لي كىچياڭ ورمان، جايىلىم ورتىنەن ساقتانۋ - ءوشىرۋ قىزمەتىنە ماڭىزدى بەكىتۋ سالىپ مىنانى دارىپتەدى
ءورت اپاتى قاتەرىنەن تۋ باستان ساقتانىپ جانە ونى جويىپ، ءورت اپاتىنان ساقتانۋ – ءوشىرۋ نەگىزدىك قۇرىلعىلارىنداعى ولقىلىقتاردى جەدەل تولىقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە ەكولوگيالىق حاۋىپسىزدىكتى قامتاماسىزداندىرۋ كەرەك
2021.03.19 16:17 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 18 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بىرنەشە كۇننىڭ الدىندا ورمان، جايىلىم ورتىنەن ساقتانۋ - ءوشىرۋ قىزمەتى جونىندە ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: ورمان، جايىلىم ورتىنەن ساقتانۋ - ءوشىرۋ قىزمەتى − حاۋىپسىزدىك پەن دامۋعا قاتىستى ءىرى ءىس. قازىر ەلىمىزدىڭ باسىم كوپ ساندى رايونى ورمان، جايىلىمدا كوكتەمگى ورتتەن ساقتانۋ مەزگىلىنە ءوتتى. جەر - جەر، قاتىستى تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋدان، ءومىردى ارداقتاۋدان جازباي، ساقتانۋدى نەگىز ەتۋ، ساقتانۋ مەن قۇتقارۋدى ۇشتاستىرۋ، جوعارى ونىمدىلىكپەن قۇتقارۋ، حاۋىپسىزدىكتى ءبىرىنشى ورىنعا قويۋ باعىتىندا تاباندى بولىپ، ورمان، جايىلىم ورتىنەن ساقتانۋ - تىزگىندەۋ قىزمەتىن شىنايى، ەگجەي - تەگجەيلى يگەرۋى كەرەك. ءار دارەجەنىڭ، ءار بۋىننىڭ جاۋاپكەرلىگىن ونان ارى قاتايتىپ، ناقتىلاندىرىپ، شۇعىل جاعدايعا توتەپ بەرۋدى باسقارۋ تاراۋلارىنىڭ جالپىلىق ابزالدىعى مەن ورمان، جايىلىم سياقتى تاراۋلاردىڭ كاسىپتىك ابزالدىعىن ءونىمدى ساۋلەلەندىرىپ، قىزمەتتىڭ بىرىككەن كۇشىن قالىپتاستىرۋ كەرەك. ۇگىت - تاربيە، باقىلاۋ - ولشەۋ، ساقتاندىرۋ، ءورت قاينارىن باسقارۋ - مەڭگەرۋ، كومەسكى قاتەردى اداقتاۋ - تەكسەرۋ سياقتى نەگىزدىك قىزمەتتەردى كۇشەيتىپ، ءورت اپاتىنىڭ حاۋىپ - قاتەرىنەن تۋ باستان ساقتانۋ جانە ونى جويۋ كەرەك. ءورت ءسوندىرۋ، ورتتەن ساقتانۋ نەگىزدىك قۇرىلعىلارىنداعى ولقىلىقتاردى جەدەل تولىقتاپ، جوبا جۇيەسى، كاسىپتىك قوسىن سياقتى قۇرىلىستاردى كۇشەيتىپ، شۇعىل جاعدايعا توتەپ بەرۋ، ءبىر جاقتى ەتۋ دايىندىعىن ويداعىداي ىستەپ، جەدەل ءۇن قوسۋ، جوعارى ءونىمدى ءورت ءوشىرۋ قابىلەتىن جوعارىلاتىپ، ەرەكشە اۋىر ورمان، جايىلىم ءورت اپاتىنىڭ تۋىلۋىن باتىل تەجەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە ەكولوگيالىق حاۋىپسىزدىكتى قامتاماسىز ەتۋ كەرەك.
مەملەكەتتىك كەڭەستىڭ مۇشەسى، مەملەكەتتىك ورمان، جايىلىم ورتىنەن ساقتانۋ - ءوشىرۋ قولباسشىلىق شتابىنىڭ باس قولباسشىسى ۋاڭ يۇڭ 3 - ايدىڭ 18 - كۇنى ورمان، جايىلىم ورتىنەن ساقتانۋ - ءوشىرۋ قىزمەتى جونىندەگى مەملەكەتتىك تەلەۆيزور - تەلەفون ماجىلىسىنە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ اپاتتان ساقتانۋ، اپات زيانىن ازايتۋ جانە ورمان، جايىلىم ورتىنەن ساقتانۋ - ءوشىرۋ قىزمەتىن كۇشەيتۋ جونىندەگى ءبىرقىدىرۋ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋ تالابىن تياناقتاندىرىپ، حالىقتى بارىنەن جوعارى قويۋدان، ءومىردى ارداقتاۋدان جازباي، ورمان، جايىلىم ورتىنەن ساقتانۋ – وشىرۋدەگى ءتۇرلى قىزمەتتى تىڭعىلىقتى ىستەپ، اۋىر، ەرەكشە اۋىر ءورت اپاتى مەن ادامداردىڭ جارالانۋ، ءولۋ شىرعالاڭىنىڭ تۋىلۋىنان قاتاڭ ساقتانىپ، پارتيا قۇرىلعانىنىڭ 100 جىلدىعىن قۇتتىقتاۋ جانە ەكونوميكالىق، قوعامدىق دامۋ ءۇشىن حاۋىپسىز، ورنىقتى ورتا ازىرلەۋ كەرەك.
ۋاڭ يۇڭ بىلاي دەپ اتاپ كورسەتتى: قازىر ورمان، جايىلىم ورتىنەن ساقتانۋ جاعدايى ءالى دە اۋىر، جەر - جەر، قاتىستى تاراۋلار جانە ورىندار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، پارتيا مەن ۇكىمەت بىردەي جاۋاپكەرلىك ارقالاۋ، ءبىر قىزمەت ورنىندا قوس جاۋاپكەرلىك ارقالاۋ، بىرگە يگەرىپ، بىرگە باسقارۋ، مىندەتىن وتەمەگەندەردىڭ جاۋاپكەرلىگىن قۋزاۋ تالابىنا ساي، جاۋاپكەرلىك جەلىسىن مىقتاپ يگەرىپ، قۋزاۋ - جەتەكشىلىك ەتۋدى، تەكسەرۋدى كۇشەيتىپ، شارالاردىڭ تياناقتانۋىن مىقتى يگەرۋى كەرەك. تۋ باستان باسقارۋ - مەڭگەرۋدى كورنەكتى تۇردە مىقتى يگەرىپ، دالاداعى ءورت قاينارىن جانە زاڭعا قايشى وت جاعۋدى ارناۋلى جونگە سالۋدى ىلگەرىلەتىپ، ءورت اپاتىنىڭ كومەسكى قاتەرىن تۇبەگەيلى تەكسەرىپ، تۇزەتىپ، بولەككە ءبولىپ باسقارۋ مەن بۇقارالىق ساقتانۋ، بۇقارالىق تىزگىندەۋدى كۇشەيتۋ كەرەك. شۇعىل جاعدايعا توتەپ بەرۋ كەزەكشىلىگىن قاتايتىپ، شۇعىل جاعدايعا توتەپ بەرۋ جوباسىن كەمەلدەندىرىپ، باقىلاۋ - ولشەۋ، ساقتاندىرۋ جانە شۇعىل جاعدايعا توتەپ بەرۋ كۇشتەرىنىڭ دايىندىعىن كۇشەيتىپ، توسىن تۋىلعان ءورتتى دەر كەزىندە عىلمي ءبىر جاقتى ەتىپ، ەرتە باستان، ۇلعايماي تۇرعاندا سوققى بەرىپ، شاعىن ءورت اپاتىنىڭ اۋىر اپاتقا اينالۋىنان ساقتانۋ كەرەك. «14 – بەسجىلدىق» جوبا مەزگىلىندەگى ورمان، جايىلىمدى ورتتەن ساقتاۋ قىزمەتىن جۇيەلى جوسپارلاپ، ءتۇزىلىس، مەحانيزمدى ۇزدىكسىز جونگە سالىپ، نەگىزگى ساتىنىڭ نەگىزدىك قابىلەتىن جاپپاي جوعارىلاتىپ، ورمان، جايىلىم ورتىنەن ساقتانۋ - ءوشىرۋ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
