بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

موڭعۇليادا قاتتى قۇمدى بوران مەن قارلى بوراننىڭ كەسىرىنەن 10 ادام قازا بولدى

2021.03.16 11:30   كەلۋ قاينارى : حالىق تورابى



  سۋرەت: موڭعۇليا تابيعي ورتا جانە ساياحات مينيسترلىگىنىڭ تورابىنان الىندى

حالىق گازەتىنىڭ 3 - ايدىڭ 15 - كۇنى ۇلانباتىردان بەرگەن حابارى. موڭعۇليا شۇعىل جاعدايعا توتەپ بەرۋ باس مەكەمەسىنىڭ حابارلاندىرۋىنا نەگىزدەلگەندە، 3 - ايدىڭ 13 - كۇنىنەن بەرى قاراي موڭعۇليانىڭ كوپتەگەن ايماقتارىندا قاتتى قۇمدى بوران جانە قارلى بوران سوققان. ءتىلشى وسى حاباردى جولداعانعا دەيىن قۇمدى بوران مەن قارلى بوراننىڭ كەسىرىنەن 10 ادام قازا بولىپ، 10 نەشە ادام دەرەكسىز كەتكەن.

  حابارلاندىرۋدا ايتىلۋىنشا. 3 - ايدىڭ 13 - كۇنىنەن بەرى قاراي، موڭعۇليانىڭ كوپتەگەن ايماقتارىندا جەل جىلدامدىعى سەكۋندىنا 20دا 24 مەترگە، كەي كەزدەرى سەكۋندىنا 30دا 34 مەترگە دەيىن جەتكەن؛ سولتۇستىك ايماقتاردا قار، مۇز ارالاس قارلى بوران سوققان؛ گوبي ساحاراسىندا كۇشتى قۇمدى بوران سوققان. استانا ۇلانباتىر قالاسىندا 3 - ايدىڭ 14 - كۇنى قۇمدى بوران سوققان.

  اۋا رايى ماماندارى بىلاي دەدى: موڭعۇلياداعى بۇل رەتكى تۋىلعان قۇمدى بوراننىڭ كۇشتىلىك دارەجەسى مەن جالعاسقان ۋاقىتى بۇرىنعى جىلدارداعىدان اسىپ كەتكەن. قاتتى قۇمدى بوراننىڭ كەسىرىنەن 58 كيىز ءۇي جانە 121 باسپانا، قورا - جاي ويراندالىپ، نەشە مىڭداعان قوي ىعىپ كەتكەن. شىعىس ايماقتاردا ەلەكتر سىم جولدارى بۇلىنگەندىكتەن جەرگىلىكتى ورىندا توك توقتاعان.

  كەلۋ قاينارى: حالىق تورابى

【1】 【2】 
جاۋاپتى رەداكتورى : مانەپ ەربول ۇلى

 سۋرەت