وڭتۇستىك شينجياڭداعى وزگەرىستەر
□ انار بۇلت / شينجياڭ گازەتىنىڭ تىلشىلەرى جاڭ جىلي، ءپاريزات ابدۇل
2021.03.19 14:43 كەلۋ قاينارى : حالىق تورابى
حوتان قالاسى يلچى كەشەندى اۋىل شارۋاشىلىعى ونىمدەرى بازارىندا شارۋالار ساتىلعالى تۇرعان راۋشان گۇلدەردى دارەجەگە بولۋدە (2020 - جىلى 5 - ايدىڭ 15 - كۇنى تۇسىرىلگەن). □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن
وڭتۇستىك شينجياڭدا قانشالىقتى زور وزگەرىس بولدى؟ مەملەكەتتىك ساياسي كەڭەس اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشىسى، مەملەكەتتىك كەڭەس بۇرىنعى كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشىسى ليۋ يۇڭفۋ سۇحبات بەرگەن كەزدە بىلاي دەدى: پارتيا 18 - قۇرىلتايىنان بەرگى وڭتۇستىك شينجياڭ وڭىرىندە تۋىلعان وزگەرىستەر ونان بۇرىنعى تاريحتاعى بارلىق وزگەرىستەردەن كەم تۇسپەيدى. بۇرىن وڭتۇستىك شينجياڭ كىلەڭ ەگىنشىلىك ءوڭىرى بولىپ كەلگەن، قازىر وسى زامانعى ونەركاسىپ بارلىققا كەلدى. بۇقارانىڭ تۇرمىسىندا وراسان زور وزگەرىس بولدى.
تەرەڭ سۇيىسپەنشىلىك پەن مەيىرگە تولى، ىنتىماق پەن ماڭداي تەر سىڭىرىلگەن ”وڭتۇستىك شينجياڭ جاۋاپناماسىن“ اشىپ قاراساق، پارتيانىڭ 18 - قۇرىلتايىنان بەرى پارتيا ورتالىق كوميتەتىنىڭ كەدەيلىكتەن ارىلتۋدان قامال الۋداعى باتىل شەشىمدەرىنىڭ، ورنالاستىرۋلارىنىڭ وڭتۇستىك شينجياڭنىڭ بايتاق دالاسىندا مول جەمىس بەرگەندىگىن كورەمىز؛ شەشىلۋى ەڭ قيىن ماسەلەلەر الدىندا قالىڭ پارتيالى كادرلار اسقاقتاتقان كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ جانە جاپپاي دوڭگەلەك داۋلەتتى قوعام ورناتۋداعى ارىندى ىرعاعىن ەستيمىز؛ ”ۇزاق ۋاقىت كەدەيلىك“ تاقسىرەتىن تارتقان كەدەيلىكتەن ارىلعان بۇقارانىڭ شىن جۇرەگىنەن شىققان العىس ايتۋ سۇيىسپەنشىلىگىن سەزىنەمىز.
ءداستۇرلى اۋىل شارۋاشىلىق وڭىرلەرىندە ىسكە كىرىسكەن ونەركاسىپ ”سەركەلەرى“
وڭتۇستىك شينجياڭعا كوكتەم ەرتە كەلەدى، جۇمىستى باستاۋ، جۇمىستى قالپىنا كەلتىرۋ ءدال ۋاعىندا بولدى. كوكتەمنىڭ كوگىلدىر تۇسىنە ءالى ەنە قويماعان جاسىل القاپتاردا زاۆود جابدىقتارىنىڭ اينالعان ءۇنى، قۇرىلىس ورىندارىنداعى ماشينالاردىڭ گۇرىلى ەڭ تەبىندى كۇشتەن دەرەك بەرەدى.
3 - ايدىڭ 15 - كۇنى اقسۋ توقىماشىلىق ونەركاسىپ قالاشىعىندا (اشۋ رايونى) 500 ميلليون يۋان قارجى سالۋ جوسپارلانعان، قۇرىلىس اۋدانى 100 مىڭ شارشى مەتر كەلەتىن ”اقسۋ جەڭىل ونەركاسىپ مەتال بۇيىمدار قالاشىعى“ نىسانى رەسمي باستالدى. بۇل نىساننىڭ 1 - مەرزىمدىك قۇرىلىسى سالىنعاننان كەيىن جىلدىق ساۋدا سوماسى 500 ميلليون يۋانعا جەتىپ، 1000نان استام ادامدى جۇمىستاندىراتىن بولادى.
ونەركاسىپتى باستاماشى ەتكەن كاسىپ سالاسى دامۋىنىڭ كەدەيلىكتەن ارىلتۋدان قامال الۋ بارىسىندا ماڭىزدى رول اتقاراتىندىعى ءشۇباسىز.
2019 - جىلى 5 - ايدا قاشقار جاۋحۋا زەردەلى عىلىم - تەحنيكا شەكتى سەرىكتەستىگىنىڭ رەسمي وندىرىسكە قوسىلۋىنا بايلانىستى، قاشقار ايماعىنداعى العاشقى جوعارى تەحنيكالى زەردەلى قول تەلەفون دۇنيەگە كەلدى. وسى سەرىكتەستىكتىڭ ورىنباسار باس ديرەكتورى چىن شىڭجين مىنالاردى ءبىلدىردى: وڭتۇستىك شينجياڭ وڭىرىندەگى ءتىپتى دە كوپ ءار ۇلت بۇقاراسىنىڭ كەدەيلىكتەن ارىلىپ بايۋىنا كومەكتەسۋ، سۇيەمەلدەۋ ءۇشىن، شىنجىن كاسىپ باقشاسىنىڭ ەلەكتروندى ينفورماتسيا كاسىپ بازاسىن تۇلعالاۋىنا دەم بەرىپ، بۇكىل ەلدەگى ءوندىرىس بازالارىن وڭتۇستىك شينجياڭعا ويىستىرۋداي دامۋ ستراتەگياسى ورنالاستىرۋىن جاسادىق.
قاراقاش اۋدانى اقساراي اۋىلى ۇزىنارىق قىستاعىنا بارساڭىز، اۋادان حوش ءيىس اڭقىپ تۇر. قانت سۇيىقتىعى زاۆودى، قانت - كامپيت زاۆودى، پراندىك زاۆودى سياقتى كەدەيلەردى سۇيەمەلدەۋ زاۆودتارى قىستاقتا ”ءتاتتى كاسىپ سالاسىن“ تۇلعالادى.
ۇزىنارىق قىستاعىنىڭ تۇرعىندارىن ءتىپتى دە مەيىرگە بولەگەنى، 2018 - جىلى قىستاقتا سوقماق وندىرەتىن زاۆود سالىنا باستاپ، جاستاردىڭ ىستەر ءىسى، تابار كىرىسى بولدى. قازىر قىستاقتاعى 16 زاۆود، 28 جەكە ساۋدا - ونەركاسىپ تيجاراتشىسىنىڭ جىلدىق ءونىم قۇنى 10 ميلليون يۋانعا تاياپ، 260تان استام ادامنىڭ جاقىن ماڭدا، ءوز جەرىندە جۇمىستانۋىن جەبەدى.
اۆتونوميالى رايوندىق ارىز - ارمان مەكەمەسىنىڭ ۇزىنارىق قىستاعىندا تۇراتىن ءبىرىنشى شۋجيى ورازالى قاشقارباي تانىستىرىپ بىلاي دەدى: ۇزىنارىق قىستاعى تۇرعىندارىنىڭ جان باسىندىق ەگىستىك جەرى نەبارى جارىم مۋدان تۋرا كەلەتىن اۋىر كەدەي قىستاق. 2017 - جىلى بۇكىل قىستاقتاعى كاسىپ سالاسىنىڭ دامۋى جوققا ءتان، قىستاق كوللەكتيۆىنىڭ كىرىسى جوققا ءتان ەدى. كەدەيلىكتەن ارىلۋ ءۇشىن ونەركاسىپ بولمايىنشا مۇمكىن ەمەس.
وڭتۇستىك شينجياڭنىڭ 4 ايماق - وبلىسىندا كوپتەگەن قىستاقتار ۇزىنارىق قىستاعى سياقتى كىلەڭ ەگىنشىلىك قىستاعىنا جاتادى. كەدەيلىكتەن ارىلتۋدان قامال الۋدىڭ ۇزدىكسىز ىلگەرىلەۋىنە ىلەسە، وسى زامانعى ونەركاسىپ بۇل جەرلەردىڭ وسىنداي ءداستۇرلى ەگىنشىلىك جاعدايىن وزگەرتىپ، كەدەيلىكتەن ارىلتۋدىڭ جوعارى ءونىمدى كىرىس ارتتىرۋ جولىن اشتى. كەيبىر كەدەي اۋدانداردا ”اۋداندا كاسىپ باقشاسى، اۋىلدا كەدەيلەردى سۇيەمەلدەۋ سەحى، قىستاقتا قىستاق اشقان زاۆود، وتباسىلارىندا شاعىن شەبەرحانا“ قۇرىلعان 4 دارەجەلى كاسىپ سالاسى قۇرىلىمى قالىپتاسىپ، 10 مىڭنان استام ادامدى جۇمىستاندىردى.
گۇما اۋدانى سيفرلى ەكونوميكا كاسىپ باقشا رايونىندا ىنتالى تىكە تاراتۋشىلار زات ساتۋمەن قاربالاس؛ شىنجىن - قاشقار وسى زامانعى اۋىل شارۋاشىلىعى كاسىپ سالاسىنان ۇلگى كورسەتۋ باقشاسىندا جاڭا ”تىرشىلىك“ قالىپتاسۋدا ... تۇرمىستى وزگەرتكەن، بەت - بەينەنى وزگەرتكەن قۋاتتى قوزعاۋشى كۇش وڭتۇستىك شينجياڭدى وياتىپ، وسىناۋ بايىرعى مەكەندە جاندى ومىرشەڭدىك كۇشتى قاۋلاتۋدا.
مەملەكەتتىڭ كاسىپ سالاسى ساياساتى مەن شينجياڭعا كومەكتەسۋ ساياساتىنان پايدالانعان، ءوڭىر جاعدايىنىڭ ءىس جۇزىندىگىمەن جانە ءوڭىردىڭ ارتىقشىلىعىمەن ۇشتاستىرعان وڭتۇستىك شينجياڭنىڭ 4 ايماق - وبلىسى كاسىپ سالاسىن دامىتۋعا مىعىم سەنىم ارتىپ وتىر. وسى زامانعى ونەركاسىپ ”سەركەلەرى“ ىسكە كىرىسكەننەن كەيىن، جالاڭ كاسىپ سالاسىن دامىتۋ جولى وزگەرىپ، ەڭ اقىرىندا 1 -، 2 -، 3 - كاسىپتەر قاتار دامىپ، كەدەيلىكتەن ارىلتۋدان قامال الۋعا اناعۇرلىم بەرىك نەگىز قالاندى.
شىنايى سۇيىسپەنشىلىكپەن كومەكتەسۋ - سۇيەمەلدەۋ قامال الۋدىڭ بىرىككەن كۇشىن ۇيىستىردى
باس شۋجي شي جينپيڭ شينجياڭدا قىزمەت تەكسەرگەندە بارعان قاشقار ايماعى كونەشار اۋدانى توققۇزاق قالاشىعىنىڭ اياققىماڭگان قىستاعىندا تۇرعىندار قىستاقتىڭ جىلدام وزگەرگەندىگىن سەزىندى، ولار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىنا العىس ايتتى، قىستاقتاعى حالىق تۇرمىسى نىساندارى كوبەيدى، جاڭادان كوركەيگەن كاسىپ سالالارى كوبەيدى، كىرىستى ارتتىرۋ جولى كوبەيدى.
وڭتۇستىڭ شينجياڭنىڭ 4 ايماق - وبلىسى − قاشقار، حوتان، اقسۋ ايماقتارى جانە قىزىلسۋ قىرعىز اۆتونوميالى وبلىسى، بۇكىل ەلدەگى ”ءۇش ءوڭىر، ءۇش وبلىس“ اۋىر كەدەي وڭىرلەردىڭ ءبىرى. شينجياڭ وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋىندا ناقتى شارا شىعارىپ، ناقتى كۇش جۇمساپ، پامير ۇستىرتىنەن تارىم وزەنى الابىنا دەيىن، ىلە وزەنى اڭعارىنان تۇرپان ويپاتىنا دەيىن، ”حوتان، قاراقاش، لوپ“ جاسىل القابىنان التاي ساحاراسىنا دەيىن؛ ورگان ورىنداردان نەگىزگى ساتى اۋىل - قىستاقتارىنا دەيىن، شينجياڭعا باعىتتامالى كومەكتەسەتىن ولكە، قالالاردىڭ قولباسشىلىق شتابىنان جەرگىلىكتى ورىندا تۇراتىن اسكەري بولىمدەرگە دەيىن، قوعامدىق ۇيىمداردان مەيىر جەتكىزۋ كاسىپورىندارىنا دەيىن... سان مىڭداعان ”كەدەيلەردى سۇيەمەلدەۋشىلەر“ قايراتتانا شايقاسقا شىعىپ، قيىندىققا قارسى اتتانىپ، تۇتاس قوعامنىڭ كۇشىن توپتاپ، كەدەيلىكتەن ارىلتۋدان قامال الۋدىڭ جويقىن كۇشىن ۇيىستىردى.
2016 - جىلدان بەرى شينجياڭعا كومەكتەسەتىن ولكە، قالالار شينجياڭعا كومەكتەسىپ كەدەيلەردى سۇيەمەلدەۋدى ماڭىزدى ساياسي مىندەت ساناپ، كاسىپ سالاسى، جۇمىستاندىرۋ ارقىلى كەدەيلەردى سۇيەمەلدەۋدى بەلسەنە ىلگەرىلەتىپ، كەدەيلىكتەن ارىلتۋدان قامال الۋعا جاڭا ومىرشەڭدىك كۇش ۇستەدى. شينجياڭعا كومەكتەسۋ قارجى نىساندارى اۋىر كەدەي اۋدان، كەدەي قىستاق، كەدەي بۇقاراعا بەيىمدەلۋگە تاباندى بولىپ، شينجياڭعا كومەكتەسەتىن 19 ولكە، قالا باعىتتامالى كومەكتەسۋ سەرپىنىن ۇزدىكسىز ارتتىرىپ، شينجياڭعا كومەكتەسۋ نىسانىنان 10 مىڭنان استامىن اتقاردى.
شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى كاسىپ سالاسى ارقىلى شينجياڭعا كومەكتەسۋدى كومەك قابىلداعان جەردەگى كەدەي بۇقارانىڭ كەدەيلىكتەن ارىلۋىنا دەم بەرەتىن ءونىمدى جول ەتىپ، توقىماشىلىق جانە كيىم - كەشەك، اۋىل شارۋاشىلىعى قوسىمشا ونىمدەرىن وڭدەۋ سياقتى ەڭبەك شوعىرلانعان كاسىپورىندارعا باعىتتاپ ۇدايىلانعان ساۋداگەر شاقىرىپ، قارجى ەنگىزۋ ورىستەتىپ، شاندۇڭ رۋ - ي، چيڭداۋ جيفا، زىبو چيحۋا كيىم - كەشەكتەرى سياقتى ىرگە تەپكەن كاسىپورىنداردى ۇزدىكسىز نىسان اكەلۋگە قۋزاپ، زوۋچىڭ گوشىڭ كيىم - كەشەك تىگۋ، جينشىڭ توقىماشىلىعى، سىنما كيىم - كەشەكتەرى، شاندۇڭ شۋيفا، دۇڭيڭ لانگۋاڭ ەلەكترون سياقتى نىسانداردى ەنگىزىپ، تياناقتاندىرىپ وندىرىسكە قوستى، تەك زوۋچىڭ گوشىڭ كيىم - كەشەك تىگۋ نىسانىنىڭ ءوزى ارحيۆ تۇرعىزىلىپ، كارتچكالاندىرىلعان 1500دەن استام كەدەيدى جۇمىستانۋعا جەتەكتەدى.
بۇقارانىڭ تۇرمىسىنداعى وزگەرىس زور
حالىقتىڭ قاجەتى − ۇكىمەتتىڭ ارەكەتى.
وڭتۇستىك شينجياڭدا كەدەيلىكتەن ارىلعان بۇقارانىڭ تۇرمىسى جاقساردى، بەت - بەينەسى جاڭاردى، قايراتتارى تاسقىندادى. قاراڭىز −
اناۋ ءبىر - بىرلەگەن بەيقۇت ۇيلەر كەڭ دە تازا، اۋلادا تۇرمىس، ەگىمشىلىك، باعىمشىلىق ”ءۇش اۋماق“ بولىنگەن. ءۇيدىڭ ىشىندە سۋ، توك، جىلۋ دەگەننىڭ ءبارى بار. كەدەيلىكتەن ارىلتۋدان قامال الۋ شايقاسى باستالعاننان كەيىن، شينجياڭ كەدەي بۇقارانىڭ تۇرعىن ءۇي حاۋىپسىزدىگىن بار كۇشپەن قامتاماسىزداندىرىپ، اۋىل - قىستاق بەيقۇت ءۇي ينجەنەرياسىن زور كۇشپەن اتقارۋ ارقىلى وڭتۇستىك شينجياڭداعى ارحيۆ تۇرعىزىلىپ، كارتچكالاندىرىلعان 584 مىڭ 900 كەدەي وتباسىنىڭ تۇرعىن ءۇي حاۋىپسىزدىگى ماسەلەسىن شەشتى.
اناۋ ءبىر - بىرلەگەن كەدەيلەردى سۇيەمەلدەۋ سەحىندا ءوندىرىس دابىرالى ءجۇرىلىپ، ورنىقتى كىرىسى بولعان بۇقارا شۇعىلالى بولاشاققا تالپىنۋدا. اۆتونوميالى رايون نازاردى وڭتۇستىك شينجياڭداعى اۋىر كەدەي اۋداندارداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ ەڭبەككۇشتەرىنە شوعىرلاندىرىپ، جۇمىستاندىرۋ ارقىلى كەدەيلەردى سۇيەمەلدەۋدىڭ 3 جىلدىق جوباسىن اتقاردى: 2018 - جىلدان 2020 - جىلعا دەيىن ارحيۆ تۇرعىزىلىپ، كارتچكالاندىرىلعان كەدەي وتباسىنداعى 227 مىڭ ەڭبەككۇشتى باسقا سالاعا ويىستىرىپ جۇمىستاندىردى.
اناۋ شىت جاڭا بەينەگە ەنگەن اۋىل - قىستاق باستاۋىش مەكتەبى، جارىق كلاس ىشىندە وسى زامانعى وقىتۋ جابدىقتارى تولىق؛ پلاستماسسا الاڭدا بالالار ءبىرىن - ءبىرى قۋالاپ ويناپ ءجۇر.
شەريا اۋدانى شەريا اۋىلى توپا ەرىق قىستاعىنىڭ تۇرعىنى تۇردىنياز زاكىردىڭ ۇيىندە، اۋلانىڭ شىعىس شەتىندەگى جاڭا ءۇي سالىنىپ بولىپتى، اۋلانىڭ وڭتۇستىك جيەگىندەگى باعىمشىلىق اۋماعىنداعى 30 نەشە سيىر جەم جەپ تۇر، جازعىتۇرىمعى كۇن شۋاعى تۇتاس اۋلانى شۇلەن شۇعىلاسىنا بولەۋدە، ال ونىڭ جۇزىنەن جايدارى كۇلكى ەسەدى: ”بۇرىن ءبىر ءۇيلى جان بىرنەشە مۋ جەرگە سۇيەنىپ قالت - قۇلت ەتىپ كۇن كەشەتىنبىز. 2017 - جىلى ۇكىمەتتىڭ قولداۋىندا، مەن شاعىن سومالى قارىزدان پايدالانىپ 4 بۇزاۋ ساتىپ الدىم، العاشقى جىلى 30 مىڭ يۋانعا تاياۋ اقشا تاپتىم. قازىر ۇيىمىزدە 30 نەشە سيىر بار، وسى سيىرلاردىڭ قۇنى مولشەرمەن 500 مىڭ يۋان اينالاسىندا“.
”بۇرىن بالام كىشكەنە بولعاندىقتان الىستاپ شىعا الماۋشى ەدىم، قازىر جاقسى بولدى، قىستاقتا جۇمىسشى بولدىم، تاعى ونەر ۇيرەندىم“. اقتاۋ اۋدانى بارىن اۋىلى شارۋاشىلىق قۇرۋ، ناقتى جاتتىعۋ بازاسىنداعى ءبىر ەلەكتروندى عىلىم - تەحنيكا سەرىكتەستىگىنىڭ قىزمەتكەرى ورگۇل تۇرسۇن كوپتەگەن بۇقارانىڭ كوڭىلىندەگى باقىت سەزىمى مەن تابىس سەزىمىن ايتتى.
وڭتۇستىك شينجياڭنىڭ كەدەيلىكتەن ارىلتۋدان قامال الۋ نەگىزگى شايقاس مايدانىندا بارعان سايىن كوپ قىستاق تۇرعىندارى ەرەكشە ەگىمشىلىكتى، باعىمشىلىقتى دامىتۋ، اۋلا شارۋاشىلىعىن دامىتۋ، اۋىل - قىستاق ساياحاتىن دامىتۋ جانە جاقىن ماڭدا، سول جەردە جۇمىستانۋ ارقىلى كەدەيلىكتەن ارىلدى، ءوندىرىس، تۇرمىس، رۋحاني بەت - بەينەلەرىندە تەرەڭ وزگەرىستەر تۋىلدى، بۇقارانىڭ ”اقشا قاپشىعى“ بارعان سايىن قامپايدى، تۇرمىستارى بارعان سايىن شالقىدى، كوڭىل كۇيلەرى بارعان سايىن جادىرادى، جۇزدەرى بارعان سايىن جاينادى.
ءبىر - بىرلەگەن ”تورتتە جاقسى اۋىل - قىستاق جولى“، سامالاداي سامسىعان جاپ - جارىق جول شامدارى، تارام - تارام جوعارى جىلدامدىقتى وپتيكالىق كابەلدەر قىستاقتارعا تۇتاسىپ، اۋىلدارمەن ۇلاسىپ، حالىقتىڭ كوڭىلىن نۇرلاندىرىپ، ءار ۇلت بۇقاراسىن باقىتتى دا تاماشا تۇرمىسقا باستايتىن جولدى سالدى.
ادەمى كيىندى، سۇلۋ بولىپ ساندەندى، كىتاپ وقىعان ۇندەر ساڭقىلداي ەستىلدى، سىرتقا شىعىپ جۇمىس ىستەدى، تۋىستار ءبىر - بىرىمەن ارالاستى، مەملەكەتتە ءبىر تۇتاس قولدانىلاتىن ءتىل - جازۋدى ۇيرەندى، شاتتىققا تولى ءان - بيگە باستى. وڭتۇستىك شينجياڭ وزگەردى، وزگەرىستەر اۋىل - قىستاقتىڭ كەلبەتىندە كورىندى، ادامداردىڭ جارقىن جۇزدەرىنەن مەن مۇندالادى، ءار ۇلت بۇقاراسىنىڭ كوڭىل تۇكپىرىنەن ايگىلەندى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
