شينجياڭنان حۋبەيعا كومەككە بارعان ەمدەۋ اترەتىنىڭ ۋاكىلدەرى ”شيە گۇلى ۋادەسىمەن“ ۋحانعا اتتاندى

2021.03.15 16:03   كەلۋ قاينارى : شينجياڭ گازەتى

　　انار بۇلت / شينجياڭ گازەتىنىڭ ءتىلشىسى سۋ لۋپيڭ 3 - ايدىڭ 12 - كۇنى ۋحاننان حابارلايدى. 3 - ايدىڭ 12 - كۇنى تۇستە شينجياڭ مەديتسينا داشۋەسىنە قاراستى 1 - شيپاحانانىڭ جالپى تاجىريبەلىك مەديتسينا ءبولىمى جالپى ىشكى اۋرۋلار ءبولىمىنىڭ سەستراسى ليۋ پەيپەي مەن ۋحان داشۋەسى حالىق شيپاحاناسى شىعىس شيپاحاناسى تىنىس الۋ جۇيەسى ىشكى اۋرۋلار ءبولىمىنىڭ سەسترالار باستىعى لۋ لي ەكەۋىنىڭ ۇستاسقان قولدارى قايتا جۇزدەسكەن ساتتەن بەرى اجىراعان جوق. ارادا ءبىر جىل سالىپ، ۋحان داشۋەسى حالىق شيپاحاناسىنىڭ جانە حۋبەي ولكەلىك حالىق شيپاحاناسىنىڭ شاقىرۋىمەن شينجياڭنىڭ مەديتسينا قىزمەتكەرلەرىنىڭ 52 ۋاكىلى جانە وتباسى مۇشەسى بۇرىن شايقاس جۇرگىزگەن قاھارمان قالا − ۋحانعا كەلدى. 3 - ايدىڭ 13 - كۇنى ولار ۋحان داشۋەسىندەگى لوجياشان تاۋىنىڭ ەتەگىندە ”شيە گۇلى ۋادەسىن“ ورىنداۋعا بارادى.

　　”كەلەر جىلى شيە گۇلى شەشەك اتقان مەزگىلدە، ءناسىپ بولعاي دەگدار جانمەن ءبىر قايتارا جۇزدەسۋ“. بۇل 2020 - جىلعى كوكتەمدە ۋحان داشۋەسى حالىق شيپاحاناسى شىعىس شيپاحاناسىنداعى مەديتسينا قىزمەتكەرلەرىنىڭ شينجياڭنىڭ 509 مەديتسينا قىزمەتكەرىمەن قوشتاسار ساتتەگى ۋادەسى ەدى. ىندەت كەتىپ، كوكتەم كەلدى، حۋبەي دالاسىندا شيە گۇلى شەشەك اتتى. وسى قالاعا قايتا تابان تىرەگەندە، كەزىندەگى ”ساپتاستار“ مىنە بۇگىن ”جاقىن تۋىس - دوسقا“ اينالدى. اۋەجايدان ۋحان داشۋەسى حالىق شيپاحاناسى شىعىس شيپاحاناسىنا دەيىنگى جولدا باياعىداي ساقشى كولىگى جول باستاپ ءجۇردى، قالا تۇرعىندارى تۇرا قالىپ قول بۇلعادى، مەديتسينا قىزمەتكەرلەرىنىڭ ۋاكىلدەرى جول بويى «مەن جانە مەنىڭ وتانىم»، «بالاۋسا تەرەك» اندەرىن شىرقاپ، وسىناۋ توپىراققا دەگەن تەرەڭ ماحابباتتارى مەن اق حالاتتان ساۋىت كيگەندەردىڭ وكىنىشسىز سەزىمدەرىن تەرەڭ سەزىممەن بەينەلەدى.

　　تاعى سول مەزگىل، تەك كوڭىل باسقاشا. ”ۋحان جولىنداعى كەپتەلىستى اقىرى كوردىم - اۋ، شىنىمدى ايتسام، بۇلايشا ’كەپتەلگەنگە‘ دارداي قۋانىپ قالدىم“، - دەدى ليۋ پەيپەي جۇزىنەن كۇلكى ەسىپ، - ”جۇرت ساپىرىلىسىپ، قالىڭ كولىك قايشالىسقان ۋحان باياعىداي كورىكتى، جالىندى قالا ەكەن“.

　　شىعىس شيپاحاناعا قايتا كەلگەندە، سانادا توقسان تولعانىس تۋدى. اۆتونوميالى رايوندىق حالىق شيپاحاناسى وپەراتسيا ءبولىمىنىڭ سەسترالار باستىعى جاڭ لي ۇيىندەگىلەرىن ”العىس ورمانىنا“ ەرتىپ كەلدى، جاۋىنگەر سەرىگىمەن بىرگە ەككەن العىس اعاشىنىڭ الدىندا ءوزى مەن ولاردىڭ اڭگىمەسىن باياندادى: ”اسا ماشاقاتتى، قيىن كۇندەر بولعانىمەن، ىندەتكە قارسى اتتانۋدىڭ ۇلى رۋحى ءبىزدى ۇزدىكسىز العا جەتەلەپ وتىردى، ءبىز جەڭىپ شىقتىق“، - دەدى جاڭ لي.

　　بىلتىر 1 - ايدىڭ 25 - كۇنى ۋحان داشۋەسى حالىق شيپاحاناسى شىعىس شيپاحاناسى جاڭا تيپتى ايدارشا ۆيرۋس وكپە قابىنۋ اۋرۋىنا شالدىققان ناۋقاستاردى شوعىرلى ەمدەۋگە الاتىن شيپاحانا بولىپ بەلگىلەندى. 1 - ايدىڭ 30 - كۇنى جاڭا تيپتى ايدارشا ۆيرۋس وكپە قابىنۋىنىڭ سالماقتى ناۋقاستارىن قۇتقارۋ - ەمدەۋگە بەلگىلەنگەن شيپاحانا بولدى، سونىمەن ءبىر ۋاقىتتا ول ۋحاندا جاڭا تيپتى ايدارشا ۆيرۋس وكپە قابىنۋىنا شالدىققان جۇكتى ايەلدەر مەن بوسانعان ايەلدەردى ەمدەۋگە ەڭ العاش بەلگىلەنگەن شيپاحانا ەدى.

　　حۋبەيعا كومەككە بارعان 60 كۇنگە جۋىق ۋاقىتتا، شينجياڭنىڭ مەديتسينا قىزمەتكەرلەرى ۇزدىكسىز ىزدەنىس جاساپ، تاجىريبەلەردى قورىتىندىلاپ، باستاپقى مەزگىلدە الدىن الا ساقتاندىرۋ مەحانيزمىن ورناتىپ، ەرتە بايقاۋدى، ەرتە دياگنوز قويۋدى، ەرتە ەمدەۋدى ورىنداپ، ەمدەۋ ساپاسىن جوعارىلاتىپ، اۋرۋدان ءولۋ سالىستىرماسىن تومەندەتىپ، ۋحان داشۋەسى حالىق شيپاحاناسىنداعى مەديتسينا قىزمەتكەرلەرىمەن بىرگە جاڭا تيپتى ايدارشا ۆيرۋس وكپە قابىنۋىنا شالدىققان 500دەن استام ناۋقاستى ءساتتى قۇتقارىپ، ەمدەدى.

　　شينجياڭ مەن حۋبەي ەكى جەر شيپاحانالارىنىڭ سۇيىسپەنشىلىگى بۇنىمەن عانا شەكتەلىپ قالعان جوق. 1999 - جىلدان بەرى ۋحان داشۋەسى حالىق شيپاحاناسى شينجياڭ بۇراتالا موڭعۇل اۆتونوميالى وبلىسىنا باعىتتامالى كومەك بەرگەن، 6 جىلدىڭ الدىندا تاعى شينجياڭ مەديتسينا داشۋەسىنە قاراستى 5 - شيپاحاناعا تۇيىندە تۇرىپ كومەك بەرە باستاعان ەدى. 2020 - جىلى 7 - ايدا ۇرىمجىدە ىندەت تۋىلعان سوڭ، ۋحان داشۋەسى حالىق شيپاحاناسىنان شينجياڭ مەديتسينا داشۋەسىنە قاراستى 5 - شيپاحانانىڭ جۇرەك - قان تامىر ىشكى اۋرۋلار بولىمىنە باعىتتامالى كومەكتەسۋگە كەلگەن حۋاڭ بيڭ دوتسەنت سودان بۇرىن ۋحانعا كومەككە بارعان قىزمەتتەستەرىمەن تىزە قوسا شايقاس جۇرگىزدى.

　　وسى جولى ۋحان داشۋەسى حالىق شيپاحاناسى ۋحان داشۋەسى حالىق شيپاحاناسى شىعىس شيپاحاناسىنا، ۋچاڭ فاڭساڭ شيپاحاناسىنا كومەككە كەلگەن 1000عا جۋىق مەديتسينا قىزمەتكەرلەرىن شاقىردى. شيە گۇلىن تاماشالاۋ ارەدىگىندە ولار تاعى شيپاحانالاردىڭ جوعارى ساپالى دامۋىن ىلگەرىلەتۋ تالقى مىنبەرىن ۇيىمداستىرادى. ”ءبىز قىسقا ۋاقىتتاعى ىندەتكە قارسى اتتانۋدان تۋىنداعان جاۋىنگەرلىك سۇيىسپەنشىلىكتى ۇزاق ۋاقىت سەلبەسىپ دامۋدى بىرگە جوسپارلاۋدىڭ بىرىككەن كۇشىنە اينالدىرامىز“، - دەدى ۋحان داشۋەسى حالىق شيپاحاناسى پارتكومىنىڭ شۋجيى ۋان حۇڭحۇي.