اۋقىمعا قاراي ورگە ۇمتىلىپ، جاڭا ساپاردى باستايىق (باسماقالا)
− مەملەكەتتىك ساياسي كەڭەس 13 - كەزەكتى كوميتەتى 4 - ءماجىلىسىنىڭ تابىسپەن جابىلعانىن قىزۋ قۇتتىقتايمىز
2021.03.11 16:27 كەلۋ قاينارى : حالىق تورابى
بايتاق دالا جاسىل جەلەك جامىلىپ، ءۇمىت ۇشقىنىن اڭعارتادى. العا باسۋعا دەم بەرەتىن كوكتەمدە مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى ماڭىزدى تاپسىرمانى ورىنداپ، بورىشتى ادا ەتىپ، ءتۇرلى كەڭەستىك تارتىپتەرىن تابىسپەن ورىنداپ، 3 - ايدىڭ 10 - كۇنى بەيجيڭدە تابىسپەن جابىلدى. ءبىز ءماجىلىستىڭ تابىستى بولعانىن قىزۋ قۇتتىقتايمىز!
بۇل دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس بولدى. ءماجىلىس كەزىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى گرۋپپالارعا ىشكەرىلەي ارالاسىپ، بىرىككەن گرۋپپا ماجىلىسىنە قاتىناسىپ، پىكىر - ۇسىنىستاردى تىڭداپ، مۇشەلەرمەن بىرگە مەملەكەت ءىسىن اقىلداسىپ، دامۋدى بىرگە قاراستىردى. قالىڭ ساياسي كەڭەس مۇشەلەرى مىندەتىن مۇقيات اتقارىپ، جاۋاپكەرلىگىن قۇلشىنا ادا ەتىپ، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتىنىڭ جاعدايى جونىندەگى باياندامانى تىڭدادى جانە قارادى، 13 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە سىرتتاي قاتىناسىپ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭدادى جانە تالقىلادى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسىنىڭ جوباسىن تالقىلادى، قۇپتايتىندىقتارىن ءبىلدىردى ءارى قۇندى پىكىرلەر مەن ۇسىنىستاردى العا قويدى. كوپشىلىك شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋدى ءبىر اۋىزدان قۇپتادى جانە باتىل قولدادى. ريتىمى تەز، مىندەتى اۋىر جاعدايدا بارلىق مۇشە جوعارى ولشەمدە، جوعارى تالاپتا، جوعارى ونىمدىلىكتە تاباندى بولىپ، قۇجاتتاردى مۇقيات قاراپ، ىشكەرىلەي كەڭەسىپ، پىكىر اۋىستىرىپ، بەلسەنە اقىل - كەڭەس بەرىپ، ورتاق تانىمدى كەڭىنەن ۇيىستىرىپ، ارناۋلى كەڭەس قۇرىلىمىنىڭ مەملەكەتتى جونگە سالۋ جۇيەسىندەگى ماڭىزدى رولىن تولىق ايگىلەپ، جۇڭگوشا سوتسياليستىك دەموكراتيالىق ساياسيدىڭ ومىرشەڭدىك كۇشىن تولىق ايگىلەدى.
بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى، سونداي - اق «14 – بەسجىلدىق» جوبانى اتقارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان ءبىرىنشى جىل. «14 – بەسجىلدىقتىڭ» ايبىندى جورىعىنا كوز جىبەرسەك، ۋاقىت پەن اۋقىم ءبىز جاقتا، بۇل − ءبىزدىڭ تۇراقتىلىق پەن كۇش جىگەرىمىزدىڭ تياناعى، سونداي - اق بەكىمىمىز بەن سەنىمىمىزدىڭ تياناعى. سونىمەن بىرگە، مىنانى دا سەرگەكتىكپەن كورە ءبىلۋىمىز كەرەك: قازىر جانە بۇدان بىلايعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرعانىمەن، وراي مەن سىن - سايىستا تىڭ دامۋ وزگەرىسى بار. العا باسۋ جولىنداعى حاۋىپ - قاتەر مەن سىن - سايىستى جەڭىپ، «14 – بەسجىلدىق» جوبا مەن 2035 - جىلعا دەيىنگى ۇزاق بولاشاقتىق نىسانانى جۇزەگە اسىرۋدا، ءسوز جوق، پارتيانىڭ جاپپاي باسشىلىق ەتۋىندە تاباندى بولىپ، بارلىق بەلسەندى فاكتوردى تولىق جۇمىلدىرىپ، ىنتىماقتاسۋعا بولاتىن بارلىق كۇشپەن كەڭ كولەمدە ىنتىماقتاسىپ، دامۋدى ىلگەرىلەتەتىن قۇدىرەتتى بىرىككەن كۇش قالىپتاستىرۋ كەرەك. پارتيانىڭ ءتۇرلى قىزمەتكە باسشىلىق ەتۋىندە تاباندى بولۋدىڭ جانە ونى كۇشەيتۋدىڭ ماڭىزدى شەبى، پارتيانىڭ جاڭالىق اشۋ نازارياسى ارقىلى ءار ۇلت، ءار سالا ۋاكىل قايراتكەرلەرىن ىنتىماقتاستىرۋدىڭ، جەتەكتەۋدىڭ ماڭىزدى تەكشەسى، ورتاق يدەيالىق ساياسي نەگىزدە قايشىلىقتاردى شەشۋدىڭ جانە ورتاق تانىم ۇيىستىرۋدىڭ ماڭىزدى ارناسى رەتىندە حالىق ساياسي كەڭەسى سيپاتى مەن ورنىن دۇرىس يگەرىپ، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ، مىندەت اتقارىپ، جاۋاپكەرلىكتى ادا ەتىپ، اقىل - كەڭەس بەرۋ جانە ورتاق تانىم ۇيىستىرۋ قىزمەتىن جاقسى ىستەپ، مىندەتىن جوعارى دەڭگەيدە اتقارىپ، ساپالى دامۋعا قىزمەت وتەپ، «14 - بەسجىلدىق» جوبادا جاقسى باستاما باستاپ، جاقسى قادام تاستاۋعا كوپتىڭ اقىل - پاراساتىن، كۇش - قۋاتىن شوعىرلاندىرۋى كەرەك.
جاڭا ءداۋىر جاڭا مىندەت جۇكتەدى، جاڭا ساپاردا جاڭا ىسكەرلىك بولۋ كەرەك. حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ كەزەڭىن يگەرۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ جاعدايىن ورناتۋدى ارقاۋ ەتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ دەڭگەيىن ۇزدىكسىز جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، ج ك پ ورتالىق كوميتەتىنىڭ شەشىم، ورنالاستىرۋلارىن جانە حالىق ساياسي كەڭەسىنىڭ قىزمەت تالابىن تياناقتاندىرۋ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرلىكتى شىنايى ارقالاۋى كەرەك. قالىڭ ساياسي كەڭەس مۇشەلەرى مەملەكەت ءۇشىن مىندەت اتقارۋ، حالىق ءۇشىن بورىشىن وتەۋ سۇيىسپەنشىلىگىنەن جازباي، قىزمەت قابىلەتىن ۇزدىكسىز جوعارىلاتىپ، جاۋاپكەرلىكتى كوڭىلدە ساقتاپ، جاۋاپكەرلىكتى ارقالاپ، جاۋاپكەرلىكتى ارەكەتتە ادا ەتىپ، حالىق ساياسي كەڭەسى ءتۇزىمىنىڭ جاقسى ات سالىسۋشىلارى، امالياتتا ايگىلەۋشىلەرى، ىلگەرىلەتۋشىلەرى بولىپ، وتان ءۇمىتىن اقتاۋ مۇراتىن، حالىق ءۇشىن قىزمەت ىستەۋ سەزىمىن مىندەت وتەۋمەن اناعۇرلىم ويداعىداي ۇشتاستىرىپ، جاڭا بورىش ارقالاپ، جاڭا داڭققا قول جەتكىزىپ، تىڭ ۇلەس قوسۋى كەرەك.
ءبىر نيەت، ءبىر تىلەكپەن ارماندى جۇزەگە اسىرىپ، گۇلدەنۋ ۇلى ىسىنە بىرگە ات سالىسىپ، جاعدايعا قاراي العا ۇمتىلىپ، شىت جاڭا ساپاردى باستادىق. «14 - بەسجىلدىق» جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋدىڭ ماڭىزى زور، مىندەتى جاپالى، بولاشاعى نۇرلى. ۇلى نىسانا ىنتىماقتاسا كۇرەس جۇرگىزۋگە ۇندەيدى، داڭقتى بورىش ءورىس اشا العا باسۋعا ۇندەيدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇدىرىقتاي جۇمىلىپ، ءورىس اشا ىلگەرىلەپ، قىزمەتتى تىڭعىلىقتى ىستەپ، «14 – بەسجىلدىق» مەزگىلىندەگى ەكونوميكالىق، قوعامدىق دامۋدىڭ تاماشا باستاماسىن جۇزەگە اسىرۋ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ جەڭىستەرىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسەيىك!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
