”ۇلكەن اپاتتان كەيىن ،ءسوزسىز، ۇلكەن وزگەرىس بولادى“
− شي جينپيڭ چيڭحاي ۋاكىلدەر ۇيىرمەسىندە يۇيشۋداعى جەر سىلكىنىسى اپاتىنان كەيىنگى قايتا قۇرۋعا ايالدادى
شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي
2021.03.09 16:16 كەلۋ قاينارى : شينجياڭ گازەتى
” باس شۋجي، جاشيدىلى“!
”جاشيدىلى“!
3 - ايدىڭ 7 - كۇنى تۇستەن كەيىن حالىق سارايىنىڭ شىعىس زالىنان دۋماندى دا مەيىرىمدى لەپ ەستى. اراعا 5 جىل سالىپ، باس شۋجي شي جينپيڭ چيڭحاي ۋاكىلدەر ۇيىرمەسىنىڭ باياندامانى قاراۋىنا تاعى قاتىناستى. زاڭزۋ ۋاكىل جاشيدوجيە ءسوزىن باستاعاندا - اق باس شۋجي ىقىلاستى تۇردە وعان جاۋاپ قايتاردى.
جاشيدوجيە يۇيشۋ وبلىسىنان كەلگەن. 10 جىلدىڭ الدىندا ونىڭ مەكەنىندە كۇشتى جەر سىلكىنىسى تۋىلىپ، مەكەندەرى اۋىر دارەجەدە بۇلىنگەن - دى. سول كەزدە شي جينپيڭ جولداس ارنايى چيڭحايدىڭ يۇيشۋىنداعى جەر سىلكىنىسى اپاتى تۋىلعان وڭىرگە بارىپ، اپات تۋىلعان وڭىردەگى ءار ۇلت كادر - بۇقاراسىنا امانداسىپ، ولاردان حال سۇراپ، اپاتتان كەيىنگى قايتا قۇرۋ قىزمەتىن تەكسەرىپ، پارتيا ورتالىق كوميتەتىنىڭ قامقورلىعى مەن مەيىرىن جەتكىزگەن بولاتىن.
ۇلكەن اپاتتان كەيىن يۇيشۋلىقتار قيراندى اراسىنان ەڭسە كوتەرىپ، مەكەندەرىن تەز ارادا قايتا قۇرىپ، كەدەيلىكتەن ارىلىپ، دوڭگەلەك داۋلەتكە ۇمتىلدى. قازىر تۇتاس وبلىستاعى 6 قالا، اۋدان تۇگەلدەي كەدەيلىك قالپاعىن الىپ تاستادى، جان باسىندىق تازا كىرىستەرى 2015 - جىلعى 2970 يۋاننان ارتىپ قازىرگى 7000 يۋاننان استامعا جەتتى، سوتسياليستىك جاڭا يۇيشۋ قارلى ۇستىرتتە قاسقايىپ، ”قاجىرلىلىقپەن 3 جىل ەڭبەكتەنۋ ارقىلى 20 جىلعا قۇلاش سەرمەۋ“ نىساناسىن جۇزەگە اسىردى.
جاشيدوجيەنىڭ ءسوزىن تىڭداعان سوڭ باس شۋجي مىنالاردى ءبىلدىردى:
”مەن يۇيشۋعا ۇشاقپەن تىكە ۇشىپ باردىم. سول كەزدە تەڭىز دەڭگەيىنەن 4000 مەتردەن استام بيىك ءبىر قىستاققا كەلدىم، ول ارا وتە اۋىر دارەجەدە بۇلىنگەن ەكەن“.
”يۇيشۋ وبلىسىنىڭ ورگانىندا مەن ورگانداعى كادرلاردى جىگەرلەندىرىپ بىلاي دەدىم: ۇلكەن اپاتتان كەيىن ،ءسوزسىز، ۇلكەن وزگەرىس بولادى، سىزدەردىڭ قايىسپاس قايسار جىگەرلەرىڭىزدىڭ، پارتيا ورتالىق كوميتەتىنىڭ بار كۇشپەن قولداۋىنىڭ، بۇكىل ەل حالقىنىڭ تۇس - تۇستان كومەكتەسۋىنىڭ ارقاسىندا كوپشىلىك ءوز كۇشىنە سۇيەنىپ ءومىر ءسۇرىپ مەكەنىن قايتا قۇرسا، بولاشاقتا، ءسوزسىز، جاڭا يۇيشۋ قۇرىلاتىن بولادى“. باس شۋجي وتكەن ىستەردى تەرەڭ سۇيىسپەنشىلىكپەن تىلگە الدى.
”قازىر يۇيشۋدىڭ كوشەلەرى اناعۇرلىم رەتتى، تازا بولىپ كەتتى، ۇيلەرى اناعۇرلىم بەرىكتەلدى، ءسۇتتى شايلارىنىڭ ءدامى ءتىل ۇيىرەدى، ءبىز باس شۋجيدىڭ تاعى ءبىر رەت يۇيشۋعا بارىپ كورۋىن شىن جۇرەكتەن ءۇمىت ەتەمىز، سول كەزدە ءبىز تاعى ءبىر تاۋ ءانىن پارتياعا، باس شۋجي سىزگە ايتىپ بەرەمىز“. جاشيدوجيەنىڭ ءسوزى يۇيشۋ حالقىنىڭ تىلەگىنە ۋاكىلدىك ەتتى.
”مەن يۇيشۋدى ەسىمنەن شىعارماي كەلەمىن، بۇگىن ءسىزدىڭ تانىستىرۋىڭىزدى تىڭداعان سوڭ، وتە قۋاندىم. مەن يۇيشۋدىڭ ءتىپتى دە جاقسى داميتىندىعىنا سەنەمىن“، - دەدى باس شۋجي.
جەر سىلكىنىسىنە قارسى اتتانۋدان، تاسقىنعا قارسى اتتانۋدان ىندەتكە قارسى اتتانۋ شايقاسىنا، كەدەيلىكتەن ارىلتۋدان قامال الۋ شايقاسىنا دەيىن ۇلكەن اپات، اۋىر قيىنشىلىقتىڭ سىناعى، اۋىر شايقاس، ۇلكەن سىناۋدىڭ شىڭداۋى قاشاندا رۋحاني جاقتاعى شىڭدالۋعا، تۇلەۋگە باستايدى، مىنە بۇل جۇڭگو كوممۋنيستىك پارتياسىنىڭ باسشىلىعىنداعى جۇڭگونىڭ ۇزدىكسىز جەڭىستەن - جەڭىسكە جەتۋىنىڭ كۇش - قۋات قاينارى.
”تەك مۇرات - سەنىمدى بەكەمدەپ، اۋەلگى ماقسات، بورىشتى نىعايتقاندا عانا، داۋىلدى تولقىنداردا مىزعىماستان قاسقايىپ تۇرا الامىز“. باس شۋجي بىلاي دەپ باسا دارىپتەدى: قازىر ورىستەتىلىپ جاتقان پارتيا تاريحىن ۇيرەنۋ تاربيەسىن چيڭحايدىڭ ءىس جۇزىندىگىمەن ۇشتاستىرىپ، قىزىل بايلىقتان − جۇڭگو جۇمىسشى - ديقان قىزىل ارمياسى باتىس باعىت ارمياسىنىڭ ەسكەرتكىش سارايى، يۇيشۋداعى جەر سىلكىنىسىنە قارسى اتتانىپ، اپاتتان قۇتقارۋ ەسكەرتكىش سارايى، بانما قىزىل ارميا سايى ەسكەرتكىش سارايى، شينيڭ قالاسى قۇرباندار قابىرستانى، ت . ب لاردان تولىق پايدالانىپ، پارتيالى كادرلاردى مۇرات - سەنىمدى بەكەمدەپ، كۇردەلى جاعداي الدىندا باعداردان جازباۋعا، ماشاقاتتى كۇرەس الدىندا تايساقتاماۋعا تاربيەلەۋ، جەتەكتەۋ كەرەك.
(شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
