قۇلجا اۋدانى جەڭىل ونەركاسىپ جانە توقىما كاسىپ سالاسى رايونى:
كاسىپ سالاسى ورنىقتى قاداممەن دامىپ، بۇقارا ورنىقتى جۇمىستاندى
انار بۇلت / شينجياڭ گازەتىنىڭ ءتىلشىسى ءجازيرا نەسىپبەك، قۇلجا اۋدانى توعىسپالى مەديا ورتالىعىنان لي مەي
2021.03.16 16:41 كەلۋ قاينارى : شينجياڭ گازەتى
3 - ايدىڭ 13 - كۇنى قۇلجا اۋدانى يدۇڭ ونەركاسىپ باقشاسى جەڭىل ونەركاسىپ جانە توقىما كاسىپ سالاسى رايونىنا كەلگەندە ءتىلشىنىڭ نازارىن شينجياڭ دامو چۋانچي ءۇي جابدىقتارى، ءۇي ابزەلدەرى شەكتى سەرىكتەستىگىنىڭ زاۆود ۇيىندەگى قاربالاس ءوندىرىس جاعدايى بۇرىپ اكەتتى.
4 − 5 شارشى مەترلىك شارشى ءتارىزدى تەكسەرۋ ۇستەلىنىڭ الدىندا 4 ايەل جۇمىسشى جەكە - جەكە 4 باعىتتان جاڭا عانا وندىرىستەن شىققان ماقتا كورپەنىڭ ساپاسىن تەكسەرىپ جاتىر ەكەن. كوز قىدىرتا قاراساڭىز، 2 - قاباتتاعى 1600 شارشى مەتردەن استام كەڭ دە جارىق زاۆود ۇيىندە 100دەن استام جۇمىسشى ءوز جۇمىس ورىندارىندا قاربالاس تارتىپپەن جۇمىس ىستەپ جاتقانىن كورەسىز، ولار كەسىپ - ءپىشۋ، تورماقتا سالۋ، تىگۋ سياقتى قاتار - قاتار جۇمىس تارتىپتەرى ارقىلى تەپ - تەگىس، ادەمى ماقتا كورپەلەردى تەكسەرۋ ۇستەلىنە جىبەرىپ جاتتى.
قۇلجا اۋدانى جەڭىل ونەركاسىپ جانە توقىما كاسىپ سالاسى رايونىندا ءۇي توقىمالارى جانە كيىم - كەشەك كاسىپ باقشاسى جانە توقىماشىلىق كاسىپ باقشاسى سىندى 2 باقشا رايونى بار، 5700 مۋ جەردى يەلەگەن، جالپى 18 ميلليارد 500 ميلليون يۋان قارجى قوسىلىپ، وعان 10نان استام كاسىپورىن تارتىلعان. 2020 - جىلدىڭ سوڭىندا سالىنىپ بىتكەن جانە ىسكە قوسىلعان ءۇي توقىمالارى جانە كيىم - كەشەك كاسىپ باقشاسى 2 - مەرزىمدىك قۇرىلىسى كەمەلدى نەگىزدىك قۇرىلعىلارى مەن تاماشا شارۋاشىلىق - ساۋدا ورتاسىنىڭ ارقاسىندا 5 كاسىپورىندى جەدەل ىرگە تەبۋگە باۋرادى. 2020 - جىلى قۇلجا اۋدانى جەڭىل ونەركاسىپ جانە توقىما كاسىپ باقشاسىنىڭ ءونىم قۇنى 400 ميلليون يۋاننان استى.
شينجياڭ دامو چۋانچي ءۇي جابدىقتارى، ءۇي ابزەلدەرى شەكتى سەرىكتەستىگى ءۇي توقىمالارى جانە كيىم - كەشەك كاسىپ باقشاسىنىڭ 2 - مەرزىمدىك اۋماعىنا ىرگە تەپكەن 5 كاسىپورىننىڭ ءبىرى. 2 ايعا جۋىق جابدىقتاردى ورنالاستىرۋدان جانە قىزمەتشىلەردى باۋلۋدان كەيىن 2021 - جىلى 1 - ايدا كاسىپورىن وندىرىسكە قوسىلىپ، جۇمىس جۇرگىزە باستادى.
”باقشا رايونى كاسىپورىندارعا بارلىق جاعىنان قامقورلىق جاساپ وتىر، ءبىزدىڭ دامۋ سەنىمىمىز ەرەكشە مىعىم. قازىر بىزدە 100دەن استام قىزمەتشى بار، جازدا 2 كەزەك قىزمەتشى قابىلداپ، جۇمىستانعاندار سانىن 350 ادامنان اسىرامىز. ءبىزدىڭ 2 - زاۆود ءۇيىمىز اشەكەيلەنە باستادى، كاسىپورنىمىزدىڭ وندىرىستىك قۋاتى قازىرگى جىلىنا 300 مىڭ ماقتا كورپە وندىرۋدەن 500 مىڭ مولشەرىنە كوبەيىپ، ءونىم قۇنى 200 ميلليون يۋانعا جەتەدى“، - دەدى شينجياڭ دامو چۋانچي ءۇي جابدىقتارى، ءۇي ابزەلدەرى شەكتى سەرىكتەستىگىنىڭ باس ديرەكتورى چىنشى شيانشيا.
قۇلجا اۋدانى جەڭىل ونەركاسىپ جانە توقىما كاسىپ سالاسىنىڭ دامۋى جەرگىلىكتى ورىننىڭ جۇمىستاندىرۋىن پارمەندى ىلگەرىلەتۋ رولىن اتقارىپ، قازىرگە دەيىن 2000نان استام ادامدى ورنىقتى جۇمىستاندىرىپ ۇلگىردى. شينجياڭ دامو چۋانچي ءۇي جابدىقتارى، ءۇي ابزەلدەرى شەكتى سەرىكتەستىگى كوكتەپ تىگۋ گرۋپپاسىنىڭ باستىعى تۇرانبۋى يىلاحۇننىڭ ايتۋىنشا، كاسىپورىننىڭ ىرگە تەبۋىنىڭ ارقاسىندا، وعان ۇقساس تالاي - تالاي وتباسى ايەلدەرى ونەركاسىپ جۇمىسشىلارى بولىپ، جاقسى تۇرمىس وتكىزگەن.
”بۇرىن ۇيدە بالا باعىپ وتىردىم، قازىر وسىندا جۇمىسقا كەلىپ، شەبەرلىك يگەردىم، ايىنا 3000 يۋانعا جۋىق ەڭبەكاقى الامىن، مەن بۇل جەردەن بۇلجىماي ىستەي بەرەمىن“، - دەدى تۇرانبۋى.
2021 - جىلى قۇلجا اۋدانى اناعۇرلىم پارمەندى شارالارمەن جەڭىل ونەركاسىپ جانە توقىما كاسىپ سالاسىنىڭ دامۋىن جەبەيدى.
”’14 -بەسجىلدىق‘ مەزگىلىندە جەڭىل ونەركاسىپ جانە توقىما كاسىپ سالاسى رايونىنىڭ ءونىم قۇنىن 10 ميلليارد يۋانعا جەتكىزۋگە قۇلشىنىپ، 30 مىڭ ادامدى جۇمىستانۋعا تارتامىز. بيىل ءبىز ءۇي توقىمالارى جانە كيىم - كەشەك كاسىپ باقشاسىنا 13 كاسىپورىن، توقىماشىلىق كاسىپ باقشاسىنا 5 كاسىپورىن ەنگىزۋدى جوسپارلاپ وتىرمىز، مەجەمەن بيىل جىل سوڭىندا جەڭىل ونەركاسىپ جانە توقىما كاسىپ باقشاسىنىڭ ءونىم قۇنى 2 ميلليارد يۋانعا جەتىپ، 5000 ادامدى جۇمىستانۋعا تارتادى“، - دەدى قۇلجا اۋدانى يدۇڭ ونەركاسىپ باقشاسى پارتيا قىزمەتى كوميتەتىنىڭ ورىنباسار شۋجيى ۋاڭ كۇي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
