گەرجەستبانۇم ابدۇرەشيت:
”ناۋقاستاردىڭ ءومىرىن جانە دەنساۋلىعىن قورعاۋ مەنىڭ بورىشىم“
□ انار بۇلت/ شينجياڭ گازەتىنىڭ ءتىلشىسى سۇڭ ۋيگو
2021.03.19 15:19 كەلۋ قاينارى : شينجياڭ گازەتى
3 - ايدىڭ 16 - كۇنى گەرجەستبانۇم ابدۇرەشيت ىلە قازاق اۆتونوميالى وبلىستىق پارتكوم پارتيا مەكتەبىنىڭ جاس كادرلاردى باۋلۋ كۋرسىنىڭ كلاسىندا مۇعالىمىنىڭ تۇسىندىرمەسىن تىڭداي وتىرىپ، مۇقيات ەستەلىك الۋدا.
بيىل 2 - ايدا گەرجەستبانۇم ىلە قازاق اۆتونوميالى وبلىستىق شينحۋا شيپاحاناسىنىڭ وكپە اۋرۋلارى بولىمىنەن شۇعىل ەمدەۋ بولىمىنە اۋىستىرىلىپ، قىزمەتى ونان ارى قاربالاستىققا ءتۇستى، الايدا ول تاتيدى دەپ ءبىلدى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، شينحۋا شيپاحاناسى ىلە وبلىسىنىڭ جاڭا تيپتى ايدارشا ۆيرۋس وكپە قابىنۋ ىندەتىن قۇتقارۋ - ەمدەۋگە بەلگىلەنگەن شيپاحانا بولىپ بەكىتىلدى. شيپاحانا پارتكومى دەرەۋ جيىن اشىپ، ىندەتتەن ساقتانۋ، قۇتقارۋ - ەمدەۋ اترەتىن ۇيىمداستىردى، گەرجەستبانۇم ىرىقتىلىقپەن سۇرانىپ، كۇتىمدەۋ بولىمىنە شايقاسقا سۇرانۋ ءوتىنىشىن تاپسىرىپ، ىندەتپەن بەلدەسۋدىڭ ءبىرىنشى شەبىنە اتتانۋدى تالاپ ەتتى.
”پارتيا مۇشەسىمىن، بولىمىمىزدە مەن ەڭ جاسپىن، مەنىڭ بارۋىم ەڭ ۇيلەسىمدى!“، - دەپ گەرجەستبانۇم شايقاسقا سۇرانۋ وتىنىشىندە مىزعىماس سەرتىن جازدى.
شيپاحانا ءوتىنىشىن بەكىتكەننەن كەيىن عانا گەرجەستبانۇم اناسىنا ايتتى. ول ۇيىندە ايالداماستان توتە بەلگىلەنگەن شيپاحاناعا قاراي تارتتى.
جاڭادان وزگەرتىپ سالىنعان ناۋقاستار رايونىنىڭ ءارقايسى زال - وتكەلدەرىنە كىرىپ - شىعۋ بارىسىمەن، ەمدەۋ قوقسىقتارىن ءبىر جايلى ەتۋ بارىسىمەن، شۇعىل قۇتقارۋ اسپاپتارىن ىستەتۋمەن تانىسىپ، ءتۇرلى باۋلۋعا قاتىناستى... بەلگىلەنگەن شيپاحاناعا ورنالاسقان ءبىرىنشى كۇننەن باستاپ گەرجەستبانۇم قاربالاس قىزمەت كۇيىنە ءتۇستى.
”تۇڭعىش ناۋقاس شيپاحاناعا اكەلىنگەن كەزدە، مەن ءبىرىنشى بولىپ اۋاشالاۋ كيىمىن كيىپ، اۋاشالانعان ناۋقاستار بولمەسىنە كىردىم“. گەرجەستبانۇم لاستانعان رايونعا كىرگەندە شىنىمەن ءبىراز ابىرجىعانىن ەسكە الدى.
تازا رايوننان جارتىلاي لاستانعان رايونعا، ودان لاستانعان رايونعا دەيىن، گەرجەستبانۇم، ءبىر جاعىنان، قابات - قابات قورعانۋ كيىمىن كيىپ، ەندى ءبىر جاعىنان، وزىنە دەم بەردى. وزىنەن ارمان ابىرجىعان ناۋقاستاردى كورگەندە گەرجەستبانۇم ءوزىنىڭ ەمدەۋ قىزمەتكەر ەكەنى ەسىنە ءتۇسىپ، اجالعا اراشاشى، جارالىعا مەدەت بولۋ بورىشىم، ناۋقاستاردىڭ اۋرۋدى جەڭۋىنە اناعۇرلىم كوپ سەنىم جانە باتىلدىق سيلاۋىم كەرەك دەگەن كۇشتى جاۋاپكەرشىلىك سەزىم مەن بورىشتىلىق سەزىم ساناسىندا بىردەن جىلت ەتتى.
بەلگىلەنگەن شيپاحانادا گەرجەستبانۇم دياگنوزى تۇراقتانعان 12 ناۋقاستى ەمدەۋ - قۇتقارۋعا، كۇتىمدەۋگە ات سالىستى. ءار رەت قوبالجىعان ناۋقاستاردى كورگەندە، ول ولارعا اقىل - كەڭەس بەرىپ، ناۋقاستاردى اۋرۋدى جەڭۋگە سەنىم ورناتۋعا شابىتتاندىردى.
ناۋقاستاردىڭ مولايۋىنا بايلانىستى، تاعى دا جاڭا سەسترالار قۇتقارۋ - ەمدەۋ قوسىنىنا ۇزدىكسىز قوسىلىپ جاتتى. وسى كەزدە گەرجەستبانۇم دەمالىس ۋاقىتىنان پايدالانىپ ىرىقتىلىقپەن 2 -، 3 - كەزەكتە تۇرعان سەسترالاردى باۋلىپ، قۇتقارۋ ارەكەتتەرىن قايتالاپ كورسەتىپ، قايتا - قايتا تاپسىرىپ، ءوز تاجىريبەلەرىن ”جاۋىنگەر سەرىكتەرىنە“ ەش بۇكپەسىز ۇيرەتتى.
2020 - جىلى 9 - ايدىڭ 8 - كۇنى گەرجەستبانۇم مەملەكەتتىك تاڭداۋلى كوممۋنيستىك پارتيا مۇشەسى اتاعىنا يە بولدى، 2021 - جىلى 1 - ايدا ول اۆتونوميالى رايوندىق حالىق قۇرىلتايى ۋاكىلىنە تولىقتاپ سايلاندى. تاياۋدا شينحۋا شيپاحاناسى ونى شۇعىل ەمدەۋ بولىمىنە اۋىستىردى، سونىمەن بىرگە، تاعى ونى ىلە وبلىستىق پارتكوم پارتيا مەكتەبىنە جاس كادرلاردى باۋلۋ كۋرسىنا جىبەرىپ، اناعۇرلىم كوپ ءبىلىم جانە نازاريا ۇيرەنۋىنە مۇمكىندىك جاسادى.
”مەن تەك كوممۋنيستىك پارتيا مۇشەسى ىستەۋگە ءتيىستى ءىستى ىستەدىم، الايدا وسىنشاما كوپ داڭققا بولەندىم. بۇدان بىلاي مەن اناعۇرلىم قۇلشىنا قىزمەت ىستەپ، مىندەتىمدى اناعۇرلىم مۇقيات ادا ەتىپ، اناعۇرلىم كوپ ناۋقاستىڭ ءومىرىن جانە دەنساۋلىعىن قورعايمىن، بۇل مەنىڭ بورىشىم“، - دەدى گەرجەستبانۇم.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
