بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جەر - جەر، تاراۋلار ايرىقشا ءمان بەرىپ، دەن قويا ۇيىمداستىرىپ،

پارتيا تاريحىن ۇيرەنۋ تاربيەسىندە تىڭعىلىقتى ونىمدىلىككە قول جەتكىزۋگە كەپىلدىك ەتتى (100 جىلدىق كۇرەس جولىندا جاڭا جورىق باستاۋ؛ پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ)

«حالىق گازەتىنىڭ» تىلشىلەرى

2021.03.15 16:18     كەلۋ قاينارى : حالىق تورابى

  كىرىس ءسوز

  2021 - جىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. پارتيا ورتالىق كوميتەتى بۇكىل پارتيادا پارتيا تاريحىن ۇيرەنۋ تاربيەسىن ورىستەتۋدى ۇيعاردى. بۇل − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارتيانىڭ 100 جىلدىق تاريحي جاڭا باستاماسىن تياناق ەتىپ، جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە ءجۇزىنىڭ 100 جىلدا بولماعان زور وزگەرىسىن ءبىر تۇتاس جوسپارلاپ، بۇكىل پارتيانى، بۇكىل ەلدى تولىق سەنىممەن جاپپاي سوتسياليستىك وسىزاماندانعان مەملەكەت قۇرۋعا ات سالىسۋعا جۇمىلدىرۋ ءۇشىن جاساعان كەلەلى شەشىمى.

  پارتيا تاريحىن ۇيرەنۋ تاربيەسىنىڭ ساپالى ورىستەتىلۋىن ىلگەرىلەتىپ، تاماشا جاماعات پىكىرى ورتاسىن قالىپتاستىرۋ ءۇشىن، گازەتىمىز بۇگىننەن باستاپ «100 جىلدىق كۇرەس جولىندا جاڭا جورىق باستاۋ» ايدارىندا «پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ» ايدارشاسىن اشىپ، پارتيا ورتالىق كوميتەتىنىڭ پارتيا تاريحىن ۇيرەنۋ تاربيەسى جونىندەگى ماڭىزدى رۋحى مەن شەشىم - ورنالاستىرۋلارى، جەر - جەردىڭ، تاراۋلاردىڭ پارتيا تاريحىن ۇيرەنۋ تاربيەسىنىڭ اياق الىسى مەن ءىس جۇزىندىك ونىمدىلىگى، جارىققا شىققان اسەرلى اڭگىمەلەر مەن وزات تيپتەر سياقتىلاردى شوعىرلى ۇگىتتەيدى، حابارلايدى.

  2 – ايدىڭ 20 – كۇنى باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا ماڭىزدى ءسوز سويلەپ، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن تەرەڭ پايىمداپ، پارتيا تاريحىن ۇيرەنۋ تاربيەسىنىڭ ماڭىزدى ءتۇيىنى مەن قىزمەت تالابىن ىشكەرىلەي ءتۇسىندىرىپ، پارتيا تاريحىن ۇيرەنۋ تاربيەسىنە جاپپاي جۇمىلدىرىپ جانە ورنالاستىرۋ جاساپ، پارتيا تاريحىن ۇيرەنۋ تاربيەسىن ويداعىداي ورىستەتۋگە ايقىن باعدار كورسەتىپ، ءتۇبىرلى تياناق ازىرلەدى.

  ج ك پ ورتالىق كوميتەتى «بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ جونىندەگى ۇقتىرۋدى» باسىپ تاراتىپ، پارتيا تاريحىن ۇيرەنۋ تاربيەسى جونىندە ورنالاستىرۋ جاسادى.

  بيىلعى مەملەكەتتىك ەكى ءماجىلىس كەزىندە باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا، چيڭحاي ۋاكىلدەر ۇيىرمەسىنىڭ باياندامانى قاراۋىنا قاتىناسقاندا پارتيا تاريحىن ۇيرەنۋ تاربيەسىن توڭىرەكتەي وتىرىپ ماڭىزدى ءسوز سويلەپ، ايقىن تالاپتاردى ورتاعا قويدى.

  بىرنەشە كۇننەن بەرى جەر - جەر، تاراۋلار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ءتۇسىنىپ، يدەيالىق تانىم مەن ساياسي دەڭگەيدى جوعارىلاتىپ، پارتيا تاريحىن ۇيرەنۋ تاربيەسىن ورىستەتۋدى كەلەلى ساياسي مىندەت ەتىپ، ايرىقشا ءمان بەرىپ، دەن قويا ۇيىمداستىرىپ، پارتيا تاريحىن ۇيرەنۋ تاربيەسىندە تىڭعىلىقتى ونىمدىلىككە قول جەتكىزۋگە كەپىلدىك ەتتى.

  دەڭگەيدى جوعارىلاتىپ، يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن جەدەل بىرلىككە كەلتىردى

  باس شۋجي شي جينپيڭ بىلاي دەپ اتاپ كورسەتتى: پارتيامىزدىڭ 100 جىلدىق مەرەي تويىن قۇتتىقتاۋدىڭ كەلەلى ساتىندە، «ەكى 100 جىلدىق» كۇرەس نىساناسىنىڭ تاريحي توعىسىنداعى شەشۋشى ساتتە بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ ءدال ۋاعىندا بولدى، بۇل وتە قاجەتتى.

  جەر - جەر، تاراۋلار دەرەۋ جەتكىزىپ، ۇيرەنىپ، دەرەۋ جۇمىلدىرىپ، ورنالاستىرۋ جاساپ، پارتيا تاريحىن ۇيرەنۋ تاربيەسىن جوعارى ولشەممەن باستاپ، قالىڭ پارتيالى كادرلاردى دەڭگەيدى جوعارىلاتۋعا جەتەكتەپ، يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن جەدەل بىرلىككە كەلتىردى.

  ورتالىق پەن مەملەكەت ورگاندارى قىزمەت كوميتەتى جۇمىلدىرۋ ءماجىلىسىن اشىپ، پارتيا تاريحىن ۇيرەنۋ تاربيەسىن ورىستەتۋدى كەلەلى ساياسي مىندەت رەتىندە كورنەكتى ورىنعا قويىپ، ماڭداي الدى ءىرى ءىس رەتىندە قاراپ، 2021 - جىلدىڭ تۇتاس جىلىنا ءسىڭىرىپ، «ءۇشتى اقساتپاۋدى، ءۇشتى جەبەۋدى» ورىنداپ، پارتيا ورتالىق كوميتەتىنە تولىمدى جاۋاپ قايتارۋعا قۇلشىنۋدى تالاپ ەتتى.

  حالىق ىستەرى مينيسترلىگى جۇمىلدىرۋ ءماجىلىسىن اشىپ، توتە قاراستى ورگاندارعا يدەيالىق جۇمىلدىرۋ جانە ناقتى ورنالاستىرۋ جاسادى؛ باسشىلىق گرۋپپاسىن قۇرىپ، پارتگرۋپپانىڭ مۇشەلەرى «ءبىر قىزمەت ورنىندا ەكى جاۋاپكەرلىك ارقالاپ»، مۇشە ورىندار ءوز مىندەتتەرىن وتەپ، ءبىر تۇتاس ىلگەرىلەتتى؛ حالىق ىستەرى مينيسترلىگىنىڭ پارتيا تاريحىن ۇيرەنۋ تاربيەسىن اتقارۋ جوباسى سياقتىلاردى باسىپ تاراتىپ، نىسانا تالابىن، ۇيرەنۋ مازمۇنىن، ناقتى مىندەتىن جانە قىزمەت شارالارىن ايقىندادى.

  مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى قىزمەتكەرلەردى ورنالاستىرۋ ءماجىلىسىن اشىپ، پارتيا تاريحىن ۇيرەنۋ تاربيەسىندە ءادىس - امالعا ءمان بەرىپ، كەزەڭدىك ۇيرەنۋ ءتۇيىنىن ايقىنداپ، ارناۋلى تاقىرىپتىق ۇيرەنۋدى دەن قويا ۇيىمداستىرىپ، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باسقاراتىن ورتالىق كاسىپورىندارىنىڭ ءىس جۇزىندىك جاعدايىمەن ۇشتاستىرىپ، نەگىزگى تاقىرىبى كورنەكتى، ەرەكشەلىگى ايقىن ءتۇرلى ۇيرەنۋ قيمىلدارىن ورىستەتۋدى تالاپ ەتتى.

  مەملەكەتتىك حالىق كوميتەتى بەينە ەكران فورماسىمەن جۇمىلدىرۋ، ورنالاستىرۋ ءماجىلىسىن اشىپ، تۇتاس جۇيەنى ۇيرەنۋ، تاربيە جۇرگىزۋ بارىسىندا » قاۋىرت ۇيرەنۋ، قاۋىرت تالقىلاۋ، قاۋىرت رەتتەۋ، زەرتتەۋ، قاۋىرت تاربيەلەۋ « قيمىلىن ورىستەتىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىگە اناعۇرلىم شوعىرلاندىرىپ، قىزمەتتى ورىستەتىپ، پارتيا مەن مەملەكەت جۇكتەگەن مىندەت پەن بورىشتى اناعۇرلىم ويداعىداي ارقالاۋعا ۇندەدى.

  بەيجيڭ قالاسى جۇمىلدىرۋ ءماجىلىسىن اشىپ، ساياسي دەڭگەيدى اناعۇرلىم جوعارىلاتىپ، پارتيا تاريحىن ۇيرەنۋ تاربيەسىن ەڭ جاقسى ولشەمنەن جازباي، تىڭعىلىقتى ورىستەتىپ، بۇكىل قالاداعى پارتيا مۇشەلەرىن پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋعا جەتەكتەپ، استانانىڭ جاڭا دامۋىن ءتىپتى دە قايراتتانا ىلگەرىلەتىپ، «14 – بەسجىلدىقتا» جاقسى باستاما باستاپ، جاقسى قادام تاستاۋعا كەپىلدىك ەتىپ، پارتيا قۇرىلعانىنىڭ 100 جىلدىعىن ەرەن ناتيجەلەرمەن قۇتتىقتاۋدى تالاپ ەتتى.

  حيلۇڭجياڭ ولكەسى جۇمىلدىرۋ ءماجىلىسىن اشىپ، ءار دارەجەلى پارتكومداردان (پارتگرۋپپا) تۇلعالىق جاۋاپكەرلىكتى ارقالاۋدى، نەگىزگى جاۋاپتى جولداستاردان ءبىرىنشى جاۋاپتى ادامنىڭ مىندەتىن مۇقيات اتقارۋدى، پارتيا مۇشەلەرى مەن كادرلاردان بار ىنتا - پەيىلىمەن كىرىسىپ، ۇيرەنۋ تاربيەسىن تىڭعىلىقتى جۇرگىزىپ، ناقتى ونىمدىلىككە قول جەتكىزۋگە كەپىلدىك ەتۋدى تالاپ ەتتى.

  حۋنان ولكەسى جۇمىلدىرۋ ماجىلىسىندە بىلاي دەپ اتاپ كورسەتتى: بۇكىل ولكەدەگى باسشىلار جاۋاپكەرلىكتى تياناقتاندىرۋدى باستاماشىلدىقپەن يگەرىپ، «شەشۋشى از ساندىلار» ارقىلى قالىڭ پارتيالى كادرلاردى بەلسەنە ىلەسۋگە جەتەكتەپ، ءتۇيىن ارقىلى جالپى كولەمدى جەتەكتەپ، ساتىلار بويىنشا ىلگەرىلەتىپ، بۇكىل ولكە كولەمىندە پارتيا تاريحىن ۇيرەنۋ تاربيەسىنىڭ ورلەۋىن جەدەل كوتەرۋ كەرەك.

  يۇننان ولكەسى جۇمىلدىرۋ ءماجىلىسىن اشىپ مىنالاردى تالاپ ەتتى: بۇكىل ولكە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، ۇيرەنۋ ماقساتىن ايقىنداپ، ۇيرەنۋ ءتۇيىنىن يگەرىپ، عىلمي ءادىستى مەڭگەرىپ، ۇيرەنۋدىڭ ناقتى ونىمدىلىگىنە ۇمتىلىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتۋى كەرەك.

  ...

  جەر - جەر، تاراۋلار ورنالاستىرۋ جاسالا سالىسىمەن جۇمىلىپ، ۇيىمدىق باسشىلىقتى كۇشەيتىپ، باسشىلىق قۇرىلىمىن جەدەل قۇرىپ، قىزمەت جوباسىن جاساپ، ورنالاستىرۋ ءماجىلىسىن اشىپ، پارتيا ورتالىق كوميتەتىنىڭ ورنالاستىرۋلارى مەن تالاپتارىن شىنايى تياناقتاندىردى.

  ءىس جۇزىندىكتى تياناق ەتىپ، تۋراشىلدىقتان جازباي، جاڭالىق اشىپ، ۇيرەنۋ تاربيەسىنىڭ باعىتتامالىلىعى مەن ونىمدىلىگىن كۇشەيتتى

  شاندۇڭ ولكەسى چيڭداۋ قالاسى چىڭياڭ رايونىندا وركەنيەت امالياتى پارتيا ساباعى، جاستار پارتيا ساباعى، مۋزىكالى پارتيا ساباعى سىندى «3 ساباقتىڭ» باستالۋىنا ىلەسە، پارتيا تاريحىن ۇيرەنۋ تاربيەسىنىڭ شىمىلدىعى اشىلدى.

  ەرىكتىلەردىڭ توپ - توپ شاعىن اترەتتەرى الەۋمەتتىك اۋماققا بارىپ، ساقا پارتيا مۇشەلەرىنە تىلشىلىك ىستەپ، الەۋمەتتىك اۋماقتىڭ وزگەرىسى، تاريحي مادەنيەت جانە توڭكەرىس جونىندەگى اڭگىمەلەردى تاۋىپ، پارتيا تاريحىن ۇيرەنۋ تاربيەسىن جاڭا ءداۋىردىڭ وركەنيەت امالياتى قىزمەتىمەن ۇشتاستىردى؛ جاستاردىڭ پارتيا ساباعىنا سۇيەنىپ، باي مازمۇندى تاقىرىپتىق ماقالا جيناۋ، پارتيا تاريحى بىلىمدەرى جارىسى سياقتى قيمىلدارمەن توڭكەرىستىك گەندى، توڭكەرىس الاۋىن ۇرپاقتان - ۇرپاققا جالعاستىردى؛ مۋزىكا پارتيا ساباعى پارتيانىڭ شۇعىلالى بارىسىن نەگىزگى جەلى ەتىپ، توڭكەرىستىك كلاسسيكالىق مۋزىكالاردى تاڭداپ، كورەرمەندەرگە اسەرلى اڭگىمەلەر مەن اسەم اۋەندەردەن داڭقتى ءداستۇردىڭ كۇش - قۋاتىن سەزىندىردى ...

  بىرنەشە كۇننەن بەرى جەر - جەر ءىس جۇزىندىكتى تياناق ەتىپ، دۇرىس جولدان جازباي، جاڭالىق اشىپ، ۇيرەنۋ تاربيەسىنىڭ باعىتتامالىلىعى مەن ونىمدىلىگىن كۇشەيتىپ، ەرەكشەلىگى ايقىن، فورماسى الۋان ءتۇرلى ۇيرەنۋ تاربيەسىن ورىستەتىپ، پارتيا تاريحى بىلىمدەرىن جالپىلاستىرىپ، پارتيا تاريحىن ۇيرەنۋ تاربيەسىنىڭ بۇقاراعا، نەگىزگى ساتىعا، جۇرت جۇرەگىنە تەرەڭ ۇيالاۋىن ىلگەرىلەتتى.

  يۇنناننىڭ بايتاق دالاسىندا «پارتياعا ماڭگى ىلەسۋ»، «توڭكەرىستىك گەندى جالعاستىرۋ»، «وزات تيپتەردەن ۇيرەنۋ»، «توڭكەرىستىك اڭگىمەلەردى كوپشىلىك ايتۋ» سياقتى جەلىلەس قيمىلدار دابىرالى ورىستەتىلۋدە.

  جاستار اڭگىمەلەپ، جاستار تىڭدادى. 3 - ايدىڭ 9 - كۇنى يۇننان ولكەسى كۇنميڭ قالاسى گۋاندۋ رايونى جينما ءمالى باسقارماسى فاڭحۋالي «توڭكەرىس ءۇنى» نازاريالىق ۇگىت - لەكسياسىن تىكە تاراتۋ بازاسىندا جاس ديكتورلار تىكە تاراتۋ بولمەسىندە قالا تۇرعىندارىنا، اسىرەسە، جاستارعا پارتيانىڭ 100 جىلدىق كۇرەس تاريحىن بايانداۋدا. گۋاندۋ رايونى بەينەلەۋ قابىلەتى جاقسى، باۋراۋ قۋاتى كۇشتى، ساپاسى جوعارى 27 جاستى تاڭداپ الىپ، وڭ ەنەرگيا ۇگىت - لەكسيا قوسىنىن قۇرىپ، قالىڭ جاستاردى بەلسەنە ات سالىسۋعا باۋراپ، پارتيا تاريحىن ۇيرەنۋدىڭ تاماشا ءتاسىلىن قالىپتاستىردى.

  حۋنان ولكەسى چاڭشا اۋدانى كايحۇي قالاشىعى كايحۇي قىستاعىنىڭ ءبىرىنشى شۋجيى جۋ يوۋجى بىلاي دەدى: «چىن شۋشياڭ، ياڭ كايحۇي قاتارلى توڭكەرىستىك قۇربانداردىڭ بارلىعى چاڭشا اۋدانىنىڭ ادامدارى. ولاردىڭ اسەرلى اڭگىمەلەرى، ەرلىك ىستەرى ءبىزدى وسى توڭكەرىس مەكەنىندە قاجىماي - تالماي كۇرەس جۇرگىزۋگە جىگەرلەندىرىپ كەلەدى». 3 - ايدىڭ 3 - كۇنى حۋنان ولكەسى بۇكىل ولكەدەگى جاڭا كەزەكتى قىستاق (الەۋمەتتىك اۋماق) «ەكى كوميتەتىنىڭ» مۇشەلەرىن شوعىرلى، كەزەكپەن تاربيەلەۋمەن بىرلەستىرىپ، بەينە ەكران ارقىلى پارتيا تاريحى تاربيەسىنىڭ «كوكتەم مەرەكەسىندەگى ءبىرىنشى ساباعىن» جاقسى ءوتتى. بۇكىل ولكەدەگى 23 مىڭ 791 قىستاق، 5 مىڭ 422 الەۋمەتتىك اۋماقتاعى 170 مىڭ جاڭا كەزەكتى قىستاق (الەۋمەتتىك اۋماق) كادرى، پارتيا مۇشەسى ۇيرەنۋگە قاتىناسىپ، پارتيا تاريحىن ۇيرەنۋ تاربيەسىن ورنالاستىرۋ تالابى ەڭ نەگىزگى ساتىعا جەتكىزىلدى.

  1 - ساباقتى تىڭداعاننان كەيىن حۋنان ولكەسى شۋاڭفىڭ اۋدانى جيڭجى قالاشىعى تۇڭلياڭ قىستاعى پارتيا باس ياچەيكاسىنىڭ شۋجيى زو جىشيۇڭ بىلاي دەدى: «ءبىز ‹مەن كىممىن›، ‹كىم ءۇشىن ىستەيمىن›، ‹كىمگە سۇيەنەمىن› دەگەن سياقتى ماسەلەلەردى كوكەيگە ساقتاپ جولعا شىقتىق، ەندى اۋىلداستاردى باستاپ، اۋىل - قىستاقتى گۇلدەندىرۋدى جۇمىلا ىسكە اسىرامىز!»

  توڭكەرىستىك بايىرعى رايون رەتىندە فۋجيان ولكەسىنىڭ چاڭتيڭ اۋدانى پارتيا مۇشەلەرى ناق مايداندا ۇيرەنۋ، توڭكەرىستىك ءداستۇرلى كىتاپتاردى جازۋ، توڭكەرىستىك تۇسىندىرۋشىلەر قوسىنىن ۇيىمداستىرۋ سياقتى تاسىلدەردى قولداندى، ەندى اۋدان، اۋىل، قىستاق سىندى ءۇش دارەجەلى كادرلار ناق مايداندا ۇيرەنۋگە تارتىپپەن قاتىناستىرىلادى. بىرنەشە كۇننەن بەرى فۋجيان ولكەلىك سوۆەت ۇكىمەتىنىڭ بايىرعى جۇرتىندا توپ – توپ پارتيالى كادرلار قوسىنى ناق مايداندا وقىتۋعا قاتىناسىپ، ورتالىق سوۆەت رايونى توڭكەرىسىنىڭ تاريحىن جاقىن ارالىقتان سەزىنىپ، پارتيانىڭ العاشقى باسشىسى چۇي چيۋباي وتىرعان قاماقحانادا ونىڭ ينتەرناتسيونال ءانىن اسقاقتاتا شىرقاپ، اقيقات جولىندا باسىن ءباي تىگۋ جاعدايىن ەسكە الىپ، كوزدەرىنە جاس الدى.

  پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىققا كوز جىبەرۋمەن، قىزمەتتى ىلگەرىلەتۋمەن ۇشتاستىردى

  «قايىرلى تاڭ، قىستاق تۇرعىندارى! ‹قارلى القاپ ءۇنىن› تىڭداۋلارىڭىزدى قارسى الامىز، بۇگىن ‹ پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ› باعدارلاماسىن ۇزدىكسىز تىڭدايمىز ...» 3 - ايدىڭ 10 - كۇنىنەن باستاپ حيلۇڭجياڭ ولكەسى مۋدانجياڭ حايلين قالاسى بۇكىل قالاداعى 8 اۋىل - قالاشىقتاعى 112 اكىمشىلىك قىستاقتىڭ 143 شاعىن كەرنايىنان پايدالانىپ «قارلى القاپ ءۇنى» تاراتۋ تەكشەسىن قۇردى.

  توڭكەرىستىك ءان، پارتيا تاريحى نازارياسى، اۋىل شارۋاشىلىق تەحنيكا بىلىمدەرى... ءار كۇنى تاڭەرتەڭ ءتۇرلى - ءتۇستى راديو نومىرلەرىمەن بىرگە قىستاق تۇرعىندارى ءبىر كۇندىك قاربالاستىققا تۇسەدى. شاعىن كەرناي حايلين قالاسىنىڭ بۇقارالىق پارتيا تاريحى تاربيەسىن ورىستەتۋدەگى ماڭىزدى دانەكەرىنە اينالىپ، قالىڭ اۋىل - قىستاق بۇقاراسىنىڭ جۇرگەن – تۇرعان جەرىندە، قول بوس كەزىندە ءبىلىم الۋىنا، ينفورماتسيا قابىلداۋىنا مۇمكىندىك جاساپ، پارتيانىڭ جاڭالىق اشۋ نازارياسىنىڭ «جاي بۇقارانىڭ ۇيىنە كىرۋىن» ىلگەرىلەتىپ، اۋىل شارۋاشىلىعى، اۋىل - قىستاق، شارۋالار قىزمەتىنە قىزمەت كورسەتۋدىڭ «ەڭ سوڭعى ءبىر شاقىرىمىن» ىركىلىسسىزدەندىردى.

  جەر - جەر، تاراۋلار ورنالاستىرۋ كەزەڭىندە ۇيرەنۋ مەن قىزمەتتىڭ سايكەسپەي قالۋىنان ساقتانىپ، مەحانيزمدە، ءادىس - امالدا جاڭالىق اشۋ ارقىلى پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىققا كوز جىبەرۋمەن، قىزمەتتى ىلگەرىلەتۋمەن ۇشتاستىرىپ، ءىس جۇزىندىك ماسەلەلەردى شەشۋمەن ۇشتاستىرىپ، «بۇقارا ءۇشىن ناقتى ىستەر ىستەۋ» امالياتتىق قيمىلىن ويداعىداي ورىستەتىپ، بۇقاراعا شىنايى ناقتى ىستەر ىستەپ، قيىن ماسەلەلەردى شەشىپ، ۇيرەنۋ ناتيجەسىن قىزمەتتىڭ قوزعاۋشى كۇشىنە جانە ونىمدىلىگىنە اينالدىردى.

  حالىق ىستەرى جۇيەسى «ناقتى ىستەر ىستەۋ، قيىن ماسەلەلەردى شەشۋ، مەيىر - شاپاعات جەتكىزۋ، پارتيانىڭ مەيىر - شاپاعاتىنا العىس ايتۋدى» نەگىزگى تاقىرىپ ەتىپ، «بۇقارا ءۇشىن ناقتى ىستەر ىستەۋ» امالياتتىق قيمىلىن ورىستەتىپ، «كاسىپورىننىڭ اۋىرتپالىعىن جەڭىلدەتەمىن»، «ۋايىمنان ارىلتىپ، پارتيانىڭ مەيىرىن باعىشتايمىز»، «جاڭا ءداۋىر، جاڭا الەۋمەتتىك اۋماق، جاڭا تۇرمىسى»، «قارتتارعا قامقورلىق جاساۋ، تاماشا تۇرمىستان يگىلىكتەنۋ» سياقتى دەن قويا جوبالانعان قيمىلداردى ورىستەتىپ، نازاردى حالىق ىستەرى كاسىپ سالاسىنداعى قىزمەت كورسەتۋ وبيەكتىلەرىنىڭ مۇڭ - مۇقتاجىنا شوعىرلاندىرىپ، بۇقارانىڭ قيىنشىلىعىن شىنايى شەشتى.

  تاۋلى، ورماندى بولىپ كەلەتىن، شەتكەرى ورنالاسقان جيلين ولكەسى لينجياڭ قالاسى باۋشان قىستاعىندا شەكارا ساقشى بولىمشەسىنىڭ ساقشىلارى 3 - ايدىڭ 13 - كۇنى وتباسىلاردى ارالاپ، تۇرعىنداردىڭ ءىس جۇزىندىك قيىنشىلىعىن ۇعىستى. مەملەكەتتىك ەرەكشە دارەجەلى تاڭداۋلى حالىق ساقشىسى، باۋشان شەكارا ساقشى بولىمشەسىنىڭ باستىعى نيڭ جۇڭۋەي بىلاي دەدى: «پارتيا تاريحىن ۇيرەنۋ ماعان ‹حالىق› دەگەن ءسوزدىڭ كۇشىن تەرەڭ تانىتتى. ءبىز ‹بۇقارانىڭ الدىمىزعا كەلۋىن› ‹بۇقارانىڭ ۇيىنە بارىپ قىزمەت وتەۋگە› وزگەرتىپ، ‹بۇقارا جۇمىس بىتىرەدى› دەگەندى ‹بۇقارا ءۇشىن جۇمىس بىتىرەمىز› دەگەنگە وزگەرتىپ، حالىق بۇقاراسىنىڭ تابىس، باقىت سەزىمىن جانە رازىلىق دارەجەسىن جوعارىلاتۋىمىز كەرەك».

  («حالىق گازەتىنىڭ» تىلشىلەرى ليۋ ۋەيتاۋ، جۋ جيڭرو، جياڭ لين، لي چاڭيۇي، حى يۇڭ، شۇي يۋانفىڭ، يان كى، حوۋ لينلياڭ، حاۋ يىڭسان، جاڭ ي - كاي، جوۋ ياجۇن، لي جياديڭ)

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار