە ءتيىستى تالاپ؛ ءبىر مەزەتتىك تالاپ ەمەس قايتا، ءسوزسىز، ۇزاق ۋاقىت تاباندى بولۋعا ءتيىستى تالاپ. وڭىرلەر ءىس جۇزىندىك جاعدايمەن ۇشتاستىرىپ، جەرگىلىكتى جاعدايعا قاراي ىستەپ، ارتىقشىلىقتاردى ساۋلەلەندىرىپ، ولقىلىقتاردى تولىقتاپ، ءوز ءوڭىرىنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن ءجۇرۋ كەرەك. ەڭ كەڭ حالىق بۇقاراسىنىڭ ءتۇبىرلى مۇددەسىن قاي - قاشان دا كوكەيدە ساقتاپ، حالىق تۇرمىسىنىڭ ىرىس - قۇتىن مىزعىماس تاباندىلىقپەن مولايتىپ، جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، ەكولوگيانى الدىمەن ويلاستىرۋعا تاباندى بولۋدىڭ، جوعارى ساپالى دامۋدى ىلگەرىلەتۋدىڭ، جوعارى ساپالى تۇرمىس جاراتۋدىڭ ورگانيكالى ۇشتاسۋىن، ءبىر - بىرىنە ساي كەلۋىن ىلگەرىلەتۋ كەرەك.
ماجىلستە ۋاڭ جيانجۇن، ا شىڭچيڭ، كۇڭ چيڭجۇي، جاشيدوجيە، مىڭ حاي، شافىڭ قاتارلى 6 ۋاكىل كەدەيلىكتەن ارىلتۋدان قامال الۋ جەتىستىكتەرى، چيليانشان تاۋى ەكولوگيالىق وركەنيەت قۇرىلىسى، يۇيشۋداعى اپاتتان كەيىنگى قايتا قۇرۋداعى تىڭ وزگەرىستەر، مۋلي كومىر كەنىن كەشەندى رەتتەۋ - جونگە سالۋدى ويداعىداي ىستەۋ، نەگىزگى ساتى قوعامىن جونگە سالۋدى ىلگەرىلەتۋ سياقتى ماسەلەلەر جونىندە جەكە - جەكە پىكىر ءبىلدىردى. شي جينپيڭ تىڭداي وتىرىپ ەستەلىككە الىپ، ءالسىن - ءالى سۇراۋ قويىپ، ۋاكىلدەرمەن پىكىرلەستى.
ۋاكىلدەردىڭ سوزدەرىن مۇقيات تىڭداعاننان كەيىن، شي جينپيڭ ءسوز سويلەدى. شي جينپيڭ چيڭحايدىڭ ءبىر جىلدان بەرگى قىزمەتتەرى مەن ”13 - بەسجىلدىق“ مەزگىلدەگى دامۋىن تولىق تۇراقتاندىردى، چيڭحايداعى جولداستاردان پارتيا ورتالىق كوميتەتىنىڭ شەشىمدەرىن، ورنالاستىرۋلارىن جالپى بەتتىك دايەكتىلەندىرىپ، تياناقتاندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، رەفورما جاساۋدى، ەسىك اشۋدى ۇزدىكسىز تەرەڭدەتىپ، دامۋ مەن حاۋىپسىزدىكتى ءبىر تۇتاس جوسپارلاپ، داڭقتى ءداستۇردى جانە كۇرەسكەرلىك رۋحتى اسقاقتاتىپ، ەكولوگيانى الدىمەن ويلاستىرۋعا تاباندى بولۋدى، جوعارى ساپالى دامۋدى ىلگەرىلەتۋدى، جوعارى ساپالى تۇرمىس جاراتۋدى ناقتى تياناقتاندىرىپ، چيڭحاي - شيزاڭ ءۇستىرتىنىڭ ەكولوگياسىن قورعاۋ جانە باياندى دامۋىن ىلگەرىلەتۋ جاعىندا ۇزدىكسىز تىڭ تابىستارعا قول جەتكىزىپ، جاڭا داۋىردە چيڭحايدىڭ جاڭا تاراۋىن جازۋدى ءۇمىت ەتتى.
شي جينپيڭ بىلاي دەپ باسا دارىپتەدى: جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ − كەزەكتەگى جانە بۇدان كەيىنگى ءبىر مەزگىلدە بۇكىل پارتيا، بۇكىل ەل، ءسوزسىز، مىقتى، ويداعىداي يگەرۋگە ءتيىستى قىزمەت. جوعارى ساپالى دامۋ جولىمەن جۇرۋدە حالىقتى وزەك ەتكەن دامۋ يدەياسىنا تاباندى بولىپ، جاڭالىق اشا دامۋعا، سايكەستى دامۋعا، جاسىل دامۋعا، اشىق دامۋعا، تەڭ يگىلىككە كەنەلەتىن دامۋعا تاباندى بولۋ كەرەك. چيڭحايدىڭ باسىمدىعىمەن جانە بايلىعىمەن ۇشتاستىرىپ، جاڭالىق اشۋ ارقىلى دامۋعا دەم بەرۋ ستراتەگياسىن دايەكتىلەندىرىپ، دۇنيە جۇزىلىك دەڭگەيدەگى تۇزدى كول كاسىپ سالاسى بازاسىن جەدەل قۇرىپ، مەملەكەتتىڭ تازا ەنەرگيا كاسىپ سالاسىنداعى بيىك بەلەس، حالىقارالىق ەكولوگيالىق ساياحاتتاعى كوزەۋلى جەر، جاسىل، ورگانيكالى ەگىن، مال شارۋاشىلىعى ونىمدەرىن شىعاراتىن جەر ەتىپ قالىپتاستىرىپ، جاسىل، تومەن كومىرتەكتى، اينالمالى داميتىن ەكونوميكالىق جۇيە ورناتىپ، جەرگىلىكتى ەرەكشەلىكتى ايگىلەيتىن وسىزاماندانعان ەكونوميكالىق جۇيە قۇرۋ كەرەك.
شي جينپيڭ بىلاي دەپ اتاپ كورسەتتى: چيڭحاي مەملەكەتتىڭ ەكولوگيالىق حاۋىپسىزدىگى، ۇلتتىڭ ۇزدىكسىز دامۋى جونىنەن كەلەلى جاۋاپكەرشىلىك ارقالاپ وتىر، ەكولوگيالىق حاۋىپسىزدىكتى قورعاۋدىڭ، ءۇش وزەن قاينارىن قورعاۋدىڭ، ”جۇڭحۋا سۋ مۇناراسىن“ قورعاۋدىڭ كەلەلى بورىشىن، ءسوز جوق، ويداعىداي ارقالاپ، مەملەكەت الدىندا، ۇلت الدىندا، ۇرپاقتار الدىندا جاۋاپتى بولۋ كەرەك. جاقىنعى جىلداردان بەرى چيڭحاي ەكولوگيالىق وركەنيەت قۇرىلىسى جاعىندا اسا زور قۇلشىنىس جاسادى، دەگەنمەن، ەكولوگيالىق ورتانى قورعاۋداعى مىندەتى اۋىر، جولى ۇزاق ەكولوگيانى قورعاۋدى ماڭداي الدى ورىنعا قويۋ ەكولوگيانى قورعاۋداعى ساياسي سانالىلىقتى ايگىلەيدى. مەملەكەت جەرى كەڭىستىگىن اشۋ، قورعاۋ ارناسىن ساپالىلاندىرىپ، نەگىزگى تۇلعالىق فۋنكتسيالىق ءوڭىر جايعاسۋىن قاتاڭ تياناقتاندىرىپ، ەكولوگيالىق وركەنيەت ءتۇزىمى جۇيەسىن جەدەل كەمەلدەندىرىپ، ەكولوگيالىق ساياحاتتى دامىتۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جاقتى ەتىپ، ەكولوگيا سالاسىنداعى كورنەكتى ماسەلەلەردى باتىل رەتتەپ، جونگە سالىپ، مەملەكەت باقشاسىن نەگىزگى تۇلعا ەتكەن جاراتىلىستىق قورىق جۇيەسىن قۇرۋدا الدا ءجۇرىپ، تۇنىق سۋ، جاسىل تاۋدى چيڭحايدىڭ ماڭگىلىك باسىمدىعىنا جانە ماقتانىشىنا اينالدىرىپ، حالىقتى باقىتقا بولەپ، ۇرپاقتاردى يگىلىككە كەنەلتۋ كەرەك.
شي جينپيڭ بىلاي دەپ باسا دارىپتەدى: حالىق تۇرمىسىنداعى ولقىلىقتاردى كۇش سالا تولىقتاپ، حالىق تۇرمىسىنداعى قيىن ماسەلەلەردى شەشىپ، حالىق تۇرمىسىنىڭ تومەنگى شەگىن مىقتاپ قامتاماسىز ەتىپ، جۇمىستاندىرۋ، وقۋ - اعارتۋ، قوعامدىق قامتاماسىزداندىرۋ، ەمدەۋ، زەينەتكەرلىك، بالاباقشا، تۇرعىن ءۇي سياقتى حالىق تۇرمىسىنداعى ناقتى ىستەردى ويداعىداي ىستەپ، الەۋمەتتىك قىزمەت وتەۋدىڭ قولجەتىمدىلىگى مەن بىركەلكىلىك دەڭگەيىن جوعارىلاتۋ كەرەك. قالا، اۋىل وڭىرلەرىنىڭ سايكەسە دامۋىن ىلگەرىلەتىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، قالا، اۋىل تۇرعىندارىنىڭ ءوندىرىس، تۇرمىس شارت - جاعدايىن جاقسارتىپ، اۋىل - قىستاق قونىس ورتاسىن رەتتەۋ - جونگە سالۋدى كۇشەيتىپ، وركەنيەتتى اۋىل سالتىن جەتىلدىرىپ، كورىكتى دە جايلى، شارۋاشىلىعى شالقىعان، حالقى بەرەكەلى سوتسياليستىك جاڭاشا اۋىل - قىستاق قۇرۋ كەرەك. پارتيانىڭ ۇلت ساياساتى مەن ءدىن ساياساتىن جالپى بەتتىك دايەكتىلەندىرىپ، ۇلتتار ىنتىماعى، العاباسارلىعى تاربيەسىن كۇشەيتىپ، ۇلتتىق وڭىرلەردىڭ دامۋىن جەدەلدەتىپ، ءار ۇلت بۇقاراسىنا كوبىرەك جاقسى، ناقتى ىستەر ىستەپ، قيىن ماسەلەلەردى شەشىپ، ءار ۇلت بۇقاراسىنىڭ بىرگە بايۋىن جەبەپ، ءار ۇلت حالقىنىڭ ۇلى ىنتىماعىن جەبەپ، قول ۇستاسا كورىكتى مەكەن قۇرۋ كەرەك. قوعامدىق جونگە سالۋدى كۇشەيتىپ جانە جاڭالىق اشىپ، الەۋمەتتىك حاۋىپسىزدىك بويىنشا توتەنشە جاعدايدا اتتانىسقا كەلۋ جۇيەسىن كەمەلدەندىرىپ، ءار ءتۇرلى قاتەرلەر مەن كومەسكى كىناراتتاردى دەر كەزىندە اداقتاپ جويىپ، مەملەكەت حاۋىپسىزدىگى مەن حالىقتىڭ تىنىش ءومىر، شات - شادىمان تىرشىلىك كەشۋىنە شىنايى كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەۋدىڭ، دامىتۋدىڭ ماڭىزدى شاراسى. پارتيا تاريحىن ۇيرەنۋ تاربيەسىنىڭ ماڭىزدى ءبىر مىندەتى − بۇكىل پارتياداعى جولداستاردى مۇرات - سەنىمدى بەكەمدەۋگە، اۋەلگى ماقسات پەن بورىشتى مىقتاپ ورناتۋعا تاربيەلەۋ، جەتەكتەۋ. پارتيا ورتالىق كوميتەتى ورنالاستىرۋ جاسادى، ءار دارەجەلى پارتيا ۇيىمدارى مۇقيات دايەكتىلەندىرۋ، تياناقتاندىرۋ، شىنايى يگەرىپ، ناتيجە شىعارۋ كەرەك. پارتيا تاريحىن ۇيرەنۋ تاربيەسىندە قىزىل بايلىقتاردان تولىق پايدالانىپ، قالىڭ پارتيا مۇشەلەرىن، كادرلاردى مۇرات - سەنىمدى بەكەمدەۋگە، اۋەلگى ماقسات پەن بورىشتى مىقتاپ ورناتۋعا، كۇرەس جاساۋ رۋحىن ۇزدىكسىز كۇشەيتىپ، كۇرەس جاساۋ قابىلەتىن جوعارىلاتۋعا، كۇردەلى جاعداي الدىندا باعداردان جازباۋعا، ماشاقاتتى كۇرەس الدىندا تايساقتاماۋعا تاربيەلەۋ، جەتەكتەۋ كەرەك. بۇكىل قوعامدا پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋ تاربيەسىن ورىستەتۋ ارقىلى قالىڭ حالىق بۇقاراسىن، اسىرەسە، جاستار مەن ورەندەردى جۇڭگو كوممۋنيستىك پارتياسىنىڭ نە ءۇشىن ”يقۋاتتى ەكەندىگى“، ماركسيزمنىڭ نە ءۇشىن ”جۇزەگە اساتىندىعى“، جۇڭگوشا سوتسياليزمنىڭ نە ءۇشىن ”جاقسى“ ەكەندىگى سياقتى نەگىزگى قاعيدالاردى انىق ءتۇسىنىپ، مىزعىماس تاباندىلىقپەن پارتيانىڭ سوزىنە قۇلاق اسىپ، پارتياعا ىلەسىپ، جاپپاي سوتسياليستىك وسىزاماندانعان مەملەكەت قۇرۋ ۇلى امالياتىندا ەڭبەك كورسەتىپ، ۇلەس قوسۋعا جەتەكتەۋ كەرەك.
ديڭ شۋەشياڭ، چىن شي، يوۋ چۋان قاتارلىلار باياندامانى قاراۋعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
