بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حان جىڭ مەملەكەتتىك دامۋ جانە رەفورما كوميتەتىندە اڭگىمە ءماجىلىسىن اشقاندا مىنانى دارىپتەدى

پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ، تياناقتاندىرىپ، ءار جاقتاعى قىزمەتتەردى پارمەندى، ءتارتىپتى ىلگەرىلەتىپ، «14 – بەسجىلدىقتا» جاقسى باستاما باستاپ، جاقسى قادام تاستاۋعا كەپىلدىك ەتۋ كەرەك

2021.03.18 16:24     كەلۋ قاينارى : حالىق تورابى

  شينحۋا اگەنتتىگى، 3 - ايدىڭ 17 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 3 - ايدىڭ 16 - كۇنى مەملەكەتتىك دامۋ جانە رەفورما كوميتەتىندە اڭگىمە ءماجىلىسىن اشىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، «14 – بەسجىلدىق» جوبا مەن 2035 - جىلعى بولاشاقتىق نىسانا باعدارلاماسىن تياناقتاندىرۋعا قاتىستى قىزمەتتەردى ورنالاستىردى.

  حان جىڭ مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋ، بىرگە اۋقاتتانۋدى تىڭعىلىقتى ىلگەرىلەتۋ، جالپىلىق مەملەكەت حاۋىپسىزدىگى كوزقاراسىن بەرىك ورناتۋ سىندى 3 تەتىكتى ويداعىداي يگەرىپ، «14 – بەسجىلدىق» جوبادا جاقسى باستاما باستاپ، جاقسى قادام تاستاۋعا كەپىلدىك ەتۋ كەرەك.

  حان جىڭ بىلاي دەپ اتاپ كورسەتتى: پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ، تياناقتاندىرىپ، «14 – بەسجىلدىقتاعى» ءار جاقتاعى قىزمەتتەردى پارمەندى، ءتارتىپتى ىلگەرىلەتۋ كەرەك. استىق حاۋىپسىزدىگىنە شىنايى كەپىلدىك ەتىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن بەرىك ساقتاۋ كەرەك. ەنەرگيا قۇرىلىمىن ساپالىلاندىرىپ، ەنەرگيا حاۋىپسىزدىگىن قامتاماسىز ەتىپ، كومىرتەگى قوس توتىعىن جوعارى شەككە جەتكىزۋدەگى، كومىرتەگىن بەيتاراپتاندىرۋداعى ءتۇرلى قىزمەتتى تىڭعىلىقتى ىستەۋ كەرەك. كەلەلى قوعامدىق ساياسات ماسەلەسىنە نازار اۋدارىپ، نەگىزدىك زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ورنىقتى ىلگەرىلەتىپ، زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتىپ، جالپى حالىقتىق ەمدەلۋدى قامسىزداندىرۋ ءتۇزىمىن اقاۋسىزداندىرۋ كەرەك. ءىرى قالالاردا تۇرعىن ءۇي جاعىنداعى كورنەكتى ماسەلەلەردى ويداعىداي شەشىپ، قامتاماسىزدىق مايعا بەرىلەتىن تۇرعىن ۇيمەن قامداۋدى بارىنشا ارتتىرىپ، قورا - جاي بازارىن تىزگىندەۋدى ۇزدىكسىز كۇشەيتۋ كەرەك. كاسىپ قۇرىلىمىن رەتتەپ، ساپالىلاندىرىپ، ءتۇيىندى كاسىپتەردىڭ قاجەتتەن اسىپ قالعان ءوندىرىس قۋاتىن ازايتۋدى ۇزدىكسىز ىلگەرىلەتىپ، كاسىپ تىزبەگىنىڭ دەڭگەيىن جوعارىلاتىپ، كاسىپ تىزبەگى مەن قامداۋ تىزبەگىنىڭ حاۋىپسىزدىگىن قورعاۋ كەرەك. دامۋ مەن ارناعا تۇسىرۋگە تەڭ ءمان بەرۋدە تاباندى بولىپ، تەكشە ەكونوميكاسىن جونگە سالۋ جۇيەسىن ورناتۋ جانە كەمەلدەندىرۋ كەرەك. قىزمەتتەگى سەزگىرلىك پەن بولجامدىلىقتى كۇشەيتىپ، وركەندىك، قاعيدالىق ماسەلەلەردى بايقاۋعا شەبەر بولىپ، كورنەكتى قايشىلىقتاردى دەر كەزىندە باعىتتامالى شارالار قولدانىپ شەشىپ، ەكونوميكالىق قىزمەتتىڭ ىرىقتىلىق ۇقىعىن مىقتى يگەرۋ كەرەك.

  حان جىڭ مىنالاردى دارىپتەدى: وڭىرلىك كەلەلى ستراتەگيانى ىشكەرىلەي اتقارىپ، وڭىرلەردىڭ سايكەستى دامۋىن جەبەۋ كەرەك. بەيجيڭنىڭ استاناعا جاتپايتىن فۋنكتسيالارىن سەيىلتۋدى مىقتاپ ارقاۋ ەتىپ، بەيجيڭ - تيانجين - حىبەيدىڭ سايكەستى دامۋىن جەدەل ىلگەرىلەتۋ كەرەك. ەكولوگيانى الدىمەن ەسكەرۋدە، جاسىل دامۋدا تاباندى بولىپ، چاڭجياڭ ەكونوميكالىق بەلدەۋىن جۇمىلا يگەرىپ، جاپپاي قورعاۋدى ىلگەرىلەتۋ كەرەك. چاڭجياڭ اتىراۋىنىڭ ءبىر تۇلعالانىپ دامۋ دەڭگەيىن جوعارىلاتىپ، جۇمىستى «ءبىر تۇلعالاندىرۋ» جاعىنان تىندىرىمدى ىستەۋ كەرەك. حۋاڭحى وزەنى الابىنىڭ ەكولوگياسىن قورعاۋ مەن ساپالى دامۋىن تىڭعىلىقتى ىلگەرىلەتىپ، ەكولوگيالىق ورتانى كۇش سالا جاقسارتۋ كەرەك. «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن بەلسەندى، ورنىقتى ىلگەرىلەتۋ كەرەك. ساتىعا، كەزەڭگە ءبولىپ اتقارۋ ريتىمىن ويداعىداي يگەرىپ، حاينان ەركىن ساۋدا پورتى قۇرىلىسىن ورنىقتى ىلگەرىلەتۋ كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىندە تاباندى بولىپ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتۋ كەرەك.

  ءماجىلىستىڭ الدىندا حان جىڭ ءىشىنارا مەكەمەلەر مەن باسقارمالارعا بارىپ، كادرلارمەن، جۇمىسشى - قىزمەتكەرلەرمەن امانداسىپ، «14 – بەسجىلدىق» جوباعا قاتىستى قىزمەتتەردى ويلاستىرۋ جانە ورتالىقتىڭ مەجە ەسەبىندەگى قارجى قوسۋ قىزمەتىنىڭ ورنالاستىرىلۋ جاعدايىن ۇعىستى.

  حى ليفىڭ جوعارىداعى قيمىلدارعا قاتىناستى. قازىنا مينيسترلىگىندەگى، جاراتىلىستىق بايلىق مينيسترلىگىندەگى، ەكولوگيالىق ورتا مينيسترلىگىندەگى، تۇرعىن ءۇي جانە قالا - اۋىل قۇرىلىسى مينيسترلىگىندەگى، مەملەكەتتىك سالىق باس مەكەمەسىندەگى، مەملەكەتتىك ەمدەۋ قامسىزداندىرۋ مەكەمەسىندەگى نەگىزگى جاۋاپتى جولداستار ءسوز سويلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار