بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ۋاكىلدەر ۇيىرمەسى جوسپار بايانداماسىن، مەجە ەسەپ بايانداماسىن قاراپ تەكسەردى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ باياندامالاردى قاراۋعا قاتىناستى

2021.03.09 16:17     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 7 - كۇنى بەيجيڭنەن حابارلايدى. 3 - ايدىڭ 7 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسقان شينجياڭ ۋاكىلدەر ۇيىرمەسى گرۋپپا جيىنىن وتكىزىپ، «2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى»، «2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى» قاراپ تەكسەردى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ، نايىم ياسىن قاتارلىلار باياندامالاردى قاراۋعا قاتىناستى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار جيىنعا سىرتتاي قاتىناستى. مەملەكەتتىڭ مينيسترلىكتەرى مەن كوميتەتتەرىندەگى قاتىستى جولداستار بەينە ەكران تاسىلىندە پىكىر تىڭدادى.

  ۋاكىل شى داگاڭ بىلاي دەدى: ۇكىمەت قىزمەتىنەن باياندامانى، باعدارلاما جوباسىن جانە جوسپار بايانداماسىن، مەجە ەسەپ بايانداماسىن تولىق قۇپتايمىن. 2020 - جىل وتە ايرىقشا جىل بولدى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن قامال الىپ، قيىندىقتاردى جەڭۋگە ىنتىماقتاستىرىپ، باستاپ، ۇلكەن شايقاستا، ۇلكەن سىناقتا حالىق ريزا بولاتىن، دۇنيە ءجۇزىن جالت قاراتقان، تاريح بەتىنە جازىلاتىن جاۋاپناما تاپسىردى. ءار ۇلت بۇقاراسى شي جينپيڭ جولداستى ۇيتقى ەتكەن پارتيا ورتالىق كوميتەتىن اناعۇرلىم باتىل قولدادى، جۇڭگوشا سوتسياليزىم ءتۇزىمنىڭ ابزالدىلىعىن اناعۇرلىم تەرەڭ سەزىندى. ءبىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋىنا شىنايى كەپىلدىك ەتەمىز.

  ۋاكىل مۇقيات جارمۇقامەت بىلاي دەدى: ۇكىمەت قىزمەتىنەن بايانداما، باعدارلاما جوباسى جانە جوسپار بايانداماسى، مەجە ەسەپ بايانداماسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتكەن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ جونىندەگى ءبىر قىدىرۋ كەلەلى شەشىمدەرىنىڭ، ورنالاستىرۋلارىنىڭ ناقتى تياناقتانۋى. مەن بۇكىلدەي قۇپتايمىن. جاڭا دامۋ ۇستانىمىن تولىق، دالمە - ءدال، جان - جاقتى ءتۇسىنىپ جانە دايەكتىلەندىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ەكونوميكانىڭ ورنىقتىلىق بارىسىندا بەكەمدەلۋىن، ورنىقتى قادام تاستاپ، باياندى بولۋىن جەبەپ، ءار ۇلت بۇقاراسىنىڭ تۇرمىسىن دامۋ بارىسىندا شىنايى جاقسارتۋ كەرەك.

  ۋاكىل ابدۇرىقىپ تۇمۇرنياز بىلاي دەدى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل ەل جوعارىدان تومەنگە دەيىن ۋاقىتتىق قيىنشىلىقتاردى بىرگە ەڭسەرىپ، ەكونوميكالىق، قوعامدىق دامۋدا وڭاي - وسپاق قول كەلمەيتىن ناتيجەگە قول جەتكىزدى. مەن جۇڭگو كوممۋنيستىك پارتياسىنىڭ ۇلىلىعىن، باس شۋجي شي جينپيڭنىڭ كەمەڭگەرلىگىن، سوتسياليستىك ءتۇزىمنىڭ ابزالدىلىعىن تەرەڭ تانىپ جەتتىم. پارتيانىڭ ءدىن قىزمەتى نەگىزگى باعىتىن جالپى بەتتىك دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، دىنگە سەنەتىن ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءدىننىڭ سوتسياليستىك قوعامعا ۇيلەسۋىن جەبەپ، دىندەردىڭ اقاۋسىز دامۋىن جۇزەگە اسىرۋ كەرەك.

  ۋاكىلدەر جوۋ شۇييۇڭ، لياۋ چاۋياڭ، يوۋ لياڭيىڭ، مۇسا مامەت بىلاي دەدى: وتكەن ءبىر جىلدا ەلىمىزدىڭ ەكونوميكالىق اينالىمى ماۋسىم سايىن جاقسارىپ، بىرتىندەپ قالىپتى كۇيگە ءتۇسىپ، ەكونوميكانىڭ وڭ ارتۋىن جۇزەگە اسىرعان بىردەن - ءبىر الەمدەگى نەگىزگى ەكونوميكالىق تۇلعا بولدى. باس شۋجي شي جينپيڭ مەن پارتيا ورتالىق كوميتەتىنىڭ تۇجىرىمداۋ قابىلەتى، شەشىم جاساۋ قابىلەتى، ارەكەت قابىلەتى شەشۋشى سيپاتتى رولعا يە، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليستىك ءتۇزىم ابزالدىلىعىن تولىق ايگىلەدى.

  ۋاكىلدەر لي بين، قۇربان نياز، فاتيما، سۇي جيۋشيۋ بىلاي دەدى: 5 جىل ۇزدىكسىز كۇرەس جۇرگىزۋ ارقىلى ”13 - بەسجىلدىق“ جوبانىڭ نىساناسى مەن مىندەتتەرى جەڭىسپەن ورىندالىپ، ەلىمىزدىڭ ەكونوميكالىق ناقتى قۋاتى، عىلىم - تەحنيكا ناقتى قۋاتى، جالپىلىق مەملەكەت قۋاتى جانە حالىقتىڭ تۇرمىس دەڭگەيى جاڭا دا ۇلكەن ساتىعا تاعى كوتەرىلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن مۇقيات دايەكتىلەندىرىپ، ويداعىداي اتقارىپ، جوعارى ساپالى دامۋ نەگىزگى تاقىرىبىمەن تىعىز بايلانىستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قول جەتكىزۋگە كۇش - قۋات ارناۋ كەرەك.

  ۋاكىلدەر ريزا باعداۋلەت، ليۋ باۋزىڭ، جارقىن احات بىلاي دەدى: 2021 - جىلى ەلىمىزدىڭ وسىزامانداندىرۋ قۇرىلىسى اياق السىنداعى ايرىقشا ماڭىزدى ءبىر جىل. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ تالابى بويىنشا ”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن ويداعىداي تياناقتاندىرىپ، ”14 - بەسجىلدىقتىڭ“ جاقسى باستاما اشۋىنا، جاقسى قادام تاستاۋىنا شىنايى كەپىلدىك ەتۋ كەرەك.

  ۋاكىلدەر نۇر مامەت، رۋقيام ماتسەيت، ۋاڭ يانچيڭ بىلاي دەدى: بيىلعى حالىق شارۋاشىلىعى مەن قوعامدىق دامۋ جوسپارىنىڭ باستى مىندەتتەرىن ورىنداۋدا شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى باعىتى مەن شەشىمدەرىن، ورنالاستىرۋلارىن جالپى بەتتىك دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسى مەن ۇكىمەت قىزمەتىنەن بايانداماداعى مىندەتتەردى، تالاپتاردى ىشكەرىلەي تياناقتاندىرىپ، جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ، ىشكى سۇرانىستى كەڭەيتۋ، رەفورمانى تەرەڭدەتۋ، سىرتقا ەسىك اشۋ، اۋىل - قىستاقتى گۇلدەندىرۋ، وڭىرلىك سايكەستى دامۋ، جاسىل دامۋ، حالىق تۇرمىسىن جاقسارتۋ سياقتى قىزمەتتەردى كۇش سالا ويداعىداي ىستەۋ كەرەك.

  ۋاكىلدەر ياسىن سىدىق، قۇرماش سىرجان، پارحات روزى بىلاي دەدى: ”13 - بەسجىلدىق“ مەزگىلىندە ەلىمىزدىڭ قازىنالىق ناقتى قۋاتى اناعۇرلىم كۇشەيىپ، قازىنالىق شىعىس ءبىرشاما جوعارى كۇشەمەلىلىكتى ساقتاپ، بەلسەندى قازىنا ساياساتىن اتقارۋعا تاباندى بولدى، سالىقتى ازايتۋ، اقىنى تومەندەتۋ تەبىنى بۇرىن بولماعان دەڭگەيگە جەتتى، حالىق تۇرمىسى ۇسىنىلىمى ازايماستان، ارتا ءتۇستى، قامداۋ جاعىنداعى قۇرىلىمدىق رەفورما، مەملەكەتتىڭ كەلەلى ستراتەگيا مىندەتتەرىنىڭ تىرەگى پارمەندى بولدى، قازىنا - سالىق ءتۇزىلىس رەفورماسى ىشكەرىلەي ىلگەرىلەتىلدى، قازىنالىق رەفورما، دامۋ قىزمەتى جاڭا ىلگەرىلەۋشىلىككە قول جەتكىزدى. بيىل ”14 - بەسجىلدىقتىڭ“ باستاما جىلى، بەلسەندى قازىنا ساياساتى ساپاسىن كوتەرىپ، ونىمدىلىگىن ارتتىرىپ، اناعۇرلىم باياندى بولىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋعا قۇلشىنۋ كەرەك.

  ۋاكىلدەر ۋاڭ گاڭ، چىن لياڭ، جاڭ شين، ميھراي يبىرايىم، ورنيسا قادىر بىلاي دەدى: قازىنا - بايلىقتى ءبىر تۇتاس جوسپارلاۋدى كۇشەيتىپ، قارجىنى بولىسكە سالۋ مەن پايدالانۋ مەحانيزمىن كەمەلدەندىرىپ، قازىنا شىعىسى ونىمدىلىگىن قۇلشىنا جوعارىلاتىپ، قازىنانىڭ باياندىلىعىن شىن مانىندە كۇشەيتۋ كەرەك. قازىنا شىعىسى قۇرىلىمىن ساپالىلاندىرۋ تەبىنىن ارتتىرىپ، قاجىرلىلىقپەن كۇرەس جۇرگىزۋگە، ۇقىپتى - ۇنەمشىل بولۋعا، قۇنتتاپ ەسەپتەۋگە تاباندى بولىپ، ۇكىمەتتىڭ ۇنەمشىل بولۋ تالابىن جالپى بەتتىك تياناقتاندىرىپ، قىمباتتى قازىنالىق قاراجاتتى قاجەتتى ورىنعا پايدالانۋ كەرەك.

  ۋاكىلدەر نياز اشىم، حى شيڭلياڭ، جاڭ يان، جاۋ جينلۇڭ بىلاي دەدى: قازىنالىق شىعىستىڭ ءتۇرلى سالالارداعى قاراجات سۇرانىسىنىڭ ارتۋ جاعدايىنا باسا نازار اۋدارىپ، ”14 - بەسجىلدىق“ جوبانى اتقارۋ، جاڭا دامۋ ارناسىن قالىپتاستىرۋ، سونداي - اق اۋىل - قىستاقتى گۇلدەندىرۋ، لاستانۋدان ساقتانۋ جانە ونى تىزگىندەۋ، وقۋ - اعارتۋ، عىلىم - تەحنيكا، توسىن جاعدايلارعا توتەپ بەرۋ، اپاتتان قۇتقارۋ، نەگىزگى ساتىدا ”ءۇشتى قامتاماسىز ەتۋ“ سياقتى ءتۇيىندى جانە بۇلجىماس شىعىستى ويداعىداي قامتاماسىز ەتۋ كەرەك.

  ۋاكىلدەر ءمامتىمىن ابدۇحاني، شۇي تاۋ، ءادىل ابدۇرازاق بىلاي دەدى: قازىنالىق شىعىس − اۋىل - قىستاقتى گۇلدەندىرۋ ستراتەگياسىن جالپى بەتتىك اتقارۋعا قولداۋ كورسەتىپ، مەملەكەتتىڭ استىق حاۋىپسىزدىگىن قامتاماسىز ەتىپ، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن تياناقتاندىرىپ، ەگىستىك جەردى قورعاۋ مەن جەردىڭ قۇنارلىلىعىن ارتتىرۋدى قولداپ، جوعارى ولشەمدى ەگىنجاي جانە ەگىنجاي سۋ يگىلىگى قۇرىلعى قۇرىلىسىن بار كۇشپەن ىلگەرىلەتۋ كەرەك. ورتالىقتىڭ جەرگىلىكتى ورىندارعا ادەتتەگى وتكەرمەلەپ تولەۋ كولەمىن ۇزدىكسىز ارتتىرىپ، دامۋى كەنجە وڭىرلەردى قولداۋ تەبىنىن تۇيىندى تۇردە ارتتىرىپ، ءارى ”14 - بەسجىلدىق“ مەزگىلىندە شينجياڭنىڭ ەكونوميكالىق، قوعامدىق دامۋىن قولدايتىن قازىنالىق ساياسات جۇيەسىن اقىلداسىپ جاساۋدى ءۇمىت ەتەمىز.

  مەملەكەتتىك حالىق قۇرىلتايىنىڭ ۋاكىلدەرى پىڭ جيارۇي، عانيبات سابىكەي، جۋ حايلۇن، ءزۇمرات وبۇل، ءدىلشات قىدىرقان قاتارلىلار جيىنعا قاتىناستى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار