شينجياڭداعى ۇيعۇر ۇلتىنىڭ ايەل ۋاكىلدەرى باتىس اقپارات قۇرالدارىنىڭ شينجياڭ جونىندەگى جالعان حابارلارىن جازعىردى
2021.03.18 14:48 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 15 - كۇنى جەنەۆادان بەرگەن حابارى. جۇڭگونىڭ شينجياڭىنداعى ۇيعۇر ۇلتىنىڭ ايەل ۋاكىلدەرى يلشينا، تۇرسۇننيسا ءالي 3 - ايدىڭ 15 - كۇنى جەكە - جەكە بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 46 - رەتكى ماجىلىسىندە ءسوز سويلەپ، وزدەرىنىڭ كەشىرمەلەرىمەن بىرلەستىرىپ، ۇيعۇر ۇلتى ايەلدەرىنىڭ باقىتتى تۇرمىسىن باياندادى ءارى باتىس اقپارات قۇرالدارىنىڭ شينجياڭ جونىندەگى جالعان حابارلارىن جازعىردى.
يلشينا بىلاي دەدى: ءىشىنارا باتىس اقپارات قۇرالدارى شينجياڭداعى ۇيعۇر ۇلتىندا ادامدىق ۇقىق جوق دەپ جالا جاپتى. سول جەردە تۋىپ وسكەن ۇيعۇر رەتىندە مەن بىلەتىن شينجياڭ باتىس اقپارات قۇرالدارىنىڭ ايتقانىمەن مۇلدە ۇقسامايدى. شينجياڭنىڭ ءداستۇرلى مەرەكەسىندە، ماسەلەن، ورازا ايتتا جانە قۇربان ايتتا تۇگەلدەي دەمالىس بەرىلەدى. مەنىڭ 90 جاستاعى كارى اجەم ۇيعۇر تىلىندەگى تەلەۆيزور نومىرلەرىن كۇندە كورەدى. مەنىڭ ۇيعۇر دوستارىمنىڭ كوبىنىڭ اعا - باۋىرلارى، اپەكە - سىڭلىلەرى بار، كوپتەگەن ادامنىڭ مەن سياقتى شەتەلدە وقىعان كەشىرمەسى بار.
يلشينا بىلاي دەدى: قازىر شينجياڭداعى ءار ۇلت حالقى تاتۋ - ءتاتتى ءوتىپ، ءبىر نيەتپەن ىنتىماقتاسىپ، جاراسىمدىلىق پەن دامۋعا بىرگە ۇمتىلۋدا. شينجياڭ بارلىق ادام تىنىش ءومىر، شات - شادىمان تىرشىلىك كەشىرگەن جاقسى جەر. جات نيەتتەگى ادامداردىڭ وسىناۋ كورىكتى مەكەنگە زالالىن تيگىزبەۋىن، سونداي - اق جۇڭگوداعى ءار ۇلت حالقىنىڭ دوستىعىنا زيان جەتكىزبەۋىن ءۇمىت ەتەمىن. مەن دۇنيە ءجۇزىنىڭ جەر - جەرىندەگى دوستاردىڭ كورىكتى مەكەنىمىزگە بارىپ تاماشالاۋلارىن، ناعىز شينجياڭدى تىكەلەي كەلىپ كورۋلەرىن قۇشاق جايا قارسى الامىن.
تۇرسۇننيسا ءالي ءوزىنىڭ شينجياڭنىڭ حوتان ايماعى حوتان اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى ەكەندىگىن، تاربيەلەۋ - باۋلۋ ورتالىعى تاربيەلەنۋشىلەردىڭ ءتۇرلى ۇقىعىن تولىق قامتاماسىز ەتكەندىگىن، تاربيەلەنۋشىلەردىڭ مەملەكەتتە ءبىر تۇتاس قولدانىلاتىن ءتىل - جازۋدى، زاڭ بىلىمدەرىن ۇيرەنىپ قانا قويماي، تاعى كاسىپتىك شەبەرلىك ۇيرەنىپ، جۇمىستانۋ ونەرىن يگەرگەندىگىن ايتتى. سۇلۋلىققا جانى قۇشتار ول ادەمى كيىم كيگەندى ۇناتادى ەكەن، سوندىقتان تىگىنشىلىك جانە كيىم - كەشەك جوبالاۋ ساباعىن تاڭداپتى.
تۇرسۇننيسا ءالي بىلاي دەدى: وقۋ تاۋىسقاننان كەيىن مەن ەڭبەككۇش بازارىنىڭ تانىستىرۋى ارقىلى ءبىر كيىم - كەشەك كاسىپورنىنىڭ جۇمىسقا شاقىرۋىن قابىلداپ، سەرىكتەستىكپەن ەڭبەك توقتامىنا قول قويىستىم. سەرىكتەستىك جۇمىسكەرلەرگە ەمدەۋ قامسىزداندىرۋى، جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋى جانە تۋىت قامسىزداندىرۋى سياقتىلاردى ساتىپ الىپ بەردى. مەن اپتاسىنا 5 كۇن، كۇنىنە 8 ساعات جۇمىس ىستەيمىن. سەنبى، جەكسەنبى كۇندەرى دەمالعاندا ۇنەمى دوستارىممەن بىرگە بازار ارالاپ، قىدىرىپ، ءدامدى تاعامداردان ءلاززاتتانامىن. مەن تۇرعان سەرىكتەستىكتە مۇسىلمانشا اسحانا بار، اس - سۋ شارت - جاعدايى توتەنشە جاقسى، جاتاقتىڭ تۇرمىستىق قۇرىلعىلارى تولىق، وتە قولايلى.
تۇرسۇننيسا ءالي ءوزىنىڭ ىسىلعان تەحنيكاسىنا سۇيەنىپ سەحتىڭ مەڭگەرۋشىسى بولعاندىعىن، ايىنا 4000 يۋان ەڭبەكاقى الىپ، تۇرمىس شارت - جاعدايىنىڭ جاقسارعاندىعىن، وتباسىنداعىلاردىڭ تۇگەلدەي باقىتتى تۇرمىس كەشىرىپ جاتقاندىعىن ايتتى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
