جوعارىلاپ وقۋعا عانا ءمان بەرەتىن جاعدايعا قوش ايتامىز! مىندەتتى وقۋ – اعارتۋدىڭ ساپاسىنا باعا بەرۋ باعدارناماسى جاريالاندى
2021.03.19 15:12 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حۋ حاۋ 3 – ايدىڭ 18 – كۇنى بەيجيڭنەن حابارلايدى. ورتا، باستاۋىش مەكتەپتەرگە شىرماۋ بولىپ كەلگەن ەمتيحان ناتيجەسى بويىنشا قاتارعا ءتىزۋ، ەمتيحان ءنومىرى، جوعارىلاپ وقۋ مولشەرى سياقتى «قۇرساۋلار» الدا «بوساڭسىتىلاتىن» بولدى. وقۋ – اعارتۋ مينيسترلىگىنىڭ 3 – ايدىڭ 18 – كۇنى اشقان اقپار جاريالاۋ ماجىلىسىندە تانىستىرۋىنشا، وقۋ – اعارتۋ مينيسترلىگى قاتارلى التى تاراۋ «مىندەتتى وقۋ – اعارتۋدىڭ ساپاسىنا باعا بەرۋ باعدارناماسىن» بىرگە باسىپ تاراتىپ، ساپاعا ءمان بەرەتىن وقۋ – اعارتۋدى جەتەكشى ەتكەن مىندەتتى وقۋ – اعارتۋدىڭ ساپاسىنا باعا بەرۋ جۇيەسىن جەدەل قۇرۋدى تالاپ ەتكەن.
مىندەتتى وقۋ – اعارتۋدىڭ ساپاسىنا باعا بەرۋ كورسەتكىش جۇيەسىنە اۋدان، مەكتەپ، وقۋشى سىندى ءۇش ساتى قامتىلادى. اۋدان كولەمىندەگى مىندەتتى وقۋ – اعارتۋدىڭ ساپاسىنا باعا بەرۋدە باستىسى قۇن باعدارى، ۇيىمدىق باسشىلىق، وقىتۋ شارت – جاعدايى، وقىتۋشىلار قوسىنى، تەڭگەرىمدى دامۋ قاتالىلار قامتىلادى؛ مەكتەپتىڭ وقىتۋ ساپاسىنا باعا بەرۋدە باستىسى وقىتۋ باعدارى، ساباق وقىتۋ، وقىتۋشىلاردى جەتىلدىرۋ، مەكتەپتى باسقارۋ، وقۋشىلاردى جەتىلدىرۋ قاتارلىلار قامتىلادى؛ وقۋشىلاردىڭ جەتىلۋ ساپاسىنا باعا بەرۋدە باستىسى وقۋشىلاردىڭ ءمورالدىق جاقتان جەتىلۋى، ۇيرەنۋ جاعىنان جەتىلۋى، فيزولوگيالىق – پسيحيكالىق جاقتان جەتىلۋى، ەستەتيكالىق ورەسى، ەڭبەك جانە قوعامدىق ءاماليات قاتارلى جاقتار قامتىلادى.
تەك نومىرگە عانا ءمان بەرۋ، تەك جوعارىلاپ وقۋعا عانا ءمان بەرۋ سىندى ناشار نىساي جونىندە باعا بەرۋ باعدارناماسىندا ناقتى تالاپتار ورتاعا قويىلعان. اۋدان كولەمىندەگى مىندەتتى وقۋ – اعارتۋ ساپاسىنا باعا بەرۋدە، مەكتەپكە وقۋشىلاردىڭ جوعارىلاپ وقۋ مولشەرى كورسەتكىشىن تۇسىرۋگە بولمايدى، مەكتەپكە، مەكتەپ باستىعىنا جانە مۇعالىمدارعا تەك وقۋشىلاردىڭ جوعارىلاپ وقۋ مولشەرىنە عانا قاراپ باعا بەرۋگە بولمايدى، ءتۇيىندى مەكتەپ بەلگىلەۋگە بولمايدى، ورتا مەكتەپ ەمتيحانىندا ءبىرىنشى بولعاندار، جوعارىلاپ وقۋ مولشەرى قاتارلىلاردى جاريالاۋعا، دابىرالاۋعا بولمايدى. مەكتەپتىڭ وقىتۋ ساپاسىنا باعا بەرۋ جاعىندا، ەمتيحان الۋ سانىن قاتاڭ تەجەۋ، ەمتيحان ناتيجەسى مەن ەمتيحانداعى قاتارىن جاريالاماۋدى، كلاستاردى بىركەلكى ورنالاستىرۋدى اتقارىپ، ءتۇيىندى كلاس، تەز ۇيرەنەتىن كلاس جانە ۇيرەنۋى باياۋ كلاس قاتارلىلارعا بولمەۋ كەرەك.
«بۇلاردىڭ بارلىعى دا قاتاڭ تالاپتار» ، — دەدى وقۋ – اعارتۋ مينيسترلىگى نەگىزدىك وقۋ – اعارتۋ مەڭگەرمەسىنىڭ ورىنباسار مەڭگەرمە باستىعى جۋ دۇڭبين، وقۋشىلاردىڭ جەتىلۋ ساپاسىنا باعا بەرۋدە، الدىمەن ءمورال، اقىل – وي، دەنە، ەستەتيكا، ەڭبەك سىندى بەس ءتۇرلى جاقتان جالپى بەتتىك، جان – جاقتىلى باعا بەرۋ كەرەك. وقۋشىلاردىڭ ساباق وقۋ جاعىنداعى جەتىلۋىنە باعا بەرگەن كۇننىڭ وزىندە دە، وقۋشىنىڭ ساباق وقۋ ناتيجەسىمەن عانا شەكتەلىپ قالماستان، وقۋشىنىڭ ۇيرەنۋ ادەتى، جاڭالىق جاراتۋ رۋحى سياقتىلاردى اناعۇرلىم كورنەكتىلەندىرىپ، وقۋشىنىڭ جان – جاقتىلى ساپاسىنا جانە ءومىر بويى جەتىلۋىنە نەگىز قالاۋ كەرەك.
ءتالىم - تاربيە، ساباق بەرۋ جاعىندا ساقتالىپ وتىرعان ماسەلەلەرگە باعىتتاي وتىرىپ، باعا بەرۋ باعدارناماسىندا جوبا كورسەتىلگەن. مىسالى، وقىتۋشىلاردىڭ يىعىنداعى جۇكتىڭ اۋىر بولۋى ماسەلەسىنە باعىتتاي وتىرىپ، مەكتەپتەرگە باعىتتالعان ءتۇرلى تەكسەرۋ – بەكىتۋ، تەكسەرىپ وتكىزىپ الۋ، باعالاۋ قاتارلى قيمىلداردى قاتاڭ تەجەۋ ورتاعا قويىلعان، بەلگىلەمەدە «مەكتەپ اۋلاسىنا جەتكىزىلەتىن» ءتۇرلى قيمىلدار ارناعا تۇسىرىلگەن. وقىتۋشىلاردىڭ ءوز كاسىبىنەن جالىعۋى، بەلسەندىلىگىنىڭ جوعارى بولماۋى ماسەلەسىنە باعىتتاي وتىرىپ، «مەكتەپتە وقىتۋشىلاردى شابىتتاندىرۋ جۇيەسىن كەمەلدەندىرۋ» قاتارلىلار ورتاعا قويىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
