بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

”ساقا بانجاڭ“ ومىرلىك ”جول باستاۋشىمىز“

− كوپشىلىكتىڭ نازارىنداعى لاچين بايەكە (1)

□ انار بۇلت / شينجياڭ گازەتىنىڭ ءتىلشىسى ليۋ شياڭ

2021.03.19 15:15     كەلۋ قاينارى : شينجياڭ گازەتى

  3 - ايدىڭ 15 - كۇنى پامير ۇستىرتىندە ەندى عانا تاڭ ساز بەرىپ كەلە جاتتى، ىزعىرىق جەل ىسقىرىپ تۇرعان شاتقالدا 10 نەشە شەكارا قورعاۋشى قاتارعا تۇرىپ، قارۋ - جاراعىن اسىنىپ ساقاداي سايلانىپ تۇردى.

  ”اتتانىڭدار!“ تاشقورعان تاجىك اۆتونوميالى اۋدانى تىزناپ شەكارا ساقشى بولىمشەسىنىڭ ورىنباسار باستىعى ابدۇجاني لۇنجەكتىڭ بۇيرىعىمەن ءبىر كۇندىك شەكارا شارلاۋ مىندەتى رەسمي باستالدى.

  شارلاۋ جولىندا ابدۇجاني لۇنجەك قۇددى ءوزىنىڭ ”ساقا بانجاڭى“ لاچين بايەكە سياقتى ۇنەمى الدىن الا كوپشىلىككە الدىڭعى جاقتاعى جەر ءتۇزىلىسىن انىق ءتۇسىندىرۋ ارقىلى بارلىق ادامنىڭ حاۋىپسىزدىگىنە كەپىلدىك ەتەدى.

  ”بۇل تاۋداعى ساي - شاتقالداردى بۇرىن ساقا بانجاڭىمىزدىڭ باستاۋىندا باسىپ وتەتىنبىز“، - دەدى ابدۇجاني لۇنجەك.

  2002 - جىلى ابدۇجاني لۇنجەك قوسىنعا كىردى، ودان ءبىر جىل بۇرىن قوسىنعا كىرگەن لاچين بايەكە ونىڭ بانجاڭى بولدى.

  جاڭا ورتاعا كەلگەننەن كەيىن ابدۇجاني لۇنجەك كوندىگە الماي ءجۇردى، اسىرەسە، اسپاپتىق جاتتىعۋلارعا قاتىناسقاندا دەنە قۋاتى مۇلدە جەتپەدى. ابدۇجاني لۇنجەك بۇعان قاتتى جاسىدى، ءبىراق بانجاڭ وسىعان بولا ونى ەشقاشان كىنالامادى.

  ”اسپاپتىق جاتتىعۋدا دەنە قۋاتى مەن تەحنيكالىق شەبەرلىكتىڭ بىرەۋى كەم بولسا بولمايدى، مۇلدە اسىعۋعا كەلمەيدى، سابىرلى بول“. ءبىر جولعى كەشكى استان كەيىن لاچين بايەكە اقىرىن عانا ابدۇجاني لۇنجەكتىڭ يىعىنان قاعىپ ”بەرى كەلشى“، - دەيدى. سودان باستاپ لاچين بايەكە ءار كۇنى كەشتە ابدۇجاني لۇنجەكتى ەرتىپ الىپ بىرگە جۇگىرىپ، دەنە قۋاتى جاتتىعۋىن جاساتادى ءارى جاتتىعۋ ارەكەتىنىڭ تەتىگىن از - ازدان قاداعالاي بويىنا سىڭىرەدى.

  مىناۋ كوز الدىندا قارا تەرگە مالشىنسا دا كۇش - قايراتى تاسىپ تۇرعان ”بالا جاۋىنگەردى“ كورگەندە، لاچين بايەكە بۇرىنعى ءوزىن كورگەندەي بولدى.

  ”ءجۇزى توتىققان، بويى الاسا، ونىڭ ۇستىنە اپ - ارىق“. بۇل قارۋلى ساقشى قاشقار شەكارا قورعانىس تارماق اترەتى تاشقورعان تاجىك اۆتونوميالى اۋدانى يكەمدى شايقاس جۇرگىزۋ ورتا اترەتىنىڭ بۇرىنعى جەتەكشىسى ياڭ سىميڭنىڭ لاچين بايەكەگە قاراتقان العاشقى اسەرى ەدى، ”سول كەزدە قوسىنعا جاڭادان كىرگەن، جاتتىعۋ ناتيجەسى ويداعىداي ەمەس ەدى، دارا تۋرنيك جاتتىعۋىندا ءبىزدىڭ كومەگىمىزبەن عانا تۋرنيككە اسىلا الاتىن“.

  جاتتىعۋ ونىمدىلىگىن ءتىپتى دە جاقسارتۋ ءۇشىن، كۇندىز لاچين بايەكە جەتەكشىدەن، جاۋىنگەر سەرىكتەرىنەن جاتتىعۋدىڭ تەحنيكالىق شەبەرلىگىن توقتاماي سۇرايتىن؛ كەشتەردە جانىن سالا ”ۇستەمە جاتتىعۋ“ جاسايتىن.

  3 ايدان كەيىن لاچين بايەكەنىڭ ناتيجەسى تارماق اترەتتە اعالاپ العا شىقتى. ”ول قارۋلى دالالىق جاتتىعۋعا ەڭ شەبەر بولىپ، ءبىر مەزگىل تارماق اترەتىمىزدىڭ رەكوردىن بۇزدى، سونداي - اق تارماق اترەتىمىز اتىنان بۇكىل شينجياڭداعى ۇلكەن سايىسكەرلىك باسەكەسىنە قاتىناسىپ، قاشقار شەكارا قورعانىس تارماق اترەتىنىڭ ماراپاتتاۋىنا يە بولدى“. ياڭ سىميڭ تەبىرەنە: ”سول 3 ايدا تەگى قانشالىق جاپا شەككەندىگىن ونىڭ ءوزى عانا بىلەدى“، - دەدى.

  ارمياداعى جاتتىعۋدان لاچين بايەكە ءتىپتى دە قايسارلاندى ءارى ءوز يىعىنداعى بورىشتى ءتىپتى دە تەرەڭ تانىدى. اسكەري قوسىننان شەگىنگەننەن كەيىن، ول اۋدان قالاشىعىنا بارىپ قىزمەت ىستەۋ ورايىنان ىرىقتىلىقپەن كەشىپ، وتاننىڭ شەكارا جەلىسىن الاڭسىز قورعادى.

  ”ساقا بانجاڭ“ قوسىننان كەتكەننەن كەيىن، ابدۇجاني لۇنجەك لاچين بايەكەنىڭ وزىنە جاساعان كومەكتەرىن، سونداي - اق ەكەۋى بىرگە جاتتىعۋ جاساعان ساتتەردى ۇنەمى ەسكە الاتىن. ”ساقا بانجاڭمەن ەندى قاشان كەزدەسەتىنىمدى بىلمەيمىن“.

  2003 - جىلدىڭ سوڭىندا ابدۇجاني لۇنجەككە ءبىر جولعى شەكارا شارلاۋ مىندەتى تاپسىرىلادى. قوسىندى باستايتىن ”ساقا بانجاڭ“ جوق، اسقار تاۋ، تەرەڭ شاتقالدارعا بەت العاندا ونىڭ جۇرەگى شايلىققانداي بولدى.

  ”ابدۇجاني!“، توساتتان ءبىر تانىس داۋىس جاقىن ماڭنان ەستىلگەندەي بولدى، ابدۇجاني لۇنجەك داۋىس شىققان جاققا قاراعاندا، قوداسىن جەتەكتەپ، ءماز - ءمايرام بولىپ وزىنە قاراي كەلە جاتقان لاچين بايەكەنى كوردى.

  ”بۇدان كەيىنگى جولدا سەندەردى تاعى دا ءوزىم باستاپ جۇرەمىن!“. 10 نەشە كوكتەم مەن كۇز زىمىراپ وتە شىقتى، لاچين بايەكە قاشاندا ابدۇجاني لۇنجەكتىڭ الدىندا ءجۇرىپ، قارلى تاۋدان اسىپ، مۇز قۇرسانعان وزەندەردەن ءوتتى، ونى بيىلعى جىل باسىنا دەيىن جالعاستىردى... بۇگىنگى كۇندە بۇرىن لاچين بايەكە شارلاۋ جۇرگىزەتىن شەكارا جەلىسىندە ابدۇجاني لۇنجەك پەن شەكارا قورعاۋشىلار شارلاۋ جۇرگىزگەن كەزدە قاتاردان ءبىر ورىندى بوس قالدىرىپ قويادى ەكەن. ولار: ”ول بار بولسا، مەيلى جەر ءتۇزىلىسى قانشاما قۇلاما قۇز بولسا دا قورىقپايمىز. بۇدان كەيىنگى جولدى ءبىز تاعى دا بىرگە باسا بەرەمىز“، - دەيدى.

  كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار