ەمدەۋ، وقۋ - اعارتۋ ىستەرىنىڭ ارشىندى قاداممەن العا باسۋىن ىلگەرىلەتەمىز
− باس شۋجي شي جينپيڭنىڭ ساياسي كەڭەس شيپاگەرلىك − دارىگەرلىك، دەنساۋلىق ساقتاۋ سالاسى، وقۋ - اعارتۋ سالاسى مۇشەلەرىنىڭ بىرلەسكەن گرۋپپا جيىنىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
انار بۇلت / شينجياڭ گازەتىنىڭ تىلشىلەرى
2021.03.09 16:24 كەلۋ قاينارى : شينجياڭ گازەتى
ەمدەۋ - دەنساۋلىق ساقتاۋ جانە وقۋ - اعارتۋ ىستەرى سان مىڭداعان وتباسىلارعا سايادى، كەلەلى حالىق تۇرمىسى ماسەلەسى. 3 - ايدىڭ 6 - كۇنى باس شۋجي شي جينپيڭنىڭ مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە قاتىناسقان شيپاگەرلىك - دارىگەرلىك، دەنساۋلىق ساقتاۋ سالاسىنىڭ، وقۋ - اعارتۋ سالاسىنىڭ مۇشەلەرىنە امانداسا بارعاندا ءارى بىرلەسكەن گرۋپپا جيىنىنا قاتىناسقاندا سويلەگەن ماڭىزدى ءسوزى رايونىمىزدا قىزۋ اڭىس قوزعادى. كوپشىلىك ءبىر اۋىزدان مىنالاردى ءبىلدىردى: باس شۋجيدىڭ ماڭىزدى سوزىندە شيپاگەرلىك - دارىگەرلىك، دەنساۋلىق ساقتاۋ قىزمەتكەرلەرىنە جانە وقۋ - اعارتۋ قىزمەتكەرلەرىنە دەگەن قامقورلىعى قامتىلعان، شيپاگەرلىك - دارىگەرلىك، دەنساۋلىق ساقتاۋ جانە وقۋ - اعارتۋ ىستەرىنىڭ دامۋىنا ايقىن بەتالىس كورسەتتى، حالىقتى وزەك ەتكەن دامۋ يدەياسىن بەرىك ورناتىپ، زەيىن - زەردە مەن كۇش - قۋاتتى ۇيىستىرىپ، قايراتتانا العا باسىپ، شينجياڭنىڭ ەمدەۋ، وقۋ - اعارتۋ ىستەرىنىڭ ارشىندى قاداممەن العا باسۋىن ىلگەرىلەتەمىز.
حالىقتىڭ سالاماتتىعىن باستان - اياق ماڭداي الدى ورىنعا قويامىز
باس شۋجي شي جينپيڭ سوزىندە نازاردى حالىق بۇقاراسىنىڭ سالاماتتىعىنا ىقپال جاسايتىن ماسەلەلەرگە شوعىرلاندىرىپ، دەنساۋلىق ساقتاۋ، سالاماتتىق جۇيەسى قۇرىلىسىن ىلگەرىلەتۋ جونىندە ايقىن تالاپ قويدى. ”باس شۋجيدىڭ ماڭىزدى سوزىندە حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمى جانە ەمدەۋ قىزمەتكەرلەرىنە كوڭىل بولەتىندىگى، قامقورلىق جاسايتىندىعى تولىق ايگىلەندى، بۇل ادامدى بارىنشا شابىتتاندىرىپ، جۇرەكتى جەلپىندىرەدى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ليۋ جيانگو بىلاي دەدى: ءبىز باس شۋجيدىڭ ماڭىزدى ءسوزىنىڭ رۋحىن بويسۇنۋ ولشەمى ەتىپ، ىندەتتەن ساقتانۋ - تىزگىندەۋدى ۇدايىلاندىرۋدى ويداعىداي ىستەۋمەن بىرگە، اۋرۋدان ساقتانۋ - تىزگىندەۋ جۇيەسىنە رەفورما جاساپ، ونى كەمەلدەندىرىپ، ەمدەۋ مەن ساقتانۋدى سايكەستىرۋ مەحانيزمىندە جاڭالىق اشىپ، بىرلەسىپ ساقتانۋ، بىرلەسىپ تىزگىندەۋ مەحانيزمىن جانە ەلەۋلى ىندەتتەن قۇتقارۋ - ەمدەۋ مەحانيزمىن اقاۋسىزداندىرىپ، وتانشىلدىق تازالىق قيمىلىن ىشكەرىلەي ورىستەتىپ، سالماقتى اۋرۋلاردان تۋ باستان ساقتانۋىمىز جانە ونى تىزگىندەۋىمىز؛ شيپاگەرلىك - دارىگەرلىك، دەنساۋلىق ساقتاۋ ءتۇزىلىسى رەفورماسىن ءۇرتىس تەرەڭدەتىپ، ۇكىمەتتىك شيپاحانالاردىڭ جوعارى ساپالى دامۋىن ىلگەرىلەتىپ، ساقتانۋ مەن ەمدەۋدى ۇشتاستىرىپ قىزمەت وتەۋ جاڭا ۇلگىسى جونىندە ىزدەنىس جاساپ، نەگىزگى الەۋمەتتىك دەنساۋلىق ساقتاۋ قىزمەت وتەۋى نىساندارىن ولشەمدەندىرىپ جانە ناقتىلاندىرىپ، حالىق بۇقاراسىن جان - جاقتى، جالپى بارىستىق، ساپالى، جوعارى ءونىمدى سالاماتتىق قىزمەت وتەۋىمەن قامداۋىمىز كەرەك.
”باس شۋجيدىڭ ماڭىزدى ءسوزى نەگىزگى ساتىداعى ەمدەۋ قىزمەتكەرى بولعان ءبىزدىڭ الداعى قىزمەتتەر جونىندە سەنىمگە بولەۋمەن بىرگە، جاۋاپكەرشىلىگىمىزدىڭ دە اۋىر ەكەندىگىن تەرەڭ سەزىندىردى“. ماناس اۋداندىق جۇڭي شيپاحاناسى پارتيا باس ياچەيكاسىنىڭ شۋجيى چىن ليشين بىلاي دەدى: ءبىز باس شۋجيدىڭ تالابى بويىنشا الەۋمەتتىك دەنساۋلىق ساقتاۋداعى قاراۋىل تۇيىنىندىك رولدى ساۋلەلەندىرۋگە تاباندى بولىپ، الەۋمەتتىك اۋماقتا ساقتانۋ، شيپاحاناعا بارۋدان ىلگەرى ساقتانۋ، وتباسىندا ساقتانۋ، جالپى حالىقتىق دەنساۋلىق تەكسەرتۋدە ساقتانۋ سياقتى ءونىمدى شارالار ارقىلى ناۋقاستاردى جانە اۋرۋدى ەرتە بايقاۋ، ەرتە ساقتاندىرۋ، ەرتە ەمدەۋ، ەرتە ساۋىقتىرۋ نىساناسىن جۇزەگە اسىرامىز. سونىمەن بىرگە نەگىزگى ساتى شيپاحانالارىنىڭ ارناۋلى ءبولىم قۇرىلىسىن ۇزدىكسىز كۇشەيتىپ، نەگىزگى ساتىنىڭ قىزمەت وتەۋ مازمۇنىن بايىتىپ، ادامدارعا جان - جاقتىلى، جالپى اينالىمدىق سالاماتتىق قىزمەت وتەۋدى جۇزەگە اسىرامىز. قاعىلىق اۋدانى ۇششار باس قالاشىعى بۇناق قىستاعىنداعى قىستاق شيپاگەرى اكبار ابلىميت بىلاي دەدى: باس شۋجي شي جينپيڭنىڭ ماڭىزدى ءسوزىن ۇيرەنگەننەن كەيىن، تەرەڭ تاربيە الدىم. بىلتىر جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە اكبار وتباسىلارىن ارالاپ، ۇيگە بارىپ قىستاق تۇرعىندارىنىڭ دەنە تەمپەراتۋراسىن ولشەدى، ىندەتتەن ساقتانۋ ادىستەرىن ءتۇسىندىردى، ۇيلەرىندە اۋاشالانۋدا كوڭىل بولەتىن ىستەردى قاداعالادى، پسيحيكالىق كەڭەس بەردى. اكبار مىنالاردى ءبىلدىردى: ءبىر قىستاق شيپاگەرى رەتىندە، شيپاگەرلىك ءمورالدى، شيپاگەرلىك ستيلدى، شيپاگەرلىك جوسىندى ساقتاپ، بۇقارانىڭ اۋرۋ ازابىن كوڭىلدە ساقتاپ، قىستاق تۇرعىندارىن اناعۇرلىم ساپالى، جوعارى ءونىمدى سالاماتتىق قىزمەت وتەۋىمەن قامداۋعا قۇلشىنامىن.
حالىق ريزا بولاتىن وقۋ - اعارتۋدى ويداعىداي جۇرگىزەمىز
مەملەكەتتىك ساياسي كەڭەستىڭ مۇشەسى، شينجياڭ شىفان داشۋەسىنىڭ ورىنباسار باستىعى گۇلپاري ابدۇللا باس شۋجي شي جينپيڭنىڭ ماڭىزدى ءسوزىن ناق مايداندا ەت قۇلاعىمەن تىڭداپ، كوڭىل كۇيى ۇزاققا دەيىن تولقىدى. ول اسەرلەنە بىلاي دەدى: ”وقۋ - اعارتۋ ىستەرىن دامىتۋ ءبىز سياقتى قالىڭ وقۋ - اعارتۋ قىزمەتكەرلەرىنىڭ كەلەلى دە داڭقتى بورىشى. مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءوز ساپامدى جانە قابىلەتىمدى ۇزدىكسىز جوعارىلاتىپ، شىفان تۇرىندەگى جوعارى مەكتەپ وقۋ - اعارتۋ قىزمەتكەرلەرىنىڭ ابزالدىلىعىن تولىق ساۋلەلەندىرىپ، ونەگە كورسەتىپ ادام تاربيەلەپ، رۋحتى سومداپ ادام تاربيەلەپ، وقۋشىلاردىڭ يدەيا - ساياسي ساپاسىن ۇزدىكسىز جوعارىلاتىپ، ساياسيدا ىسىلعان، قابىلەتى مىعىم ۇزدىك دارىندىلاردى باۋليمىن“.
مەملەكەتتىك حالىق قۇرىلتايىنىڭ ۋاكىلى، شينجياڭ شىفان جوعارى دارەجەلى ارناۋلى تەحنيكۋم مەكتەبى (شينجياڭ وقۋ - اعارتۋ شۋەيۋانى) وقۋ الدى تاربيەسى شۋەيۋانىنىڭ ورىنباسار باستىعى جاڭ يان ەجەلدەن بەرى شينجياڭنىڭ نەگىزدىك وقۋ - اعارتۋىنىڭ دامۋىنا ەرەكشە كوڭىل ءبولىپ، ءار جىلى مەملەكەتتىك ەكى ماجىلىستە قاتىستى ۇسىنىستاردى ورتاعا قويىپ كەلەدى. ”باس شۋجيدىڭ ماڭىزدى ءسوزى مەنى توتەنشە جەلپىندىردى، وقۋ - اعارتۋ قىزمەتكەرى رەتىندە، مەن ۇزدىكسىز نەگىزگى ساتىعا بارىپ تەكسەرۋ - زەرتتەۋ ورىستەتىپ، ءتىپتى دە كوپ قۇندى ۇسىنىستاردى ورتاعا قويىپ، شينجياڭنىڭ نەگىزدىك وقۋ - اعارتۋىنىڭ دامۋىنا كۇش - قۋاتىمدى ارنايمىن، سونىمەن بىرگە، جوعارى ساپالى دامۋعا ۇيلەسەتىن ءتىپتى دە كوپ ءتۇرلى دارىندىلاردى تاربيەلەيمىن“، - دەدى جاڭ يان.
بالاباقشا وقىتۋشىسى جونىنەن ايتقاندا، وقۋ الدىنداعى ءسابي بالدىرعانداردىڭ ومىردەگى ءبىرىنشى تۇيمەسىن جاقسى تۇيمەلەۋ توتەنشە ماڭىزدى. فۋكاڭ قالالىق بالاباقشا پارتيا ياچەيكاسىنىڭ ورىنباسار شۋجيى، باستىعى چيان جۇنلي بىلاي دەدى: ”مەن ءداۋىر اۋىر مىندەتىن ارقالاپ وتىرعانىمىزدى ابدەن بىلەمىن، الداعى قىزمەت بارىسىندا مەن باس شۋجيدىڭ تاپسىرماسىن ەستە بەرىك ساقتاپ، سوتسياليزمنىڭ جارامدى ءىزباسارلارىن تاربيەلەۋدى مىندەتىم ساناپ، قىزمەتكە دەگەن ءتىپتى دە قىزۋ ىنتامەن، ءتىپتى دە قايراتتانعان رۋحاني كۇيىممەن باسقارۋ قابىلەتىمدى ۇزدىكسىز جوعارىلاتىپ، اۆتونوميالى رايون دارەجەلى ۇلگى كورسەتۋ بالاباقشاسى رولىن ساۋلەلەندىرىپ، قالا، اۋىل وقۋ الدى تاربيەسىنىڭ بىركەلكى دامۋىن جەبەپ، حالىق رازى بولاتىن بوبەكتەر تاربيەسىن ويداعىداي ىستەيمىن“.
جاڭا داۋىردەگى ايەلدەردىڭ جاڭا كەلبەتىن ايگىلەيمىز
”باس شۋجي شي جينپيڭنىڭ ماڭىزدى ءسوزى مەن مەرەكەلىك سالەمى ءبىزدى ەرەكشە مەيىرگە بولەدى جانە جەلپىندىردى، سونداي - اق تۇتاس رايونىمىزداعى ءار دارەجەلى ايەلدەر بىرلەستىگى ۇيىمدارىنىڭ جانە قالىڭ ايەلدەر بىرلەستىگى كادرلارىنىڭ، ايەل قىزمەتشىلەردىڭ ايەلدەر، بالالار جانە وتباسى قىزمەتىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن ءتىپتى دە قاۋلاتتى“. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى ۋاڭ ليشيا بىلاي دەدى: ءبىز، ءسوز جوق، باس شۋجي شي جينپيڭنىڭ شىنايى قامقورلىعىن قىزمەت قوزعاۋشى كۇشىنە اينالدىرىپ، تۇتاس شينجياڭداعى ايەلدەردى ەرلىكپەن كۇرەسىپ، وزات بولۋعا ىنتىماقتاستىرىپ، باستاپ، ۇلى ىستەردىڭ قۇرىلسشىلارى، وركەنيەتتى سالتتىڭ دارىپتەۋشىلەرى، باتىلدىقپەن ارمانعا قۇلاش سەرمەيتىن كۇرەسشىلەرى بولىپ، رەفورما جاساۋ وي جەلىسىمەن، جاڭالىق اشۋ ۇستانىمىمەن، ناقتى ءىس شارالارىمەن، شىڭدالعان ستيلمەن جاۋاپكەرشىلىك ارقالاپ، جاۋاپكەرشىلىگىمىزدى وتەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋىمىز كەرەك.
مەملەكەتتىك ساياسي كەڭەستىڭ مۇشەسى، شينجياڭ چىڭحىچىڭ ادۆوكات ىستەر ورنىنىڭ مەڭگەرۋشىسى پان شياۋيان مىنالاردى ءبىلدىردى: ”باس شۋجيدىڭ مەرەكەلىك سالەمى ءبىزدىڭ سەنىمىمىزدى بەكەمدەۋمەن بىرگە، ەرىك - جىگەرىمىزدى دە شىڭادى. مەن ۇزدىكسىز مىندەت وتەپ، جاۋاپكەرشىلىكتى ادا ەتىپ، مۇشەلەردىڭ ’تاپسىرماسىن‘ ويداعىداي ورىنداۋمەن بىرگە، زاڭ قىزمەتكەرى رولىمدى تولىق ساۋلەلەندىرىپ، ايەلدەردىڭ ەڭبەك جانە قوعامدىق قامتاماسىزداندىرۋ سياقتى جاقتارداعى ۇقىعىن قورعاۋ قىزمەتىنە جالعاستى كوڭىل ءبولىپ، قالىڭ ايەلدەردى زاڭمەن جونگە سالۋ وي جەلىسىن ورناتۋعا شابىتتاندىرىپ، جەتەكشىلىك ەتىپ، زاڭمەن جونگە سالۋ تانىمى مەن ءوزىن - ءوزى قورعاۋ تانىمىن ۇزدىكسىز كۇشەيتىپ، زاڭ بويىنشا ايەلدەردىڭ ۇقىق - مۇددەسىن قورعايمىن“.
تەلەۆيزوردان باس شۋجي شي جينپيڭنىڭ تىلەگىن كورگەن مەملەكەتتىك حالىق قۇرىلتايىنىڭ ۋاكىلى، تۇرپان قالالىق جەمىس ورمانى تەحنيكاسىن جالپىلاستىرۋعا قىزمەت وتەۋ ورتالىعىنىڭ ورىنباسار مەڭگەرۋشىسى ءورنيسا قادىر توتەنشە باقىتتى سەزىندى. ”ءبىر ۇيعۇر ۇلتى ايەلى بولعان مەن پارتيانىڭ قامقورلىعىندا ءوسىپ - جەتىلدىم، تاماشا تاربيە الدىم، ءوزىم سۇيەتىن قىزمەتپەن شۇعىلداندىم، وتباسى تۇرمىسىم شات - شادىمان، باقىتتى. مەن ءبىزدىڭ قوعامىمىز جاراسىمدى دا تىنىش ەكەنىن، ايەلدەردىڭ قوعامدىق ورنىنىڭ جوعارىلاعاندىعىن، ءوزىمنىڭ قۇرمەتكە يە بولعانىمدى سەزىندىم“.
ءورنيسا قادىر بىلاي دەدى: باس شۋجيدىڭ ماڭىزدى ءسوزىنىڭ رۋحىن جەتەكشى ەتىپ، ءوزىمدى ارداقتاپ، وزىمە سەنىم ارتىپ، ءوز كۇشىمە سۇيەنىپ، ءوزىمدى الۋەتتەندىرىپ، ءوزىمنىڭ ارتىقشىلىقتارىمدى ساۋلەلەندىرىپ، تۇرپاننىڭ ءجۇزىم كاسىپ سالاسىنىڭ دامۋىنا سىندارلى اقىل - كەڭەس بەرىپ، جەمىس - جيدەك شارۋالارىن عىلىم - تەحنيكادان پايدالانىپ ءجۇزىم كاسىبى سالاسىن دامىتۋعا، كىرىستى ارتتىرىپ بايۋ جولىنا تۇسۋگە باستاپ، ءتاپ - ءتاتتى ءجۇزىمدى ءار ۇلت بۇقاراسىنىڭ دوڭگەلەك داۋلەتكە ۇمتىلاتىن باقىت جەمىسىنە اينالدىرامىن!
(ءتىلشى جاڭ يۇنمەي، قاتىناسقان تىلشىلەر لياڭ ليحۋا، گى يوۋجۇن، سۋ لۋپيڭ، حان چينيان، ۋاڭ يۇيجاۋ، چىن چياڭۋي، شى چين، ەرىكتى ءتىلشى ما ۋىنجيڭ)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
