شي جينپيڭ ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا بىلاي دەپ دارىپتەدى
«14 - بەسجىلدىق» جوبا مەزگىلىندەگى مەملەكەت قورعانىسى مەن ارميا قۇرىلىسىنىڭ تاماشا باستاماسىن جۇزەگە اسىرىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن ەرەن ناتيجەلەرمەن قارسى الۋ كەرەك
2021.03.10 16:13 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 9 - كۇنى، بەيجيڭ (تىلشىلەر لي شۋانلياڭ، مەي شىشيۇڭ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 9 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قاتىناسىپ جاتقان ازاتتىق ارميا جانە قارۋلى ساقشى اسكەري بولىمدەرى ۋاكىلدەر ۇيىرمەسىنىڭ جالپى جيىنىنا قاتىناسقاندا مىنالاردى دارىپتەدى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، «14 - بەسجىلدىق» جوبا باستالعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعى باستالعان جىل، سونداي - اق مەملەكەت قورعانىسى مەن ارميانى وسىزامانداندىرۋداعى جاڭا «3 قادامدىق» جوبانىڭ العاشقى جىلى. بۇكىل ارميا جاۋاپكەرلىك ارقالاۋدى كۇشەيتىپ، ناقتى ءىس ىستەۋ رۋحىن ساۋلەلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، ءتۇرلى قىزمەتتەردى تىڭعىلىقتى ىستەپ، «14 - بەسجىلدىق» جوبانىڭ تاماشا باستاماسىن جۇزەگە اسىرۋعا كەپىلدىك ەتىپ، پارتيا قۇرىلعانىنىڭ 100 جىلدىعىن ەرەن ناتيجەلەرمەن قارسى الۋى كەرەك.
ماجىلىستە فاڭ شياڭ، شين ي، چي حۋگۋاڭ، شياۋ دۇڭسۇڭ، ۋاڭ حۇيچيڭ، ۋاڭ چيفان قاتارلى 6 ۋاكىل جەكە - جەكە ءسوز سويلەپ، مەملەكەت قورعانىسى عىلىم - تەحنيكاسىندا جاڭالىق اشۋدى جەدەلدەتۋ، جاڭا وڭىرلىك، جاڭا ساپاداعى سوعىس كۇشتەرىن دامىتۋ، سەرجانت تۇزىمىندە جاڭالىق اشۋ، دارىندىلار قىزمەتىندە جاڭالىق اشۋ، ارميامىز قۇرىلىسىنىڭ جىلدىق جوسپارىن تياناقتاندىرۋدى مىقتى يگەرۋ، ارميامىزدىڭ مال - مۇلكىن باسقارۋ ونىمدىلىگىن جوعارىلاتۋ سياقتى ماسەلەلەر جونىندە پىكىر جانە ۇسىنىس بەردى.
ۋاكىلدەردىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول الدىمەن وتكەن ءبىر جىلداعى مەملەكەت قورعانىسى مەن ارميا قۇرىلىسىندا قول جەتكەن تابىستاردى تولىق تۇراقتاندىردى. شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى توسىننان تۋىلعان، ەل ءىشى - سىرتى جاعدايى قىم - قۋىت كۇردەلى بولىپ وتىرعان جاعدايدا بۇكىل ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىم، ورنالاستىرۋلارىن دايەكتىلەندىرىپ، ىندەتكە پارمەندى سوققى بەرىپ، اسكەر جاتتىقتىرۋدى، سوعىسقا دايىندالۋدى كۇشەيتىپ، رەفورمانى ۇزدىكسىز تەرەڭدەتىپ، جوبانىڭ تياناقتانۋىن مىقتى يگەرىپ، مەملەكەت قورعانىسى مەن ارميا قۇرىلىسىنىڭ 2020 - جىلعى نىسانا - مىندەتتەرىن نەگىزىنەن جۇزەگە اسىرىپ، پارتيا مەن حالىق جۇكتەگەن ءتۇرلى مىندەتتەردى تىڭعىلىقتى ورىندادى.
شي جينپيڭ جوبانىڭ اتقارىلۋىمەن ۇشتاستىرىپ، «14 - بەسجىلدىق» جوبا مەزگىلىندەگى مەملەكەت قورعانىسى مەن ارميا قۇرىلىسىن باستاۋ قىزمەتىن ويداعىداي ىستەۋ جونىندە تالاپ قويدى. ول مىنالاردى دارىپتەدى: پارتيا ورتالىق كوميتەتى مەن ورتالىق اسكەري ىستەر كوميتەتىنىڭ بەكىمىن، ماقساتىن تەرەڭ ءتۇسىنىپ، نازاردى ارميا قۇرىلعانىنىڭ 100 جىلدىعىن قارسى الۋداعى كۇرەس نىساناسىن جۇزەگە اسىرۋعا شوعىرلاندىرىپ، ارميامىز قۇرىلىسىنىڭ «14 – بەسجىلدىق» جوبا، ورنالاستىرۋىن مىقتاپ ارقاۋ ەتىپ قىزمەتتى جوسپارلاۋ جانە ىلگەرىلەتۋ كەرەك. سوعىس ارقىلى قۇرىلىس جۇرگىزۋدە تاباندى بولىپ، سوعىس ارقىلى ءبىر تۇتاس جوسپارلاۋدى كۇشەيتىپ، ستراتەگيالىق، جەتەكشىلىك، نەگىزدىك كەلەلى ينجەنەريالاردى جەدەل ىلگەرىلەتىپ، جوعارى دەڭگەيدەگى ستراتەگيالىق سەس كورسەتۋ جانە بىرلەسىپ سوعىس جۇرگىزۋ جۇيەسىن جەدەل قالىپتاستىرۋ كەرەك. جاۋاپكەرلىك سەزىمدى، كوكەي تەستىلىك سەزىمدى، ىرىقتىلىقتى كۇشەيتىپ، ارميامىز قۇرىلىسىنىڭ جىلدىق جوسپارىندا ورنالاستىرىلعان ءتۇرلى قىزمەتتەردى العا ىلگەرىلەتىپ، ناقتى يگەرىپ، ەرتەرەك تياناقتاندىرىپ، ناتيجە شىعارۋعا كەپىلدىك ەتۋ كەرەك.
شي جينپيڭ مىنالاردى اتاپ كورسەتتى: قوزعاۋشى كۇشتە جاڭالىق اشۋدى كۇشەيتىپ، اناعۇرلىم زور تەبىنمەن، اناعۇرلىم ناقتى شارالارمەن عىلىم - تەحنيكادا ءوز كۇشىنە سۇيەنىپ الۋەتتەنۋدى جەدەلدەتىپ، عىلىم - تەحنيكانىڭ ارميامىز قۇرىلىسىنداعى ستراتەگيالىق تىرەكتىك رولىن تولىق ساۋلەلەندىرۋ كەرەك. عىلىم - تەحنيكادا قۇدىرەتتى ەل بولۋ قۇرىلىسىنىڭ اياق الىسىنا تىعىز ىلەسىپ، مەملەكەت قورعانىسى عىلىم - تەحنيكاسىندا جاڭالىق اشۋدىڭ ورنالاسۋىن جانە قورشاعان ورتا شارت - جاعدايىن ساپالىلاندىرىپ، ءار جاقتاعى ابزالدىققا يە كۇشتەر مەن بايلىقتاردان ويداعىداي، تولىق پايدالانىپ، مەملەكەت قورعانىسى عىلىم - تەحنيكاسىندا جاڭالىق اشۋ قابىلەتى مەن دەڭگەيىن بارىنشا جوعارىلاتۋ كەرەك. بەلگىلەنگەن ورنالاستىرۋ بويىنشا مەملەكەت قورعانىسى مەن ارميا رەفورماسىن تىڭعىلىقتى ىلگەرىلەتىپ، رەفورمانىڭ ونىمدىلىگىن ۇزدىكسىز ساۋلەلەندىرۋ كەرەك. جاڭالىق جاراتۋدىڭ نەگىزى دارىندىلاردا. ستراتەگيالىق جوسپارلاۋدى كۇشەيتىپ، وي جەلىسى مەن ۇستانىمدا جاڭالىق اشىپ، ناقتى شارالار قولدانىپ، ارميامىزدىڭ دارىندىلار قىزمەتىن زور قاداممەن ىلگەرىلەتۋ كەرەك.
شي جينپيڭ مىنانى دارىپتەدى: ستراتەگيالىق باسقارۋدى كۇشەيتىپ، نىسانداردى دالەلدەۋ ءتاسىلى مەن نىسان بەلگىلەۋدى تەكسەرىپ بەكىتۋ ءتارتىبىن ساپالىلاندىرىپ، كەلەلى نىسانداردى ءبىر تۇتاس جوسپارلاپ تىزگىندەۋدى كۇشەيتۋ كەرەك. جوبا - جوسپاردىڭ بەدەلى مەن اتقارۋ قۋاتىن كۇشەيتىپ، جاۋاپكەرلىك جۇيەسىن، ۋاقىت ءتۇيىنىن، ساپا ولشەمىن قاتايتىپ، باعالاۋ جانە باقىلاۋ - باسقارۋ تەبىنىن ارتتىرىپ، جوبا - مىندەتتەردىڭ ءونىمدى تياناقتانۋىن قۋزاۋ كەرەك. ارميامىزدىڭ وسىزامانعى مال - مۇلىكتى باسقارۋ جۇيەسى قۇرىلىسىن ىلگەرىلەتىپ، مال - مۇلىكتى جانداندىرىپ، ويداعىداي پايدالانىپ، باسقارۋدىڭ، پايدالانۋدىڭ ونىمدىلىگىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر پارتيا مەن مەملەكەتتىڭ ورنالاستىرۋلارى مەن تالاپتارىن مۇقيات تياناقتاندىرىپ، مەملەكەت قورعانىسى قۇرىلىسى سالاسىنداعى ارقالاعان قىزمەت جاۋاپكەرلىگىن ويداعىداي اتقارۋى كەرەك. ارميا حالىقتى ءسۇيۋ، حالىق ارميانى قولداۋ داڭقتى ءداستۇرىن ساۋلەلەندىرىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەپ جانە دامىتىپ، مەملەكەتتى، ارميانى قۇدىرەتتەندىرۋدىڭ قۇدىرەتتى كۇشىن توپتاۋ كەرەك.
شي جينپيڭ سوڭىندا مىنالاردى دارىپتەدى: قازىر ەلىمىزدىڭ حاۋىپسىزدىك جاعدايىندا ورنىقسىزدىق، تۇراقسىزدىق ءبىرشاما زور، بۇكىل ارميا قۇرىلىس پەن سوعىسقا دايىندالۋ قاتىناسىن ءبىر تۇتاس جوسپارلاپ، ءتۇرلى كۇردەلى، قيىن جاعدايعا كەز كەلگەن ۋاقىتتا توتەپ بەرۋگە ويداعىداي دايىندالىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، جاپپاي سوتسياليستىك وسىزاماندانعان مەملەكەت قۇرۋعا پارمەندى تىرەك ازىرلەۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭ ءماجىلىستى باسقاردى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى جاڭ يوۋشيا، ورتالىق اسكەري ىستەر كوميتەتىنىڭ مۇشەلەرى ۋەي فىڭحى، لي زوچىڭ، مياۋ حۋا، جاڭ شىڭمين ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
