شينجياڭنىڭ شەتەلدەگىلەرمەن دوستاسۋ قوعامى قازاقستانداعى شينجياڭدىق باۋىرلاستارمەن، وقۋشىلارمەن بەينە كەسكىن ارقىلى اڭگىمە ءماجىلىس وتكىزدى
2021.03.18 12:56 كەلۋ قاينارى : حالىق تورابى
شينجياڭ گازەتى 3 – ايدىڭ 17 – كۇنى حابارلايدى. انار بۇلت \ شينجياڭ گازەتىنىڭ ءتىلشىسى ميھىرگۇل حابارلايدى: 3 – ايدىڭ 15 – كۇنى شينجياڭنىڭ شەتەلدەگىلەرمەن دوستاسۋ قوعامى قازاقستانداعى شينجياڭدىق باۋىرلاستاردىڭ، وقۋشىلاردىڭ ۋاكىلدەرىمەن بەينە كەسكىن ارقىلى اڭگىمە ءماجىلىسىن وتكىزدى. كوپشىلىك ينتەرنەت ارقىلى بەينە كەسكىن فورماسىندا «باس قوسىپ»، وتانعا، اتا – مەكەنگە، تۋىس – تۋعان، دوس – جاراندارىنا دەگەن كوڭىل – كۇيلەرىن بايانداپ، شينجياڭنىڭ دامۋىنداعى وزگەرىستەردى تىلگە تيەك ەتتى.
اڭگىمە ماجىلىسىندە، قازاقستانداعى شينجياڭدىق باۋىرلاستاردان، وقۋشىلاردان 13 ادام وزدەرىنىڭ شەتەلدەگى قىزمەت، ۇيرەنۋ جاعدايلارىن تانىستىردى، ولاردىڭ شينجياڭداعى تۋىس – تۋعاندارى دا شەتەلدەگى باۋىرلاستارىنا اتا – مەكەننىڭ قۋانارلىق وزگەرىستەرىن باياندادى.
«سىزدەرمەن ينتەرنەت ارقىلى جۇزدەسكەنىم جانىما جاقىن سەزىلىپ تۇر، بەينە سىزدەر مەنىڭ قاسىمدا تۇرعاندايسىزدار. مەن قازاقستاندا داشۋەدە ساباق بەرەمىن، وسى جىلداردان بەرى مەن 2000 نان استام وقۋشى تاربيەلەدىم. ولار وقۋ تاۋىسقان سوڭ ەكى ەل دوستىعىنىڭ ەلشىسى بولىپ، ەكى ەلدىڭ اۋىس – كۇيىس، سەلبەستىك ورىستەتۋىندە ءتيىستى رولدارىن اتقاردى»، — دەدى قازاقستان حالىقارالىق قازاقستان – جۇڭگو ءتىل شۋەيۋانىنىڭ ورىنباسار باستىعى ساۋلە ءانۋار ۇلى.
ول بىلتىر اۋىر ناۋقاسقا شالدىققان اعاسىنان قاتتى الاڭداعان ەكەن، بەينە كەسكىن ارقىلى اعاسىنىڭ دەنساۋلىعىنىڭ قالپىنا كەلىپ، ساۋىققانىن كورگەندە، ساۋلە ءانۋار ۇلىنىڭ جۇزىنە كۇلكى ءۇيىرىلدى.
«ءىنىم، قىزمەتىڭدى جاقسى ىستە، مەنەن الاڭ بولما. ءبىز بارلىعىمىز نەگىزدىك ەمدەۋ جاعىنداعى قامتاماسىزداندىرۋدان يگىلىكتەنىپ جاتىرمىز، تۇرمىسىمىزدا ەشقانداي قيىنشىلىق جوق. بىلتىر مەن جاڭا ءۇي ساتىپ الدىم، جاڭا ماشينا ساتىپ الدىم، سەن كەلگەن كەزدە، مەن سەنى ەرتىپ اتا – مەكەننىڭ اسەم كورىنىستەرىن كورسەتەمىن»، — دەدى ساۋلە ءانۋار ۇلىنىڭ اعاسى ەركىن ءانۋار ۇلى ىنىسىنە ءوزىنىڭ باقىتتى تۇرمىسى جايلى اڭگىمەلەپ.
اڭگىمە ماجىلىسىندە، جۇڭگونىڭ قازاقستاندا تۇراتىن باس ەلشىلىگىنىڭ كىشى ەلشى دارەجەسىندەگى اقىلشىسى جياۋ حۋايشين، الماتىدا تۇراتىن باس كونسۋلدىقتىڭ ۋاقىتتىق باس كونسۋلى مياۋ حۇڭبو جەكە – جەكە قازاقستانداعى شينجياڭدىق باۋىرلاستارعا، وقۋشىلارعا باعىتتاي وتىرىپ ورىستەتكەن كونسۋلدىق قىزمەتتەردى، وتە – موتە ىندەت كەزىندە ولارعا ىندەتتەن ساقتانۋ جاعىندا كەڭەس بەرۋ، ىندەتتەن ساقتانۋ بۇيىمدارىن تاراتۋ قاتارلى جاعدايلاردى تانىستىردى.
شينجياڭنىڭ شەتەلدەگىلەرمەن دوستاسۋ قوعامىنىڭ باستىعى پۋ شۋەمەي مىنانى ءبىلدىردى: گۇلدەنىپ – كورگەيگەن، قۇدىرەتتەنگەن وتانىمىز شەتەلدەگى باۋىرلاستارىمىزدىڭ مىعىم تىرەگى، شينجياڭنىڭ شەتەلدەگىلەرمەن دوستاسۋ قوعامى الدا كوپشىلىككە تاماشا قىزمەت وتەيدى جانە كوپشىلىكتى قامتاماسىزداندىرادى. شەتەلدەگى شينجياڭدىق باۋىرلاستاردىڭ، وقۋشىلاردىڭ جۇڭگو مەن شەتەلدىڭ ەكونوميكا – مادەنيەت جاعىندا اۋىس – كۇيىس جاساۋ، ءوزارا ۇلگى الۋ ىستەرىندە ىرىقتىلىقپەن كوپىرلىك، دانەكەرلىك رول اتقارۋىن، جۇڭگو شينجياڭنىڭ ورنىقتى دامۋىنا كوبىرەك ۇسىنىس بەرىپ، كوبىرەك كۇش شىعارۋىن تىلەيمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
