شينجياڭ ۇيعۇر اۆتونوميالى رايوندىق حالىق ۇكىمەتى مەملەكەت ەلەكتر تورى شەكتى سەرىكتەستىگىمەن اڭگىمە وتكىزدى
شوكىرات زاكىر، شين باۋ - ان قاتىناستى ءارى ءسوز سويلەدى
2021.03.15 16:01 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 3 - ايدىڭ 13 - كۇنى بەيجيڭنەن حابارلايدى. 3 - ايدىڭ 12 - كۇنى اۆتونوميالى رايوندىق حالىق ۇكىمەتى مەملەكەت ەلەكتر تورى شەكتى سەرىكتەستىگىمەن بەيجيڭدە اڭگىمە ءماجىلىس وتكىزىپ، ستراتەگيالىق سەلبەستىك كەلىسىمىن تياناقتاندىرۋدى بىرگە ىلگەرىلەتىپ، شينجياڭ ەلەكتر قۋاتى كاسىبىن دامىتۋ، نەگىزدىك قۇرىلعى قۇرىلىسى، كەلەلى نىسانداردى ىلگەرىلەتۋ سياقتى قىزمەتتەردى اقىلداسىپ، جوسپارلادى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، مەملەكەت ەلەكتر تورى شەكتى سەرىكتەستىگىنىڭ القا باستىعى، پارتيا باسشىلىق گرۋپپاسىنىڭ شۋجيى شين باۋ - ان قاتىناستى ءارى ءسوز سويلەدى.
شوكىرات زاكىر مەملەكەت ەلەكتر تورى شەكتى سەرىكتەستىگىنىڭ ۇزاق ۋاقىتتان بەرگى شينجياڭ قىزمەتىنە كوڭىل ءبولىپ، قولداۋ كورسەتىپ كەلگەندىگىنە شىنايى العىس ايتاتىندىعىن ءبىلدىردى. شوكىرات زاكىر بىلاي دەدى: جۋىق جىلداردان بەرى مەملەكەت ەلەكتر تورى شەكتى سەرىكتەستىگى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، ساياسي جاۋاپكەرشىلىكتى، ەكونوميكالىق جاۋاپكەرشىلىكتى جانە قوعامدىق جاۋاپكەرشىلىكتى مۇقيات اتقارىپ، قارجى، كاسىپ سالاسى، نىسان، دارىندى سياقتى جاقتاردان كومەكتەسۋ - سۇيەمەلدەۋ شارالارىن جان - جاقتى تياناقتاندىرىپ، شينجياڭنىڭ جوعارى ساپالى دامۋى مەن حالىق تۇرمىسىن جاقسارتۋدى ەلەكتر قۋاتىمەن پارمەندى قامتاماسىز ەتتى.
شوكىرات زاكىر مىنالاردى ءبىلدىردى: شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”14 - بەسجىلدىق“ مەزگىلىندەگى جانە بيىلعى شينجياڭنىڭ ەكونوميكالىق، قوعامدىق دامۋىنداعى ءتۇيىندى قىزمەتتەردى جوسپارلاپ، ورنالاستىرۋ جاسادى. وسى قىزمەتتەردى ويداعىداي ىستەۋ ەلەكتر قۋاتىنىڭ پارمەندى تىرەگىنەن ايرىلا المايدى. ءبىز ”ءۇش بازا، ءبىر ارنا“ ورنىن مىقتاپ ارقاۋ ەتىپ، مەملەكەت ەلەكتر تورى شەكتى سەرىكتەستىگىمەن بىرگە، ەكى جاقتىڭ ستراتەگيالىق سەلبەستىك كەلىسىمىن تياناقتاندىرۋدى بار كۇشپەن ىلگەرىلەتىپ، ەلەكتر قۋاتى كەلەلى نىسان قۇرىلىستارىن جەدەل ىلگەرىلەتىپ، ءار دارەجەلى ەلەكتر تورى قۇرىلىمىن ونان ارى كەمەلدەندىرىپ، ەنەرگيانىڭ تيبىن وزگەرتىپ دامۋىن ۇزدىكسىز ىلگەرىلەتىپ، ەلەكتر قۋاتىنىڭ شينجياڭنىڭ ەكونوميكالىق، قوعامدىق دامۋىنداعى تىرەكتىك، قامتاماسىزدىق رولىن ۇزدىكسىز كۇشەيتەمىز. مەملەكەت ەلەكتر تورى شەكتى سەرىكتەستىگىنىڭ بۇرىنعىداي شينجياڭعا كوڭىل ءبولىپ، قولداۋ كورسەتىپ، ەلەكتر تورى قۇرىلىسى، ”شينجياڭنىڭ ەلەكترىن سىرتقا جەتكىزۋ“ قابىلەتىن جوعارىلاتۋ سياقتى جاقتاردا اناعۇرلىم كوپ قولداۋ كورسەتىپ، كومەكتەسىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەس قوسۋىن ءۇمىت ەتەمىز.
شين باۋ - ان اۆتونوميالى رايوندىق پارتكوم مەن ۇكىمەتتىڭ ۇزاق مەزگىلدەن بەرى سەرىكتەستىكتىڭ قىزمەتىنە كوڭىل ءبولىپ جانە قولداۋ كورسەتىپ كەلگەندىگىنە العىس ايتتى. ول مىنالاردى ءبىلدىردى: شينجياڭ قىزمەتىن ويداعىداي ىستەۋ بۇكىل پارتيانىڭ، بۇكىل ەلدىڭ كەلەلى ءىسى، شينجياڭنىڭ قوعام ورنىقتىلىعى مەن باياندى تىنىشتىعىنا قىزمەت وتەۋ − سەرىكتەستىكتىڭ ماڭىزدى ساياسي مىندەتى. ”14 - بەسجىلدىق“ مەزگىلىندە سەرىكتەستىك جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ جوعارى ساپالى دامۋىن ىلگەرىلەتەدى. ءتۇرلى ستراتەگيالىق سەلبەستىك كەلىسىمىنىڭ تياناقتاندىرىلۋىن بار كۇشپەن ىلگەرىلەتىپ، ەلەكتر تورى قۇرىلىسىنا ۇسىنىلىمدى مولايتىپ، توپتىڭ باسىمدىعىن ساۋلەلەندىرىپ، شينجياڭعا كومەكتەسۋ قىزمەتتەرىن ۇزدىكسىز ويداعىداي ىستەيدى. ”ءۇش بازا، ءبىر ارنا“ قۇرىلىسىنا بار كۇشپەن قىزمەت وتەپ، 750 كيلوۆولتتىق تىرەكتى تور جۇلگەسى قۇرىلىسىن ويداعىداي يگەرىپ، وڭتۇستىك شينجياڭ ءوڭىرىنىڭ دامۋىنا دەم بەرەدى. ”كومىر قىشقىل گازىن شىعارۋدىڭ جوعارى شەگى، كومىر قىشقىل گازىن بەيتاراپتاندىرۋ“ نىسانا - تالابىن ارقاۋ ەتىپ، تازا ەنەرگيانى ەلەكتر تورىنا قوسۋدى ويداعىداي ىستەپ، ”ەلەكترلەنگەن شينجياڭ“ قۇرادى. ”كومىردى ەلەكترگە وزگەرتۋ“ ينجەنەرياسىن ويداعىداي اتقارىپ، سايكەستى ەلەكتر تورى ينجەنەريا قۇرىلىسىن جەدەلدەتىپ، ەلەكترمەن قامداۋ قىزمەت وتەۋ قامتاماسىزدىعىن كۇشەيتەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين، مەملەكەت ەلەكتر تورى شەكتى سەرىكتەستىگىنىڭ ورىنباسار باس ديرەكتورى، پارتيا باسشىلىق گرۋپپاسىنىڭ مۇشەسى جاڭ جىگاڭ اڭگىمەگە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
