بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جاڭا داۋىردەگى پارتيانىڭ شينجياڭدى جونگە سالۋ جالپى جوباسى العا باسۋىمىزعا جەتەكشىلىك ەتتى

انار بۇلت / شينجياڭ گازەتىنىڭ ءتىلشىسى جاڭ يانفاڭ

2021.03.11 17:04     كەلۋ قاينارى : حالىق تورابى

  باعدار جولدى بەلگىلەيدى، جول تاعدىردى بەلگىلەيدى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي بايانداپ، شينجياڭنىڭ دامۋ جوباسىن جاساپ، تيانشان پەرزەنتتەرىن جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋعا جىگەرلەندىردى، شابىتتاندىردى. مەملەكەتتىك ەكى ماجىلىسكە قاتىناسقان رايونىمىزداعى مەملەكەتتىك حالىق قۇرىلتايىنىڭ ۋاكىلدەرى، شينجياڭدا تۇراتىن مەملەكەتتىك ساياسي كەڭەس مۇشەلەرى نازاردى وسى قىزۋ تۇيىنگە شوعىرلاندىرىپ، تياناقتاندىرۋدى تىلگە تيەك ەتىپ، ۇسىنىس بەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاندى امالياتقا اينالدىرۋ سەنىمدەرى مەن بەكىمدەرىن جەتكىزدى.

شينجياڭدى جەڭىسپەن العا ىلگەرىلەۋگە جەتەكتەيتىن قۋاتتى يدەيالىق قارۋ

  ”جاڭا داۋىردەگى پارتيانىڭ شينجياڭدى جونگە سالۋ جالپى جوباسى شينجياڭ قىزمەتىندەگى ءبىر قىدىرۋ ءتۇبىرلى سيپات الاتىن، بەتالىستىق سيپات الاتىن ماسەلەلەرگە عىلمي جاۋاپ بەردى، بۇل شينجياڭ قىزمەتىن كۇردەلى جاعدايدا تۋراشىلدىقتى ساقتاپ جاڭالىق اشۋعا، قايشىلىقتار مەن حاۋىپ - قاتەرلەر بارىسىندا جەڭىسپەن العا باسۋعا جەتەكتەيتىن قۋاتتى يدەيالىق قارۋ“، - دەدى مەملەكەتتىك ساياسي كەڭەستىڭ مۇشەسى جياڭ پيڭان.

  مۇشە جياڭ پيڭان بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ستراتەگيالىق جاقتان قاداعالاپ جانە جوسپارلاپ، ەكى رەت ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشىپ، شينجياڭ قىزمەتى باس نىساناسىن ايقىنداپ، ءبىر قىدىرۋ جاڭا ورنالاستىرۋ، جاڭا تالاپتاردى ورتاعا قويىپ، شينجياڭنىڭ دامۋىنا ايقىن العا باسۋ بەتالىسىن كورسەتتى.

  جاڭا ۇيگە كوشىپ كىرىپ، ”ءشاربات سۋ“ ءىشىپ، حالىق تۇرمىسىنىڭ ىرىس - قۇتى اناعۇرلىم مولايدى، قوعام ۇزدىكسىز جاراسىمدى، ورنىقتى بولىپ، مۇلدەم كەدەيلىك ماسەلەسى تاريحي سيپاتتى شەشىلدى... جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگىندە، شينجياڭ بۇرىن بولماعان تاريحي تابىسقا قول جەتكىزىپ، ءار سالاداعى وراسان زور وزگەرىستەردى ۋاكىلدەر، مۇشەلەر شىنايى سەزىندى.

  ”وسى بىرنەشە جىل قىزىلسۋ قىرعىز اۆتونوميالى وبلىسىنىڭ جالپىلىق ناقتى قۋاتىنىڭ ارتۋ قارقىنى ەڭ تەز، قالا، اۋىل بەت - بەينەسىندەگى وزگەرىس ەڭ زور، بۇقارا قول جەتكىزگەن ناقتى تيىمدىلىك ەڭ كوپ بولعان مەزگىل بولدى“. مەملەكەتتىك حالىق قۇرىلتايىنىڭ ۋاكىلى ءدىلشات قىدىرقان ءبىر توپ ساندى - مالىمەت ارقىلى مىنالاردى دالەلدەدى: قىزىلسۋ وبلىسىنداعى 56 مىڭ 300 وتباسىنداعى 250 مىڭ 900 ارحيۆ تۇرعىزىلىپ، كارتچكالاندىرىلعان كەدەي حالىق تۇگەلدەي كەدەيلىكتەن ارىلدى، 14 مىڭعا جۋىق كەدەي بۇقارا تاقىر تاۋدان كوشىپ شىقتى، ەگىنشى - مالشىلاردىڭ جان باسىندىق تازا كىرىسى 5 جىلدىڭ الدىنداعى 5000 يۋانعا جەتپەۋدەن 10 مىڭ يۋاننان استامعا ارتتى... مىنە وسىنىڭ بارلىعى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ قىزىلسۋداعى جاندى امالياتى.

  مەملەكەتتىك حالىق قۇرىلتايىنىڭ ۋاكىلى لي بين كورلا قالاسى تەكەشى اۋىلى تومەنگى چاچى قىستاعىندا 11 جىل قىزمەت ىستەپ تۇرمىس كەشىرىپ، اۋىل - قىستاقتا تۋىلعان وراسان زور وزگەرىستەردى ءوز باسىنان سەزىنگەن. ”قورشاعان ورتا كوركەيىپ، ۇيلەر ساۋلەتتى بولىپ، قالتا قامپايىپ، تۇرمىس باقىتتى بولدى، وتباسىلارىن ارالاپ جاعداي ۇعىسقان كەزدە، كوپشىلىكتىڭ ەڭ كوپ ايتاتىنى العىس ايتۋ بولدى، ولار شىن جۇرەكتەرىنەن پارتياعا العىس ايتتى“.

  ۋاكىلدەر، مۇشەلەر شينجياڭنىڭ اي سايىن تۇلەپ، كۇن سايىن جاڭارعانىنا ات سالىستى جانە كۋا بولدى. كورىپ، سەزىنۋگە بولاتىن وسى تاماشا تۇرمىس جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، شينجياڭنىڭ قىزمەت ءىس جۇزىندىگىنە ۇيلەسەتىندىگىن، وعان، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى.

تولىق، دالمە - ءدال دايەكتىلەندىرۋ جاعىنا كۇش سالۋ

  ”وسى بىرنەشە جىلدا تۇتاس شينجياڭ بويىنشا جوعارىدان تومەنگە دەيىن ءبىر نيەتكە كەلىپ، قىزمەتتى باس نىسانانى مىقتاپ ارقاۋ ەتە وتىرىپ ورىستەتكەندىكتەن، قازىرگى تىنىش، جاراسىمدى دامۋ ورتاسىن قولعا كەلتىرىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى“، - دەدى مۇشە جياڭ پيڭان.

  ”جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدە، جۇڭحۋا ۇلتى ورتاق تۇلعا تانىمىن بەرىك ورناتۋدى ارقاۋ ەتىپ، ۇلتتاردىڭ ۇلى ىنتىماعىن ۇزدىكسىز بەكەمدەۋ كەرەك“، - دەدى مەملەكەتتىك حالىق قۇرىلتايىنىڭ ۋاكىلى جاڭ يان.

  ۋاكىل جاڭ يان كەزىندە حوتان ايماعى لوپ اۋدانى سامپۇل قالاشىعى سەنترلى باستاۋىش مەكتەبى بالاباقشاسىنا 2 جىل وقۋ - اعارتۋعا كومەككە بارعان. وقۋ - اعارتۋعا كومەككە بارعان مەزگىلدە، ول بالالارعا بالالار ءانىن ۇيرەتىپ، اڭگىمە ايتىپ بەرىپ، ”بەستى شىنايى مويىنداۋدى“ كۇندەلىكتى وقۋ - وقىتۋ بارىسىنا ءسىڭىردى، بالالاردىڭ مەملەكەتتە ءبىر تۇتاس قولدانىلاتىن ءتىل - جازۋ دەڭگەيى وتە تەز ىلگەرىلەپ قانا قويماي، سۋرەت سىزۋ ارقىلى وتاندى ءسۇيۋ، اۋىلدى ءسۇيۋ سۇيىسپەنشىلىكتەرىن دە بەينەلەي الاتىن بولدى. ول قاباعات اسەرلەنە بىلاي دەدى: ”ءبىز، ءسوز جوق، بالا كەزدەن باستاپ يگەرىپ، مەكتەپكە دەيىنگى تاربيەدەن باستاپ يگەرىپ، جۇڭحۋا ۇلتى ورتاق تۇلعا تانىمىن بالالاردىڭ جۇرەك تۇكپىرىنە تەرەڭ ۇيالاتۋىمىز كەرەك“.

  ۋاكىل ءدىلشات قىدىرقان بىلاي دەپ قارادى: ءسوز جوق، حالىق تۇرمىسىنا تىعىز جاناستىرىپ، جوعارى ساپالى دامۋدى ىلگەرىلەتۋ كەرەك. ”الداعى 5 جىلدا، جىبەك جولى ەكونوميكالىق بەلدەۋى وزەكتى رايونى قۇرىلىسى مەن جاڭا داۋىردەگى باتىس بولىكتى قاۋىرت اشۋ كەلەلى ورايىن مىقتاپ يگەرىپ، جاڭا دامۋ ارناسىن قۇرۋدا ورىندى ءداپ باسىپ تابۋ كەرەك. ءبىز تەك جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىلدىقپەن، تاباندىلىقپەن، بۇلجىتپاستان ويداعىداي تياناقتاندىرساق قانا، كوپشىلىكتىڭ تۇرمىسى، ءسوز جوق، كۇننەن - كۇنگە جاقساراتىن بولادى“.

جاڭا ساپاردا ەرلىكپەن العا تارتۋ

  ”جاڭا داۋىردەگى جۇڭگوشا سوتسياليستىك شينجياڭ قۇرۋ ءبىزدىڭ داڭقتى بورىشىمىز“. ۋاكىلدەر، مۇشەلەر كۇشتى ىنتامەن بىلاي دەدى: جاڭا ساپارعا قادام تاستاۋدا، ءبىر جوبامەن سوڭىنا دەيىن ىستەيتىن سەنىممەن، بورىشتى باتىل ارقالاپ، قاجىماي كۇرەس جۇرگىزەمىز.

  تومەنگى چاچى قىستاعىنىڭ ”سەركەسى“ رەتىندە، ۋاكىل لي بين بيىلعى قىزمەتى جونىندە جوباسى ايقىن ەكەن، ”قىستاقتا 3000 نەشە مۋ كەلەتىن قيقىم جەرگە شوعىرلى باسقارۋ جۇرگىزىپ، ەگىنشىلەردى ماقتا، المۇرت، جەم - ءشوپ سياقتىلاردى عىلمي ەگۋگە جەتەكشىلىك ەتىپ، كوپشىلىكتى قىستاقتاعى تىگىنشىلىك زاۆودىندا، ازىق - تۇلىك مانەرلەۋ زاۆودىندا جۇمىس ىستەۋگە جىگەرلەندىرىپ، كوپشىلىكتىڭ كىرىستەرىن كوبىرەك ارتتىرۋعا كومەكتەسەمىن“.

  مەملەكەتتىك ساياسي كەڭەستىڭ مۇشەسى يۇي مەي ەمدەۋ قىزمەتكەرى. ول بىلاي دەدى: ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا، ءار ۇلت بۇقاراسى ءداستۇرلى جۇڭگوشا شيپاگەرلىك، دارىگەرلىكتىڭ قۋاتىن شىنايى سەزىندى. مەن قىزمەتتەستەرىممەن بىرگە جۇڭگوشا - باتىسشا شيپاگەرلىكتى بىرلەستىرۋ ءپان قۇرىلىسىن ۇزدىكسىز كۇشەيتىپ، قالىڭ ناۋقاستارعا سالاماتتىق جونىندە ءتىپتى كوپ قۋانىشتى حابار جەتكىزەمىن“.

  ۋاكىل جاڭ يان ۇزاق ۋاقىتتان بەرى مەكتەپكە دەيىنگى تاربيەنى زەرتتەۋمەن شۇعىلدانعان. ول مىنالاردى ءبىلدىردى: بالاباقشا وقىتۋشىلارىن، اسىرەسە، اۋىل - قىستاقتارداعى بالاباقشا وقىتۋشىلارىن تاربيەلەۋ - باۋلۋ قىزمەتىن ۇزدىكسىز ويداعىداي ىستەپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، اناعۇرلىم كوپ ”تامىر تارتۋعا پەيىل، اۋىل - قىستاقتى سۇيەتىن، اۋىلدى ساعىناتىن، جاقسى وقىتاتىن“ وقىتۋشىلاردى تاربيەلەيمىن.

  ”جاڭا ساپاردا، ءبىز باستان - اياق پارتيانىڭ باسشىلىعىنا تاباندى بولىپ، توراڭعى رۋحى مەن بيڭتۋان رۋحىن امالياتتا ايگىلەپ، جۇرەكتىلىكپەن جاپالى، قيىن، اۋىر، قاتەرلى مىندەتتەردى ارقالاپ، باس شۋجي شي جينپيڭ نۇسقاعان بەتالسپەن باتىلدىقپەن العا ىلگەرىلەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، ۇزدىك ناتيجەمەن پارتيا قۇرىلعاندىعىنىڭ 100 جىلدىعىن قۇتتىقتايمىز“، - دەدى مەملەكەتتىك حالىق قۇرىلتايىنىڭ ۋاكىلى نياز اشىم باتىل تۇردە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار