بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ىقىلاستى تاپسىرمانى ەستە بەرىك ساقتاپ، كوركەم بولاشاققا ۇمتىلامىز

− باس شۋجي شي جينپيڭنىڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندىعىنىڭ 4 جىلدىعى بايلانىسىمەن

انار بۇلت / شينجياڭ گازەتىنىڭ ءتىلشىسى ۋاڭ شيڭرۇي

2021.03.11 17:08     كەلۋ قاينارى : شينجياڭ گازەتى

  قار - مۇز ەرىپ، اعاشتار جاسىل جەلەك جامىلا باستاعان مەزگىل، مەملەكەتتىك ەكى ءماجىلىس كوكتەمدە ۋاعىندا اشىلدى. ءار رەت وسىنداي ساتتە، قاشاندا ءبىر جىلى اعىن ءبىزدىڭ جۇرەگىمىزگە قۇيىلىپ، ءبىزدى ەسكە الۋعا جانە ويلانۋعا جەتەلەپ، سەنىم جانە كۇش - قۋات سيلايدى.

  4 جىلدىڭ الدىنداعى بۇگىنگى كۇنى، باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسىپ، ءار ۇلت ۋاكىلدەرىمەن ىقىلاستى اڭگىمەلەسىپ، مەملەكەت ىستەرىن بىرگە اقىلداسىپ، شينجياڭنىڭ دامۋىنا باعدار كورسەتىپ، وي جەلىنى ايقىنداپ، كەلەشەكتى جوسپارلاپ، شينجياڭ ۋاكىلدەر ۇيىرمەسىندەگى ءار ۇلت ۋاكىلدەرىن تەرەڭ مەيىرگە بولەپ جانە شابىتتاندىرىپ، بۇكىل رايونداعى ءار ۇلت كادر - بۇقاراسىن شاتتانا جەلپىندىرىپ، سەنىمدەرىن ەسەلەپ ارتتىرىپ، شينجياڭنىڭ دامۋ جولىن ءتىپتى دە ايقىندادى، قوزعاۋشى كۇشىن ءتىپتى دە قاۋلاتتى.

  4 جىل قاس - قاعىمدا وتە شىقتى، شينجياڭ شىت جاڭا بەينەگە ەندى. ”14 - بەسجىلدىقتىڭ“ باستالار جىلىندا تۇرىپ تاعى قايىرىلا قاراساق، سول ساتتەگى ايرىقشا تەرەڭ سەزىمدى ءتىپتى دە سەزىنە الامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم ءار ۇلت كادر - بۇقاراسىن ىنتىماقتاستىرىپ، باستاپ، باس شۋجيدىڭ ىقىلاستى تاپسىرماسىن ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، وتاننىڭ شينجياڭىن اناعۇرلىم گۇلدەندىرۋگە بەل بۋعان بەكىمدەرىمەن، قۇلشىنىستارىمەن، كۇشتى شوعىرلاندىرا قامال الىپ، ناقتى ىستەپ، قاجىرلىلىقپەن ىستەپ، ورنىقتىلىقتى قورعاپ، دامۋدى جەبەپ، حالىق تىلەگىن ۇيىستىرىپ، ىنتىماقتى بەكەمدەدى، جاڭا داۋىردەگى جۇڭگوشا سوتسياليستىك شينجياڭ تىنىش تا بەرەكەلى بولىپ، قارىشتاي دامىپ، شىت جاڭا پاراق اشتى.

شىنايى دا تەرەڭ سۇيىسپەنشىلىك تيانشان الابىن نارلەندىردى

  ۋاقىت زىمىراپ ءوتتى، دەسەدە، ەرەكشە ۋاقىت تۇيىنىنە باسىلعان تاريح ىزدەرى ۋاقىت وتكەن سايىن جاڭارىپ، ايشىقتالا ءتۇستى.

  4 جىلدىڭ الدىنداعى سول ءبىر جان تەبىرەنتەرلىك ءساتتى قايتا ەسكە العاندا، كەزىندە باس شۋجي شي جينپيڭگە دوپپا سيلاعان قاشقار قالاسى سامالباق قالاشىعىنىڭ ورىنباسار باستىعى رايحانگۇل ءيمىردىڭ كوڭىلى الىگە دەيىن تەبىرەنىسكە تولى: ”باس شۋجي شي جينپيڭنىڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسۋى شينجياڭنىڭ قىزمەتىنە ايرىقشا ءمان بەرگەندىك، شينجياڭداعى ءار ۇلت حالقىنا دەگەن شىنايى قامقورلىق بولىپ تابىلادى. باس شۋجيدىڭ ىقىلاستى تاپسىرماسى ءبىزدىڭ شينجياڭدى ويداعىداي قورعاۋ، ويداعىداي گۇلدەندىرۋ، ويداعىداي دامىتۋ سەنىمىمىز بەن بەكىمىمىزدى ءتىپتى دە بەكەمدەي ءتۇستى“.

  باس شۋجي شي جينپيڭ شينجياڭ سىندى وسىناۋ ءوڭىردى جانە ءار ۇلت حالقىن باستان - اياق كوڭىلىندە ساقتادى.

  باياندامانى قاراۋعا قاتىناسقان كەزىندە، باس شۋجي ماجىلىسكە قاتىناسقان ۋاكىلدەرگە شينجياڭداعى ءار ۇلت حالقىنا دەگەن تاماشا تىلەگىن جەتكىزۋدى تاپسىرىپ، شينجياڭنىڭ ەرەكشە كاسىپ سالاسىنىڭ دامۋىن كوڭىل بولە سۇراستىرىپ، قۇربان تۇلىمنىڭ قىزىنىڭ وتباسىنا سالەم ايتتى، سۇراۋ - جاۋاپ بارىسىندا تەرەڭ سۇيىسپەنشىلىك ايگىلەنىپ، ءاربىر اۋىز ءسوز ادامدار جۇرەگىن مەيىرگە بولەدى. باس شۋجي ماڭىزدى ءسوز سويلەپ، شينجياڭنىڭ قوعامدىق كەلەلى جاعدايىنىڭ جاراسىمدىلىعىن، ورنىقتىلىعىن قورعاۋ، ەكونوميكانىڭ جوعارى ساپالى دامۋىن ىلگەرىلەتۋ، ۇلتتار ىنتىماعىن بەكەمدەۋ جانە دامىتۋ، حالىق تۇرمىسىن قامتاماسىز ەتۋ جانە جاقسارتۋ سياقتى قىزمەتتەر جونىندە تالاپ قويدى، ىقىلاستى سۇيىسپەنشىلىگى سوزدەرىنەن ايگىلەنىپ، كوكەي تەستى تىلەك قۇلشىنا ىلگەرىلەۋگە شابىتتاندىردى.

  باس شۋجيدىڭ قامقورلىعى مەن تاپسىرماسى تيانشان الابىنا تەز تارالىپ، ءار ۇلت بۇقاراسىن جەلپىندىردى. بۇكىل شينجياڭ جوعارى مەن تومەن بولىپ قاۋىرت دايەكتىلەندىرۋ، تياناقتاندىرۋ بارىسىندا، باس شۋجيدىڭ تاپسىرماسىن العا ىلگەرىلەۋدىڭ قوزعاۋشى كۇشىنە اينالدىرىپ، شينجياڭنىڭ بايتاق دالاسىندا جاڭا كۇرەس كارتيناسىن جازدى. ءار ۇلت كادر - بۇقاراسى تاپسىرمانى ەستەرىندە بەرىك ساقتاپ، قۇلشىنا ەكپىندەي ىلگەرىلەپ، ماڭداي تەرلەرىن بۇرىش - بۇرىشقا ءسىڭىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا كۇش ۇيىستىرا العا ىلگەرىلەدى.

  ءۇرتىس 4 جىلدان استام ۋاقىت زورلىقتى كۇش لاڭكەستىك دەلوسى تۋىلماي، ەكونوميكالىق دامۋدىڭ ساپاسى مەن ونىمدىلىگى ۇزدىكسىز جوعارىلاپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى... شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋى بۇرىن بولىپ كورمەگەن تابىستارعا قول جەتكىزىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى.

  سىرتتاي قاراعاندا ادەتتەگىدەي كورىنەتىن ەڭ كەرەمەت شارىقتاۋ. ءجۇرىپ وتكەن جولعا قايىرىلا قاراساق، باس شۋجيدىڭ ىقىلاستى تاپسىرما بەرگەن ءۇنى ءالى قۇلاعىمىزدا، ول ءبىزدىڭ كەلگەن جولىمىزدى نۇرلاندىرىپ قانا قالماستان، بىزگە ۇزدىكسىز جەتەكشىلىك ەتەدى.

دامۋ قادامى اناعۇرلىم مىعىم، قۋاتتى بولدى

  شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ بولاشاقتى كوزدەپ، ءبىر تۇتاس جوسپارلانعان كەلەلى جاعداي. باس شۋجي شي جينپيڭ شينجياڭ قىزمەتىنە تۇراقتاندىرعان بۇل باس نىسانا شينجياڭنىڭ بارلىق قىزمەتتەرىنىڭ باستاماسى، شينجياڭداعى ءار ۇلت بۇقاراسىنىڭ ىرىس - قۇتىنىڭ ءتۇپ توركىنى.

  قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋ كۇمانسىز تارازى نۇكتەسى.

  اۆتونوميالى رايوندىق پارتكوم قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، ەرتە يگەرۋگە، كىشكەنەدەن يگەرۋگە، تەز يگەرۋگە، ويداعىداي يگەرۋگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرلەسە ارەكەتتەنۋگە تاباندى بولىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتىپ، بۇقارالىق قىزمەتتى تىڭعىلىقتى جاقسى ىستەدى... ءبىر قىدىرۋ تىڭعىلىقتى دا ءونىمدى كەشەندى شارالار ارقىلى شينجياڭنىڭ قوعامدىق كەلەلى جاعدايىنىڭ ۇزدىكسىز ورنىقتى، ۇزاق ۋاقىت ورنىقتى بولۋ نەگىزى ۇزدىكسىز بەكەمدەلىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋ نىساناسىن بەتكە الىپ نىق قاداممەن ىلگەرىلەتۋدە.

  قوعامدىق كەلەلى جاعدايدىڭ جاراسىمدى، ورنىقتى بولۋى جوعارى ساپالى دامۋعا تاماشا ورتا جاراتقاندىعىنا شينجياڭنىڭ ەكونوميكاسى ۇزدىكسىز اقاۋسىز دامىپ، جالپىلىق ناقتى قۋاتى كورنەكتى جوعارىلاعاندىعى ەڭ جاقسى دالەل.

  4 جىلدان بەرى ورنىقتىلىقتىڭ پايداسىنىڭ ۇزدىكسىز شىعارىلۋىنا ىلەسە، تيانشان الابىنىڭ دامۋ اياق الىسى ۇزدىكسىز تەزدەدى. التاي تاۋىنىڭ ەتەگىنەن پامير ۇستىرتىنە دەيىن، ىلە وزەنىنىڭ جاعالاۋىنان تۇرپان ويپاتىنا دەيىن جاڭا دامۋ ۇستانىمى قالالار مەن اۋىلداردا اسقاقتاپ، بارلىق جەردەن جاندى ومىرشەڭدىك قاۋلادى.

  1 - كاسىپتىڭ دەڭگەيى جوعارىلاپ، 2 - كاسىپتە ءتۇيىن يگەرىلىپ، 3 - كاسىپ بارىنشا دامىپ، جاڭا كاسىپ كۇيى، جاڭا ۇلگى توقتاۋسىز تۋىلىپ، وسىزاماندانعان كاسىپ سالاسى جۇيەسى جالىندى سيمفونيا ورىندادى؛ ءونىمدى قارجى قوسۋ ۇزدىكسىز كەڭەيىپ، تەمىر جول، حالىقتىق اۆياتسيا، سۋ يگىلىگى، ەلەكتر قۋاتى سياقتى ەلەۋلى ينجەنەريا نىسان قۇرىلىستارى قاۋىرت جۇرگىزىلىپ، نەگىزدىك قۇرىلعى قۇرىلىسى ۇشقان قۇستاي ىلگەرىلەپ، قالا مەن اۋىلدىڭ بەت - بەينەسىندە وراسان زور وزگەرىستەر تۋىلدى؛ رەفورما ۇزدىكسىز تەرەڭدەپ، ەسىك اشۋ كەڭەيىپ، ءتۇيىندى سالالار مەن شەشۋشى بۋىندارداعى رەفورما بەلسەندى ىلگەرىلەپ، شارۋاشىلىق - ساۋدا ورتاسى ۇزدىكسىز ساپالىلانىپ، دامۋدىڭ ومىرشەڭدىك كۇشى ۇزدىكسىز كۇشەيدى؛ قۇمدى تىزگىندەۋ، سۋدى تىزگىندەۋ، ورماندى، جايلىمدى قورعاۋ زور كۇشپەن جۇرگىزىلىپ، لاستانۋدان ساقتانۋدان جانە ونى جونگە سالۋدان قامال الۋ شايقاسى ۇزدىكسىز جاقسى جۇرگىزىلىپ، كورىكتى شينجياڭنىڭ اسپانى اشىق، سۋى تۇنىق كوركەم تانىسقىسى بارعان سايىن كوز جاۋىن الدى.

  ەرەكشە كوز تارتاتىن كەيبىر كورىنىستەر جوعارى ساپالى دامۋدى ىلگەرىلەتۋدىڭ جاندى تۇسىندىرمەسىن جازدى.

  جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى جەدەلدەتىلدى − ءۇرىمجى حالىقارالىق قۇرلىقتىق پورت رايونى قۇرىلىسى تەز دە ورنىقتى قاداممەن ىلگەرىلەدى، جۇڭگو - ەۆروپا كەزەكشى پويەزى ءۇرىمجى جيناۋ ورتالىعى كۇن سايىن قاربالاسقا ءتۇسىپ، 23 مەملەكەت پەن ءوڭىردى قامتىدى؛

  شينجياڭدى ساياحات ارقىلى گۇلدەندىرۋ ستراتەگياسى ىشكەرىلەي اتقارىلدى − 2017 - جىلدان 2019 - جىلعا دەيىن بۇكىل رايون قابىلداعان ساياحاتشىلار سانى ىركەس - تىركەس 100 ميلليون ادام - رەتتەن، 150 ميلليون ادام - رەتتەن، 200 ميلليون ادام - رەتتەن استى؛

  ەرەكشە، ارتىقشىلىققا يە كاسىپ سالاسى تەز جەتىلىپ، زورايدى − بۇكىل شينجياڭدا كۇنىنە 650 توننا نان پىسىرىلىپ، ىشكەرىدەگى 21 ولكە، رايون، قالاعا ساتىلىپ، ورتا ازيا بازارىنا ۇزدىكسىز كىردى.

  ...

  ءبىر - بىرلەگەن سيفرلار ءبىر - ءبىر نىق قادامعا ۋاكىلدىك ەتەدى، بەينە ەكپىندى سوعىلعان بارابان ىرعاعىنداي شينجياڭنىڭ ورنىقتى، دامىعان سەرپىندى ريتىمىن ايگىلەدى، 25 ميلليون ءار ۇلت پەرزەنتىنىڭ اناعۇرلىم تاماشا تۇرمىسقا تالپىنعان كورىنىسىنە ەڭ قانىق بوياۋ بەردى.

ۇلتتار ىنتىماعىنىڭ گۇلى قۇلپىردى

  ”ۇلتتار ىنتىماعىن كوز قاراشىعىمىزدى قورعاعانداي قورعاپ، ءومىرىمىزدى قاستەرلەگەندەي قاستەرلەيىك“. باس شۋجي شي جينپيڭ شينجياڭنىڭ ۇلتتار ىنتىماعىنا ەرەكشە كوڭىل ءبولدى. شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسار الدىندا ول قۇربان اتايدىڭ ۇرپاقتارىنا ىقىلاستى تۇردە جاۋاپ حات جازىپ، ولاردى شىنايى قامقورلىقپەن شابىتتاندىرىپ: ”وتباسىلارىڭىزدىڭ قۇربان اتاي سياقتى اۋىلداستارمەن بىرگە پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم جارقىن بولاشاعىن بىرگە قۇرۋلارىڭىزدى ءۇمىت ەتەمىن“، - دەدى.

  قۇربان اتايدىڭ جيەنشارى رۋقيام ءماتسايدى تەرەڭ سەزىممەن بىلاي دەدى: ”وتباسىمىزداعىلار باس شۋجي شي جينپيڭنىڭ ءتالىمىن ەستە ماڭگى بەرىك ساقتاپ، ماڭگى پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولامىز!“.

  ۇلتتار ىنتىماعى − شينجياڭداعى ءار ۇلت حالقىنىڭ جانى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى. شينجياڭداعى ءار ۇلت حالقى ۇلتتار ىنتىماعىن قورعاۋدىڭ ماڭىزىن جەتە تۇسىنەدى، قاي - قاشان دا امالياتىندا ايگىلەيدى.

  بىرنەشە جىلدان بەرى ”ۇلتتار ىنتىماعى بەرەكەلى شاڭىراعىنىڭ“ شىنايى سۇيىسپەنشىلىگىنە تولى كەزەكشى پويەزدار وڭتۇستىك، سولتۇستىك شينجياڭدا ارلى - بەرلى قايشالىسىپ، جارقىن كورىنىسكە اينالدى، ءار ۇلت بۇقاراسى ءبىر - بىرىمەن ارالاسىپ، بىرگە ءان ايتىپ، ءبي بيلەپ، تەرەڭ دوستىق سۇيىسپەنشىلىك ورناتتى. ”جاقىن اپەكە - سىڭلىلەر“، ”اعا - باۋىر سۇيىسپەنشىلىگى“، ”ءۇي ىشىندەگىلەرمەن تۇسكەن سۋرەت“... تەرەڭ سۇيىسپەنشىلىككە تولى سوزدەر ۇلتتار ىنتىماعىنىڭ سانسىزداعان اسەرلى حيكايالارىن شەرتىپ، شينجياڭنىڭ كەڭ بايتاق دالاسىن كەرنەگەن قويۋ سۇيىسپەنشىلىككە كۋا بولىپ، ۇلتتاردىڭ كەڭىنەن ارالاسۋىنىڭ، جاپپاي ىشتەسۋىنىڭ، تەرەڭ توعىسۋىنىڭ جاندى دالەلىنە اينالدى.

  تاياۋدا عانا وتكىزىلگەن ”جۇڭگو كوممۋنيستىك پارتياسىنىڭ حيكايالارى“ اتتى شينجياڭ ارناۋلى تاقىرىپتىق ۇگىتتەۋ - تانىستىرۋ ماجىلىسىندە شينجياڭ ەنەرگيا (توبى) شەكتى جاۋاپكەرشىلىك سەرىكتەستىگىندەگى ليۋ ليچۇن مەن ءپايزاۋات اۋدانى ودەكىلىك اۋىلى جاڭاءمالى قىستاعىنداعى داناگۇل ياسىن اپەكەلى - ءسىڭلىلى ەكەۋى وزدەرىنىڭ تۋىستاسقان حيكايالارىن بىرگە ايتىپ، شەتەلدىك قوناقتاردى اسەرلەندىردى. ەكەۋى بىرنەشە جىلدىڭ الدىندا جۇپ قۇراپ تابىسقان، داناگۇل ليۋ ليچۇننىڭ كومەگىندە كەدەيلىكتەن ارىلىپ، اپەكەلى - ءسىڭلىلى ەكەۋى تۋىسقانداي شىنايى دوستىق سۇيىسپەنشىلىك ورناتقان. ليۋ ليچۇن بىلاي دەدى: ادامنىڭ كۇشى نيەتىندە، ءار ۇلت ءبىر نيەتپەن قول ۇستاسىپ، ءوزارا قارايلاسسا، شينجياڭنىڭ گۇلدەنۋى، دامۋى ەڭ مىعىم نەگىزگە، ەڭ سەرپىندى كۇشكە يە بولادى!

  اۆتونوميالى رايون ۇلتتار ىنتىماعىن كادرلار مەن بۇقارانىڭ كۇندەلىكتى تۇرمىسىندا، قىزمەتىندە، ۇيرەنۋىندە تياناقتاندىرۋعا تاباندى بولىپ، ءار ۇلت بالالارى بىرگە ويناپ، بىرگە ۇيرەنىپ، بىرگە ەرجەتىپ، ءار ۇلت بۇقاراسى سەن - مەن دەسپەي، بىرگە كۇرەستى، ۇلتتار ىنتىماعىنىڭ تامىرى اناعۇرلىم تەرەڭدەپ، بايشەشەگى اناعۇرلىم قۇلپىرىپ، ءار ۇلت بۇقاراسىنىڭ كوڭىلدەرى اناعۇرلىم توعىستى، ” ۇلتتار ىنتىماعىنىڭ بەرەكەلى شاڭىراعى، ءبىر نيەتپەن جۇڭگو ارمانىن بىرگە سومداۋ“ ورتاق تانىمى دامۋدىڭ پارمەندى بىرىككەن كۇشىن ۇيىستىرىپ، قىپ - قىزىل انار شينجياڭداعى ۇلتتاردىڭ ءبىر ءۇيلى جانداي تاتۋلىعىنىڭ تاماشا سيمۆولىنا شىن مانىندە اينالدى!

ءار ۇلت بۇقاراسى ءتىپتى جاقسى تۇرمىس كەشىردى

  شينجياڭداعى ءار ۇلت بۇقاراسىنىڭ حالىق تۇرمىسى قۇت - ىرىسىن باس شۋجي شي جينپيڭ جادىنان تاستاماي: ”ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك ورنالاستىرىپ، حالىق تۇرمىسىنا ءتيىمدى ناقتى ىستەردى كوبىرەك ىستەپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشۋ كەرەك“، - دەپ اتاپ كورسەتتى.

  4 جىلدان بەرى بۇكىل رايونداعى جەر - جەر حالىقتى وزەك ەتكەن دامۋ يدەياسىنا تاباندى بولىپ، دامۋدى حالىق تۇرمىسىن جاقسارتۋدا، جەرگىلىكتى ورىنعا تيىمدىلىك جاساۋدا، ىنتىماقتى كۇشەيتۋدە تياناقتاندىرۋعا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتىلاردى ءتۇيىن ەتكەن حالىققا ءتيىمدى ينجەنەريالاردى تىڭعىلىقتى ىلگەرىلەتىپ، ءار ۇلت بۇقاراسىنىڭ قالتاسى قامپيىپ، قامتاماسىز ەتۋلەر كوبەيىپ، تۇرمىستارى كۇن سايىن جاقساردى.

  ”قالا - قالاشىقتارداعى جۇمىستاندىرۋ جانە اۋىل - قىستاقتاعى ارتىق ەڭبەككۇشتەردى باسقا كاسىپكە ويىستىرىپ جۇمىستاندىرۋ قاتاڭ، ناقتى يگەرىلىپ، ءونىمى كورنەكتى بولىپ، بۇقارا شىنايى سەزىنە الدى“، - دەدى كورلا قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى جاڭ گۋاڭشۋە، - وسى بىرنەشە جىلدا بۇقارانىڭ ءتول مۇددەسىنە ساياتىن قىرۋار حالىق تۇرمىسى ماسەلەلەرى ءونىمدى شەشىم ەتىلدى، باس شۋجيدىڭ ”ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرۋ كەرەك“ دەگەن تاپسىرماسى شىن مانىندە تياناقتاندىرىلدى.

  تالايلاعان ناقتى ىستەر حالىق تۇرمىسىنىڭ جىلۋلىعىن جۇرت جۇرەگىنە تىكە جەتكىزدى. اۋىل - قىستاقتاردا مەكتەپكە دەيىنگى 3 جىلدا وقۋ جاسىنا لايىق ءبىر ميلليون 170 مىڭنان استام بالا بالاباقشادا تەگىن وقىپ، 9 جىلدىق مىندەتتى وقۋ - اعارتۋدى بەكەمدەۋ جالپى مولشەرى %95تەن اسىپ، ورتا مەكتەپ ساتىسىنداعى وقۋ - اعارتۋ بويىنشا وقۋعا ءتۇسۋ جالپى مولشەرى %98تەن استى؛ جالپى حالىقتىڭ دەنساۋلىعىن تەكسەرۋ بۇقارانىڭ سالاماتتىعىن قورعاپ، الەۋمەتتىك دەنساۋلىق ساقتاۋعا قىزمەت وتەۋ قابىلەتى مەن ەمدەۋ دەڭگەيى ۇزدىكسىز جوعارىلادى، وكپە تۋبەركۋلەزى سياقتى سالماقتى جۇقپالى اۋرۋلار جانە جەرگىلىكتى اۋرۋلار ءونىمدى قۇتقارۋ - ەمدەۋگە يە بولدى؛ وڭتۇستىك شينجياڭنىڭ ”كومىردى ەلەكترگە وزگەرتۋ“ ينجەنەرياسى جەدەل ىلگەرىلەتىلىپ، 600 مىڭنان استام وتباسىنداعى بۇقارا يگىلىكتەندى...

  ”ءومىر بويى ارمانداعان ءتاتتى سۋدى اقىرى ىشە الدىق“، - دەدى 2020 - جىلى 5 - ايدىڭ 20 - كۇنى ءپايزاۋات اۋدانى جامباز اۋىلى جىبەكشى قىستاعىنداعى 80 جاسقا كەلگەن كاريا يمىت اسەن قۋانىشپەن. جاپالى قۇلشىنۋ ارقىلى ءپايزاۋات اۋدانىنىڭ قالا، اۋىلدارىنا اۋىز سۋ حاۋىپسىزدىك ينجەنەرياسى بويىنشا جالپى بەتتىك سۋ جەتكىزىلىپ، شينجياڭداعى بارلىق كەدەي حالىقتىڭ اۋىز سۋ حاۋىپسىزدىگى جاپپاي جۇزەگە استى. ءبىر - بىرلەگەن قيىن وتكەلدەردەن ىلگەرىندى - كەيىندى قامال الۋعا ىلەسە، شينجياڭدا قالعان 165 مىڭ 800 كەدەي حالىق ۋاعىندا كەدەيلىكتەن ارىلىپ، 10 كەدەي اۋداننىڭ كەدەيلىك قالپاعى تۇگەل الىنىپ، كەدەيلىكتەن جالپى بەتتىك ارىلتۋ سىندى ەرەكشە جاپالى مىندەت تاريحي سيپاتتى ورىندالىپ، مىڭ جىل بويى مازالاپ كەلگەن مۇلدەم كەدەيلىك ماسەلەسى تاريحي سيپاتتى شەشىم ەتىلىپ، كەدەي بۇقارانىڭ ءوندىرىس، تۇرمىس شارت - جاعدايى بارىنشا جاقسارىپ، تاماشا تۇرمىسقا تالپىنعان سەنىمى، بەكىمى بارىنشا ارتىپ، پارتيانىڭ توڭىرەگىنە اناعۇرلىم تىعىز ىنتىماقتاسىپ، اناعۇرلىم تاماشا بولاشاققا ارشىنداي قادام تاستادى.

  كەلگەن جولىمىزعا قايىرىلا قاراساق، باس شۋجيدىڭ تاپىسرماسى ءبىزدى العا باسۋعا شابىتتاندىردى، قادامىمىز ەشقاشان توقتامادى، ناتيجەلەر بارىنەن قۇندى بولدى؛ جاڭا ساپارعا قادام قويعانىمىزدا ىقىلاستى ءۇمىتتى ۇزدىكسىز ەستە ساقتاپ، رۋحىمىزدى سەرپىلتىپ، ۇزدىكسىز العا باسىپ، اناعۇرلىم تاماشا بولاشاققا ەكپىندەي ۇمتىلامىز!

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار