قورا - قورا قويلاردىڭ شۇبىرعان بەينەسى شىنىمەن كىسىنى جەلپىندىرەدى!

2021.03.11 15:24   كەلۋ قاينارى : حالىق تورابى

　　2000 نەشە باس قوي مۇز قاتقان كول ۇستىندە ٴبىر ىزبەن شۇباپ بارادى...

　　مالشىلار ەكى جاعىنان قويلاردى قايىرماقتاۋدا. ولار ابىرجىپ تۇرعانىمەن، كوزدەرىندە ٴۇمىت وتى ۇشقىندايدى.

　　مىڭ جىلعا اياق باسقان بۇل ٴداستۇر − عاسىرلار بويى مال شارۋاشىلىعىمەن شۇعىلدانىپ كەلە جاتقان تۇبا قىستاعىنداعىلاردىڭ كوكتەمدى قارسى الۋى ەدى.

　　تۇبا قىستاعى شيزاڭنىڭ شاننان قالاسى لاڭكازى اۋدانىنا ورنالاسقان، تەڭىز دەڭگەيىنەن 5070 مەتر بيىك، الەمدەگى تەڭىز دەڭگەيىنەن ەڭ بيىك اكىمىشىلىك قىستاقتاردىڭ ٴبىرى.

　　تەڭىز دەڭگەيىنەن بيىك بولعاندىقتان جاز ماۋسىمى قىسقا كەلەتىن تۇبا قىستاعىنىڭ جايىلىمى 41 مالشى وتباسىنىڭ مالىن قىسقى جەپ - شوپپەن تولىق قامداي المايدى. «قور قىزىنىڭ كوز جاسى» دەپ اتالاتىن ماپاڭيوتسۋ كولىنىڭ ورتاسىندا ٴبىر ارال بار. ادام از باراتىندىقتان، بۇل جەر دۇنيەدەن وقشاۋلاۋ قالعان، سۋ - ٴشوبى مول كەلەدى.

　　ٵر جىلى ٴۇستىرتتىڭ ەڭ سۋىق ماۋسىمدارىندا ماپاڭيوتسۋ كولىنە مۇز قاتادى.

　　سونىمەن تۇبا قىستاعىنىڭ مالشىلارى قويىن كول ورتاسىنداعى ارالعا وتارلاتىپ، قىلىشىن سۇيرەتىپ كەلگەن قىستى وتكىزەدى. كوكتەم كەلىسىمەن، كول بەتىندەگى مۇز ەرمەي تۇرىپ، وڭتايلى كۇندى تاڭداپ قويلارىن قايتادان ايداپ اكەلەدى، ٴسويتىپ كوكتەمنىڭ كەلۋىن قارسى الادى.

　　تۇبا قىستاعىنىڭ كوكتەمى كول بەتىندەگى مۇزدىڭ ەرۋىمەن بىرگە كەلەدى.

　　قويلاردى وتاردان قايتارۋ قىستاقتاعى ۇلكەن جۇمىس سانالادى.

　　مالشى جاشي جول باستايتىن قويدى الدىمەن وتكىزدى. ول ٴبىر قوزىنى قۇشاقتاپ مۇز بەتىنە الدىمەن ٴجۇردى، سوڭىنان قويلار اقىرىن - اقىرىن ەرە باستادى.

　　500 مەتردەن استام ۇزاققا شۇباعان قورالى قوي وسى ٴبىر سۋى تۇنىق، ٴشوبى شۇيگىن ارالدان كەتە باستادى.

　　وسى كەزدە مالشىلار دا ابىرجي باستايدى، ولار مۇزدى ارالدان تەز ٵرى امان - ەسەن ٶتۋى كەرەك.

　　جول بويى كەيبىر قوي الدىعا جۇرۋدەن قورعانادى، مونداي كەزىندە مالشىلاردىڭ اقىرىن يتەرۋىنە تۋرا كەلەدى؛ كەيبىر قوزىلار « ىشەكتەي شۇباتىلعان شيىردان» تايىپ مۇز بەتىنە قۇلايدى، مۇنداي كەزدە مالشىلار ولاردى ٴبىراز جەرگە كوتەرىپ جۇرەدى.

　　كولدەگى ارالدا تۋىلعان 20 قوزى مالشىلاردىڭ ەرەكشە قورعاۋىندا بولدى.

　　قورالى قوي جول ورتاعا كەلگەندە كۇن كوتەرىلە باستايدى، ماپاڭيوتسۋدىڭ ٴتورت تارابىنداعى قارلى تاۋ التىن نۇرعا مالىنىپ، كوركەم كورىنىسى ٴتىل جەتكىزسىز سۋرەتكە اينالادى.

　　2018 - جىلى، وسى بايىرعى قىستاق كەدەيىلىك قالپاعىن الىپ تاستادى. وتكەن جىلى بۇكىل قىستاقتاعىلاردىڭ كىسى باسىندىق وزدەرى مەڭگەرەتىن ورتاشا كىرىسى 16598 يۋانعا جەتىپ، قىستاق تۇرعىنداردى بۇكىلدەي زاڭزۋ ۇلگىسىندەگى جاڭا ۇيگە كوشىپ كىردى.

　　ٴبىر ساعاتتان استام جۇرگەن سوڭ جول باستاۋشى قويعا ەرگەن قويلار جاعاعا جەتتى. ولارمەن بىرگە كوكتەم لەبى دە جەتكەندەي بولدى.

　　ەڭ سوڭعى قويدىڭ مۇز بەتىنەن شىعۋىمەن وسى ٴبىر ۇزىننان - ۇزاققا سوزىلعان كوش تە قىسقا قوش ايتىپ، كوكتەمدى قارسى الدى.

　　2019 - جىلدىڭ سوڭىنا دەيىن، شيزاڭداعى 74 كەدەي اۋدان – ايماق كەدەيلىك قالپاعىن الىپ تاستادى، 628 مىڭ ارحيۆ تۇرعىزىلىپ، كارتچكا بەرىلگەن كەدەي جان سانى كەدەيلىكتەن ارىلدى، كەدەي جان سانىنىڭ كىسى باسىندىق ورتاشا تازا كىرىسى 2015 - جىلعى 1499 يۋاننان 2019 - جىلى 9328 يۋانعا جەتتى.

　　ەڭبەگىڭ قاتتى بولسا، تاتقانىڭ ٴتاتتى بولار دەگەن، مىنەكي جادىراعان كوكتەم دە كەلدى!

　　كەلۋ قاينارى: شينحۋا اگەنتتىگى، اۋدارىپ دايىنداعان: حالىق تورابىنىڭ قازاقشا ارناسى