تارىم مۇنايلىعىنىڭ قىس ماۋسىمىنداعى گازبەن قامداۋ مولشەرى جاڭا ورەگە جەتتى
باتىستىڭ گازىن شىعىسقا جەتكىزۋدىڭ تومەنگى جەلىسىندەگى تۇرعىندار مەن وڭتۇستىك شينجياڭداعى ءار ۇلت بۇقاراسىنىڭ قىستان قىسىلماي ءوتۋىن پارمەندى قامتاماسىزداندىردى
2021.03.19 14:45 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى گاۋ شياڭدۇڭ 3 - ايدىڭ 17 - كۇنى ۇرىمجىدەن حابارلايدى. 3 - ايدىڭ 15 - كۇنىنە دەيىن تارىم مۇنايلىعى قىس مەزگىلىندە جيىنى 12 ميلليارد 76 ميلليون تەكشەمەتر گازبەن قامدادى، بۇل ۇقساس مەزگىلدەگىمەن سالىستىرعاندا ءبىر ميلليارد 236 ميلليون تەكشەمەتر ارتىق، وسىلايشا باتىستىڭ گازىن شىعىسقا جەتكىزۋدىڭ تومەنگى جەلىسىندەگى تۇرعىندار مەن وڭتۇستىك شينجياڭداعى ءار ۇلت بۇقاراسىنىڭ قىستان قىسىلماي ءوتۋىن پارمەندى قامتاماسىز ەتتى.
2020 - جىلى 11 - ايدىڭ 1 - كۇنى قىسقى قامداۋ باستالعاننان بەرى تارىم مۇنايلىعىنىڭ كۇنىنە قامداعان گاز مولشەرى 90 ميلليون تەكشەمەتردەن اسىپ، تاريحتاعى جاڭا ورەگە جەتتى.
قىسقى جىلۋمەن قامداۋ مەزگىلىندە تارىم مۇنايلىعى تابيعي گاز ءوندىرىسىن عىلمي ۇيىمداستىرىپ، جاڭا رايوننىڭ ءوندىرىس قۋاتى قۇرىلىسىن جەدەلدەتۋ، كونە رايوندى جان - جاقتى جونگە سالۋ سەرپىنىن ارتتىرۋ، گازبەن قامداۋ قۇبىر تورلارىن جاقسارتۋ سياقتى شارالار ارقىلى باتىستىڭ گازىن شىعىسقا جەتكىزۋ مەن وڭتۇستىك شينجياڭداعى گازبەن قامداۋ بايلىعى نەگىزىن ونان ارى بەكەمدەدى.
تەبىندى كۇشەيتىپ، ارىندى ارتتىرىپ، جاڭا قۇدىقتاردىڭ مۇمكىندىگىن بارىنشا ساۋلەلەندىردى. تارىم مۇنايلىعى باسىم كۇشتى ”3 ءىرى حاۋىپ - قاتەرلى بارلاۋ جاڭا الابىنان“ قامال الۋعا شوعىرلاندىرىپ، بارلاۋ، باعالاۋ، ءوندىرىس قۋاتى قۇرىلىسىن ءبىر تۇلعالاندىرۋدى ىلگەرىلەتىپ، اسا تەرەڭدىكتەگى نىعىز قۇم تاستى بىرىكتىرىپ وزگەرتۋ تەحنيكاسىن جاسامپازدىقپەن قولدانىپ، تابيعي گاز جاڭا قۇدىقتارى مەن جوعارى ونىمدىلىكتى قۇدىقتاردىڭ كۇندىك ورتاشا گاز ءوندىرۋ مولشەرىن جەكە - جەكە بىلتىرعى ۇقساس مەزگىلدەگىدەن ％16 جانە ％5.3 ارتتىرىپ، قىس ماۋسىمىنداعى قامداۋدى قامتاماسىز ەتۋ مەزگىلىندە جاڭا قۇدىقتاردىڭ كۇندىك گاز ءوندىرۋ مولشەرىن 20 ميلليون تەكشەمەترلىك جوعارى دەڭگەيگە شىعاردى.
ارنالار ىركىلىسسىزدەنىپ، كونە قۇدىقتاردىڭ ومىرشەڭدىك كۇشى قالپىنا كەلدى. كىلا، دينا، كىشىن سياقتى قىستاعى گازبەن قامداۋداعى نەگىزگى گاز الاپتارىنداعى سۋ شىعۋ، قيىرشىق تاس شىعۋ، بالاۋىزدانۋ، وڭەزدەنۋ سياقتى ءوندىرىستى ورنىقتىرۋداعى قيىن ماسەلەلەرگە قاراتا، تارىم مۇنايلىعى باعىتتامالى تۇردە زەرتتەۋ جۇرگىزىپ، قامال الىپ، سۋ شىققان قۇدىقتاردى، تومەن ءونىمدى قۇدىقتاردى ءونىمدى قۇدىقتارعا، ۇتىمدى قۇدىقتارعا اينالدىرىپ، قىس ماۋسىمىنداعى قامداۋدى قامتاماسىز ەتۋ مەزگىلىندە كونە قۇدىقتاردىڭ كۇندىك گاز ءوندىرۋ مولشەرىن 73 ميلليون تەكشەمەترگە جەتكىزدى.
ارنانى جاقسارتىپ، قاۋىرت مەزگىلدەگى رەتتەۋ قابىلەتىن جوعارىلاتتى. تارىم مۇنايلىعى جەر بەتىندەگى سايكەستى قۇرىلعىلاردى كۇشەيتىپ، ءوندىرىس قۋاتىنىڭ ”قارقىندى جولىن“ سالىپ، نەگىزگى گاز الاپتارىنىڭ ۇلاسۋىن، تۇتاسۋىن جۇزەگە اسىردى.
بوزى - دابەي - كىشىن بايلانىس جەلىسىن ىسكە قوسۋ ارقىلى تارىم مۇنايلىعى كۇشار شانچيان وڭىرىندە ”3 كولدەنەڭ، 4 تىك“ قۇبىر تورى ارناسىن قۇرىپ، ءبىر ميلليارد 210 ميلليون تەكشەمەترلىك ءوندىرىس قۋاتىن ءونىمدى تۇردە ىسكە قوستى. مۇنىڭ ىشىندە كىشىن - 5 گاز جيناۋ پۋنكتىنەن كىشىن ءبىر جاقتى ەتۋ پۋنكتىنە دەيىنگى بايلانىس جەلىسى ينجەنەرياسى ىسكە ءساتتى قوسىلعاننان كەيىن، تابيعي گاز جەتكىزۋ قابىلەتى كۇنىنە 6 ميلليون تەكشەمەتر ارتىپ، بوزى - دابەي اۋماعىنداعى جەكە قۇدىقتاردىڭ كۇندىك گاز ءوندىرۋ مولشەرىن ءبىر ميلليون تەكشەمەترگە جەتكىزدى.
تارىم مۇنايلىعى تۇرعىنداردىڭ پايدالانۋىنا الدىمەن كەپىلدىك ەتۋ پرينسيبىنە تاباندى بولىپ، ايماق، وبلىستاردىڭ مۇناي الابى كەڭسەلەرىمەن، كاسىپورىندارمەن سويلەسىپ، باتىستىڭ گازىن شىعىسقا جەتكىزۋ جانە وڭتۇستىك شينجياڭداعى تابيعي گازبەن قامداۋ جوسپارىن ۇيلەسىمدى ورنالاستىرىپ، بۇقارانىڭ گازدى جەتكىلىكتى پايدالانۋىنا شىنايى كەپىلدىك ەتتى. قىستاعى قامداۋ كەزىندە تارىم مۇناي حيمياسىن، جۇينىڭ ەنەرگياسىن، حۇڭتۇڭ وتىندىق گازىن، سونداي - اق توڭىرەكتەگى تۇرعىنداردان باسقا گازدان پايدالانۋشىلاردى ىلگەرىندى - كەيىندى جاۋىپ نەمەسە گاز مولشەرىن ازايتىپ، ءىرى قۇبىر تورىنا قۇيىلاتىن گاز مولشەرىن بار كۇشپەن قامتاماسىز ەتىپ، تومەنگى اعارداعى سان مىڭداعان وتباسىلارىنىڭ گازدان پايدالانۋىنا شىنايى كەپىلدىك ەتتى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
