سۇيكىمدى حايۋاناتتان قالعان باعالى ءىز
شينجياڭدا قازىرگە دەيىنگى ەڭ كىشكەنە ستەگوزاۆر تەكتەس دينوزاۆردىڭ ءىزىنىڭ تاسقا اينالعان قالدىعى بايقالدى
2021.03.11 15:09 كەلۋ قاينارى : حالىق تورابى
شينجياڭ گازەتىنىڭ 3 – ايدىڭ 10 – كۇنى ۇرىمجىدەن بەرگەن حابارى. انار بۇلتى / شينجياڭ گازەتى ءتىلشىسى جاۋ مەي حابارلايدى: 120 ميلليون جىلدىڭ الدىندا، بالا ستەگوزاۆر جان – جاعىنا جالتاڭداي قاراپ، اناسىمەن بىرگە كولشىكتەن سۋ ىشۋگە، ازىق تاۋىپ جەۋگە كەلە جاتقانداعى ەلەۋسىز ىزدەرى عانا قالادى ... بۇگىنگى تاڭدا، ۇزىندىعى 5.7 سانتيمەتر كەلەتىن وسى اياق ءىزى جۇڭگولىق – شەتەلدىك ارحەولوگتاردى جەلپىندىرۋدە: بۇل دۇنيە جۇزىندە قازىرگە دەيىن بايقالعان ەڭ كىشكەنە ستەگوزاۆر تەكتەس دينوزاۆردىڭ ءىزىنىڭ تاسقا اينالعان قالدىعى. ولار دينوزاۆردىڭ بەينەسىن سۋرەت ارقىلى قايتا قالپىنا كەلتىرىپ، وسى كىشكەنە ستەگوزاۆردىڭ سۇيكىمدى بەينەسىن قايتا كورسەتتى.
جۇڭگولىق – شەتەلدىك ارحەلوگتار 3 – ايدىڭ 9 – كۇنى بەيجيڭدە ولاردىڭ شينجياڭ قارامايلى قالاسى ورحى رايونىنان قازىرگە دەيىنگى دۇنيە ءجۇزى بويىنشا ەڭ كىشكەنە ستەگوزاۆر تەكتەس دينوزاۆردىڭ اياق ءىزىنىڭ تاسقا اينالعان قالدىعىن بايقاعانىن جاريالادى.
ءتىلشىنىڭ اتالعان اياق ءىزىنىڭ تاسقا اينالعان قالدىعىن زەرتتەۋشى، جۇڭگو گەولوگيا داشۋەسىنىڭ (بەيجيڭ) دوتسەنتى شيڭ ليدامەن حابارلاسىپ ۇعىسۋىنشا، بۇل بايقاۋ ادامداردىڭ ەرتە بور داۋىرىندەگى سول جەردەگى دينوزاۆر حايۋانات توبىنىڭ الۋان تۇرلىلىگىن، ستەگوزاۆر تەكتەستەردىڭ ءوسىپ - جەتىلۋ بارىسىن، سونداي – اق، قاتىستى بايىرعى ورتا ينفورماتسيالارىن اناعۇرلىم ويداعىداي ۇعىنۋىندا ماڭىزدى رول اتقارادى.
شيڭ ليدانىڭ تانىستىرۋىنشا، ستەگوزاۆر تەكتەستەر ءتورت اياعىمەن جۇرەتىن وسىمدىك قورەكتى دينوزاۆرگە جاتادى. ولاردىڭ دەنە تۇرقى ءىرى بولعانىمەن، باسى كىشكەنە بولادى، ەكى قاتار بيىك كەلگەن ءىرى تاقتا سۇيەك ومىرتقاسىن بويلاي وسەدى، بۇل بەينە ءۇي توبەسىندەگى قاڭىلتاق كەرپىش سياقتى. قۇيرىعىنىڭ ۇشىندە قورعانىسقا پايدالاناتىن 4 قىلقانى بار. ستەگوزاۆر تەكتەس دينوزاۆرلەردىڭ تاسقا اينالعان قالدىعى كوبىنشە سولتۇستىك جارتى شاردان، وتە – موتە، ا ق ش پەن جۇڭگودان بايقالادى. ستەگوزاۆر تەكتەستەر يۋرا ءداۋىرىنىڭ سوڭعى مەزگىلىندە كوپتەگەن تۇرلەرگە اينالعان، مۇندا جۇڭگو توجياڭ دينوزاۆرى، شىعىس افريكا شەگەشە دينوزاۆرى، ەۆروپا لەسۆيس دينوزاۆرى جانە ا ق ش – نىڭ ستەگوزاۆرى قاتارلىلار، الايدا،تەك از سانداعى ستەگوزاۆرلەر بور ءداۋىرىنىڭ باستاپقى كەزىنە دەيىن جاساعان، مۇنىڭ تيپتىك ۆاكىلى — قارامايلى تۇگۋل جەر قىرتىسىنان بايقالعان ورقى ستەگوزاۆرى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
