بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭدا بازار تۇلعالارىنىڭ جالپى مولشەرى 2 ميلليوننان استى

2021.03.15 16:06     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ تىلشىلەرى رىن حۋا، جاۋ شييا 3 - ايدىڭ 12 - كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋعا قاراعاندا، 2 - ايدىڭ سوڭىنا دەيىن شينجياڭدا بازار تۇلعالارىنىڭ جالپى مولشەرى 2 ميلليوننان اسىپ، 2 ميلليون 42 مىڭ 700گە جەتىپ، بىلتىرعى ۇقساس مەزگىلدەگىدەن %8.3 ارتقان.

  ”ينتەرنەتتە تىركەلىپ، ءوتىنىش بەرۋدەن تيجارات كۋالىگىن العانعا دەيىن نەبارى 3 كۇن عانا ۋاقىت جۇمسالدى. مۇنداي جوعارى ونىمدىلىك مەنىڭ شينجياڭنىڭ شارۋاشىلىق - ساۋدا ورتاسىنا دەگەن سەنىمىمدى نىعايتتى“، - دەدى شينجياڭ تيانجيە ساياحات قارجى قوسۋ شەكتى سەرىكتەستىگىنىڭ القا باستىعى ۋاڭ كۇي كۇلىمسىرەي.

  ۋاڭ كۇي رايونىمىزدىڭ 2 ميلليونشى تيجارات كۋالىگىنىڭ يەگەرى. ۋاڭ كۇي قۋانا: ”بۇل تيجارات كۋالىگى توتەنشە قۇندى، ونى قاستەرلەپ ساقتايمىن. تيجارات كۋالىگىن العاننان كەيىن ءبىر اپتانىڭ ىشىندە نىساندى ەستەلىككە الدىردىق. جەرگىلىكتى ۇكىمەت جول، سۋدان پايدالانۋ سياقتى ماسەلەلەردى شەشۋىمىزگە كومەكتەسىپ، نىساننىڭ ءوز ۋاعىندا جۇمىس باستاۋىنا كەپىلدىك ەتتى“، - دەدى.

  بىلتىردان بەرى جاڭا تيپتى ايدارشا ۆيرۋس وكپە قابىنۋ ىندەتى اكەلگەن قيىنشىلىقتار مەن سىن - سايىستار الدىندا، اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، بۇكىل رايون بويىنشا جوعارىدان تومەنگە دەيىن ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ”بازار تۇلعالارىن ورنىقتىرۋدى“ ءتۇيىن ەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىندارعا تيىمدىلىك جاساپ، قيىنشىلىقتاردى شەشۋدىڭ ءبىر قىدىرۋ ساياسات، شارالارىن شىعاردى.

  وسى مەزگىلدە اۆتونوميالى رايون جيىنى جاڭادان 10 ميلليارد 920 ميلليون يۋان سالىقتى ازايتىپ، اقىنى تومەندەتىپ، ءتۇرلى ساياساتتاردىڭ تياناقتانۋىنان ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ ۇنەمدەگەن اقشاسى جيىنى 131 ميلليارد 730 ميلليون يۋانعا جەتىپ، ءتۇرلى ”قارجىلاي“ ساياساتتىق قولداۋ كاسىپورىنداردىڭ دەرەۋ جۇمىستى قالپىنا كەلتىرىپ، ءوندىرىس قۋاتىنا جەتۋىنە مۇمكىندىك جاساپ، كاسىپورىنداردىڭ ءوندىرىس، تيجارات قيىنشىلىعىن ءونىمدى شەشتى.

  سونىمەن بىرگە، اۆتونوميالى رايون ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز ىلگەرىلەتىپ، نازاردى كۋالىكتەردى ىقشامداپ، حالىققا قولايلىلىق جاساۋ سياقتى ىستەرگە شوعىرلاندىرىپ، بۇكىل رايوندا ”رۇقسات كۋالىگى مەن تيجارات كۋالىگىن“ ءبولۋدى جولعا قويىپ، 100 تۇردەگى اكىمشىلىك تەكسەرىپ بەكىتۋ ىسىنە تۇرلەر بويىنشا رەفورما جۇرگىزۋدى اتقاردى. اكىمشىلىك رۇقسات ەتۋ رەفورماسىن تەرەڭدەتكەننەن كەيىن ءدارى - دارمەك، ونەركاسىپ ونىمدەرى سياقتى قۇرىلىمداردىڭ تولىمدىلىعىن رۇقسات ەتۋ نىساندارى مەن تەكسەرىپ بەكىتۋ ۋاقىتى بارىنشا قىسقارىپ، قارجى قوسىپ كاسىپورىن قۇرۋدا ”ارلى - بەرلى شاپقىلاۋ“ مەن ”ۋاقىتتى“ ۇزدىكسىز ازايتتى.

  ورنىقتىلىقتىڭ پايداسى، ساياساتتىڭ پايداسى، ىندەتتەن ساقتانۋ - تىزگىندەۋدىڭ پايداسى قاتارلاسا جارىققا شىعىپ، رايونىمىزدىڭ بازار ومىرشەڭدىك كۇشىن ۇزدىكسىز قاۋلاتتى. بيىل 2 - ايدىڭ سوڭىنا دەيىن شينجياڭدا تىركەلگەن كاسىپورىن 410 مىڭ 500 بولىپ، بىلتىرعى سايكەس مەزگىلدەگىدەن %11.1 ارتتى. شينجياڭدا تىركەلگەن جەكە ساۋدا - ونەركاسىپشى ءبىر ميلليون 585 مىڭ 800 بولىپ، بىلتىرعى سايكەس مەزگىلدەگىدەن %7.7 ارتتى.

  ”بازار تۇلعالارى ورنىقتى مولايىپ، ەكونوميكالىق كلەتكا ومىرشەڭدىك كۇشكە يە بولىپ، كاسىپ سالاسىنىڭ قايتا جاندانىپ، سەنىم سەرپىلىپ، بازار كۇشتەرىنىڭ توپتالىپ جاتقاندىعى ايگىلەندى“. شينجياڭ داشۋەسى ەكونوميكا باسقارۋ شۋەيۋانىنىڭ پروفەسسورى، شينجياڭ جاڭالىق اشۋدى باسقارۋ - زەرتتەۋ ورتالىعىنىڭ مەڭگەرۋشىسى سۇن حۇي بىلاي دەپ قارادى: شينجياڭدا بازار تۇلعالارىنىڭ بۇكىل ەلمەن تەڭ قادامدا ارتىپ جاقسارۋعا بەت الۋى اۆتونوميالى رايوننىڭ ىندەت ىقپالىنا بەلسەنە توتەپ بەرىپ، بازار ومىرشەڭدىك كۇشىن قاۋلاتىپ، بازار تۇلعالارىنىڭ دامۋىن ىلگەرىلەتەتىن ءتۇرلى ساياساتتارىنىڭ ونىمدىلىك كورسەتكەندىگىن تولىق ايگىلەدى، بۇل ”14 - بەسجىلدىقتىڭ“ جاقسى باستاما اشۋىنا، جاقسى قادام تاستاۋىنا، شينجياڭنىڭ ەكونوميكاسىنىڭ جوعارى ساپالى دامۋىن ىلگەرىلەتۋگە مىعىم نەگىز قالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار