شينجياڭ ۋاكىلدەر ۇيىرمەسى باس شۋجي شي جينپيڭنىڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزىنىڭ رۋحىن ارناۋلى جەتكىزدى، ۇيرەندى
جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، حالىق تۇرمىسىمەن تىعىز بايلانىستىرۋعا تاباندى بولىپ، جوعارى ساپالى دامۋدى ىلگەرىلەتۋ كەرەك
چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، ۋاڭ جۇنجىڭ قاتىناستى
2021.03.10 16:39 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ تىلشىلەرى ياۋ تۇڭ، لي ياڭ 3 - ايدىڭ 8 - كۇنى بەيجيڭنەن حابارلايدى. 3 - ايدىڭ 8 - كۇنى 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندەگى شينجياڭ ۋاكىلدەر ۇيىرمەسى باس شۋجي شي جينپيڭنىڭ چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا سويلەگەن ماڭىزدى ءسوزىنىڭ رۋحىن ارناۋلى جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.
مەملەكەتتىك حالىق قۇرىلتايىنىڭ ۋاكىلدەرى ەركىن يمىرباقى، شوكىرات زاكىر، شاۋكەت يمىن، سۇن جينلۇڭ، نايىم ياسىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار ماجىلىسكە قاتىناستى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ەكولوگيانى الدىمەن ويلاستىرۋعا تاباندى بولۋ، جوعارى ساپالى دامۋدى ىلگەرىلەتۋ، جوعارى ساپالى تۇرمىس جاراتۋ ورنالاستىرۋىن شىن مانىندە ناقتى، ەگجەي - تەگجەيلى تياناقتاندىرىپ، شينجياڭنىڭ ءىس جۇزىندىگىنە ۇيلەسەتىن جوعارى ساپالى دامۋ جولىمەن جۇرۋگە قۇلشىنۋ كەرەك.
ءبىرىنشى، يدەيالىق تانىمدى تەرەڭدەتىپ، دايەكتىلەندىرۋ، تياناقتاندىرۋ سانالىلىعىن كۇشەيتۋ كەرەك. جوعارى ساپالى دامۋدىڭ ەكونوميكالىق، قوعامدىق دامۋدىڭ ءار سالاسىنا قويىلعان باس تالاپ بارلىق وڭىرلەردىڭ دامۋىندا، ءسوزسىز، دايەكتىلەندىرۋگە ءتيىستى تالاپ، ءسوزسىز، ۇزاق ۋاقىت تاباندى بولۋعا ءتيىستى تالاپ ەكەندىگىن جەتە تانىپ، شينجياڭنىڭ ءىس جۇزىندىگىمەن تىعىز ۇشتاستىرىپ، وسكەلەڭ يدەيالىق سانالىلىقپەن، ساياسي سانالىلىقپەن، ارەكەت سانالىلىعىمەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋ كەرەك.
ەكىنشى، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتۋ كەرەك. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، حالىقتى وزەك ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭالىق اشۋ ارقىلى دامۋعا دەم بەرۋ ستراتەگياسىن دايەكتىلەندىرىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتىپ، ەرەكشە، باسىم كاسىپ سالالارىن جەتىلدىرىپ، زورايتىپ، وڭىرلەردىڭ سايكەسە دامۋىن ىلگەرىلەتىپ، رەفورما جاساۋدى، ەسىك اشۋدى ۇزدىكسىز تەرەڭدەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، جەرگىلىكتى ەرەكشەلىكتى ايگىلەيتىن وسىزاماندانعان ەكونوميكالىق جۇيە ورناتىپ، جوعارى ساپالى دامۋ ارقىلى ”14 - بەسجىلدىقتا“ جاقسى باستاما اشۋ كەرەك.
ءۇشىنشى، ەكولوگيالىق ورتانى قورعاۋدى كۇشەيتىپ، كورىكتى شينجياڭ قۇرۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، مەملەكەت جەرى كەڭىستىگىن اشۋ، قورعاۋ ارناسىن ساپالىلاندىرىپ، نەگىزگى تۇلعالىق فۋنكتسيالىق ءوڭىر جايعاسۋىن قاتاڭ تياناقتاندىرىپ، لاستانۋدان ساقتانۋ جانە ونى تىزگىندەۋدەن قامال الۋ شايقاسىن ۇزدىكسىز ويداعىداي جۇرگىزىپ، ءتۇيىندى كاسىپتەردى، ءتۇيىندى سالالاردى جاسىل باعىتقا وزگەرتۋ تەبىنىن ارتتىرىپ، تاۋدى، سۋدى، ورماندى، ەگىنجايدى، كولدى، جايلىمدى، قۇمدى جۇيەلى جونگە سالۋدى ءبىر تۇتاس جوسپارلاپ، ەكولوگيالىق ساياحاتتى دامىتۋ مەن ەكولوگيالىق ورتانى قورعاۋدىڭ قاتىناسىن دۇرىس ءبىر جاقتى ەتىپ، ەكولوگيانى قورعاۋدىڭ قىزىل سىزىعىن باتىل ساقتاپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.
ءتورتىنشى، حالىقتى وزەك ەتۋگە تاباندى بولىپ، حالىق تۇرمىسىنىڭ ىرىس - قۇتىن مولايتۋ كەرەك. ەڭ كەڭ حالىق بۇقاراسىنىڭ ءتۇبىرلى مۇددەسىن قاي - قاشان دا كوكەيدە ساقتاپ، جوعارى ساپالى دامۋدى حالىقتىڭ تاماشا تۇرمىس قاجەتىن قاناعاتتاندىرۋمەن تىعىز ۇشتاستىرىپ، حالىق تۇرمىسىنداعى ولقىلىقتاردى تولىقتاپ، حالىق تۇرمىسىنداعى قيىن ماسەلەلەردى شەشىپ، حالىق تۇرمىسىنىڭ تومەنگى شەگىن مىقتاپ قامتاماسىز ەتىپ، حالىق تۇرمىسىنداعى ناقتى ىستەردى ويداعىداي ىستەپ، الەۋمەتتىك قىزمەت وتەۋدىڭ قولجەتىمدىلىگى مەن بىركەلكىلىك دەڭگەيىن جوعارىلاتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋ ستراتەگياسىن جاپپاي اتقارىپ، كورىكتى دە جايلى، شارۋاشىلىعى شالقىعان، حالقى بەرەكەلى سوتسياليستىك جاڭاشا اۋىل - قىستاقتى جەدەل قۇرۋ كەرەك.
بەسىنشى، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلتتىڭ ۇلى ىنتىماعىن جەبەۋ كەرەك. پارتيانىڭ ۇلت ساياساتى مەن ءدىن ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن كۇشەيتىپ، ۇلتتار ىنتىماعى بەرەكەلى شاڭىراعى جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ىشكەرىلەي ورىستەتىپ، ءار ۇلتتىڭ كەڭىنەن ارالاسۋىن، جان - جاقتى ىشتەسۋىن، تەرەڭ توعىسۋىن جەبەپ، جۇڭحۋا ۇلتى ورتاق تۇلعا تانىمىن كوڭىلگە تەرەڭ ۇيالاتۋ كەرەك.
التىنشى، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، اۋەلگى ماقسات پەن بورىشتى بەكەمدەۋ كەرەك. پارتيانىڭ جاسامپاز نازاريالارىن جەتە ۇيرەنۋدى، جەتە ءتۇسىنۋدى، شىنايى تياناقتاندىرۋدى تىعىز ارقاۋ ەتىپ، پارتيا تاريحىن ۇيرەنۋدى جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋمەن ساباقتاستىرۋعا تاباندى بولىپ، تاريحتى ۇيرەنۋ ارقىلى قاعيدانى ءتۇسىنىپ، تاريحتى ۇيرەنۋ ارقىلى سەنىمدى ارتتىرىپ، تاريحتى ۇيرەنۋ ارقىلى ءمورالدى اسقاقتاتىپ، تاريحتى ۇيرەنۋ ارقىلى ۇمتىلا ىستەپ، كۇرەس جۇرگىزۋ رۋحىن كۇشەيتىپ، كۇرەس جۇرگىزۋ ونەرىن جوعارىلاتىپ، جاپپاي سوتسياليستىك وسىزاماندانعان مەملەكەت قۇرۋ ۇلى امالياتىندا ەڭبەك كورسەتىپ، ۇلەس قوسۋ كەرەك.
مەملەكەتتىك حالىق قۇرىلتايىنىڭ ۋاكىلدەرى شى داگاڭ، پىڭ جيارۇي، عانيبات سابىكەي، جۋ حايلۇن، ءزۇمىرات وبۇل، مۇقيات جارمۇقامەت، ابدۇرىقىپ ءتومۇرنياز، ءدىلشات قىدىرقان قاتارلىلار ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
